បន្ទាយមានជ័យ៖អគ្គនាយកដ្ឋានសុខភាពសត្វបានដុតកម្ទេចចោលសត្វជ្រូកចំនួន៣០ក្បាល ដែលឈ្មួញលួចដឹកឆ្លងដែនពីប្រទេសថៃចូលមកកម្ពុជាដោយអះអាងថាជ្រូកទាំងនេះមានជំងឺប៉េស្តអាហ្រ្វិក។ លោកតាន់ផាន់ណារ៉ា ប្រតិភូរាជរដ្ឋាភិបាលអគ្គនាយកដ្ឋានសុខភាពសត្វនិងផលិតកម្មសត្វបានឱ្យដឹងថាៈ កាលពីថ្ងៃទី១២ ខែកុម្ភៈ ឆ្នាំ២០២១ក្រុមមន្ត្រីជំនាញបានដុតកម្ទេចចោលជ្រូកចំនួន៣០ក្បាល បន្ទាប់ពីចាប់បានពីឈ្មួញលួចនាំចូល ឆ្លងដែនដោយខុសច្បាប់ និងរកឃើញថាមានជំងឺប៉េស្តអាហ្វ្រិក។ ការដុតកម្ទេចចោលនេះ ធ្វើឡើងនៅក្នុង ភូមិខ្លាកូនថ្មី សង្កាត់កំពង់ស្វាយ ក្រុងស្រូវសោភ័ណ ខេត្តបន្ទាយមានជ័យ ដោយមានចូលរួមពីលោក ហ៊ុយ ទូច ប្រធានការិយាល័យបសុពេទ្យ ,លោក តេង សាម៉ៃ ព្រះរាជអាជ្ញារងខេត្តបន្ទាយមានជ័យ និងមន្ត្រីពាក់ព័ន្ធជាច្រើនទៀត។ ប្រតិភូរាជរដ្ឋាភិបាលអគ្គនាយកដ្ឋានសុខភាពសត្វនិងផលិតកម្មសត្វ ក៏បានណែនាំដល់មន្ត្រីជំនាញត្រូវទប់ស្កាត់ការ នាំចូលសត្វជ្រូកប៉េស្តអាហ្វ្រិកពីប្រទេសថៃ ចូលមកកម្ពុជា៕វិចិត្រ
Author: rsc
ស្រី្តជនជាតិភ្នងម្នាក់បង្ខំឱ្យប្តីខ្មែរសែនចិន,ប្តីមិនព្រមកើតជាជម្លោះបង្កមានរបួសស្នាម
មណ្ឌលគិរី៖ស្ត្រីជាជនជាតិដើមភាគតិចព្នងម្នាក់និងប្តីជាជនជាតិខ្មែរមានជម្លោះក្នុងគ្រួសារកើតឡើងពីខាងប្រពន្ធបង្ខំប្តីឱ្យសែនចិនតែប្តីមិនព្រមឈានដល់បង្កហឹង្សាបណ្តាលឱ្យ ប្រពន្ធរងរបួស នៅភូមិពូរ៉ា ដែត ឃុំស្រែអំពូម ស្រុកពេជ្រាដាខេត្តមណ្ឌលគិរី កាលពី យប់ថ្ងៃទី ១២ ខែកុម្ភៈ ឆ្នាំ ២០២១។ សមត្ថកិច្ចបានឱ្យដឹងថា៖បុរសជាប្តីឈ្មោះ ញ៉ាប ញ៉ានភេទប្រុស អាយុ៣៧ឆ្នាំ ជនជាតិខ្មែរ រស់នៅភូមិពូរ៉ា ដែត ឃុំស្រែអំពូម ស្រុកពេជ្រាដា ខេត្តមណ្ឌលគិរី ។ប្រពន្ធជាជនរងគ្រោះ ឈ្មោះយានស្រន អាយុ ៣៦ឆ្នាំ ជនជាតិព្នង