ព្រះវិហារ៖កាលពីព្រឹកថ្ងៃទី២៧ខែវិច្ឆិការឆ្នាំ២០២០លោកមាសសុភាទេសរដ្ឋមន្ត្រីជាប្រធានក្រុមការងារថ្នាក់ជាតិចុះជួយខេត្តព្រះវិហារ,លោកឡុងសុវណ្ណប្រធានក្រុមព្រឹក្សាខេត្ត,លោកប្រាក់សុវណ្ណអភិបាលខេត្ត,លោកស៊ូសិរីអភិបាលរងខេត្តព្រមទាំងមន្ត្រីជាច្រើនរូបក្នុងខេត្តព្រះវិហារបានចូលរួមក្នុងកម្មវិធីចែកអំណោយជូនពលរដ្ឋខ្វះខាតទីទាល់ក្រចំនួន៦ឃុំស្មើនិង៦២គ្រួសារក្នុងស្រុកជ័យសែន។ លោកទេសរដ្ឋមន្ត្រី មាស សុភា បានមានប្រសាសន៏ថាៈអំណោយដែលយកមកចែកជូនបងប្អូនទាំង ៦ឃុំនេះគឺជារបស់សមាគមន៏និសិត្សបញ្ញាវ័ន្តក្មេងវត្តរួមទាំងព្រះសង្ឃនិងក្រុមការងារថ្នាក់ខេត្តចុះជួយស្រុកជ័យសែនមានលោកកងសៅគុណជាប្រធានក្រុមការងារចុះជួយស្រុក។អំណោយចែកជូនក្នុងមួយគ្រួសារទទួលបានមី,ទឹកស៊ីអ៊ីវ,និងសម្ភារមួយចំនួន៕វ៉ាន់ឌី
ព័ត៌មានសង្គម
ចុះបង្ក្រាបហាង”ដាយម៊ិនម៉ាស្សា”ដែលផ្អើលពេញហ្វេសបុករឿងបន្ធូរអារម្មណ៍ដោយដៃនិងមាត់
ភ្នំពេញ៖បន្ទាប់ពីល្បីពេញសង្គមហ្វេសប៊ុករឿងបន្ធូរអារម្មណ៍ដោយដៃនិងមាត់ក្នុងហាងម៉ាស្សា”ដាយម៊ិនម៉ាស្សា”កាលពីនៅរសៀលថ្ងៃទី២៦ខែវិច្ឆិកាឆ្នាំ២០២០នេះកម្លាំងសមត្ថកិច្ចសង្កាត់បឹងរាំងខណ្ឌដូនពេញបានចុះបង្ក្រាបទីតាំងម៉ាស្សាយីហោ”ដាយម៊ិនម៉ាស្សា”។ ស្ថិតនៅតាមបណ្តោយផ្លូវលេខ២២២សង្កាត់បឹងរាំងខណ្ឌដូនពេញដែលសង្ស័យថា៖មានបង្កប់សេវាកម្មផ្លូវភេទដូចការលើកឡើងជាវីដេអូ,តថ្លៃគ្នានៅលើបណ្ដាញសង្គមហ្វេសប៊ុក៕វិចិត្រ
មន្ត្រីស្ថាបនតុលាការខេត្តកំពង់ឆ្នាំងចុះពិនិត្យនិងណែនាំពលរដ្ឋកុំឱ្យប្រព្រឹត្តបទល្មើសនេសាទ
ខេត្តកំពង់ឆ្នាំង៖កាលពីថ្ងៃទី២៥វិច្ឆិការ២០២០មន្ត្រីស្ថាបនតុលាការខេត្តកំពង់ឆ្នាំង,កម្លាំងសមត្ថកិច្ចរួមមានមន្ត្រីជំនាញជលផលបានចុះពិនិត្យបទល្មើសនេសាទដែលប្រើរបាំងរាំងភ្ជិតព្រែកជាច្រើនកន្លែងក្នុងភូមិព្រែកយួននិងព្រែកផ្សេងៗទៀតហើយបានណែនាំពលរដ្ឋកុំឱ្យប្រព្រឹត្តបទល្មើសនេសាទដែលស្ថិតក្នុងស្រុកជលគីរីខេត្តកំពង់ឆ្នាំង។ លោកអ៊ិតសុធាព្រះរាជអាជ្ញាអមសាលាដំបូងខេត្តកំពង់ឆ្នាំងបានឱ្យដឹងនៅព្រឹកថ្ងៃទី២៦ខែវិច្ឆិកាឆ្នាំ២០២០នេះថាៈលោកបានដឹកនាំកម្លាំងចុះពិនិត្យមើលការនេសាទរបស់ប្រជាពលរដ្ឋដែលបានដាក់របាំងរាំងផ្ជិតព្រែកនៅក្នុងស្រុកជលគីរី។ជាមួយនេះកម្លាំងបានរុះរើចេញនូវស្បែមុងនិងអួនក្រឡាញឹកនិងបានការណែនាំប្រជានេសាទទាំងអស់ឱ្យកុំដាក់សាច់អួនក្រឡាញឹកនិងស្បៃមុង។ លោកអ៊ិតសុធាបានបន្តថាៈសូមបងប្អូនកុំប្រើប្រាស់ឧបករណ៍នេសាទខុសច្បាប់ដើម្បីចាប់យកត្រីដែលធ្វើឱ្យប៉ះពាល់ដល់ត្រីចម្រុះល្អិតៗដែលអាចនឹងប្រឈមដាច់ពូជនិងបានចាក់លែងកូនត្រីចម្រុះគ្រប់ប្រភេទមួយចំនួនចូលទៅក្នុងទន្លេវិញ៕វិចិត្រ
រដ្ឋមន្ត្រីកសិកម្ម៖កម្ពុជាផលិតបន្លែ១៤០ពាន់តោនក្នុងមួយឆ្នាំនិងពង្រីកផ្ទៃដីដាំដុះជិត៦០.០០០ហិកតា
កំពង់ចាម:ក្នុងរយ:ពេលប៉ុន្មានឆ្នាំចុងក្រោយនេះសន្ទុះនៃការដាំដុះបន្លែទូទាំងប្រទេសកម្ពុជាបានកើនឡើងខ្លាំង គឺក្នុងមួយឆ្នាំអាចមានសមត្ថភាពផលិតបាន ១៤០ពាន់តោន និងពង្រីកផ្ទៃដីដាំដុះបានជិត ៦០.០០០ ហិកតា។ ខណ:ដែលសេចក្តីត្រូវការកម្រិតបន្លែប្រមាណ ៨៥០ពាន់តោនក្នុងមួយឆ្នាំនោះ។ នេះជាការលើកឡើងរបស់លោកវេងសាខុនរដ្ឋមន្ត្រីក្រសួងកសិកម្មរុក្ខាប្រមាញ់និងនេសាទក្នុងទិវាជាតិអាហារូបត្ថម្ភលើកទី៧ក្រោមប្រធានបទ«ការពង្រឹងប្រព័ន្ធស្បៀងដើម្បីរបបអាហារសុខភាព» ។ចូលរួមពីលោកឧបនាយករដ្ឋមន្ត្រីយឹមឆៃលីប្រធានក្រុមប្រឹក្សាស្តារអភិវឌ្ឍន៍វិស័យកសិកម្មនិងជនបទនិងលោកអ៊ុនចាន់ដាអភិបាលខេត្តកំពង់ចាមដែលបានប្រព្រឹត្តទៅកាលពីថ្ងៃទី ២៥ ខែវិច្ឆិកា ឆ្នាំ២០២០។ លោករដ្ឋមន្ត្រីបានមានប្រសាសន៍ថាៈដើម្បីឆ្លើយតបនឹងសំណួរថាមូលហេតុអ្វីបានជាយើងនៅតែបន្តនាំបន្លែចូលក្នុងប្រទេស?នោះគឺយើងបានដាក់ចេញនូវគោលនយោបាយថ្មីៗក្នុងរយ:ពេលប៉ុន្មានឆ្នាំចុងក្រោយនេះ។បន្ទាប់មកសន្ទុះមានការកើនឡើងខ្លាំងគឺកសិករបានពង្រីកផ្ទៃដីដុះបន្លែទូទាំងប្រទេសបានចំនួនជិត ៦០.០០០ ហិកតា។ លោក វេង សាខុន បានមានប្រសាសន៍ទៀតថា ក្នុងនោះការផលិតបន្លែក៏បានឈានរហូតដល់ចំនួន ១៤០ពាន់ តោនក្នុងមួយឆ្នាំ។ ខណ:ដែលសេចក្តីត្រូវការបន្លែរបស់យើងក្នុងកម្រិតប្រមាណ៨៥០ពាន់ តោនក្នុងមួយឆ្នាំនោះ។ជាមួយនោះក៏បានដាក់ចេញផងដែរនូវធានការផលិតបន្លែសុវត្ថិភាពជូនប្រជាជនបរិភោគគឺសំខាន់យើងត្រូវយល់ដឹងទាំងអស់គ្នាថា«បន្លែសុវត្ថិភាពគឺជាការកាត់បន្ថយនូវថ្នាំពុលកសិកម្ម ហើយត្រូវការបន្ថយនូវការប្រើប្រាស់ជីគីមី។ លោកបានបន្ថែមថានៅក្នុងបរិបទថ្មីនេះយើងត្រូវជំរុញការដាំដុះប្រកបដោយសុវត្ថិភាពគឺយើងបានផ្តល់ជូនកសិករជាអ្នកផលិតបន្លែសុវត្ថិភាពទូទាំងប្រទេសនូវផ្ទះសំណាញ់ចំនួន ១០០ ផ្ទះសំណាញ់ និងគ្រោងផ្តល់ជូនផ្ទះសំណាញ់ឱ្យបានកើនឡើងដល់ ៤០០ ផ្ទះសំណាញ់បន្ថែមទៀត។ ដើម្បីចូលរួមដល់ការផលិតបន្លែសុវត្ថិភាពចាក់បញ្ចូលក្នុងទីផ្សារកម្ពុជាឱ្យបានទំហំប្រមាណ ៥ភាគរយ នៃការផលិតបន្លែក្នុងបរិមាណសរុប ៦៤០ពាន់ តោនក្នុងមួយឆ្នាំនោះ។ អ្នកស្រីឃាងស៊ីផូអ្នកដាំបន្លែសុវត្ថិភាពក្នុងសហគមន៍សំបួរមាសក្រុងកំពង់ចាមដែលទទួលបានផ្ទះសំណាញ់ពីក្រសួងកសិកម្មបានពោលប្រាប់រស្មីកម្ពុជាថាៈពិតមែនហើយការដាំបន្លែសុវត្ថិភាពនៅក្នុងសំណាញ់នារយ:ប៉ុន្មានខែកន្លងទៅនេះគឺបានទទួលទិន្នផលខ្ពស់ជាងដាំខាងក្រៅផ្ទះសំណាញ់ជាង៥០ភាគរយ និងតម្លៃទីផ្សារខ្ពស់ជាងបន្លែដាំនៅទីវាលប្រហែល២០ភាគរយ។ អ្នកស្រីដែលជាប់ជាកសិករគំរូបានបន្តថាអត្ថប្រយោជន៍ដាំបន្លែក្នុងផ្ទះសំណាញ់គឺបញ្ចៀសបានការបំផ្លាញរបស់សត្វល្អិតគ្រប់ប្រភេទនិងគេចផុតពីបញ្ហាអាកាសធាតុទឹកភ្លៀងកម្តៅថ្ងៃក្តៅខ្លាំងនិងការផ្តល់ទិន្នផលបានទៀតទាត់៕សម្បត្តិ
កើតជំងឺលើសត្វជ្រូកងាប់ជាបន្តបន្ទាប់ក្នុងខេត្តប៉ៃលិន
