សុខាភិបាល

ភ្នំពេញ​៖​សមត្ថកិច្ចជំនាញកំពុងស៊ើបអង្កេត ករណីបុរសម្នាក់មានជំងឺចុកសន្លាក់ជើងខ្លាំង ហើយហៅឱ្យពេទ្យឯកជនមកដាក់សេរ៉ូម ស្រាប់តែក្រោយមកក៏បានស្លាប់។ហេតុការណ៍នេះបានកើតឡើងនៅភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ កាលពីរសៀលថ្ងៃទី២២ ខែកញ្ញាឆ្នាំ២០២៣។មន្ត្រីអាជ្ញាធរបានឱ្យដឹងថា អ្នកស្លាប់ឈ្មោះវ៉ា ចាន់ណា អាយុ៣៧ឆ្នាំ ប្រពន្ធឈ្មោះកែវ សុផល អាយុ៣៧ឆ្នាំស្នាក់នៅភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ។ចំណែកគ្រូពេទ្យដែលដាក់សេរ៉ូមអ្នកជំងឺត្រូវសមត្ថកិច្ចឃាត់ខ្លួនឈ្មោះជា សុវណ្ណដា អាយុ៣៥ឆ្នាំ ស្នាក់នៅភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ។ប្រពន្ធបានឱ្យដឹងថា មុនកើតហេតុប្តីរបស់គាត់ឈឺសន្លាក់ជើងខ្លាំង ពេលនោះក៏បានហៅគ្រូពេទ្យឯកជនម្នាក់មកពិនិត្យ រួចក៏បានដាក់សេរ៉ូមមួយផ្លោក។ អស់មួយផ្លោកក៏ដាក់មួយផ្លោកទៀត បានមួយស្ទុះកាន់តែមិនស្រួលខ្លួន ក្រុមគ្រួសារក៏ដឹកយកទៅមន្ទីរពេទ្យសម្ភពនិងព្យាបាលមាតាអូដឹម។ ពេលទៅដល់គ្រូពេទ្យបានបញ្ជាក់ថា ជនរងគ្រោះបានស្លាប់បាត់ទៅហើយ៕      

កំពង់ឆ្នាំង៖សមត្ថកិច្ចខេត្តកំពង់ឆ្នាំង កំពុងតាមរកចាប់ខ្លួនគ្រូពេទ្យឯកជនម្នាក់ដែលបានរត់គេចខ្លួន បន្ទាប់ពីចាក់ថ្នាំក្មេងស្រីតូចម្នាក់បណ្តាលឱ្យស្លាប់។ហេតុការណ៍នេះបានកើតឡើងស្ថិតក្នុងភូមិផ្លូវគោ ឃុំបន្ទាយព្រាល ស្រុករលាប្អៀរ ខេត្តកំពង់ឆ្នាំង។លោកយឹម សុផល អធិការរងនគរបាលស្រុករលាប្អៀរ បានឱ្យអ្នកសារព័ត៌មានដឹងកាលពីរសៀលថ្ងៃទី២៤ ខែកក្កដាថា ករណីនេះបានកើតឡើងតាំងពីល្ងាចថ្ងៃទី២២ ខែកក្កដាឆ្នាំ២០២៣មកម៉្លេះ។តែខាងឪពុកម្ដាយទើបរាយការណ៍មកប៉ុស្តិ៍រដ្ឋបាលនាព្រឹកថ្ងៃទី២៤ ខែកក្កដានេះ។ លោកអធិការរងបានឱ្យដឹងទៀតថា ក្មេងស្រីដែលស្លាប់ឈ្មោះ គឹម ចាន់តី អាយុ៥ឆ្នាំនៅភូមិចំបក់ប្រាសាទ ឃុំគ្រាំងស្គារ ស្រុកទឹកផុស ខេត្តកំពង់ឆ្នាំង។ក្មេងរងគ្រោះបានស្លាប់ពេលឪពុកម្ដាយយកទៅព្យាបាលជំងឺនៅផ្ទះពេទ្យឯកជនឈ្មោះ ហូ ថុង ភេទស្រី អាយុ៤៥ឆ្នាំនៅភូមិផ្លូវគោ ឃុំបន្ទាយព្រាល ស្រុករលាប្អៀរ។មុនកើតហេតុឪពុកម្ដាយបានយកកូនទៅព្យាបាលនៅផ្ទះគ្រូពេទ្យ ដោយក្មេងស្រីក្តៅខ្ឡួនបន្តិចបន្តួច។បន្ទាប់មកគ្រូពេទ្យបានចាក់ថ្នាំនៅលើភ្លៅទាំងសងខាងរបស់ក្មេងចំនួន២ម្ជុល។ក្រោយពីចាក់ថ្នាំរួចក្មេងមានអាការប្រកាច់ភ្លាម ហើយគ្រូពេទ្យរូបនោះក៏បានដាក់សេរ៉ូមមួយកំប្លោក ដោយឱ្យឪពុកម្ដាយដឹកកូនតាមម៉ូតូទៅមន្ទីរពេទ្យបង្អែកខេត្តដើម្បីសង្គ្រោះតែក្មេងបានស្លាប់បាត់ទៅហើយ។ មន្ត្រីដដែលបានបន្តថា តាមការពិនិត្យនិងស្រាវជ្រាវគឺពេទ្យឯកជនរូបនេះ ធ្លាប់ព្យាបាលអ្នកជំងឺក្នុងមូលដ្ឋានជាយូរឆ្នាំមកហើយ ដោយមិនមានច្បាប់អនុញ្ញាតពីមន្ទីរឬក្រសួងសុខាភិបាលនោះទេ។ជាមួយនោះក៏មិនបានឆ្លងកាត់វគ្គបណ្ដុះបណ្ដាលជំនាញវិជ្ជាជីវៈផ្នែកពេទ្យនោះដែរ។មកដល់ពេលនេះគ្រូពេទ្យខាងលើ ក្រោយបង្កឱ្យមានមនុស្សស្លាប់ក៏បានរត់គេចខ្លួនបាត់សមត្ថកិច្ចកំពុងស្រាវជ្រាវតាមរកចាប់ខ្លួនយកអនុវត្តតាមច្បាប់៕      