បច្ចុប្បន្ននៅជាមួយប្តី។ សមត្ថកិច្ចបានបន្តថា៖ដំបូង មកពីប្រពន្ធបង្ខំឱ្យប្តីទៅសែនព្រេននៅថ្ងៃចូលឆ្នាំប្រពីណីជនជាតិចិនតែប្ដីមិនព្រមធ្វើតាម។ការបង្ខំរបស់ប្រពន្ធដូចជាញយៗពេកម្ដងជាពីរដងដដែលៗស្រប ពេលប្តីមានជាតិស្រវឹងផងនោះក៏វ៉ៃប្រពន្ធបែកមុខមាត់រងរបួស។ជនសង្ស័យត្រូវសមត្ថកិច្ចឃាត់ខ្លួន នៅប៉ុស្តិ៍ រដ្ឋបាលដើម្បីអនុវត្តតាមនីតិវិធី៕សហការី
ភ្លើងឆេះផ្ទះអស់មួយខ្នងមកពីដុតទៀនធូបថ្ងៃចូលឆ្នាំចិន
កំពង់ធំ៖អគ្គិភ័យបានឆាបឆេះបំផ្លាញផ្ទះមួយខ្នងអស់គ្មនសល់បណ្តាលមកមកពីម្ចាស់ដុតទៀនទូបហើយ មិនបានពន្លត់ត្រឹមត្រូវបណ្តាលឱ្យមានមហន្តរាយបែបនេះ។គ្រោះអគ្គិភ័យបានកើតឡើងនៅភូមិល្អក់ ឃុំកំពង់ថ្ម ស្រុកសន្ទុកខេត្តកំពង់ធំកាលពីរសៀល ថ្ងៃទី១២ខែកុម្ភៈឆ្នាំ ២០២១។ សមត្ថកិច្ចបានឱ្យដឹងថា៖ម្ចាស់ផ្ទះឈ្មោះ ញ៉រឿន អាយុ៥៣ឆ្នាំ ប្រពន្ធឈ្មោះ តូច វឹប អាយុ៤៧ឆ្នាំ ។ផ្ទះនេះធ្វើអំពីឈើ ទំហំ៦គុណ១១ម៉ែត្រ ដំបូលប្រក់ក្បឿងត្រូវភ្លើងឆេះបំផ្លាញ ទាំងស្រុង ។ក្នុងនោះមានទ្រព្យសម្បត្តិ ដូចជា៖ខ្សែក១ខ្សែទម្ងន់៦ជី, ចិញ្ចៀន១,៥០ជី, គោយន្តកន្ត្រៃ១គ្រឿង,កង់ចំនួន១គ្រឿង, ស្រូវចំនួន៣តោននិងសម្ភារប្រើប្រាស់ក្នុងផ្ទះមួយចំនួនទៀត។ ហេតុការណ៍នេះ រថយន្តអគ្គិភ័យនៃអធិការដ្ឋាននគរបាលស្រុកសន្ទុកបានចេញអន្តរាគមន៍ ១គ្រឿង ប្រើប្រាស់ទឹកអស់២រថយន្ត ទើបអាចពន្លត់ភ្លើងបានទាំងស្រុង មិនឱ្យឆេះរាលដាលទៅផ្ទះអ្នកជិតខាងឡើយ ៕សៅវ៉ាន់ឌី
តុលាការកោះហៅជនបីនាក់ពាក់ព័ន្ធកាប់រុក្ខរានព្រែយកដីលក់ឱ្យឈ្មួញ
