ភ្នំពេញ៖កម្លាំងនគរបាលរាជធានីភ្នំពេញកាលពីព្រឹកថ្ងៃទី១៣ ខែមិថុនាបានបញ្ជូនជនសង្ស័យម្នាក់ទៅតុលាការករណីជួញដូរអាវុធប្រភេទដាវខុសច្បាប់ដើម្បីចាត់ការតាមច្បាប់។ សមត្ថកិច្ចបានឱ្យដឹងថា ជនសង្ស័យឈ្មោះទីវ ឈុនទី ភេទប្រុស អាយុ២៤ឆ្នាំមុខរបរលក់ដូរស្នាក់នៅផ្ទះជួលសង្កាត់បឹង ទំពុន២ខណ្ឌមានជ័យ។កម្លាំងនគរបាលរាជធានីភ្នំពេញបានស្រាវជ្រាវចាប់ជនសង្ស័យកាលពីល្ងាចថ្ងៃទី១០ ខែមិថុនាឆ្នាំ២០២២នៅម្តុំស្ថានីយ៍ប្រេងឥន្ធនៈ PTT ផ្លូវមុន្នីរ៉េតខណ្ឌមានជ័យ។ មុនឈានដល់ការចាប់ខ្លួនជនសង្ស័យ ឈ្មោះទីវ ឈុនទី បានផ្សព្វផ្សាយដាក់លក់ដាវនៅលើគណនីហ្វេសប៊ុករបស់ឈ្មោះ Seven Tii និងតាមផេកឈ្មោះ Seven CamboSamoria ក្នុងដាវ១តម្លៃ៥០ដុល្លារនិងឱ្យអ្នកចង់ទិញដាវនេះទំនាក់ទំនងតាមលេខទូរសព្ទផ្ទាល់ខ្លួនរបស់គេ។ នៅថ្ងៃទី១០ ខែមិថុនាជនសង្ស័យបានយកដាវ១ទៅប្រគល់អតិថិជនត្រូវសមត្ថកិច្ចចាប់ខ្លួន និងយកដាវប្រវែង៧០សង់ទីម៉ែត្រ១ នាំទៅប៉ុស្តិ៍នគរបាលរដ្ឋបាលស្ទឹងមានជ័យ២ដើម្បីសាកសួរ។ក្រោយមកនគរបាលប៉ុស្តិ៍រដ្ឋបាលបឹងទំពុន២និងមានការអនុញ្ញាតពីម្ចាស់ផ្ទះជួលបានឆែកឆេរបន្ទប់ស្នាក់នៅរបស់ជនសង្ស័យរកឃើញវត្ថុតាងមានដាវចំនួន១៩០ដើមបន្ថែមទៀត៕
សន្តិសុខ
ដាក់ពន្ធនាគារប្តីករណីបាញ់សម្លាប់ប្រពន្ធពីបទឃាតកម្មគិតទុកជាមុន
ភ្នំពេញ៖តុលាការភ្នំពេញនៅព្រឹកថ្ងៃទី១៣ ខែមិថុនាឆ្នាំ២០២២បានឃុំខ្លួនប្តីបាញ់សម្លាប់ប្រពន្ធនៅដាក់ពន្ធនាគារបណ្តោះអាសន្នពីបទឃាតកម្មគិតទុកជាមុននិងកាន់កាប់អាវុធខុសច្បាប់។ សមត្ថកិច្ចបានឱ្យដឹងថា ជនត្រូវចោទឈ្មោះ ជា អូន អាយុ ២៥ ឆ្នាំនៅភូមិរោងចក្រ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ គ្មានផ្ទុកសារធាតុញៀន។ស្ត្រីអតីតជាប្រពន្ធដែលស្លាប់ឈ្មោះ នូ សុខនីតា ហៅស៊ីវអេង អាយុ ២២ ឆ្នាំនៅ ភូមិទួលរកា សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។ ក្រោយការបាញ់ប្រហារសមត្ថកិច្ចដកហូតវត្ថុតាង អាវុធខ្លី១ដើមម៉ាក K៥៩ រលប់លេខ,បង់ចំ១-គ្រាប់ចំនួន១គ្រាប់-កូនកាំបិតហូត១-ម៉ូតូ១គ្រឿងម៉ាកហុងដាផ្លាកលេខកណ្តាល1D-5011។សូមបញ្ជាក់ថា ហេតុការណ៍បាញ់សម្លាប់អតីតប្រពន្ធនេះបានកើតឡើងកាលពីថ្ងៃទី១០ ខែមិថុនា ឆ្នាំ២០២២ នៅ ភូមិទួលរកា សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ៕
