Featured ព័ត៌មានសង្គម សន្តិសុខ

លិចទូកក្នុងសមុទ្របាត់ខ្លួនម្នាក់រហូតពេលនេះរកមិនទាន់ឃើញ

ព្រះសីហនុ៖អ្នកនេសាទម្នាក់បានបាត់ខ្លួននិងម្នាក់ទៀតត្រូវបានរកឃើញដោយសារលិចទូកនេសាទនៅស្រុកស្ទឹងហាវខេត្តព្រះសីហនុ។ សមត្ថកិច្ចបានឱ្យដឹងថា កាលពីរសៀលថ្ងៃទី១៤ ខែកញ្ញាមានទូកនេសាទមួយគ្រឿងបានលិចនៅម្តុំចុងអូរប្រមាណ១០០ម៉ែត្រពីដីគោក ឃុំទំនប់រលក ស្រុកស្ទឹងហាវ ។ នៅលើទូកនេសាទមានមនុស្ស២នាក់ឪពុកនិកូន ឈ្មោះមាឃ សៀកអាយុ៤៧ឆ្នាំនិងឈ្មោះ ស៊ន មករា អាយុ១៤ឆ្នាំ បានបាត់ខ្លួនរកមិនទាន់ឃើញ ។ រហូតមកដល់រសៀលថ្ងៃទី១៥ខែកញ្ញា ឆ្នាំ២០២១នគរបាលខេត្តព្រះសីហនុជាមួយកម្លាំងគណ:បញ្ជាការឯកភាពស្រុកស្ទឹងហាវនិងក្រុមមុជទឹកអង្គភាពកំពង់ផែស្វយ័តក្រុងព្រះសីហនុ ។ជាមួយនោះមានក្រុមការងារក្រុមហ៊ុន ជី.ធី.វី.ស៊ី ស្ពីដប៊ូត កម្ពុជា(G.T.V.C) ដឹកនាំដោយ ឧកញ៉ា ទៀ វិចិត្រ កំពុងបន្តរកជនរងគ្រោះឈ្មោះ ស៊ន មករា ដែលបានបាត់ខ្លួននោះ ៕ដោយ៖ដែនសមុទ្រ

Featured ព័ត៌មានសង្គម សន្តិសុខ

ឃុំខ្លួនបុរសម្នាក់រឿងរំលោភកូនដើម,ប្រើអាវុធខុសច្បាប់និងវ៉ៃប្រពន្ធ

ភ្នំពេញ៖តុលាការរាជធានីភ្នំពេញកាលពីថ្ងៃទី១២ខែកញ្ញាឆ្នាំ២០២១បានឃុំខ្លួនបុរសម្នាក់ដាក់ពន្ធនាការលើបទល្មើសចំនួន៥បទល្មើស ។ សូមបញ្ជាក់ថា កាលពីរសៀលថ្ងៃទី១០ខែកញ្ញា ឆ្នាំ២០២១ សមត្ថកិច្ចបានបញ្ជូនបុរសរូបនេះ ទៅតុលាការពាក់ព័ន្ធជាប់ចោទ៥បទល្មើស ១,វ៉ៃប្រពន្ធធ្វើបាបប្រពន្ធ ២,ប៉ងរំលោភសេពសន្ថវៈលើកូនដើម, ៣បង្ខាំងមនុស្ស ៤,គំរាមសម្លាប់និង៥,ប្រើអាវុធខុសច្បាប់។ ជនជាប់ចោទឈ្មោះឡេង ប៊ុនស្រ៊ី អាយុ៥៦ឆ្នាំស្រុកកំណើតនៅឃុំស្វាយឃ្លាំង ស្រុកក្រូចឆ្មា ខេត្តកំពង់ចាម។បុរសនេះបានរៀបការជាមួយស្រ្តីម្នាក់មេម៉ាយកូន៥នៅចុងឆ្នាំ២០១១។កាលពីថ្ងៃទី៧ ខែកញ្ញា សមត្ថកិច្ចទទួលបានការសុំអន្តរាគមន៍ពីដើមបណ្តឹងថា កូនរបស់គាត់២នាក់ ត្រូវបានប្តីបង្ខាំងទុកក្នុងផ្ទះ។ នគរបាលបានចុះនៅផ្ទះលេខ៤៩ សង្កាត់អូរបែកក្អម ខណ្ឌសែនសុខ រកឃើញជាក់ស្តែងថា ពិតជាមានចាក់សោរបង្ខាំងមនុស្ស២នាក់ខុសច្បាប់មែន។សមត្ថកិច្ចនិងអាជ្ញាធរភូមិបានកាត់សោផ្ទះ រំដោះកូនទាំងពីរនាក់នោះមកវិញ។ ជំនាញតាមចាប់ជនសង្ស័យបាននៅព្រលប់ថ្ងៃទី ៧ ខែកញ្ញា យកមកសាកសួរស្រាប់តែកូនស្រីដើមរបស់ជនសង្ស័យបានប្រាប់ថា នាងធ្លាប់ត្រូវបានឪពុកចុងរូបនេះចាប់រំលោភផងដែរតែនាងមិនហ៊ានប្រាប់អ្នកណាទេ ព្រោះគាត់បានគម្រាមថាសម្លាប់។ ស្ត្រីរងគ្រោះបានបន្តថា ជននេះធ្លាប់ជាប់គុក៦ឆ្នាំរួចមកហើយព្រោះសម្លាប់មនុស្សពីមុនមក និងមានកាំភ្លើង ខ្លី១ដើមទៀត ។ទោះបីយ៉ាងណាគេមិនអាចសុំការបំភ្លឺពីជនជាប់ចោទបាននៅឡើយទេ៕ដោយ៖ចឹកឡេង