ព្រះវិហារ៖លោកទីសុវិនថាល់ព្រះរាជអាជ្ញាអមតុលាការខេត្តព្រះវិហារបានចេញដីកាកោះជនជាប់ចោទ៣នាក់ពាក់ព័ន្វក្នុងសំណុំរឿងព្រហ្មទណ្ឌលេខ៥២ចុះថ្ងៃទី៧ខែកុម្ភៈឆ្នាំ២០២០នៃអយ្យការអមសាលាដំបូងខេត្តព្រះវិហារ។ បានឃើញដីកាសម្រេចដាក់រឿងជំនុំជំរះលេខ២០១ចុះថ្ងៃទី៨ខែកុម្ភៈឆ្នាំ២០២១ទៅលើជនជាប់ចោទទាំង៣នាក់ មន្ត្រីបានឱ្យដឹងថា៖ទាំង៣នាក់ដែលតុលាការកោះហៅមានឈ្មោះដឿនជាតិភេទប្រុសអាយុ៣៣ឆ្នាំ,ឈ្មោះហាយទន់ភេទប្រុសអាយុ៦១ឆ្នាំនិងឈ្មោះជឹមគឿនភេទប្រុសអាយុ៤៤ឆ្នាំ។ជនជាប់ចោទទាំង៣នាក់បច្ចុប្បន្នស្នាក់នៅភូមិលំឡេងឃុំរណសិរ្យស្រុកសង្គមថ្មីខេត្តព្រះវិហារ។ មន្ត្រីដដែលបានបន្តថា៖ករណីកាប់គាស់រុក្ខរានដីព្រៃឆ្កាដុតនឹងឈួសឆាយដីព្រៃរបស់រដ្ឋដើម្បីយកមកធ្វើជាកម្មសិទ្ធដែលពួកគេបានប្រព្រឹត្តនៅភូមិរលំស្លែងឃុំរណសិរ្យស្រុកសង្គមថ្មីខេត្តព្រះវិហារកាលពីថ្ងៃទី៦ខែកុម្ភៈឆ្នាំ២០២០កន្លងទៅ។ លោកទីសុវិនថាល់ព្រះរាជអាជ្ញាបានឱ្យដឹងថា៖ជនជាប់ចោទទាំង៣នាក់នេះគឺបានប្រព្រឹត្តបទល្មើសព្រហ្មទណ្ឌដែលបានចែងឱ្យផ្តន្ទាទោសតាមបញ្ញតិមាត្រាលេខ៦២ចំនុច១នៃច្បាប់ស្ដីពីតំបន់ការពារធនធានធម្មជាតិ។ លោកមាសញឹមអនុប្រធានមន្ទីរបរិស្ថានខេត្តព្រះវិហារបានបញ្ជាក់ថា៖ក្នុងចំណោមបក្ខពួកទាំង៣នាក់នោះគឺឈ្មោះហាយទនជាមេខ្លោងបំផុសបំផុលរពឹសដៃខាងដើរកាប់រុករានដីព្រៃធម្មជាតិយកលក់បន្តឱ្យទៅអ្នកមានលុយនៅឯខេត្តកំពង់ធំ៕សៅវ៉ាន់ឌី
រថយន្តដឹកដំឡូងកំពុងបំផ្លាញស្ពានឈើមួយនៅក្នុងស្រុកថាឡាបរីវ៉ាត់
ស្ទឹងត្រែង៖គេសង្កេតឃើញថារថយន្តដឹកដំឡូងមីកំពុងតែបំផ្លាញស្ពានឈើចេញពីឃុំចម្ការលើមកទីរួមស្រុកថាឡាបរិវ៉ាត់ខេត្តស្ទឹងត្រែង។សកម្មភាពនោះពុំត្រូវអាជ្ញាធរសមត្ថកិច្ចពាក់ព័ន្ធយកភ្នែកមើលទេ។បើសិនជាយើងធ្វើដំណើរឆ្លងកាត់តំបន់នោះឃើញមានស្ពានឈើជាច្រើនកន្លែងកំពុងរងការខូចខាតរួចទើបជួសជុលតាមក្រោយ។ ប្រជាពលរដ្ឋក្នុងមូលដ្ឋានស្នើសុំដល់អាជ្ញាធរនិងសមត្ថកិច្ចពាក់ព័ន្ធទប់ស្កាត់ចំពោះរថយន្តដឹកដំឡូងមីធន់ធ្ងន់ចេញពីឃុំចម្ការលើមកឃុំថាឡាបរិវ៉ាត់ផង។បើពុំនោះទេរថយន្តដែលឆ្លងកាត់ធុនធ្ងន់ទាំងឈប់ទាំងថ្ងៃនិងបំផ្លាញស្ពានកាន់តែខ្លាំងជាក់ជាពុំខាន៕សុខុម