ជិះម៉ូតូបុកជាមួយរថយន្តបណ្តាលឱ្យមនុស្ស២នាក់ស្លាប់ភ្លាមនៅស្រុកបសេដ្ឋ
កំពង់ស្ពឺ៖ក្មេងស្រី២នាក់ជិះម៉ូតូឌុបគ្នាបានគេចពីជង្ហុកជ្រុលទៅបុកជាមួយរថយន្តបណ្តាលឱ្យស្លាប់ទាំង២នាក់នៅឃុំកាត់ភ្លុក ស្រុកបសេដ្ឋ ខេត្តកំពង់ស្ពឺកាលពីល្ងាចថ្ងៃទី១២ ខែមិថុនា។មន្ត្រីនគរបាលបានឱ្យដឹងថា ក្មេងស្រីដែលស្លាប់ទាំង២នាក់ឈ្មោះអូន ស្រីកែវ អាយុ១៨ឆ្នាំ នៅភូមិចំពុះក្អែក សង្កាត់ព្រែកថ្មី ខណ្ឌច្បារអំពៅ និងអ្នករួមដំណើរមិនស្គាល់អត្តសញ្ញាណ អាយុជាង១៩ឆ្នាំ។ ពួកគេជិះម៉ូតូម៉ាកហុងដាឌ្រីមផ្លាកលេខ ភ្នំពេញ1HB- 8826។ចំណែករថយន្តម៉ាកមីស៊ូប៊ីស៊ីផ្លាកលេខ ភ្នំពេញ៣A-1964 អ្នកបើកបរមិនស្គាល់អត្តសញាណបានរត់គេចខ្លូន។ក្រោយកើតហេតុសមត្ថកិច្ចបានហៅរថយន្តសាមុយដឹកសពទៅតម្កល់នៅមន្ទីរពេទ្យស្រុកបសេដ្ឋរង់ចាំសាច់ញាតិមកទទួលយកទៅធ្វើបុណ្យ។ រីឯមធ្យោបាយទាំង២គញរឿងត្រូវបានយកទៅរក្សាទុកនៅអធិការដ្ឋាននគរបាលស្រុកបសេដ្ឋដើម្បីដោះស្រាយពេលក្រោយ៕
ស្ត្រីមេម៉ាយដើរលក់នំកំពុងឆ្លងផ្លូវត្រូវផាស្អេបបើកបុកបណ្តាលឱ្យស្លាប់
ភ្នំពេញ៖គ្រោះថ្នាក់ចរាចរណ៍កើតឡើងដោយមានស្ត្រីមេម៉ាយម្នាក់មុខរបរដើរលក់នំកំពុងឆ្លងផ្លូវត្រូវផាស្អេបបើកបុកពេញទំហឹងបណ្តាលឱ្យស្លាប់ភ្លាមហើយបើករត់គេចខ្លួនបាត់។ហេតុការណ៍នេះ បានកើតឡើងនៅតាមផ្លូវជាតិលេខ៣ ទល់មុខខ្លោងទ្វារវត្តជន្លង់ម្លូ ម្តុំភូមិព្រៃកំបុត សង្កាត់ចោមចៅទី២ ខណ្ឌពោធិ៍សែនជ័យកាលពីព្រឹកថ្ងៃទី១៣ ខែមិថុនាឆ្នាំ២០២២។ សមត្ថកិច្ចបានឱ្យដឹងថា សពស្ត្រីដែលស្លាប់ឈ្មោះ បឿនស្រីពៅ អាយុ៦៧ឆ្នាំមុខរបរលក់នំ នៅតាមមុខរោងចក្រ។ជាស្ត្រីមេម៉ាយមានកូនចំនួន៤នាក់ក្នុងបន្ទុកប្រុសម្នាក់ស្រី៣នាក់រស់នៅក្នុងភូមិទួលកី សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ។ មុនកើតហេតុ ស្ត្រីរងគ្រោះ ដើរចេញពីផ្ទះដៃមានយួរធុងស្ពេត្រូទៅលក់នំនៅមុខរោងចក្រ ដូចសព្វមួយដង។ពេលកំពុងដើរឆ្លងថ្នល់ ជិតផុតទៅហើយ ស្រាប់តែមានផាស្អេបពណ៌លឿង បើកយ៉ាងលឿន ពីត្បូងទៅជើងបានបុកស្រ្តីរងគ្រោះ ហើយកិនចំក្បាល បណ្តាលឱ្យស្លាប់។រីឯផាស្អេបក៏បន្ថែមល្បឿន បើករត់គេចបាត់តែម្តង។ក្រោយកើតហេតុ សមត្ថកិច្ចបន្តស្រាវជ្រាវរកផាស្អេបបង្កហេតុឱ្យមនុស្សស្លាប់នោះយកមកដោះស្រាយតាមច្បាប់៕
ឃុំមនុស្ស៨នាក់ករណីប្លន់,ដេញកាប់និងវាយម៉ូតូអ្នកដំណើរតាមផ្លូវ(មានវីដេអូ)(
ភ្នំពេញ៖តុលាការភ្នំពេញកាលពីថ្ងៃទី១២ ខែមិថុនាបានឃុំក្មេងទំនើង២ក្រុមចំនួន៨នាក់ដាក់ពន្ធនាគារបណ្តោះអាសន្នករណីដេញកាប់ប្លន់និងវាយម៉ូតូអ្នកដំណើរតាមផ្លូវសាធារណៈ។ សមត្ថកិច្ចបានឱ្យដឹងថា ជនត្រូវចោទឈ្មោះតូចមករា-ឈ្មោះសុខ សុវណ្ណមករា -ឈ្មោះហ៊ី ភារ៉ា ជាកម្មករសំណង់និងឈ្មោះខៀវសុវណ្ណារាជ អ្នកដឹកឥវ៉ាន់។ចំណែកក្រុមទី២មានគ្នា៤នាក់-ឈ្មោះហ៊ន សុភក្រ្ត -ឈ្មោះ ចាន់ រតនៈ -ឈ្មោះហួ ហង្សសុវិសាលនិងឈ្មោះ កុសល ចុងយាន អ្នកដឹកឥវ៉ាន់ក្រុមហ៊ុនអ៊ីហ្គេត។ពួកគេមានអាយុពី១៧ឆ្នាំដល់២៥ឆ្នាំ។ ក្រុមនេះត្រូវចាប់ខ្លួនកាលពីរំលងអាធ្រាត្រចូលថ្ងៃទី៩ ខែមិថុនាពីបទប្លន់និងផំផ្លាញទ្រព្យសម្បត្តិអ្នកដ៏ទៃ ដោយព្រួតគ្នាយកកាំបិតប៉័ងតោកាប់ម៉ូតូគេបណ្តាលឱ្យខូចខាតចំនួន៤គ្រឿងនិងបាក់ដាច់កន្ទុយម៉ូតូផ្លាកលេខ ភ្នំពេញ1FM2552 ១គ្រឿងរួចលួចយកកន្ទុយម៉ូតូទៅបាត់។ ប្រព្រឹត្តនៅមុខស្ថានីយ៍ប្រេងកាល់តិច ផ្លូវព្រះនរោត្តម សង្កាត់ទន្លេបាសាក់ ខណ្ឌចម្ការមន ។ ករណីទី២-ប្រើអំពើហិង្សាដោយព្រួតគ្នាយកកាំបិត ដុំថ្ម ខ្សែក្រវ៉ាត់ មួកសុវត្ថិភាព កាប់ គប់ និងវាយទៅលើជនរងគ្រោះបណ្តាលឱ្យរងរបួសដៃ គប់ដុំថ្មលើម៉ូតូបណ្តាលឱ្យបែកចង្កៀងខាងមុខ បែកស្តុបឆ្វេង ស្តុបខាងក្រោយម៉ូតូ និងបែកកុងទ័រ។ប្រព្រឹត្តនៅមុខហាងនំប៉័ងបាយ័ន ផ្លូវលេខ៧០ សង្កាត់ស្រះចក ខណ្ឌដូនពេញ កាលពីថ្ងៃទី១ ខែមិថុនា៕
