ភ្នំពេញ៖នាព្រឹកថ្ងៃទី២៦ខែវិច្ឆិកាឆ្នាំ២០២០នេះលោកសាស្ត្រាចារ្យម៉មប៊ុនហេងរដ្ឋមន្ត្រីក្រសួងសុខាភិបាលបានដឹកនាំគណ:ប្រតិភូកម្ពុជាចាកចេញពីព្រលានយន្តហោះអន្តរជាតិភ្នំពេញដើម្បីនាំយកអំណោយរបស់រាជរដ្ឋាភិបាលកម្ពុជារួមមានម៉ាស់ចំនួនជាង២លាននិងបរិក្ខារពេទ្យមួយចំនួនទៀតជូនរដ្ឋាភិបាលនិងប្រជាជនមីយ៉ាន់ម៉ា៕សហការី រូបថត៖ ឯល វឌ្ឍន: និងឡាញ់ វិសាល
Author: rsc
អគ្គិភ័យកំពុងឆាបឆេះរោងម៉ាស៊ីនកិនស្រូវមួយកន្លែងក្នុងខណ្ឌដង្កោ
ភ្នំពេញ៖នៅព្រឹកថ្ងៃទី២៦ខែវិច្ឆិកាឆ្នាំ២០២០វេលាម៉ោងជិត១០នេះមានករណីអគ្គិភ័យបានឆាបឆេះរោងម៉ាស៊ីនកិនស្រូវស្ថិតតាមបណ្ដោយផ្លូវជាតិលេខ២សង្កាត់រលួសខណ្ឌដង្កោរាជធានីភ្នំពេញ។ ពេលនេះសមត្ថកិច្ចចម្រុះបានបញ្ចេញរថយន្តអគ្គិភ័យនិងកំពុងជួយអន្តរាគមន៍ពន្លត់នៅទីតាំងកើតហេតុននេះ។ សម្រាប់ព័ត៌មានបន្ថែមគេហទំព័រយើងនឹងផ្សាយជូនបន្តនាលេខក្រោយ៕វិចិត្រ
ភ្លើងបានឆាបឆេះរថយន្តដឹកត្រីមួយគ្រឿងក្នុងស្រុកព្រៃនប់
ព្រះសីហនុ៖នៅវេលាម៉ោងជាង៨យប់ថ្ងៃទី២៥ខែវិច្ឆិកាឆ្នាំ២០២០មុននេះមានរថយន្តដឹកត្រីមួយគ្រឿងត្រូវភ្លើងបានឆាបឆេះនៅតាមផ្លូវជាតិលេខ៤ម្តុំចំណោតរាម ក្នុងស្រុកព្រៃនប់។ ក្រោយកើតហេតុ ក៏មានអន្តរាគមន៍ពីរថយន្តអគ្គិសភ័យជួយពន្លត់និងសមត្ថកិច្ចចម្រុះ។ក្នុងករណីភ្លាមៗនេះនៅមិនទាន់ដឹងពីមូលហេតុដែលនាំឱ្យរថយន្តនេះឆាបឆេះនៅឡើយ៕វិចិត្រ
សមត្ថកិច្ចចាប់ជនម្នាក់ជាមួយគ្រឿងញៀនជាង៦០កញ្ចប់នៅក្រុងពោធិសាត់
ពោធិសាត់៖សមត្ថកិច្ចនគរបាល ប្រឆាំងគ្រឿងញៀន ក្រុងពោធិសាត់ សហការជាមួយប៉ុស្តិ៍រដ្ឋបាលព្រៃញីបានចាប់ជនសង្ស័យម្នាក់រួមនឹងវត្ថុតាងគ្រឿងញៀនចំនួន៧៦កញ្ចប់។ការឃាត់ខ្លួននៅផ្ទះជនសង្ស័យស្ថិតនៅក្នុងភូមិមាន់ចែ សង្កាត់ព្រៃញី ក្រុង/ខេត្តពោធិសាត់កាលពីរសៀលថ្ងៃទី២៤ខែវិច្ឆិកាឆ្នាំ២០២០។ មន្ត្រីនគរបាល ក្រុងពោធិសាត់ បានឱ្យដឹងនៅរសៀល ថ្ងៃទី២៥ ខែវិច្ឆិកាឆ្នាំនេះថាៈជនសង្ស័យ ដែលត្រូវឃាត់ខ្លួននោះឈ្មោះណូតវណ្ណៈភេទប្រុសអាយុ២៥ឆ្នាំជនជាតិខ្មែរ។ប្រភពដដែលបានបន្តថាៈក្នុងការបង្ក្រាបបទល្មើសនេះ កម្លាំងបានដកហូតវត្ថុតាង មានម្សៅក្រាម ពណ៌សថ្លា សង្ស័យជាសារធាតុញៀន ចំនួន ៦៥ កញ្ចប់។ជញ្ជីងអេឡិចត្រូនិក សម្រាប់ថ្លឹងគ្រឿងញៀន ១គ្រឿង រួមនឹងឧបករណ៍ពាក់ព័ន្ធបទល្មើសផ្សេងៗទៀត៕វិចិត្រ
ក្មេងស្រីម្នាក់ចុះរាវខ្យងក្នុងប្រឡាយបណ្តាលឱ្យលង់ទឹកស្លាប់
កំពង់ធំ:ក្មេងស្រីម្នាក់បានចុះរាវខ្យងក្នុងប្រឡាយបណ្តាលឱ្យលង់ទឹកស្លាប់បង្កឱ្យមានការភ្ញាក់ផ្អើល។ករណីនេះបានកើតឡើងនៅភូមិស្លែងឃុំក្តីដូងស្រុកកំពង់ស្វាយខេត្តកំពង់ធំកាលពីរសៀលថ្ងៃទី២៥ ខែវិច្ឆិកាឆ្នាំ២០២០។ អ្នកភូមិបានឱ្យដឹងថាៈក្មេងរងគ្រោះឈ្មោះហោចន្នាភេទស្រីអាយុ៩ឆ្នាំ។មូលហេតុដោយក្មេងរងគ្រោះចុះរកខ្យងក្នុងទឹកប្រឡាយបណ្តាលឱ្យលង់ស្លាប់។ក្រោយកើតហេតុសមត្ថកិច្ចបានចុះពិនិត្យជាក់ស្តែងរួចទើបប្រគល់សពឱ្យទៅក្រុមគ្រួសារយកទៅធ្វើបុណ្យ៕វិចិត្រ
សម្លម្ជូរទុរេនត្រីពោ
គ្រឿងផ្សំ–ត្រីពោ៣កង់ធំៗ–សាច់ទុរេនខ្ចី ៣ខាំ–គ្រឿងបុក១ស្លាបព្រាបាយ–ទឹកអំពិលទុំ៤ស្លាបព្រាបាយ–កាពិ ១ស្លាបព្រាកាហ្វេ–ស្ករត្នោត១ផែន–ទឹកត្រី១ស្លាបព្រាបាយ– អំបិល២ស្លាបព្រាកាហ្វេ។ វិធីធ្វើ–លាងត្រីឱ្យស្អាត ហាន់សាច់ទុរេនខ្ចីជាដុំៗតូចល្មមទុកមួយអន្លើ–ដាក់ដាំទឹកល្មមមួយសម្ល ពេលពុះដាក់គ្រឿងបុក(គល់ស្លឹកគ្រៃ ស្លឹកក្រូច រមៀត រំដេង) និងកាពិចូលកូរឱ្យរលាយទើបដាក់សាច់ទុរេនចូល។ បន្ទាប់មកដាក់អំបិល ទឹកអំពិលទុំ ស្ករត្នោត ទឹកត្រី ទុកឱ្យពុះប្រហែល៥នាទី សឹមដាក់ត្រីចូលទុកឱ្យឆ្អិនបន្លែនិងសាច់ត្រីរួចជាការស្រេច ៕ប្រភព: Ying World Food(រស្មីកម្ពុជា)
ឈ្លោះគ្នាជាមួយប្រពន្ធចិនម្នាក់ចាក់សម្លាប់កូនស្រីអាយុ១ឆ្នាំនឹងកន្ត្រៃ