“ថ្ងៃចូលឆ្នាំចិនមិនមែនជាថ្ងៃឈប់សម្រាកនៃមន្ត្រីរាជការទេតែហាក់ដូចបាត់មនុស្សច្រើន”
ភ្នំពេញ៖ រដ្ឋមន្រ្តីក្រសួងព័ត៌មានលោក ខៀវ កាញារីទ្ធ បានលើកឡើងថា៖ ថ្ងៃចូលឆ្នាំចិន មិនមែនជាថ្ងៃឈប់សម្រាប់មន្ត្រីរាជការទេ តែហាក់ដូចបាត់មនុស្សច្រើន។ គេហទំព័រហ្វេសប៊ុក នៅថ្ងៃទី១២ ខែកុម្ភៈនេះ លោក ខៀវ កាញារីទ្ធ រដ្ឋមន្រ្តីក្រសួងព័ត៌មាន បានបញ្ជាក់ថា៖ “ថ្ងៃចូលឆ្នាំចិនមិនមែនជាថ្ងៃឈប់ សម្រាប់មន្ត្រីរាជការទេ តែហាក់ដូចបាត់មនុស្សច្រើន ការងារក៏រង្វើលតាមនោះដែរ ហេតុនេះក៏និយាយពីរឿងប្រវត្តិសាស្ត្រមួយ”។ ជាមួយគ្នានេះ លោក ខៀវ កាញារីទ្ធ បានលើកយករឿងប្រវត្តិសាស្ត្រ មួយមកដំណាលដូចតទៅ៖ គេតែងនិយាយថា មនុស្សអាក្រក់មានពេលខ្លះក៏មានបីសាចតាមថែរក្សាដែរ ពិសេសពេលវាសនាមនុស្សត្រូវទទួលបាបកម្ម ។ ជាឧទាហរណ៍ ជីវិតរបស់ Adolf Hitler ។ នៅថ្ងៃទី១០ មករា ១៩៣៣ ក្រោយការឈ្នះឆ្នោត ហ៊ីត្លែរ ត្រូវបានតែងតាំងជាអធិការបតី នៃប្រទេសអាល្លឺម៉ង់ ហើយវិធានការនយោបាយ របស់ហ៊ីត្លែរដំបូងគេគឺ លុបបំបាត់ក្រុមប្រឆាំងឆ្វេងនិយម។វិធានការនយោបាយនេះ បានធ្វើឱ្យជាងឈើម្នាក់ឈ្មោះ Georg Elser ដែលជាមនុស្សឆ្វេងនិយមម្នាក់ កើតចិត្តប៉ងសម្លាប់ហ៊ីត្លែរ ដោយការបំផ្ទុះគ្រាប់បែក នៅពេលដែលហ៊ីត្លែរចូលរួមខួប នៃការប៉ុនប៉ងទម្លាក់ រដ្ឋាភិបាលអាល្លឺម៉ង់នាថ្ងៃ៨ […]
ថ្ងៃទី១៣និងទី១៤ខែកុម្ភៈតំបន់ខ្លះនឹងមានការរអាក់រអួលផ្នែកអគ្គិសនី