ព័ត៌មានសង្គម សន្តិសុខ

ដោះលែងនគរបាលដែលវាយក្បាលស្ត្រីឱ្យរយៈក្បាលទៅអង្គភាពវិញ

ភ្នំពេញ៖បន្ទាប់ពីស៊ើបសួររយៈពេល២ថ្ងៃករណីមន្ត្រីនគរបាលខណ្ឌ៧មករាម្នាក់បានយកវិទ្យុទាក់ទងវាយក្បាលស្ត្រីដែលជិះម៉ូតូល្មើសច្បាប់ចរាចរណ៍ឱ្យរយៈក្បាលនោះមកតុលាការបានដោះលែងឱ្យទៅអង្គភាពវិញ។ មន្ត្រីតុលាការភ្នំពេញបានឱ្យដឹងនៅថ្ងៃទី១២ខែកញ្ញាថា ចៅក្រមស៊ើបសួរបានសម្រេចប្រគល់មន្ត្រីនគរបាលផ្នែកអន្តរាគមន៍ឱ្យទៅអង្គភាពវិញ ដោយមិនមានការដាក់ទោសទណ្ឌឬឃុំខ្លួនដាក់ពន្ធគារនោះទេ ។មន្ត្រីផ្នែកព្រហ្មទណ្ឌខណ្ឌ៧មករាបានឱ្យដឹងថា ឈ្មោះម៉ាត់ ពិសី ត្រូវបានអង្គភាពដាក់ពិន័យកងកម្លាំង១ខែដោយមិនអនុញ្ញាតឱ្យចេញទៅណាដោយគ្មានបទបញ្ជាទេ។ សូមរំលឹកថា មន្ត្រីនគរបាលរូបនោះឈ្មោះម៉ាត់ ពិសី អាយុ៣០ឆ្នាំអនុសេនីយ៍ទោជាប់ពាក់ព័ន្ធថា បានយកវិទ្យុទាក់ទងវាយក្បាលស្ត្រីម្នាក់ដែលជិះម៉ូតូល្មើសច្បាប់ចរាចរណ៍។ហេតុការណ៍នេះបានកើតឡើងនៅយប់ថ្ងែទី៨ខែកញ្ញានៅម្ដុំអាងទឹកពហុកីឡដ្ឋានជាតិអូឡាំពិកសង្កាត់ វាលវង់ខណ្ឌ៧មករា។ ក្រោយហេតុការណ៍នោះ លោកម៉ាត់ ពិសីត្រូវបានឃាត់ខ្លួនរង់ចាំការដោះស្រាយជាមួយភាគីរងរបួស។ប៉ុន្តែដំណោះការស្រាយនោះដោយមានការទាមទារប្រាក់សំណងដល់ទៅ១ម៉ឺនដុល្លារអាមេរិកមិនបានសម្រេចនៅរសៀលថ្ងៃទី៩ខែកញ្ញា បានបញ្ជូនឈ្មោះម៉ាត់ពិសីទៅតុលាការ៕ដោយ៖ចឹកឡេង

