Featured ព័ត៌មានសង្គម សន្តិសុខ

បញ្ជូនវៀតណាម៤នាក់ គ្រឿងញៀនជាង១គីឡូ និងកាំភ្លើងខ្លី៣ដើម ទៅតុលាការ

ស្វាយរៀង៖កម្លាំងនគរបាលក្រុងបាវិត បានបង្ក្រាបករណីគ្រឿងញៀន ដោយចាប់ជនសង្ស័យប្រុសស្រី៤នាក់ ជាជនជាតិវៀតណាម​ ជាមួយគ្រឿងញៀនជាង១គីឡួក្រាម និងកាំភ្លើងខ្លី៣ដើម ហើយបានបញ្ជូនទៅតុលាការខេត្ត ដើម្បីចាត់ការតាមច្បាប់។សមត្ថកិច្ចបានឱ្យដឹងថា​ ជនសង្ស័យឈ្មោះ ដង អាន់តង អាយុ២៧ឆ្នាំ-ឈ្មោះ ហ្វាម មិនថាំង-ឈ្មោះ ឡេ ឌឹកជី និងឈ្មោះ ហ្វាម ជូង៉ុក ភេទស្រី។ពួកគេជាជនជាតិវៀតណាម ស្នាក់នៅផ្ទះជួលភូមិបាវិតកណ្តាល សង្កាត់/ក្រុងបាវិត ខេត្តស្វាយរៀង។មន្ត្រីដដែលបានបន្តថា​ ដោយអនុវត្តតាមបទបញ្ជាពីឧត្តមសេនីយ៍ទោ ពេជ្រ វីរ: ស្នងការនគរបាលខេត្ត កាលពីថ្ងៃទី២៣-២៦ ខែកុម្ភ: កម្លាំងជំនាញ ប្រឆាំងគ្រឿងញៀនខេត្ត ជាមួយនគរបាលក្រុងបាវិត បានសហការចុះបង្ក្រាប ករណីគ្រឿងញៀន និងកាន់កាប់អាវុធ គ្រាប់រំសេវខុសច្បាប់។ករណីនេះធ្វើឡើងនៅផ្ទះជួល ក្នុងភូមិបាវិតកណ្តាល សង្កាត់បាវិត ខេត្តស្វាយរៀង។ក្នុងប្រតិបត្តិការនោះសមត្ថកិច្ច បានឃាត់ខ្លួនជនសង្ស័យ ប្រុសស្រីចំនួន៤ជាជនជាតិវៀតណាម។ពេលឃាត់ខ្លួន កម្លាំងជំនាញបានដកហូតវត្ថុតាងនិងសម្ភារ-ម្សៅសថ្លា សង្ស័យជាគ្រឿងញៀនប្រភេទ មេតំហ្វេតាមីនចំនួន៤៤កញ្ចប់-ប្រភេទកេតាមីន៧កញ្ចប់។ប្រភេទគ្រាប់ក្រហមMDMA៣៤គ្រាប់-ក្រាមកញ្ចប់ប្រភេទMDMA ១៤២គ្រាប់។-គ្រឿងញៀនគ្រាប់ពណ៌លឿងប្រភេទ MDMA ចំនួន១៥៤គ្រាប់-គ្រឿងញៀនកញ្ចប់ពណ៌ក្រហមសញ្ញាទំពាំងបាយជូរប្រភេទMDMA ៥កញ្ចប់- សរុបគ្រឿងញៀនទម្ងន់ ១គីឡូ៤០៧,៣៦ក្រាម-ជញ្ជីងថ្លឹងគ្រឿងញៀន២គ្រឿង-អាវុធខ្លី៣ដើម បង់១-គ្រាប់២១គ្រាប់-ទូរសព្ទ៤ គ្រឿង-ម៉ូតូ៨គ្រឿង-ប្រាក់ដុល្លារ១.៨៤០ដុល្លារ-កាតធនាគារ៥- លិខិតឆ្លងដែន២ ក្បាល-អត្តសញ្ញាណបណ្ណសញ្ជាតិវៀតណាម៧សន្លឹកនិងគ្រឿងអលង្ការ ឧបករណ៍ […]