ប៉ៃលិន៖សត្វជ្រូកចិញ្ចឹមជាច្រើនក្បាលរបស់កសិករក្នុងខេត្តប៉ៃលិនបានឈឺងាប់បន្តបន្ទាប់ក្រោយជំងឺរាតត្បាតសត្វគោបានស្រាកស្រាន្ត។ កសិករក្នុងខេត្តប៉ៃលិនម្នាក់មានឈ្មោះជុំទិត្យបានលើកឡើងថាៈចាប់តាំងពីពាក់កណ្តាលខែវិច្ឆកាឆ្នាំ២០២០មកសត្វជ្រូកចិញ្ចឹមរបស់លោកបានកើតនូវជំងឺម្យ៉ាងមានអាការ:រមាស់ពេញដងខ្លួនបែកពពុះមាត់និងអត់ស៊ីចំណីបណ្តាលឱ្យស្គមហើយងាប់ជាបន្តបន្ទាប់អស់ចំនួនជាង១០ក្បាលមិនដឹងមូលហេតុ។ ចំណែកកសិករម្នាក់ទៀតឈ្មោះជុំគារស់នៅក្នុងភូមិសួនអំពៅកើត សង្កាត់ប៉ៃលិន ក្រុងប៉ៃលិន ខេត្តប៉ៃលិន បានឱ្យដឹងដែរថា៖ បច្ចុប្បន្នលោកចិញ្ចឹមជ្រូកជាលក្ខណៈគ្រួសារ.សរុបប្រមាណជាង ៣០ក្បាល។កន្លងមកនេះមានបញ្ហាកើតនូវជំងឺរ៉ាំរ៉ៃរហូតដល់ងាប់អស់ប្រមាណជា៣ក្បាល លោកមានការព្រួយបារម្មណ៍ជាខ្លាំងខ្លាចក្រែងជំងឺខាងលើនបានរាតត្បាតទៅដល់ជ្រូកចិញ្ចឹមផ្សេងៗទៀត។ អ្នកស្រីកែវស្រីប្រកបរបរចិញ្ចឹមជ្រូកដូចគ្នាបានប្រាប់ឱ្យដឹងដែរថាៈជាមួយការកើតឡើងនូវជំងឺជ្រូកនេះដែរលោកស្រីបានហៅពេទ្យសត្វឯកជនមកចាក់ថ្នាំព្យាបាលដែរដោយចំណាយអស់ប្រាក់ជាច្រើន។ប៉ុន្តែមិនបានជាសះស្បើយឡើយប្រការនេះលោកស្រីសំណូមពរដល់មន្ត្រីជំនាញជួយចុះមកពិនិត្យនិងជួយសង្គ្រោះការប៉ះពាល់នេះផង។ លោកសាយសុផាតប្រធានមន្ទីរកសិកម្មរុក្ខាប្រមាញ់និងនេសាទខេត្តប៉ៃលិនបានបញ្ជាក់ឱ្យដឹងនៅថ្ងៃទី២៦ខែវិច្ឆកាឆ្នាំ២០២០នេះថាៈពាក់ព័ន្ធករណីជ្រូកឈឺនេះគ្រាន់តែជាការកើតជំងឺធម្មតាតាមផ្ទះរបស់ប្រជាកសិករប៉ុណ្ណោះ។តែវាមិនមែនជាការផ្ទុះឡើងនោះទេចំពោះមុខមន្ត្រីរបស់លោកបាននឹងកំពុងតែចុះពិនិត្យតាមដានដើម្បីអន្តរាគមន៍ហើយប៉ុន្តែវាមិនមែនជាករណីធ្ងន់ធ្ងរនោះឡើយ៕សុខុម
ព្រឹកនេះរដ្ឋមន្ត្រីក្រសួងសុខាភិបាលនាំយកម៉ាស់និងបរិក្ខារពេទ្យជាអំណោយនៃរាជរដ្ឋាភិបាលកម្ពុជាទៅកាន់ប្រទេសមីយ៉ាន់ម៉ា
ភ្នំពេញ៖នាព្រឹកថ្ងៃទី២៦ខែវិច្ឆិកាឆ្នាំ២០២០នេះលោកសាស្ត្រាចារ្យម៉មប៊ុនហេងរដ្ឋមន្ត្រីក្រសួងសុខាភិបាលបានដឹកនាំគណ:ប្រតិភូកម្ពុជាចាកចេញពីព្រលានយន្តហោះអន្តរជាតិភ្នំពេញដើម្បីនាំយកអំណោយរបស់រាជរដ្ឋាភិបាលកម្ពុជារួមមានម៉ាស់ចំនួនជាង២លាននិងបរិក្ខារពេទ្យមួយចំនួនទៀតជូនរដ្ឋាភិបាលនិងប្រជាជនមីយ៉ាន់ម៉ា៕សហការី រូបថត៖ ឯល វឌ្ឍន: និងឡាញ់ វិសាល