Featured ព័ត៌មានសង្គម វប្បធម៌

ឈើតាត្រាវមានលក្ខណ:ពិសេសអាចការពារមិនឱ្យរន្ទះបាញ់នៅម្ដុំប្រាសាទ

សៀមរាប៖ មន្ត្រីបច្ចេកទេសនៃអាជ្ញាធរជាតិអប្សរាបានឱ្យដឹងថា ឈើតាត្រាវគឺមានលក្ខណ:ពិសេស មិនត្រឹមតែធន់ជាប់បានយូររយៈពេលរាប់ពាន់ឆ្នាំប៉ុណ្ណោះទេតែថែមទាំងអាចការពារមិនឱ្យរន្ទះបាញ់ នៅម្ដុំប្រាសាទទៀតផង។ មន្ត្រីដដែលបានបន្តថា ជាយូរលង់មកហើយ នៅតាម វត្ដអារាម ជាច្រើនក្នុងប្រទេសកម្ពុជា ក៏គេតែងសង្កេត ឃើញមានការ យកឈើតាត្រាវ ទៅប្រើប្រាស់ លើសំ ណង់ ធ្វើព្រះពុទ្ធបដិមានិងយកឈើនេះ ធ្វើពិធីបូជាផ្នែក សាស នា  ផងដែរ ។ឈើតាត្រាវ គឺ ជាឈើដែលមើលទៅ មាន លកលក្ខណ:សាមញ្ញ។ ប៉ុន្តែគុណតម្លៃ របស់វា គឺ ល្អបំផុត គ្មានឈើណាប្រៀបបាន ទេសម្រាប់ យកមក ជួយ ទល់ទ្រនិងទប់ជ្រែងប្រាសាទបុរាណនានាឱ្យមានភាពគង់វង្ស បាន យូរ អង្វែង លោក ឃាម មុនីមន្ត្រីបច្ចេកទេសនៃនាយកដ្ឋានអភិរក្សប្រាសាទក្នុងឧទ្យានអង្គរ  និងបុរាណវិទ្យា បង្ការ បានបញ្ជាក់ថា តាមការស្រាវជ្រាវឃើញថាតាំងពីសម័យអង្គរ មក  គឺបុព្វបុរសខ្មែរ បានប្រើ ឈើតាត្រាវ  និងឈើជើងចាប ដើម្បីធ្វើជាធ្នឹមទល់ទ្រប្រាសាទ បុរាណ នានា ឱ្យមានលំនឹង ។ […]