ព័ត៌មានសង្គម សន្តិសុខ

ចាប់អ្នកលក់ទំនិញបោះដុំ បញ្ជូនទៅតុលាការ ករណីចេញសែកស្អុយ ជាង២ម៉ឺនដុល្លារ

ភ្នំពេញ៖កម្លាំងនគរបាលក្រសួងមហាផ្ទៃ កាលពីថ្ងៃទី២៨ ខែកុម្ភៈបានឃាត់ខ្លួនអ្នកលក់បោះដុំថង់ប្លាស្ទីកច្រកទំនិញគ្រប់ប្រភេទ រួចបញ្ជូនទៅតុលាការ​ រាជធានីភ្នំពេញ ពាក់ព័ន្ធករណីចេញសែកស្អុយ ជាង២ម៉ឺនដុល្លារដើម្បី ចាត់ការតាមនីតិវិធី។ សមត្ថកិច្ចបានឱ្យដឹងថា​ ជនសង្ស័យឈ្មោះ​ សុខ ស័ក្កបញ្ញាណិត អាយុ​៣៤ ឆ្នាំ អ្នកលក់បោះដុំថង់ច្រកទំនិញគ្រប់មុខ ទីលំនៅបុរីហុងឡាយ ខណ្ឌដង្កោ។មន្ត្រីដដែលបានបន្តថា​ កាលពីថ្ងៃទី២៦ ខែកុម្ភៈកម្លាំងនគរបាលក្រសួងមហាផ្ទៃ បានអនុវត្តដីកាបញ្ជាឱ្យចូលខ្លួនរបស់លោក ច្រឹង ខ្មៅ ព្រះរាជអាជ្ញា នៃអយ្យការអម​សាលាដំបូង​រាជធានីភ្នំពេញ ទៅលើឈ្មោះ​ សុខ ស័ក្កបញ្ញាណិត។តាមបណ្តឹងពីបុរសរងគ្រោះឈ្មោះ ស្វាយ សារ៉ាត់​ តារាវុធ​ អាយុ៣៦ ឆ្នាំ នៅភូមិដំណាក់ធំ៣ សង្កាត់ស្ទឹងមានជ័យ៣ ខណ្ឌមានជ័យ។អង្គហេតុនៃការឃាត់ខ្លួននោះបានបញ្ជាក់ថា  កាលពីអំឡុងខែកុម្ភៈ ឆ្នាំ២០២៣ ជនសង្ស័យឈ្មោះ​ សុខ ស័ក្កបញ្ញាណិត បានទំនាក់ទំនងនិងលួងលោមជនរងគ្រោះ ដើម្បីឱ្យដាក់ទុនរកស៊ីជាមួយគ្នា ក្នុងទំហំទឹកប្រាក់ចំនួន ២៣.០០០ដុល្លារ។ ក្នុងនោះជនសង្ស័យបានអះអាងថា បើសិនជាការងារនោះ រកស៊ីទៅមិនមានផល ចំណេញ ឬមិនកាក់កបយ៉ាងណាក្តី រូបគេជាជនសង្ស័យ នឹងប្រគល់ប្រាក់ឱ្យជនរងគ្រោះគ្រប់ចំនួនវិញ ក្នុងរយៈពេល៣ខែ។ដោយមានការជឿទុកចិត្តលើអ្នករាប់អានគ្នា ជនរងគ្រោះក៏បានប្រគល់ប្រាក់សុទ្ធចំនួន២៣.០០០ ដុល្លារឱ្យទៅជនសង្ស័យនៅក្នុងបុរីហុងឡាយ ផ្ទះលេខ១៩ […]

ព័ត៌មានសង្គម សន្តិសុខ

រុះរើរោងមាន់ដាក់ជណ្ដើរដែក ចំលើខ្សែភ្លើងរហែកសំបក ជាន់ឡើងឆ្លងចរន្តឆក់ស្លាប់

បន្ទាយមានជ័យ៖បុរសម្នាក់យកជណ្ដើរដែកដាក់ចំ ខ្សែភ្លើងរហែកសំបក ជាន់ឡើងរុះរើរោងមាន់ ក៏ឆ្លងចរន្តបណ្តាលឱ្យឆក់ស្លាប់។ហេតុការណ៍នវបានកើតឡើង នៅភូមិគីឡូលេខ៤ សង្កាត់ផ្សារកណ្ដាល ក្រុងប៉ោយប៉ែត កាលពីរសៀលថ្ងៃទី២៧ ខែកុម្ភៈ។មន្ត្រីនគរបាលក្រុងប៉ោយប៉ែតបានឱ្យដឹងថា បុរសបាត់បង់ជីវិតឈ្មោះ អ៊ឹម វុទ្ធី អាយុ៤០ឆ្នាំ នៅភូមិគីឡូលេខ៤ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ។មុនកើតហេតុជនរងគ្រោះបាន រុះរើរោងចិញ្ចឹមមាន់ធ្វើអំពីដែក ហើយបានយកម៉ាស៊ីនផ្សារដែកទៅផ្សារកាត់រោងនោះ។ដោយយកជណ្តើរដែកដាក់ ចំលើខ្សែភ្លើងរហែកសំបករួចឡើងជាន់បណ្តាលឱ្យឆ្លងចរន្តភ្លើងឆក់ស្លាប់តែម្តង ។ក្រោយកើតហេតុក្រុមគ្រួសារបានដឹកទៅសង្រ្គោះ នៅមន្ទីរពេទ្យបង្អែកក្រុងប៉ោយប៉ែត។ តែជាអកុសលជនរងគ្រោះ បានបាត់បង់ជីវិតទៅហើយ ។សពត្រូវបានរៀបចំធ្វើបុណ្យនៅភូមិគីឡូលេខ៤ សង្កាត់ផ្សារកណ្ដាល ក្រុងប៉ោយប៉ែត៕

ព័ត៌មានសង្គម សន្តិសុខ

បង្គោលខ្សែភ្លើងមួយដើម ឆ្លងចរន្តអគ្គិសនី ធ្លាក់ផ្កាភ្លើងរាលដាល ឆេះរថយន្តមួយគ្រឿង

ភ្នំពេញ៖បង្គោលខ្សែភ្លើងមួយដើម បានឆ្លងចរន្តអគ្គិសនី រួចធ្លាក់កម្ចចភ្លើង ត្រូវរថយន្តដែលចតខាងក្រោមបណ្ដាលឱ្យឆេះ តែត្រូវកម្លាំងជំនាញជួយបាញ់ទឹកពន្លត់ទាន់។ហេតុការណ៍នោះ​បានកើតឡើងនៅ តាមផ្លូវណតប្រ៊ីត ក្នុងសង្កាត់ទឹកថ្លា ខណ្ឌសែនសុខ កាលពីវេលាទៀបភ្លឺថ្ងៃទី២៩​ ខែកុម្ភៈ។អ្នកនៅជិតកន្លែងឆេះបានឱ្យដឹងថា មុនកើតហេតុបង្គោលខ្សែភ្លើង មួយដើមបានឆ្លងចរន្តអគ្គិសនី រួចបង្កទៅជាអណ្តាតភ្លើងឆេះយ៉ាងសន្ធោសន្ធៅ។ ពេលនោះអ្នកនៅក្បែរខាងក៏នាំគ្នាយកបំពង់ពន្លត់អគ្គិភ័យ ដើម្បីជួយបាញ់ពន្លត់ភ្លើង និងរាយការណ៍ទៅរថយន្តពន្លត់អគ្គិភ័យមកជួយអន្តរាគមន៍ជាបន្ទាន់។ភ្លាមៗរថយន្តពន្លត់អគ្គិភ័យ បានចេញមកជួយបាញ់ទឹក ភ្លើងក៏រលត់។បន្ទាប់ពីកើតហេតុបង្កខូចខាតរថយន្តមួយគ្រឿង តែមិនមានគ្រោះថ្នាក់ដល់មនុស្សទេ៕  