គណៈកម្មាធិការជាតិគ្រប់គ្រងគ្រោះមហន្តរាយចុះពិនិត្យការធ្វើស្រែឡើងវិញនៅក្នុងខេត្តក្រចេះ
ក្រចេះ៖កាលពីថ្ងៃទី២៤ខែវិច្ឆិកាឆ្នាំ៣០២០លោកគន់គីមអនុប្រធានទី១គណៈកម្មាធិការជាតិគ្រប់គ្រងគ្រោះមហន្តរាយបានឱ្យដឹងថាៈការធ្វើស្រែឡើងវិញក្រោយពេលទឹកជំនន់សម្រេចបានជាង៦២ភាគរយហើយ។ ក្នុងពេលអញ្ជើញចុះទៅពិនិត្យការធ្វើស្រែឡើងវិញរបស់ប្រជាកសិករនៅក្នុងខេត្តកំពង់ចាមនិងខេត្តក្រចេះឃើញថាប្រជាកសិករដែលរងការខូចខាតដំណាំស្រូវដោយសារទឹកជំនន់នាពេលកន្លងទៅបាននិងកំពុងមមាញឹកជាខ្លាំងជាមួយការបង្កបង្កើនផលឡើងវិញ។ លោកបានចុះទៅពិនិត្យដោយផ្ទាល់នៅតាមវាលស្រែចាប់តាំងពីថ្ងៃទី២០ខែវិច្ឆិកាឆ្នាំ២០២០លោកបានចុះទៅខេត្តបាត់ដំបង បន្ទាយមានជ័យ ពោធិ៍សាត់ កំពង់ធំ កំពង់ចាម និងខេត្តក្រចេះ។លោក បានសម្តែងការរីករាយដោយបានឃើញប្រជាកសិករកំពុងមមាញឹកនឹងការបង្កបង្កើនផលឡើងវិញត្បិតជាការចង់ឃើញរបស់សម្តេចតេជោ។ ក្នុងកិច្ចសំណេះសំណាលជាមួយកសិករតាមវាលស្រែលោកបានប្រាប់កសិករថាៈការងារបង្កបង្កើនផលឡើងវិញរបស់ប្រជាកសិករក្រោយពេលទឺកជំនន់ស្រកទៅវិញជាការងារដែលសម្តេចតេជោនាយករដ្ឋមន្ត្រីយកចិត្តទុកដាក់ខ្ពស់បំផុត។ព្រោះការបង្កបង្កើនផលឡើងវិញនេះជួយធានាដល់សន្តិសុខស្បៀង ហើយក៏ជួយដោះស្រាយការលំបាកក្នុងជីវភាពរបស់ប្រជាពលរដ្ឋផងដែរ៕ស. ឃួន
ក្រុមសាខាកាកបាទក្រហមកម្ពុជាខេត្តព្រះវិហារយកអំណោយផ្តល់ជូនគ្រួសារក្រីក្រ
ខេត្តព្រះវិហារ៖លោកយុងគឹមហ៊ាននាយកប្រតិបត្តិសាខាកាកបាទក្រហមកម្ពុជាខេត្តព្រះវិហារនិងក្រុមការងារកាលពីព្រឹកថ្ងៃទី២៥ខែវិច្ឆិកាឆ្នាំ២០២០បាននាំយកអំណោយទៅផ្តល់ជូនគ្រួសារកុមារីថាត់លក្ខណាអាយុ៥ឆ្នាំមានជំងឺជាទម្ងន់កំពុងសម្រាកព្យាបាលនៅភូមិបាក់កាំនឃុំឈានមុខស្រុកត្បែងមានជ័យ ។ លោកនាយកប្រតិបត្តិបានពាំនាំនូវប្រសាសន៍ផ្តាំផ្ញើសាកសួរសុខទុក្ខពីលោកអភិបាលខេត្តប្រធានកាកបាទក្រហមកម្ពុជាខេត្តព្រះវិហារដែលតែងតែគិតគូរពីសុខទុក្ខរបស់បងប្អូនជានិច្ចគឺទីណាមានការលំបាកទីនោះមានកាកបាទក្រហមកម្ពុជា។ សម្ភារផ្តល់ជូនរួមមាន៖អង្ករ,មី,ត្រីខ,ទឹកស៊ីអ៊ីវ,សារុង,ក្រមា,ភួយ,មុង,ទឹកបរិសុទ្ធ,និងថវិកាមួយចំនួន។ក្នុងនោះថវិកាលោកស្រីមឿងសុធានិងស្វាមីចំនួន៥០.០០០រៀល៕វ៉ាន់ឌី
កម្លាំងការពារព្រំដែនច្រកស្វាយចេកច្រានចោលព័ត៌មានថាមានការលួចនាំចេញពលករខុសច្បាប់ទៅថៃ
បាត់ដំបង៖កម្លាំងនគរបាលការពារព្រំដែនគោកស្វាយចេកហៅចាន់គីរីស្ថិតត្រង់ចំណុចចាន់គីរី ភូមិស្វាយឃុំកំរៀងស្រុកកំរៀងខេត្តបាត់ដំបងបានច្រានចោលចំពោះព័ត៌មានលើកឡើងថាច្រកមួយនេះមានការលួចលាក់បើកដៃជាមួយមេខ្យល់នាំចេញនូវពលករខ្មែរដោយខុសច្បាប់ទៅប្រទេសថៃ។ លោកអនុសេនីយ៍ឯកយ៉ុងសម្បត្តិនាយប៉ុស្តិ៍នគរបាលការពារព្រំដែនគោកស្វាយចេក(ហៅចំណុចចាន់គីរី)បានប្រាប់ឱ្យដឹងនៅថ្ងៃទី២៥ខែវិច្ឆកាឆ្នាំ២០២០នេះថា៖កន្លងមកនេះមានព័ត៌មានមួយបានអះអាងថាកម្លាំងរបស់លោកមានការឃុបឃិតលួចលាក់នាំចេញពលករខ្មែរ។ ក្នុងនោះមានទាំងទំនិញគេចពន្ធឬបទល្មើសផ្សេងៗជាច្រើនឆ្លងកាត់ជាការផ្គើននឹងបទបញ្ជារបស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃដើម្បីទប់ស្កាត់នូវជំងឺកូវីដ-១៩ពីប្រទេសជិតខាង។ ជុំវិញព័ត៌មានក្លែងក្លាយនេះលោកសូមបដិសេដ្ឋទាំងស្រុងដែលកន្លងមកកម្លាំងឈរជើងទាំងអស់មិនដែលល្អៀងបំពាននឹងបទបញ្ជារបស់ថ្នាក់លើឡើយ។ផ្ទុយទៅវិញមានតែខិតខំប្រឹងប្រែងបំពេញតួនាទីភារ:កិច្ចឱ្យទទួលបានជោគជ័យ។ លោកអនុសេនីយ៍ឯកយ៉ុងសម្បត្តិបានបន្តថាៈទីតាំងឈរជើងក្នុងភូមិសាស្ត្រខាងលើនេះជាទីតាំងមួយដែលអនុញ្ញាតឱ្យមានការពិនិត្យធ្វើចត្តាឡីសក្ក័ពលករខ្មែរដែលចេញមកពីប្រទេសថៃ។ជាមួយនោះដែរមានកម្លាំងចម្រុះជាច្រើនចូលរួមសហការដូចជាអាជ្ញាធរស្រុកកម្លាំងសមត្ថកិច្ចពាក់ព័ន្ធនិងមន្ត្រីសុខាភិបាលមួយចំនួនទៀតបានបំពេញកាតព្វកិច្ចយ៉ាងខ្ជាប់ខ្ជួន។ ប៉ុន្តែចំណុចចាន់គីរីខាងលើកន្លងមកមានតែការអនុគ្រោះឱ្យពលរដ្ឋជាប់តំបន់ព្រំដែនមួយចំនួនតូចប៉ុណ្ណោះចេញ ចូលដើម្បីទិញម្ហូប ស្បៀងអាហារតិចតួចដោយមិនបានយកលុយពីពួកគាត់ឡើយ៕សុខុម
របរលក់កញ្ច្រែងនិងផ្ទះម្រេញគង្វាលអាចជួយផ្គត់ផ្គង់ក្រុមគ្រួសារបានសមរម្យ
កំពង់ស្ពឺ៖ពលរដ្ឋប្រកបរបរលក់កញ្ច្រែងនិងផ្ទះម្រេញគង្វាលអាចជួយផ្គត់ផ្គង់ជីវភាពក្នុងគ្រួសារបានសមរម្យដែលមានសមាជិកចំនួន៧នាក់។ បុរសប្រកបរបរដឹកកញ្ច្រែងនិងផ្ទះម្រេញគង្វាលលក់ឈ្មោះសូសនអាយុ៥៣ឆ្នាំរស់នៅភូមិចេកឃុំចេកស្រុកស្វាយរៀងខេត្តស្វាយរៀងបានឱ្យដឹងកាលពីព្រឹកថ្ងៃទី២៥ខែវិច្ឆិកាឆ្នាំ២០២០នេះថាៈគាត់បានប្រកបរបលក់កញ្ច្រែងនិងផ្ទះម្រេញគង្វាលព្រមទាំងសម្ភារប្រើប្រាស់រយៈពេលជាង១០ឆ្នាំមកហើយ។ បុរសសូសនបានបន្តថាៈកាលពីដំបូងគាត់ដឹកដើរលក់តាមកង់ប្រើកម្លាំងដោយធាក់និងជើងចេញពីខេត្តស្វាយរៀងយកមកលក់នៅខេត្តព្រៃវែង,ខេត្តកណ្តាល,ខេត្តកំពង់ស្ពឺ,ខេត្តតាកែវ,ខេត្តកំពត,និងខេត្តព្រះសីហនុដោយចំណាយពេលវេលាចាប់១៥ថ្ងៃទៅ៣០ថ្ងៃទើបចូលផ្ទះម្តង។ គាត់បានបន្តថាៈចាប់តាំងពីគាត់រករបរដឹកកញ្ច្រែងនិងផ្ទះម្រេញគង្វាលព្រមទាំងសម្ភារប្រើប្រាស់ផ្សេងៗទាំងអស់នេះអាចផ្គត់ផ្គង់ជីវិភាពក្នុងគ្រួសារបានសមរម្យខណៈដែលកូនប្រុសស្រីរបស់គាត់៥នាក់បានរៀនសូត្រសមរម្យនិងគេ។ គាត់បានបញ្ជាក់ថាគាត់ដឹកកញ្ច្រែងនិងផ្ទះម្រេញគង្វាលព្រមទាំងសម្ភារប្រើប្រាស់តាមកង់រយៈពេល៥ឆ្នាំទើបគាត់ទិញម៉ូតូដឹកវិញម្តងរហូតមកដល់បច្ចុប្បន្ន។កាលពីគាត់ដឹកតាមកង់ទៅលក់ចំណាយពេលជាង១ខែដឹកតាមម៉ូតូគាត់ចំណាយពេល៧ថ្ងៃទៅ១៥ថ្ងៃគាត់ត្រឡប់មកផ្ទះវិញ។ ឯសម្ភារដែលគាត់ទិញយកទៅលក់ម្តងៗចំណាយអស់ពី១.៥០០.០០០រៀលទៅ២.៥០០.០០០រៀលពេលយកទៅលក់អស់គាត់អាចចំណេញបាន១.២០០.០០០រៀទៅ១.៣០០.០០០រៀលដោយដកដើមទុករួច៕សុភ័ណ្ឌ