ព័ត៌មានសង្គម សន្តិសុខ សេដ្ឋកិច្ច

ភ្លៀងខ្លាំងធ្វើឱ្យផ្លូវខ្លះរងផលប៉ះពាល់និងខូចជាជង្ហុក

ព្រះវិហារ៖ក្នុងខេត្តព្រះវិហារមានភ្លៀងធ្លាក់ខ្លាំងធ្វើឱ្យផ្លូវមួយចំនួនរងផលប៉ះពាល់លិចលង់និងខូចជាជង្ហុកត្រូវផ្នែកជំនាញសាធារណការសុំឱ្យពលរដ្ឋបង្កើនការប្រុងប្រយ័ត្នពេលធ្វើដំណើរ។ លោក សំ លាងទ្រី ប្រធានមន្ទីរសាធារណការបានឱ្យដឹងនៅល្ងាចថ្ងៃទី១១ កញ្ញា ថា ដោយសារតែទឹកភ្លៀង ធ្លាក់ជាប់ៗគ្នា ប៉ុន្មានថ្ងៃនេះ បានធ្វើឱ្យផ្លូវជាតិលេខ៩៤ លេខ៩២ និងផ្លូវខេត្តលេខ 2pvh4 ត្រូវបានទឹកហូរកាត់ជន់លិចដោយកន្លែង។រីឯកន្លែងខ្លះទៀតទឹកហូរគួចហូរខ្លាំង ក៏ក្លាយជាជង្ហុក។ លោកប្រធានបានបន្តថា ក្នុងស្ថានភាពបែបនេះ ក្រុមការងារមន្ទីរបានជួសជុល និងថែទាំផ្លូវថ្នក្នុង ខេត្តបានចុះដាក់ផ្លាកសញ្ញា ឱ្យអ្នកធ្វើដំណើរមានការប្រុងប្រយ័ត្ន ដូចជាដោតបង្គោល និងមែនឈើធំៗកន្លែងដែលខូចខាតជាដើម។ លោក សំ លាងទ្រី បានបន្តថា មន្ទីរសាធារណការ និងដឹកជញ្ជូនខេត្ត បានយកចិត្តទុកដាក់ក្នុងការជួសជុល ថែទាំជាប្រចាំ ផ្លូវដែលគ្រប់គ្រងដោយមន្ទីរ ដោយមិនគិត ពីរដូវប្រាំង និងរដូវវស្សានេះទេ។ ធ្វើយ៉ាងណាមិនឱ្យមានគ្រលុក និងសំបុកមាន់ ពិសេសស្របពេលរដូវវស្សាចូលមកដល់ ដើម្បីជួយអន្តរាគមន៍បានទាន់ពេលវេលា ពេលមានករណីគ្រោះទឹកជំនន់ជាយថាហេតុកើតឡើង៕ដោយ៖សៅវ៉ាន់ឌី

ព័ត៌មានសង្គម សន្តិសុខ

យោធាថៃឃាត់ខ្លួនពលករខ្មែរ៤៨នាក់ឆ្លងដែនខុសច្បាប់

បាត់ដំបង៖កងយោធាឈុតខ្មៅថៃបានឃាត់ខ្លួនពលករខ្មែរចំនួន៤៨នាក់ាពេលពួកគេនាំគ្នា ឆ្លងដែនចូលក្នុងទឹកដីថៃដើម្បីស៊ីជាកម្មករ។សមត្ថកិច្ចព្រំដែនបានបញ្ជាក់ឱ្យដឹងថា ការឃាត់ខ្លួនពលករខ្មែរខាងលើនេះធ្វើឡើងកាលពីថ្ងៃទី៩ ខែកញ្ញា ឆ្នាំ ២០២១ ឋិតនៅ ខេត្តច័ន្ទបុរី ប្រទេសថៃ។ ពលរដ្ឋខ្មែរដែលថៃឃាត់ខ្លួននេះ ចំនួន ៤៨នាក់ ក្នុងនោះមានបុរស១៨នាក់រួមទាំងក្មេង៧នាក់ផងដែរ។ក្រុមពលករបានប្រាប់សមត្ថកិច្ចថា ការឆ្លងដែនចូលទៅក្នុងទឹកដីថៃនេះគឺដើម្បីស្វែងរកការងារធ្វើ ពួកខ្លួនត្រូវចំណាយលុយឱ្យមេខ្យល់ក្នុងម្នាក់ៗ៤.០០០ពាន់បាត ស្មើជាង ៤០ម៉ឺនរៀលក្នុងម្នាក់ៗ ឆ្ពោះទៅស្រុកពោងណាំរ៉ននិងស្រុកសយដាវបន្តទៀតក្នុងគោលបំណងទៅស៊ីឈ្នួលបេះផ្លែមៀនឱ្យថៅកែជនជាតិថៃ៕ដោយ៖សុខុម