កណ្តាល៖ជនជាតិចិនបានយកកន្ត្រៃចាក់សម្លាប់កូនស្រីខ្លួនឯងដែលមានអាយុទើបតែ១ខួបដោយសារមានជម្លោះក្នុងគ្រួសារ។ហេតុការណ៍នេះបានកើតឡើងនៅក្នុងបន្ទប់លេខ១០១ផ្ទះសំណាក់មង្គលភូមិថ្មីសង្កាត់/ក្រុងតាខ្មៅខេត្តកណ្តាលកាលពីថ្ងៃទី២៤ ខែវិច្ឆិកា ឆ្នាំ២០២០។ ប្រភពបានឱ្យដឹងថាៈក្រោយកើតហេតុលោកឧត្តមសេនីយ៍ទោឈឿនសុចិត្តស្នងការខេត្តកណ្តាលបានដឹកនាំកម្លាំងចុះបង្ក្រាបដោយផ្ទាល់។រហូតចាប់ខ្លួនជនដៃដល់ឈ្មោះភីនភីនភេទប្រុសអាយុ៣០ឆ្នាំជនជាតិចិនជាឃាតកសម្លាប់កូនខ្លួនឯង។វត្ថុតាងចាប់យកបានមានកន្ត្រៃដែកដងជ័រចំនួន១។ ប្រភពដដែលបានបន្តថាៈរីឯកុមារីតូចដែលស្លាប់អាយុជាង១ឆ្នាំម្តាយជាជនជាតិខ្មែរឈ្មោះធុងចាន់រះអាយុ៣០ឆ្នាំឪពុកជាជនជាតិចិន។នៅមុនពេលកើតហេតុម្តាយកុមារីរងគ្រោះបានរត់ចោលប្តីជាជនជាតិចិននិងកូនស្រីតូចរបស់ខ្លួនពីភូមិសង្កែរោងឃុំរហាស់ស្រុករវៀងខេត្តព្រះវិហារមកនៅភ្នំពេញ៕វិចិត្រ
សមត្ថកិច្ចចាប់បុរសចិនម្នាក់ករណីប្រើហឹង្សាលើប្រពន្ធជនជាតិខ្មែរបណ្ដាលឱ្យរបួស
ភ្នំពេញ៖កាលពីរសៀលថ្ងៃទី២៥ខែវិច្ឆិកាឆ្នាំ២០២០កម្លាំងនគរបាលខណ្ឌបឹងកេងកងបានចាប់ចិនម្នាក់ដែលប្រើអំពើហិង្សាលើប្រពន្ធខ្មែរបង្កឱ្យមានរបួសស្នាម។ករណីនេះបានកើតឡើងនៅក្នុងហាងមួយស្ថិតនៅផ្ទះលេខ៦៧បេផ្លូវលេខ៣១០សង្កាត់បឹងកេងកងទី២ខណ្ឌបឹងកេងកងកាលពីយប់ថ្ងៃទី២៣ខែវិច្ឆិកាឆ្នាំ២០២០កន្លងទៅ។ សមត្ថកិច្ចបានឱ្យដឹងថាៈបុរសជនជាតិចិននោះឈ្មោះឈិនស៊ាអ៊ីអាយុ៤២ឆ្នាំនិងប្រពន្ធរងគ្រោះឈ្មោះជីវស៊ុយងីងអាយុ៣១ឆ្នាំព្រមទាំងមានកូនស្រី២នាក់។ជនរងគ្រោះបានទទួលរងនូវអំពើហិង្សាត្រង់ចំណុច.ក.សៀតផ្កាខាងឆ្វេង.ត្របកលើក្រោមនៃភ្នែកខាងឆ្វេង.ជង្គុងខាងស្តាំ និង កែងដៃខាងឆ្វេង។ សមត្ថកិច្ចបានចាប់ខ្លួនជនបង្ករូបនេះដោយកំពុងសាកសួរនៅប៉ុស្តិ៍នគរបាលរដ្ឋបាលបឹងកេងកងទី២។បន្ទាប់ពីបានទទួលពាក្យបណ្ដឹងពីជនរងគ្រោះនិងឆែកមើលកាមេរ៉ាសុវត្ថិភាពរួចមក៕វិចិត្រ
រថយន្តដឹកអ្នកដំណើរបើកបុកគោយន្តកន្រៃ្តស្លាប់ម្នាក់របួសពីរនាក់
