កម្ពុជា-សាធារណរដ្ឋកូរ៉ រំលេចអំពីការឯកភាពលើកកម្ពស់កម្រិតទំនាក់ទំនង កម្ពុជា-កូរ៉េ ឯកភាពលើកកម្ពស់កម្រិតទំនាក់ទំនង ឱ្យឈានដល់កម្រិត «ភាពជាដៃគូយុទ្ធសាស្ត្រ»

ឯកឧត្តម ហាន់ ដុកស៊ូ នាយករដ្ឋមន្ត្រី នៃសាធារណរដ្ឋកូរ៉េ បានសម្តែងនូវកិច្ចស្វាគមន៍យ៉ាងកក់ក្តៅចំពោះការអញ្ជើញបំពេញទស្សនកិច្ចផ្លូវការរបស់ សម្ដេចធិបតី ហ៊ុន ម៉ាណែត និងគណៈប្រតិភូជាន់ខ្ពស់ នៃរាជរដ្ឋាភិបាលកម្ពុជា និងបាន ឱ្យឈានដល់កម្រិត «ភាពជាដៃគូយុទ្ធសាស្ត្រ» ដែលនឹងចូលរួមចំណែកក្នុងការ ពង្រឹងទំនាក់ទំនង និងកិច្ចសហប្រតិបត្តិការលើវិស័យនានារវាងប្រទេសទាំង២។     យោងតាមសេចក្តីប្រកាសព័ត៌មាន ស្តីពី ជោគជ័យនៃដំណើរអញ្ជើញបំពេញទស្សនកិច្ចផ្លូវការរបស់សម្ដេចមហាបវរធិបតី ហ៊ុន ម៉ាណែត នៅសាធារណរដ្ឋកូរ៉េ បានបញ្ជាក់ថា «ភាពជាដៃគូយុទ្ធសាស្ត្រ» កម្ពុជា-សាធារណរដ្ឋកូរ៉េ គឺជាការបោះជំហានដ៏សំខាន់មួយទៀតនៃទំនាក់ទំនងរវាងប្រទេសទាំង២ដោយក្រុមហ៊ុនកូរ៉េជាច្រើន បានចាប់អារម្មណ៍ខ្លាំងមកលើប្រទេសកម្ពុជា ដោយចាត់ទុកកម្ពុជាជាប្រទេស ដែលមានអំណោយផលជាងគេក្នុងចំណោមបណ្តាប្រទេសអាស៊ានសម្រាប់ការបោះទុនវិនិយោគ។   ជាមួយគ្នានោះតាមការគូសបញ្ជាក់របស់ ឯកឧត្តម តាន់ ហ្សង់ហ្វ្រង់ស័រ រដ្ឋមន្ត្រីប្រតិភូអមនាយករដ្ឋមន្ត្រី បានឲ្យដឹងថា «ភាពជាដៃគូយុទ្ធសាស្ត្រ» កម្ពុជា-សាធារណរដ្ឋកូរ៉េ សំដៅទៅលើការជំរុញឲ្យសម្រេចបាននូវកិច្ចសហប្រតិបត្តិការលើគ្រប់វិស័យឲ្យកាន់តែជិតស្និត សម្រាប់ជាប្រយោជន៍រួម និងប្រយោជន៍ដែលអាចទាញបានពីគ្នាទៅវិញទៅមករវាងប្រទេសទាំង២៕

កីឡា ៖ សហព័ន្ធ​កីឡា​ទាញព្រ័ត្រ​កម្ពុជា​បានប្រកាស ថា​ខ្លួន​នឹង​រៀបចំ​ការប្រកួត កីឡា​ទាញព្រ័ត្រ ជើងឯក​ថ្នាក់ជាតិ​ឆ្នាំ​២០២៤ រយៈពេល​៣​ថ្ងៃ គឺ​ចាប់ពី​ថ្ងៃទី​១០ ដល់​ថ្ងៃទី​១២​ខែឧសភា នៅ ទីលាន​តេ​ជោ ស្ថិតក្នុង​ក្រុងព្រះសីហនុ​ខេត្ត​ព្រះសីហនុ ដើម្បី​វាស់​ស្ទង់​សមត្ថភាព​អត្ត​ព​លិ​ក​ផង ដើម្បី​ពង្រឹងគុណភាព​នៃ​ប្រភេទ​កីឡា នេះ​ឲ្យ​កាន់តែ​ប្រសើរឡើង ត្រៀម​ចូលរួម​ប្រកួត​កីឡា​ស៊ី​ហ្គេម ឆ្នាំ​២០២៥ នៅ​ប្រទេស​ថៃ ឲ្យ​ទទួលបាន​គុណ​ផល​ខ្ពស់ ។​