ព័ត៌មានសង្គម សន្តិសុខ សេដ្ឋកិច្ច

អាល់កុលក្លែងក្លាយជិត១.០០០ប៊ីដុងត្រូវចាក់បំផ្លាញចោល

តាកែវ៖កម្លាំងនគរបាលខេត្តតាកែវកាលពីរសៀលថ្ងៃទី៩ ខែកញ្ញា ឆ្នាំ២០២១ បានចាក់បំផ្លាញចោលអាល់កុលក្លែងក្លាយចំនួន៩៤៤ប៊ីដុងបន្ទាប់ពីបង្ក្រាបនិងដកហូតបាន​ទីតាំង​ផ្សេងគ្នា​ ក្នុងស្រុក​គីរីវង់​។​ មន្ត្រីជំនាញបានឱ្យដឹងថា ទឹក​អាល់កុល​ក្លែងក្លាយ​ជាមេ​តា​ណុលដែល​បាន​ចាក់​បំផ្លាញចោល​ មាន​ចំនួន​៩៤៤​ប៊ីដុង​ស្មើ​នឹង​២៨.៣២០​លីត្រ បន្ទាប់ពីបង្រ្កាបបានកាលពី​សប្តាហ៍មុន។ការចាប់ទឹកអាល់កុលក្លែងក្លាយ នេះដោយផ្នែក​ជំនាញ​បន្ទាប់ពីបាន​ប្រទះឃើញ​រ៉ឺម៉ក​ម៉ូតូ​២​គ្រឿង​ កំពុងដឹក​ នៅតាម​​ផ្លូវជាតិ​២​ស្ថិតក្នុង​ភូមិ​ផ្សារ ឃុំ​ភ្នំ​ដិ​ន ស្រុក​គីរីវង់ ខេត្តតាកែវ​។ កម្លាំង​នគរបាល ជាមួយ​មន្ត្រី​សាខា​កាំកុងត្រូល​ប្រចាំ​ខេត្តតាកែវ ឃាត់និងរឹបអូសទឹក​អាល់​ក្លែងក្លាយ​​ចំនួន​២ទីតាំង​ផ្សេងគ្នា​ដែលមាន​តំណាង​ម្ចាស់​ទំនិញ​ឈ្មោះ ហុង ស្រី ម៉ាច និង​ឈ្មោះ ច័ន្ទ សុ​ណា មាន​ចំនួន​៩៤៤​ប៊ីដុង​ស្មើ​និង​២៨.៣២០​លីត្រ​យកទៅរក្សាទុក ហើយសម្រេចយកមកចាក់បំផ្លាញចោលតែម្តង៕ដោយ៖ដូនកែវ  

ព័ត៌មានសង្គម

ប្រកាសតែងតាំងផ្លាស់ប្តូរ មុខងារនាយ នាយទាហានតំបន់សឹករងព្រះវិហារ

ព្រះវិហារ៖នៅទីបញ្ជាការតំបន់ប្រតិបត្តិការសឹករង ព្រះវិហារនៅថ្ងៃទី១០ ខែកញ្ញា ឆ្នាំ២០២១បានប្រកាសតែងតាំងផ្លាស់ប្តូរ មុខងារតួនាទីភារកិច្ច របស់នាយ នាយទាហាន  ចំណុះ ទីបញ្ជាការតំបន់ប្រតិបត្តិការសឹករងព្រះវិហារ។ ពិធីនេះធ្វើឡើងក្រោមវត្តមានលោកឧត្តមសេនីយ៍ទោ ច័ន្ទ សុភ័ក្ត្រា មេបញ្ជាការ តំបន់ប្រតិបត្តិការសឹករងព្រះវិហារ និងមានការចូលរួមមេបញ្ជាការង នាយ នាយរងការិយា ល័យចំណុះទីបញ្ជាការ។ លោកមេបញ្ជាការបានណែនាំដាសតឿនបន្ថែមដល់នាយ នាយ ទាហាន ពលទាហានដែល ត្រូវបានទទួល តួនាទីភារកិច្ចថ្មី សូមកុំអោយភ្លើតភ្លើន និងតួនាទីភារកិច្ចថ្មីរបស់ខ្លួន ដែលទើបនឹងទទួលបានក្នុងពេលនេះ។ ជាមួយនោះសូមឱ្យយក តួនាទីភារកិច្ចថ្មីនេះ ទៅបំពេញឱ្យចំនូវគោលដៅ ភារកិច្ចរបស់ខ្លួន ក៏ដូចជា ភារកិច្ចរបស់ អង្គភាព ។ក្នុងនោះត្រូវអនុវត្តនូវវិធានការ៣កុំ៣ការពាររបស់ប្រមុខ រដ្ឋាភិបាល និងការ ផ្សព្វផ្សាយរបស់ក្រសួងសុខាភិបាល ៕ដោយៈ សៅវ៉ាន់ឌី