ភ្នំពេញ៖អគ្គិសនីកម្ពុជាបានជូនដំណឹងស្តីពីការអនុវត្តការងារជួសជុលផ្លាស់ប្តូរដំឡើងបរិក្ខារនានានៅថ្ងៃទី១៣ខែកុម្ភ: ឆ្នាំ២០២១ដល់ថ្ងៃទី១៤ខែកុម្ភ: ឆ្នាំ២០២១ និងរុះរើគន្លងខ្សែបណ្តាញអគ្គិសនីនៃអគ្គិសនីកម្ពុជា។ក្នុងនោះដើម្បីបង្កលក្ខណ:ងាយស្រួលដល់ការដ្ឋានពង្រីកផ្លូវ នៅតំបន់មួយចំនួនទៅតាមពេលវេលា និងទីកន្លែងដូចសេចក្តីជូនដំណឹងលម្អិតខាងក្រោម។ សេចក្តីជូបដំណឹងបានបន្តថា “ទោះជាមានការខិតខំថែរក្សាមិនឱ្យមានការប៉ះពាល់ដល់ការផ្គត់ផ្គង់អគ្គិសនីធំដុំយ៉ាងណាក្តីតែការផ្គត់ផ្គង់ចរន្តអគ្គិសនីនៅតំបន់មួយចំនួនអាចនឹងមានការរអាក់រអួលខ្លះៗជៀសមិនផុតដែលយើងខ្ញុំស្នើសុំអភ័យទោសទុកជាមុន”៕វិចិត្រ សូមអានសេចក្តីជូនដំណឹងខាងក្រោម៖
ជិះម៉ូតូបុកគោកំពុងដើរលើផ្លូវបណ្តាលឱ្យស្លាប់
កំពត៖បុរសម្នាក់បានស្លាប់ភ្លាមៗបន្ទាប់ពីជិះម៉ូតូលឿនជ្រុលទៅបុកគោកំពុងដើរឆ្លងផ្លូវនៅលើកំណាត់ផ្លូវជាតិលេខ៤១ស្ថិតក្នុងភូមិល្អាង ឃុំល្អាងស្រុកដងទង់ កាលពីព្រលប់ថ្ងៃទី១១ ខែកុម្ភៈ ឆ្នាំ២០២១ ។ មន្ត្រីនគរបាលចរាចរណ៍បានឱ្យដឹងថា៖បុរសដែលស្លាប់ក្នុងហេតុការណ៍នោះឈ្មោះថាន់ ហាំ អាយុ៣២ឆ្នាំនៅភូមិស្រែជ្រៅ ឃុំល្បើកស្រុកឈូក ខេត្តកំពត។ សមត្ថកិច្ចបានបន្តថា៖មុនពេលកើតហេតុ គេឃើញបុរសរូបនោះជិះម៉ូតូម្នាក់ឯង មិនមានពាក់មួកសុវត្ថិភាពទេបានបុកគោមួយក្បាលកំពុងដើរឆ្លងផ្លូវ ពេញទំហឹងបណ្តាលឱ្យដួលខ្លួនស្លាប់តែម្តង៕ឌីណា
កុងតឺន័របុករថយន្ត១គ្រឿងហើយជ្រុលទៅបុកចូលផ្ទះវេរលុយរបួសធ្ងន់២នាក់
កំពង់ស្ពឺ៖រថយន្ដកុងតឺន័រ ពាក់ផ្លាកកលេខ ភ្នំពេញ 3E-3936 សណ្ដោងសឺមីរ៉ឺម៉កពាក់ផ្លាកលេខ ភ្នំពេញ 4A-5074បានបុកជាមួយរថយន្ដធុនត្រា ពណ៌សពាក់ផ្លាកលេខ ភ្នំពេញ 2AJ-7909នៅលើកំណាត់ផ្លូវជាតិលេខ៤ ក្នុងភូមិចំបក់ ឃុំវល្លិ៍សរ ស្រុកសំរោងទងខេត្តកំពង់ស្ពឺកាលពីម៉ោង ៤ទៀបភ្លឺចូលថៃ្ងទី១២ ខែកុម្ភ: ឆ្នាំ២០២១។ សមត្ថកិច្ចបានឱ្យដឹងថា៖អ្នកបើកបររថយន្តធុនត្រាឈ្មោះ ថូម៉ាស់ ភេទប្រុស អាយុ ៤៥ឆ្នាំ ជនជាតិបរទេស ស្នាក់នៅរាជធានីភ្នំពេញ។ជនរងគ្រោះជាប់ក្នុងរថយន្ដជា