ព័ត៌មានសង្គម សន្តិសុខ

ដាក់គុកវៀតណាមម្នាក់ បើករថយន្តផ្លាកលេខខេមរភូមិន្ទ បុករះថ្វើឱ្យមនុស្ស២៩នាក់រងរបួស

កណ្ដាល​៖​តុលាការខេត្តកណ្តាល សម្រេចឃុំខ្លួនបុរស ជនជាតិវៀតណាមម្នាក់ករណី បើករថយន្ត FORD RAPTOR ផ្លាកលេខ ខេមរភូមិន្ទ​ 012-1862 បុករះបណ្តាលឱ្យមនុស្ស២៩នាក់រងរបួសធ្ងន់៣នាក់ស្រាល២៦នាក់។តាម​សេចក្តីប្រកាស​ព័ត៌មាន​របស់ ​អ្នក​នាំពាក្យ​សាលាដំបូង ខេត្តកណ្តាលបានចុះថ្ងៃទី២៧​ ខែកុម្ភៈ​ ឆ្នាំ២០២៤ ករណី​សំណុំរឿង​ព្រហ្មទណ្ឌលេខ ៤៨២ បង្កឡើងដោយឈ្មោះ PHAM MINH CHAN ភេទប្រុស ជនជាតិវៀតណាម។ជនសង្ស័យបើករថយន្តម៉ាក FORD RAPTOR ផ្លាកលេខ ខេមរភូមិន្ទ012-1862 បុករះបណ្តាលឱ្យមានជនរងគ្រោះ២៩នាក់ របួសធ្ងន់ ៣នាក់ និងរបួសស្រាល ២៦នាក់។ហេតុការណ៍នេះបានកើតឡោះងនៅ ផ្លូវជាតិលេខ២១ ស្ថិតក្នុងភូមិព្រែកឡុង សង្កាត់រកាខ្ពស់ ក្រុងតាខ្មៅ ខេត្តកណ្តាល កាលពីថ្ងៃទី២៤ ខែកុម្ភៈ ឆ្នាំ២០២៤។ តុលាការខេត្តកណ្តាល សម្រេច​ឃុំខ្លួន​បណ្តោះអាសន្ន ​លើ​ជនត្រូវចោទឈ្មោះ PHAM MINH CHAN  ជនជាតិវៀតណាមរូបនេះ។ ពីបទល្មើសបើកបរ ដោយធ្វេសប្រហែសខ្ជីខ្ជា មិនប្រុងប្រយ័ត្ន បណ្តាលឱ្យមានរបួសដល់អ្នកដទៃ តាមមាត្រា៨៣ នៃច្បាប់ស្តីពីចរាចរណ៍ផ្លូវគោក, បទល្មើសបើកបរក្រោមឥទ្ធិពលនៃគ្រឿងញៀន។  បទល្មើសរក្សាទុកដោយខុសច្បាប់នូវសារធាតុញៀន តាមមាត្រា៤០ […]

ព័ត៌មានសង្គម សន្តិសុខ សេដ្ឋកិច្ច

ក្រុមមន្រ្តីជំនាញបានរកឃើញពពុះ សណ្តែកមានសារធាតុ គីមីលក់ក្នុងផ្សារ

ភ្នំពេញ៖​ មន្ត្រីសាខា ក.ប.ប ខេត្តតាកែវ ខេត្តកោះកុង និងរាជធានីភ្នំពេញ បានបន្តសកម្មភាពចុះត្រួតពិនិត្យទីផ្សារជាប្រចាំ គោលបំណងការពារសុខភាព និងផលប្រយោជន៍អ្នកប្រើប្រាស់ពីអំពើមិនសុចរិតក្នុងធុរកិច្ច។ជាក់ស្តែង ក្នុងបេសកកម្មនេះកាលពីថ្ងៃទី២៦ ខែកុម្ភៈឆ្នាំ២០២៤កន្លងទៅ មន្ត្រីជំនាញ បានធ្វើតេស្តរកសារធាតុគីមីហាមឃាត់នានា លើទំនិញហូបចុកចំនួន៨គំរូ រួមមានគ្រឿងសមុទ្រ ពពុះសណ្តែក និងខ្ញីហាន់។ជាលទ្ធផលមន្ត្រីជំនាញបានរកឃើញសំណាកគំរូពពុះសណ្តែក មានផ្ទុកសារធាតុគីមីហាមឃាត់ បូរ៉ាក់ Borax ចំនួន៣គីឡូក្រាម និងត្រូវបានមន្ត្រីជំនាញដកហូតយកមករក្សាទុកនៅទីស្នាក់ការសាខា ដើម្បីកម្ទេចចោលពេលក្រោយ។ទន្ទឹមនឹងនេះ មន្ត្រីជំនាញបានរកឃើញទំនិញចម្រុះគ្រប់ប្រភេទ ហួសកាលបរិច្ឆេទ និងខូចគុណភាពសរុបចំនួន២០,៤គីឡូក្រាម។ទំនិញទាំងនេះ ត្រូវបានមន្ត្រីជំនាញដកហូតយកទៅរក្សាទុកនៅទីស្នាក់ការសាខា ដើម្បីបន្តនីតិវិធីនាពេលសមស្រប។ ជាមួយគ្នានេះដើម្បីបន្តបញ្ជ្រាបការយល់ដឹងដល់អាជីវករ មន្ត្រីជំនាញបានណែនាំនិងផ្សព្វផ្សាយនូវច្បាប់និងបទប្បញ្ញត្តិដែលកំពុងមានជាធរមានផងដែរ៕  