ព័ត៌មានសង្គម សន្តិសុខ សុខាភិបាល

បន្តអនុវត្តវិធានការរដ្ឋបាលមួយសប្តាហ៍ទៀតដើម្បីទប់ស្កាត់ Delta

ព្រះវិហារ៖រដ្ឋបាលខេត្តព្រះវិហារ បានចេញសេចក្តីសម្រេចដាក់ចេញវិធានការរដ្ឋបាលជាបណ្តោះអាសន្ន រយៈពេល១សប្តាហ៍ទៀត រហូតដល់ថ្ងៃទី១៦ ខែកញ្ញា ឆ្នាំ២០២១ ដើម្បីទប់ស្កាត់ការឆ្លងរាលដាលនៃជំងកូវីដ១៩ ប្រភេទ Delta ក្នុងខេត្ត។ តាមសេចក្តីសម្រេចដែលបណ្តាញព័ត៌ទទួលបាននៅព្រលប់ថ្ងៃទី៩ខែកញ្ញា ឆ្នាំ២០២១នេះ បានបញ្ជាក់ថា ត្រូវបានបន្តអនុវត្តន៍វិធានការរដ្ឋបាលជាបណ្តោះអាសន្ន ក្នុងភូមិសាស្ត្រខេត្តព្រះវិហារ សម្រាប់រយៈពេល៧ថ្ងៃ គិតចាប់ពីថ្ងៃទី១០ ខែកញ្ញា ឆ្នាំ២០២១ រហូតដល់ថ្ងៃទី១៦ ខែកញ្ញា ឆ្នាំ២០២១ សំដៅទប់ស្កាត់ការឆ្លងរាលដាលក្នុងសហគមន៍ ដែលបណ្តាលមកពីមេរោគកូវីដ១៩ ប្រភេទ Delta៕ដោយ៖សៅវ៉ាន់ឌី ខាងក្រោមនេះជាសេចក្តីប្រកាសរបស់រដ្ឋបាលខេត្តព្រះវិហារ

Featured ព័ត៌មានសង្គម សន្តិសុខ

ដាក់គុកស្ត្រីម្នាក់៧ឆ្នាំរឿងនាំក្មេងស្រីជាច្រើននាក់យកទៅលក់

ភ្នំពេញ៖សាលាឧទ្ធរណ៍ភ្នំពេញនៅព្រឹកថ្ងៃទី៨ ខែកញ្ញា បានប្រកាសសាលដីកាឱ្យស្ត្រីម្នាក់ដាក់ពន្ធនាគារ៧ឆ្នាំពីបទ នាំក្មេងស្រី១៥នាក់ទៅលក់ឱ្យបុរសជនជាតិចិនកាលពីឆ្នាំ២០១៧ដល់២០១៨។ ស្ត្រីដែលតុលាការសម្រេចឱ្យជាប់ពន្ធនាគារ៧ឆ្នាំនោះឈ្មោះ ស៊ុ សុគន្ធាអាយុ ៣៧ ឆ្នាំ។ស្ត្រីរូបនោះត្រូវបានសមត្ថកិច្ចចាប់ខ្លួននៅក្នុងឆ្នាំ២០១៩ហើយបានបញ្ជូនទៅតុលាការភ្នំពេញ។ តុលាការភ្នំពេញបាន ផ្តន្ទាទោសឱ្យជាប់ពន្ធនាគារ៧ឆ្នាំនិងសងជំងឺចិត្តជនរងគ្រោះម្នាក់ៗ២០លានរៀលពីបទជួញដូរមនុស្ស។ ប៉ុន្តែស្ត្រីជាជនជាប់ចោទបានប្តឹងទៅសាលាឧទ្ទរណ៍ហើយមកដល់ពេលនេះក៏បានបើសវនាកាដោយសម្រេចតម្កល់ទុកសាលក្រមតុលាការភ្នំពេញដែលបានផ្តន្ទាទោស៧ឆ្នាំនោះឱ្យនៅដដែល៕ដោយ៖មនោរម្យ