អ្នករួមដំណើរឈ្មោះ ឈិន ស្រីស្រស់ ភេទស្រី អាយុ ២៥ឆ្នាំ រស់នៅភូមិភានសា ឃុំព្រះនិព្វាន ខេត្តកំពង់ស្ពឺ ត្រូវសមត្ថកិច្ចជួយអន្ដរាគមន៍សង្រ្គោះបន្ទាន់។ឯអ្នកបើកបរកុងតឺន័រគេចខ្លួនបាត់ក្រោយកើតហេតុ។ សមត្ថកិច្ចដដែលបានបន្តថា៖រថយន្តសណ្ដោងសឺមីរ៉ឺម៉ក បើកបរ ទៅផ្នែកខាងឆ្វេង បុករថយន្ដដែលមកពីមុខរួច រុញចូល ទៅខាងក្នុងផ្ទះវេរប្រាក់ Wingតែម្តង ៕ចំប៉ា
ភូមិមួយនៅឥណ្ឌូណេស៊ីស្រាប់តែមានទឹកជំនន់ពណ៌ដូចឈាមអាជ្ញាធរកំពុងរកមុខអ្នកបង្កឱ្យកើតរឿងនេះ
អន្តរជាតិ៖ប្រជាពលរដ្ឋរស់នៅក្នុងតំបន់ Kelurahan Jenggot ក្នុងទីក្រុង Pekalongan នៃខេត្ត Central Java ពិតជាការរន្ធត់ចិត្តជាខ្លាំងខណៈដែលភូមិត្រូវបានជន់លិចទឹក ជាមួយពណ៌ដូចឈាមអីចឹង។ នេះបើយោងតាមការចុះផ្សាយរបស់សារព័ត៌មានឥណ្ឌូណេស៊ី Kompas បានឱ្យដឹងថា៖ទឹកជោរជន់ពោរពេញទៅដោយអ្វីដែលពណ៌នាថាហាក់ដូចជាឈាមនេះ គឺតាមពិតទៅ វាបណ្តាលមកពីការបោះចោលផលិតផលថ្នាំជ្រលក់វាយនភណ្ឌឧស្សាហកម្មខុសច្បាប់ នៅក្បែរភូមិប៉ុណ្ណោះ។ ប្រភពមួយនិយាយថា អ្វីដែលកាន់តែច្បាស់ជាងនេះទៀតនោះ គឺថាការជ្រលក់វាយនភ័ណ្ឌសម្រាប់ផលិតស្បៃ គឺភូមិនេះជាអ្នកផលិតដ៏ល្បី។ យោងតាមប្រភពព័ត៌មានក្នុងស្រុកមួយ ក៏បាននិយាយថា “ទឹកជំនន់ឈាម”នេះ គឺបណ្តាលមកពីអ្នកស្រុកដែលមិនមានការទទួលខុសត្រូវ បានបោះចោលផលិតផលថ្នាំជ្រលក់វាយនភ័ណ្ឌនៅក្បែរភូមិ។ ប្រភពបន្តថាគឺ មានអ្នកណាម្នាក់ បានបោះចោលកាកសំណល់ថ្នាំជ្រលក់ពណ៌។ ហេតុដូច្នេះ នៅពេលភ្លៀងធ្លាក់ខ្លាំង បង្កឱ្យជ្រាបចូលទឹកសាយភាយពេញទូទាំងភូមិតែម្តង។វាមិនអាចទៅរួចទេ ដែលនិយាយថា បណ្តាលមកពីទឹកហូរចូលរោងចក្រនោះ។ ទោះយ៉ាងណាករណីនេះ អាជ្ញាធរនៅពុំទាន់អាចរកឃើញ អ្នកបោះចោលកាកសំណល់ថ្នាំជ្រលក់ពណ៌នោះនៅឡើយទេ៕CEN