ព័ត៌មានសង្គម សន្តិសុខ សេដ្ឋកិច្ច

បញ្ជូនឧក្រិដ្ឋជនគ្រឿងញៀន​ ជាតិចិនម្នាក់ជាមួយវត្ថុតាង ជាង២គីឡូទៅតុលាការ

​ភ្នំពេញ៖កម្លាំងមន្ទីរប្រឆាំងគ្រឿងញៀន​ នៃក្រសួងមហាផ្ទៃ​ បានបើកប្រតិបត្តិការបង្ក្រាបករណីគ្រឿងញៀន ដោយដកហូតវត្ថុតាងជាង២គីឡូក្រាម និងចាប់ឧក្រិដ្ឋជនជាតិចិនម្នាក់។  មន្ត្រីក្នុងប្រតិបតិ្តការបានឱ្យដឹង កាលពីព្រឹកថ្ងៃ​ទី២៨​ខែកុម្ភៈ​នេះថា កម្លាំង​ជំនាញ​នៃមន្ទីរប្រឆាំងគ្រឿងញៀន បានចុះបង្ក្រាបករណីជួញដូរគ្រឿងញៀន ដោយឃាត់ខ្លួនជនជាតិចិនម្នាក់និង រឹបអូសគ្រឿងញៀនជាង ២គីឡូក្រាម​នៅ២កន្លែងផ្សេងគ្នា ក្នុងរាជធានីភ្នំពេញ។មន្ត្រីដដែលបនបន្តថា​ ដោយទទួលបញ្ជាពីនាយឧត្ដមសេនីយ៍ ស ថេត អគ្គស្នងការនគរបាលជាតិ និងឧត្ដមសេនីយ៍ឯក ព្រុំ សន្ធរ អគ្គស្នងការរងទទួលផែនប្រឆាំងបទល្មើសគ្រឿងញៀន ក្រោមការបញ្ជាផ្ទាល់នៃឧត្ដមសេនីយ៍ឯក ឃឹង សារ៉ាត់ នាយកមន្ទីរប្រឆាំងបទល្មើសគ្រឿងញៀន។កាលពីរសៀលថ្ងៃទី២៥ ខែកុម្ភៈឆ្នាំ២០២៤ កម្លាំងនគរបាលក្រសួងមហាផ្ទៃ ជាមួយកម្លាំងនគរបាលរាជធានីភ្នំពេញ បានសហការបង្រ្កាបករណី ជួញដូរគ្រឿងញៀន នៅ២គោលដៅផ្សេងគ្នា។ទី១-មុខសណ្ឋាគារកាសា សង្កាត់ទន្លេបាសាក់ ខណ្ឌចម្ការមន និងទី២-នៅខុនដូរមួយផ្លូវ៦០ម៉ែត្រ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។ ក្នុងប្រតិបត្តិការកម្លាំងជំនាញបានឃាត់ ជនសង្ស័យម្នាក់ឈ្មោះ តាក ជ័ង DA ZHANG  អាយុ៣០ឆ្នាំ ជាជនជាតិចិន។ជាមួយនោះដកហូតវត្ថុតាងគ្រឿងញៀនច្រើនប្រភេទ សរុបទម្ងន់២គីឡូ៨១.៤១ក្រាម។បន្ទាប់ពីសាកសួរនិងត្រួតពិនិត្យរួច ផ្នែកជំនាញបានកសាងសំណុំរឿង បញ្ជូនជនសង្ស័យនិងវត្ថុតាង ទៅតុលាការរាជធានីភ្នំពេញ ដើម្បីចាត់ការតាមច្បាប់៕    