សៀមរាប៖គ្រោះថ្នាក់ចរាចរណ៍មួយដោយរថយន្តក្រុមហ៊ុនវិបុលអិចប្រេសបានបើកបុកគោយន្តកន្ត្រៃបណ្តាលឱ្យយុវជនម្នាក់ស្លាប់និង២នាក់ទៀតរងរបួស។ហេតុការណ៍នេះបានកើតឡើងនៅត្រង់ផ្លូវបំបែកខាងកើតអនុវិទ្យាល័យស្ពានត្នោតស្ថិតក្នុងភូមិស្ពានត្នោតឃុំស្ពានត្នោតស្រុកជីក្រែងខេត្តសៀមរាបកាលពីព្រឹកថ្ងៃទី២៥ខែវិច្ឆិកាឆ្នាំ២០២០។ លោកវរសេនីយ៍ឯកសុខសុទ្ធាវុធអធិការនគរបាលស្រុកជីក្រែងបានឱ្យដឹងថាៈករណីនេះបង្កឡើងដោយរថយន្ត ក្រុមហ៊ុនវិបុល អិចប្រេស ដឹកអ្នក ដំណើរ ម៉ាកFONTONពាក់ផ្លាកលេខភ្នំពេញAF- 7151ប្រភេទដឹកអ្នកដំណើរធុនតូច១៥កៅអីមិនស្គាល់អត្តសញ្ញាណអ្នកបើកបរដោយរត់បាត់។ លោកអធិការបានបន្តថាៈរថយន្តបានបុកគោយន្តកន្រៃ្តម៉ាកKUBOTAអ្នកបើកបរឈ្មោះអ៊ាតប៉េតភេទប្រុសអាយុ១៦ឆ្នាំនៅភូមិគរឃុំចំណាលើស្រុកស្ទោងខេត្តកំពង់ធំបណ្ដាលឱ្យស្លាប់។អ្នករួមដំណើរ ២នាក់ទៀតឈ្មោះចាន់អៀតភេទប្រុសអាយុ៤១ឆ្នាំត្រូវជាឪពុករបួសស្រាលនិងឈ្មោះអៀនសឿនភេទស្រីអាយុ៤០ឆ្នាំត្រូវជាម្ដាយរបួសធ្ងន់។អ្នកទាំង៣ឪពុកម្ដាយនិងកូនទៅស្រុកអន្លង់វែងខេត្តឧត្ដរមានជ័យ៕ស.សែត
ចាប់ថៅកែហាងលក់គ្រឿងកាឡៃករណីចាប់រំលោភបុគ្គលិកជាអនីតិជន
សៀមរាប៖កម្លាំងនគរបាលប្រឆាំងការជួញដូរមនុស្សនិងការពារអនីតិជនខេត្តសៀមរាបកាលពីរសៀលថ្ងៃទី២៤ខែវិច្ឆិការឆ្នាំ២០២០បានតាមទៅចាប់ថៅកែហាងយីហោពិភពម៉ូតដល់ក្រុងភ្នំពេញបន្ទាប់ពីរំលោភសេពសន្ធវ:លើកូនចៅរបស់ខ្លួនជាអនីតិជនហើយរត់គេចខ្លួន។ លោកវរសេនីយ៍ឯកជាហេងនាយការិយាល័យប្រឆាំងការជួញដូរមនុស្សនិងការពារអនីតិជនខេត្តបានឱ្យដឹងថាៈការចាប់ខ្លួនជននេះគឺអនុវត្តតាមដីកាបង្គាប់ឱ្យចាប់ខ្លួនរបស់តុលាការខេត្តសៀមរាប។លោកបន្តថាៈជននេះមានឈ្មោះហេងសុវណ្ណភេទប្រុសអាយុ៣៣ឆ្នាំជាថៅកែហាងលក់គ្រឿងកាឡៃយីហោពិភពម៉ូតមានទីតាំងមុខផ្សារលើធំថ្មីស្ថិតក្នុងភូមិចុងកៅស៊ូសង្កាត់ស្លក្រាមក្រុងសៀមរាប។ចំណែកក្មេងស្រីរងគ្រោះឈ្មោះ ហ.ថ.រ អាយុ១៤ឆ្នាំ ជាបុគ្គលិកហាង។ សមត្ថកិច្ចស៊ើបអង្កេតជាហូហែរទើបរកឃើញទីតាំងលាក់ខ្លួនរបស់គេហើយក៏តាមទៅចាប់ខ្លួនតែម្តង។ជនជាប់សង្ស័យបានបញ្ជូនទៅតុលាការនៅរសៀលថ្ងៃទី២៥ខែវិច្ឆិកាឆ្នាំ២០២០នេះដើម្បីបន្តនីតិវិធី៕ស.សែត