សឿ សុធារ៉ា សុំទោសក្រោយចោទប្រកាន់ថាខ្ញុងជំពាក់ប្រាក់ជិត១ម៉ឺនដុល្លារ

ភ្នំពេញ៖ រឿងរ៉ាវជំពាក់លុយតុងទីនរហូតលេចចេញរឿងចម្រូងចម្រាសរវាងតារាសម្តែង សឿ សុធារ៉ា និងនាងខ្ញុងនោះ បានសម្រេចបញ្ចប់គ្នាហើយ ដោយអ្នកនាងសឿ សុធារ៉ាចេញមុខសុំទោសខ្ញុងជាសាធារណៈ ។ អ្នកនាង សឿ សុធារ៉ាបានបញ្ជាក់លើបណ្តាញសង្គមថា៖ “សូមជំរាបសួរដល់បងប្អូនទាំងអស់ថា កាលពីថ្ងៃទី៦ ខ្ញុំបានផុសហ្វេសបុកនិយាយអំពីការលេងតុងទីនជាមួយអ្នកនាង ស្រេងសុកាន់ដា (ហៅស្រីញ៉ុង) ឱ្យបងប្អូនបានឃើញទាំងអស់គ្នា.នាងខ្ញុំសូមជម្រាបថា គាត់បានទូទាត់ឱ្យនាងខ្ញុំដើម្បីបញ្ចប់រឿងតាំងពីថ្ងៃទី២៤ ខែកញ្ញា ឆ្នាំ២០២១ រួចរាល់អស់ហើយ។