ព័ត៌មានសង្គម សន្តិសុខ

បញ្ជូនអ្នកលេងខាងកាប់ដាវ២នាក់ ទៅតុលាការបន្ទាប់ ពីកាប់បុរសម្នាក់ឱ្យរងរបួសធ្ងន់

បន្ទាយមានជ័យ៖កម្លាំងនគរបាលក្រុងប៉ោយប៉ែត បានចាប់អ្នកលេងកាប់ដាវ២នាក់ក្រោយពីកាប់បុរសម្នាក់ឱ្យរងរបួសធ្ងន់ ហើយត្រូវបញ្ជូនទៅតុលាការ​ កាលពីថ្ងៃទី២៧ ខែកុម្ភ:។មន្ត្រីនគរបាលបានឱ្យដឹងថា កម្លាំងនគរបាលក្រុងប៉ោយប៉ែត បានស្រាវជ្រាវឈានដល់ការឃាត់ខ្លួន ជនសង្ស័យ២នាក់ ដែលបានវាយកាប់ចាក់គ្នា នៅក្បែរវត្តស្រះត្រា ក្នុងភូមិក្បាលស្ពាន១ សង្កាត់/ក្រុងប៉ោយប៉ែត កាលពីយប់ថ្ងៃទី២០ ខែកុម្ភៈកន្លងទៅ។ជនសង្ស័យជាក្រុមអ្នកលេងកាប់ដាវជំនាញខាងកាប់មិនរើសមុខចំនួន២នាក់-ឈ្មោះ ខ្ចៅ ប៊ុនលី និងឈ្មោះ ម៉ៅ រ៉ាម៉ុន។ពួកគេទីលំនៅនិងមុខរបរមិនពិតប្រាកដ។ រីឯជនរងគ្រោះឈ្មោះ ឆេង លី សាន អាយុ១៧ឆ្នាំនៅភូមិទួលប្រាសាទ សង្កាត់ប៉ោយប៉ែត ក្រុងប៉ោយប៉ែត។ មន្ត្រីនគរបាលបានឱ្យដឹងទៀតថា ហេតុកាណ៍បានកើតឡើង កាលពីល្ងាចថ្ងៃទី២០ខែកុម្ភៈ មានក្មេងស្ទាវ២ក្រុមគឺ ក្រុមជនរងគ្រោះ និងក្រុមជនសង្ស័យ បានជិះម៉ូតូជួបគ្នា នៅម្តុំKTV Fplus ក្រុងប៉ោយប៉ែត។ពួកគេគឺជាគូរជម្លោះធ្លាប់មានវិវាទជាមួយគ្នាកន្លងមក។ក្រុមជនសង្ស័យមានគ្នា៧នាក់ ម៉ូតូ៣គ្រឿងបានសងសឹក ក៏នាំគ្នាជិះម៉ូតូតាមជនរងគ្រោះ និងបានចូលការដ្ឋានសាងសង់មួយកន្លែង យកកាំបិត ដំបងទីប ដុំឈើជ្រុង បានតាមវាយជនរងគ្រោះបណ្តាលឱ្យរងរបួស ក្បាល,ដៃ និងខ្លួនប្រាណ ត្រូវបានគេបញ្ជូនទៅសង្គ្រោះនៅមន្ទីរពេទ្យ។ក្រោយមកកម្លាំងជំនាញ បានស្រាវជ្រាវរហូតឃាត់ខ្លួនជនសង្ស័យ ២នាក់យកទៅសាកសួរហើយបានកសាងសំណុំរឿងបញ្ជូនទៅតុលាការ ដើម្បីចាត់ការតាមច្បាប់៕  