រថយន្តបើកបុកម៉ូតូនិងកិនមនុស្សម្នាក់ឱ្យស្លាប់លើផ្លូវជាតិលេខ១
ភ្នំពេញ៖រថយន្តមិនស្គាល់អត្តសញ្ញាណបានបើកបុកម៉ូតូពីក្រោយពេលកំពុងមានភ្លៀងហើយកិនលើមនុស្សម្នាក់បណ្តាលឱ្យផ្ទុះក្បាលស្លាប់លើផ្លូវជាតិលេខ១យ៉ាងអណោចអធ័ម។មន្ត្រីនគរបាលចរាចរណ៍បានឱ្យដឹងថា គ្រោះថ្នាក់ដ៏រន្ធត់នេះបានកើតឡើងស្ថិតនៅមុខក្រុមហ៊ុនក្រឡុកសុម៉ង់តិ៍តាមផ្លូវជាតិលេខ១ ក្នុងសង្កាត់និរោធ ខណ្ឌច្បារអំពៅកាលពីម៉ោងជាង១០យប់ថ្ងៃទី១២ ខែមិថុនាឆ្នាំ២០២២។ មុនកើតហេតុបុរសម្នាក់មិនស្គាល់ឈ្មោះបានស្លាប់ខណៈជិះម៉ូតូពេលកំពុងធ្លាក់ភ្លៀងត្រូវរថយន្តមិនស្គាល់អត្តសញ្ញាណបានបុកនិងកិនពីលើ។ជនរងគ្រោះជិះម៉ូតូម៉ាកហុងដាគុបផ្លាកលេខ ផ០-៧៤២ ភព១ ធ្វើដំណើរតាមផ្លូវជាតិលេខ១ ពីកើតទៅលិចក៏ស្រាប់តែមានរថយន្តបើកមកពីក្រោយកៀរម៉ូតូឱ្យដួលចូលក្រោមកង់ហើយកិនពីលើផ្ទុះបែកក្បាលស្លាប់តែម្តង។ ភ្លាមនោះរថយន្តបង្កបានបន្ថែមល្បឿនជិះរត់គេចបាត់។ ក្រោយមកសមត្ថកិច្ចចុះយកម៉ូតូជនរងគ្រោះទៅរក្សាទុកនៅនគរបាលចរាចរណ៍រាជធានីភ្នំពេញ ដើម្បីស្រាវជ្រាវរកអ្នកបើករថយន្តបង្កមកទទួលខុសត្រូវក្នុងករណីនេះ៕
ត្រៀមបញ្ជូនជនសង្ស័យម្នាក់ករណីជួញដូរគ្រឿងញៀនទៅតុលាការ
តាកែវ៖នគរបាលស្រុកព្រៃកប្បាសកាលពីរសៀលថ្ងៃទី១២ ខែមិថុនាបានចាប់ជនសង្ស័យម្នាក់ពាក់ព័ន្ធគ្រឿងញៀននិងវត្ថុតាងនៅស្រុកព្រៃកប្បាស ខេត្តតាកែវត្រៀមបញ្ជូនទៅតុលាការ។ សមត្ថកិច្ចបានឱ្យដឹងថា កម្លាំងនគរបាលស្រុកព្រៃកប្បាសសហការជាមួយកម្លាំងប៉ុស្តិ៍នគរបាលរដ្ឋបាលអង្កាញ់បានចុះបង្ក្រាបករណីជួញដូរគ្រឿងញៀនខុសច្បាប់ដោយចាប់ជនសង្ស័យជាមុខសញ្ញាម្នាក់ ឈ្មោះ អ៊ូច សំអុល អាយុ២៣ឆ្នាំនៅភូមិត្រពាំងរកា ឃុំអង្កាញ់ ស្រុកព្រៃកប្បាស ខេត្តតាកែវ។ក្នុងនោះដកហូតវត្ថុតាង ម្សៅក្រាមពណ៌សថ្លាសង្ស័យជាសាធាតុញៀនចំនួន៣៨កញ្ចប់-ទូរសព្ទដៃ១គ្រឿង។ ក្រោយឃាត់ខ្លួនជនសង្ស័យខាងលើរួមទាំងវត្ថុតាងត្រូវបាននាំទៅអធិការដ្ឋាននគរបាលស្រុកព្រៃកប្បាសដើម្បីសាកសួរនិងកសាងសំណុំរឿងត្រៀមបញ្ជូនទៅតុលាការដើម្បីចាត់តាមច្បាប់៕