ព័ត៌មានសង្គម សន្តិសុខ

អនុវត្តសាលក្រមឱ្យចាប់ខ្លួនស្រ្តីម្នាក់ ពាក់ព័ន្ធចេញសែកអត់លុយ ប្រមាណ២៧.០០០ដុល្លារ

ភ្នំពេញ៖កម្លាំងនគរបាលរាជធានីភ្នំពេញ កាលពីរសៀលថ្ងៃទី២៧ ខែកម្ភៈបានចាប់ស្ត្រីម្នាក់រួចបញ្ជូនទៅតុលាការ ដោយអនុវត្តតាមសាលក្រម ហើយយកទៅឃុំខ្លួនដាក់ពន្ធនាគារបណ្តោះអាសន្នជាប់ចោទពីបទ​ ចេញសែកអត់លុយ ប្រមាណ២៧.០០០ដុល្លារ។សមត្ថកិច្ចបានឱ្យដឹងថា ស្ត្រីជាប់ចោទឈ្មោះ ផាន់ សុភារី  អាយុ៣៨ឆ្នាំ មុនចាប់ខ្លួនស្នាក់នៅផ្ទះលេខ១០២ ផ្លូវ២៩៦ សង្កាត់ទួលស្វាយព្រៃ២ ខណ្ឌចម្ការមន ។សមត្ថិច្ចអនុវត្តតាមដីកាបង្គាប់ឱ្យចាប់ខ្លួន និងឃុំខ្លួនឈ្មោះផាន់ សុភារី នេះដោយតុលាការ រាជធានីភ្នំពេញតាមសាលក្រមព្រហ្មទណ្ឌលេខ ២៤៧១ “ង១” ចុះថ្ងៃ ទី៧ ខែកញ្ញាឆ្នាំ២០២៣។ ជាមួយនោះបានផ្តន្ទាទោស ដាក់ពន្ធនាគារកំណត់២ឆ្នាំ ជនជាប់ចោទពីបទចេញសែកអត់លុយប្រមាណ២៧.០០០ដុល្លារ​ ដែលប្រព្រឹត្តនៅរាជធានីភ្នំពេញ កាលពីថ្ងៃទី២៩ ខែធ្នូ ឆ្នាំ២០២២។បទល្មើសព្រហ្មទណ្ឌដែលមានចែង និងឱ្យផ្តន្ទាទោសតាមបញ្ញត្តិមាត្រា២៣១ នៃច្បាប់ស្តីពីឧបករណ៍ដែលអាចជួញដូរបាន និងប្រតិបត្តការទូទាត់សងប្រាក់ និងសម្រេចចេញដីកាបង្គាប់ឱ្យចាប់។ តុលាការបានឃុំខ្លួនឈ្មោះនេះនៅមណ្ឌលអប់រំកែប្រែ​ ម២ នៃក្រសួងមហាផ្ទៃ ដើម្បីអនុវត្តទោសតាមអំណាចសាលក្រមព្រហ្មទណ្ឌ តាមមាត្រា៣៥៣ នៃក្រ មនីតិវិធីព្រហ្មទណ្ឌ ។សមត្ថកិច្ចបានឱ្យដឹងទៀតថា ជនជាប់ចោទជាប់ពាក់ពន្ធ ចេញមូលប្បទានប័តប្រមាណ២៧.០០០ដុល្លារ ដោយគ្មានសាច់ប្រាក់ឱ្យទៅភាគីដើមបណ្តឹង និងបានគេចវេសពីបំណុលនោះ ។រហូតមានសាលក្រមផ្តន្ទាទោសដាក់ពន្ធនាគារ២ឆ្នាំ និងមានដីកាបង្គាប់ឱ្យចាប់ខ្លួន និងឃុំខ្លួន។សមត្ថកិច្ចបានស្រាវជ្រាវ និងចាប់ខ្លួនជនជាប់ចោទ ដែលបានទៅលាក់ខ្លួននៅខេត្តតាកែវ៕  