ជិះទូកលេងក្រឡាប់លិចលង់ទឹកស្លាប់២នាក់ចំណោមមនុស្ស៧នាក់
បន្ទាយមានជ័យ៖ក្មេងស្រីៗបាននាំគ្នាជិះទូកលេងក៏ក្រឡាប់លិចលង់ទឹកស្លាប់២នាក់ចំណោម៧នាក់ក្នុងអាងពន្លៃស្ថិតក្នុភូមិពន្លៃ ឃុំពន្លៃ ស្រុកភ្នំស្រុក ខេត្តបន្ទាយមានជ័យកាលពីល្ងាចថ្ងៃទី១១ ខែមិថុនា ឆ្នាំ២០២២។ លោកវរសេនីយ៍ទោ ប៉ិក គឹមហ៊ាក អធិការនគរបាលស្រុកភ្នំស្រុក បានឱ្យដឹងថា នៅល្ងាចថ្ងៃទី១១ ខែមិថុនាមានក្មេងស្រី២នាក់ បានលង់ទឹកស្លាប់នៅអាងទឹកពន្លៃពេលពួកគេជិះទូកលេង ហើយទូកនោះក៏ក្រឡប់។ក្មេងស្រីដែលស្លាប់ទាំង២នាក់-ឈ្មោះ ជួប សុជាតា អាយុ១៣ឆ្នាំ នៅភូមិស្រះជីក ឃុំស្រះជីក ស្រុកភ្នំស្រុក ខេតតបន្ទាយមានជ័យ ។-ឈ្មោះ មាន ឡាលីន អាយុ១៤ឆ្នាំ នៅភូមិ -ឃុំ ជាមួយគ្នា។ អធិការនគរបាលស្រុកបានបន្តថា មុនកើតហេតុក្មេងរងគ្រោះមានមិត្តភក្តិចំនួន៧នាក់ជិះរថយន្ត១គ្រឿង ចេញពីទីរួមស្រុកឆ្ពោះទៅលេងទឹកអាងពន្លៃ។ពេលទៅដល់បាននាំគ្នាជិះទូកត្នោតទាំងអស់គ្នា ។ពេលនោះទូកក្រឡាប់បានធ្លាក់មនុស្សចូលក្នុងទឹកបណ្តាលឱ្យលង់ទឹកស្លាប់២នាក់ ដែលមិនចេះហែល។ចំណែក៥នាក់ទៀតចេះហែលបានរួចពីការស្លាប់។ក្រោយមកកម្លាំងនគរបាល ប៉ុស្តិ៍ជាមួយអាជ្ញាធរភូមិ ឃុំ ចុះពិនិត្យកន្លែងកើតហេតុនិង បានប្រគល់សពជូនក្រុមគ្រួសារយកធ្វើបុណ្យ៕
រថយន្តដឹកខ្សាច់បុកពីក្រោយម៉ូតូបណ្តាលឱ្យមន្ត្រីនគរបាលម្នាក់ស្លាប់
កណ្តាល៖រថយន្តដឹកខ្សាច់បានបើកបុកពីក្រោយម៉ូតូពេញទំហឹងបណ្តាលឱ្យមន្ត្រីនគរបាលម្នាក់ដាច់ជើងម្ខាងបានស្លាប់មួយរំពេចហើយតៃកុងរថយន្តបានចុះរត់គេចខ្លួនបាត់។គ្រោះថ្នាក់ចរាចរណ៍នេះបានកើតឡើងនៅមុខអ្នកតាចិនហេងតុងលើផ្លូវជាតិលេខ២១A ក្នុងភូមិតាខ្មៅក្រុងតាខ្មៅ ខេត្តកណ្ដាលនៅព្រឹកថ្ងៃទី១២ ខែមិថុនា ឆ្នាំ២០២២។មន្ត្រីនគរបាលដែលស្លាប់ឈ្មោះពៅ សារិន អាយុ៥៥ឆ្នាំនៅភូមិ-សង្កាត់។ អ្នកឃើញហេតុការណ៍បានឱ្យដឹងថា ដំបូងរថយន្តដឹកខ្សច់ម៉ាកHYUNDAI ផ្លាកលេខភ្នំពេញ3A-8701អ្នកបើកររត់គេចខ្លួន។ រថយន្តនេះបើកពីត្បូងទៅជើងស្របជាមួយម៉ូតូហើយក៏បានបុកពីក្រោយម៉ូតូម៉ាកហុងដា Icon ផ្លាកលេខកណ្តាល1L-5428 ពេញទំហឹងបណ្តាលឱ្យនគរបាលរូបនោះស្លាប់ ។ចំណែករថយន្តនិងម៉ូតូត្រូវសមត្ថកិច្ចយកទៅរក្សាទុកនៅអធិការដ្ឋាននគរបាលក្រុងតាខ្មៅ និងបន្តស្រាវជ្រាវរកចាប់ជនបង្កយកមកដើម្បីចាត់ការតាមច្បាប់៕
នគរបាលក្រសួងមហាផ្ទៃចាប់អតីតស្នងការរងម្នាក់តាមបង្គាប់ដីកាតុលាការ
កណ្តាល៖អតីតស្នងការរងនគរបាលខេត្តកណ្ដាលម្នាក់ត្រូវកម្លាំងនគរបាលព្រហ្មទណ្ឌក្រសួងមហាផ្ទៃចាប់ខ្លួនតាមបង្គាប់ដីការបស់តុលាការនៅថ្ងៃទី១២ ខែមិថុនាឆ្នាំ២០២២នេះ។ សមត្ថកិច្ចក្រសួងមហាផ្ទៃបានឱ្យដឹងថា អតីតស្នងការរងនគរបាលខេត្តកណ្ដាល លោកឧត្ដមសេនីយ៍ត្រី ស្រេង សុខា ត្រូវបានចាប់ខ្លួនក្នុងខេត្តកំពង់ស្ពឺ រួចបញ្ជូនទៅពន្ធនាគារខេត្តកណ្ដាល។ការចាប់ខ្លួននេះ តាមដីកាបង្គាប់ឱ្យចាប់ខ្លួនរបស់លោក រស់ផុនចាន់និមល ចៅក្រមស៊ើបសួរសាលាដំបូងខេត្តកណ្តាល ដែលបានចេញកាលពីថ្ងៃទី២៩ ខែវិច្ឆិកាឆ្នាំ២០២១។ គួររំលឹកថា កាលពីថ្ងៃទី២៩ ខែមិថុនា ឆ្នាំ២០១៩កន្លងទៅ លោកទេសរដ្ឋមន្ត្រី ឱម យ៉ិនទៀង ប្រធានអង្គភាពប្រឆាំងពុករលួយ ហៅកាត់ថា ACU ប្រកាសថា ការសម្ងែងទ្រព្យសម្បត្តិដ៏សន្ធឹកសន្ធាប់របស់លោកឧត្តមសេនីយ៍ត្រី ស្រេង សុខា ស្នងការរងនគរបាលខេត្តកណ្តាល គឺមិនជាប់ពាក់ព័ន្ធនឹងអំពើពុករលួយទេ ។ កាលនោះនៅក្នុងសន្និសីទកាសែតមួយ លោក ឱម យ៉ិនទៀងបានថ្លែងថា “គាត់ខុសគឺការសម្ញែងទ្រព្យ។នៅហុងកុង-នៅប្រទេសច្បាប់ប្រឆាំងអំពើពុករលួយដាក់ទោសមន្ត្រីរាជការ ដែលសម្ញែងទ្រព្យត្រូវជាប់គុក ។ ប៉ុន្តែស្រុកខ្មែរអត់ជាប់គុកទេ គ្រាន់តែរាជរដ្ឋាភិបាលបណ្ដេញចេញ។នៅកម្ពុជាអត់មានច្បាប់ដាក់គុកករណីសម្ញែងទ្រព្យនោះទេ”។ ទោះបីយ៉ាងណា នៅពេលនេះលោក ស្រេង សុខា បានលេចចេញបញ្ហាដ៏ធំមួយទៀតហើយ គឺការរំលោភដីរដ្ឋជាង២០ហិកតាក្នុងចំណោមដីរដ្ឋសរុបជាង៤០ហិកតា នៅក្នុងភូមិកោះគ សង្កាត់រកាខ្ពស់ ក្រុងតាខ្មៅ ខេត្តកណ្តាល។ ប៉ុន្តែបញ្ហានេះ លោកស្រេង សុខា បានចេញមុខបដិសេធភ្លាមៗផងដែរ ។ […]