Featured ព័ត៌មានសង្គម

រដ្ឋបាលខេត្តបំភ្លឺពីការចុះផ្សាយតាមហ្វេសប៊ុក ពាក់ព័ន្ធពលរដ្ឋរស់នៅ លើផ្ទះបណ្ដែតទឹក

ភ្នំពេញ៖កាលពីថ្មីៗកន្លងទៅមានគណនីហ្វេសប៊ុកមួយ“ឈ្មោះ KHMER” ដែលបានចុះផ្សាយដោយមានខ្លឹមសារថា“អស្ចារ្យមែនស្ងាត់ភ្ញៀវខាងកើត ចូលមកធ្វើផ្ទះបណ្តែតទឹកពេញបឹងកំពង់លួង ខេត្តពោធិ៍សាត់…កម្ពុជាអើយតទៅមុខទៀតទៅជាយ៉ាងណាទៅ? ”ពាក់ព័ន្ធករណ៏នេះ រដ្ឋបាលខេត្តពោធិ៍សាត់ មានកិត្តិយសសូមជម្រាបជូនដល់សាធារណជន និងបណ្តាញផ្សព្វផ្សាយព័ត៌មាន ទាំងអស់ឱ្យបានជ្រាបថា ១-ឃុំកំពង់លួងជាឃុំបណ្ដែតទឹកដែលមានពលរដ្ឋរស់នៅលើផ្ទៃទឹកជាអចិន្ត្រៃយ៍ចំនួន៤ភូមិ។ក្នុងនោះមានចម្រុះជាតិសាសន៍មិនថា នៅរដូវទឹកឡើងឬរដូវទឹកសម្រកនោះទេ ដែលពួកគាត់បានរស់នៅបែបនេះជាយូរលង់ណាស់មកហើយ និងក្លាយជាទម្លាប់របស់ពួកគាត់។២-នៅរដូវទឹកឡើងពលរដ្ឋបានរស់នៅជាលក្ខណៈរាយប៉ាយ ដោយមានទីតាំងទៅតាមព្រែក និងប្រឡាយ។៣-នៅរដូវទឹកស្រកពលរដ្ឋ បានផ្លាស់ទីទៅរស់នៅផ្នែកខាងក្រោមមានលក្ខណៈប្រមូលផ្តុំគ្នា ដែលមើលទៅឃើញរូបភាពច្រើនកុះករ។ ៤-ទន្ទឹមនឹងមានការបម្លាស់ទីចុះឡើងតាមស្ថានភាពទឹកឡើង-ទឹកស្រកនោះ សេវាសាធារណៈក៏បានផ្លាស់ទៅតាមពួកគាត់ដែរដូចជា សាលារៀនបណ្ដែតទឹក មណ្ឌលសុខភាពបណ្តែតទឹក និងសាលា ទ្រទ្រង់ព្រះពុទ្ធសាសនាបណ្តែតទឹកជាដើម។៥-ប្រជាពលរដ្ឋទាំងអស់នេះមិនមានការកើនឡើងដូចអ្វីដែលហ្វេកប៊ុកផេកឈ្មោះ “KHMER” បានផ្សព្វផ្សាយនោះឡើយ។ អាជ្ញាធរនិងមន្ត្រីជំនាញបានគ្រប់គ្រងយ៉ាងហ្មត់ចត់ស្របតាមច្បាប់និងលិខិតបទដ្ឋាននានារបស់រាជរដ្ឋាភិបាល។ផ្អែកលើមូលដ្ឋានខាងលើនេះ រដ្ឋបាលខេត្តពោធិ៍សាត់ សូមបដិសេធទាំងស្រុងចំពោះព័ត៌មានដែលបាន ចុះផ្សាយផ្ទុយពីការពិតជាក់ស្តែង។ ព្រមទាំងធ្វើឱ្យប៉ះពាល់ដល់កិត្តិយស និងសេចក្តីថ្លៃថ្នូររបស់ថ្នាក់ដឹកនាំគ្រប់លំដាប់ថ្នាក់ ។ជាពិសេសប្រមុខរាជរដ្ឋាភិបាល ដែលលោកតែងតែយកចិត្ត ទុកដាក់លើការការពារ បូរណភាពទឹកដីដោយមិនខ្លាចនឿយហត់ដើម្បីបុព្វហេតុជាតិមាតុភូមិ៕