ព្រះវិហារ៖គ្រូពេទ្យបង្អែក១៦មករានិងពេទ្យនៃកម្មវិធីជាតិសុខភាពភ្នែក បានពិនិត្យព្យាបាលជំងឺភ្នែកដោយឥតគិតថ្លៃ ជូនប្រពលរដ្ឋចំនួន៤៨៤នាក់ក្នុងខេត្តព្រះវិហាររយៈពេល៥ថ្ងៃ ចាប់ពីថ្ងៃទី១៩-២៣ ខែមិថុនាឆ្នាំ២០២៣។កម្មវិធីពិនិត្យពិគ្រោះព្យាបាល និងវះកាត់ជំងឺភ្នែកដោយឥតគិតថ្លៃនេះ គឺមានការជួយឧបត្ថម្ភពីមូលនិធិ ហ្រ្វេតហូឡូ Fred Hollows Foundation នៅមន្ទីរពេទ្យបង្អែកខេត្ត១៦មករា។ កម្មវិធីនេះត្រូវបានបញ្ចប់នៅត្រឹមថ្ងៃទី២២ ខែមិថុនា ឆ្នាំ២០២៣។ ដោយសារតែចំនួននៃករណីវះកាត់បានលើសពីការកំណត់នៃការពិនិត្យ ពិគ្រោះព្យាបាលសរុបមាន៤៨៤ករណី។សូមបញ្ជាក់ថា ក្នុងចំណោមប្រជាពលរដ្ឋចំនួន៤៨៤នាក់ ដែលមកទទួលសេវាពិនិត្យ ពិគ្រោះព្យាបាល និងវះកាត់ជំងឺភ្នែកដោយឥតគិតថ្លៃ គឺមានចំនួនព្យាបាលដោយវះកាត់សរុប១៧៩ករណី ស្រីចំនួន១១៧ករណី ។ចំនួនកំណត់១២០ករណី ក្នុងនោះវះកាត់ភ្នែកឡើងបាយបានចំនួន១៤៣ករណី ស្រីចំនួន៨៨ករណី វះកាត់ស្ដារគំហើញផ្សេងៗចំនួន៣៦ករណី ស្រី២៩ករណី៕សៅវ៉ាន់ឌី

កំពង់ចាម៖ឯកឧត្តម អ៊ុន ចាន់ដា អភិបាលខេត្តកំពង់ចាម ប្រធានកិត្តិយសសាខាសមាគមសិស្ស និស្សិត បញ្ញវន្តក្មេងវត្តខេត្តនិងជាប្រធានក្រុមការងាររាជរដ្ឋាភិបាលចុះមូលដ្ឋានក្រុងកំពង់ចាម។កាលពីព្រឹកថ្ងៃ ទី១៧ ខែឧសភាឆ្នាំ២០២៣ឯកឧត្តមបានបន្តការចុះជួបសំណេះសំណាលរៀបចំកម្មវិធី ពិនិត្យពិគ្រោះ និងព្យាបាលជំងឺដោយឥតគិតថ្លៃ ជូនប្រជាពលរដ្ឋរស់នៅក្នុងសង្កាត់ សំបួរមាស ក្រុងកំពង់ចាម។ក្នុងឱកាសនោះ ឯកឧត្តម អ៊ុន ចាន់ដា បានថ្លែងថា សុខភាពគឺជាកត្តាសំខាន់បំផុតសម្រាប់ប្រជាពលរដ្ឋគ្រប់ៗគ្នា។ ពិតមែនតែប្រទេសជាតិយើងបច្ចុប្បន្នមានមន្ទីរពេទ្យកាន់តែច្រើនទាំងរដ្ឋ និងឯកជន។ ប៉ុន្តែក៏នៅមានប្រជាពលរដ្ឋមួយចំនួនតូច នៅខ្វះលទ្ធភាពទៅពិនិត្យ ប្រឹក្សា និងព្យាបាលជំងឺដល់មន្ទីរពេទ្យ។ដូច្នេះ ថ្ងៃនេះក្រុមគ្រូពេទ្យស្ម័គ្រចិត្តរបស់សមាគម សិស្ស និស្សិត បញ្ញវ័ន្តក្មេងវត្ត បានចុះមកដល់មូលដ្ឋាននេះដើម្បីផ្តល់សេវាលើការពិនិត្យ ប្រឹក្សានិងព្យាបាលជំងឺប្រគេនព្រះសង្ឃ និងជូនប្រជាពលរដ្ឋដោយឥតគិតថ្លៃ និងមិនប្រកាន់ ពូជសាសន៍ ពណ៌សម្បុរ ឬនិន្នាការនយោបាយអ្វីឡើយ។ឯកឧត្តមងបន្តថា ការជួបជុំប្រកបដោយភាពស្និទ្ធស្នាល និងកក់ក្តៅនាថ្ងៃនេះ ក៏ដោយសារកត្តាប្រទេសជាតិមានសុខសុខភាពពេញលេញ ក្រោមការដឹកនាំដ៏ឆ្លៀសវៃ ប្រកបដោយគតិបណ្ឌិតរបស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា៕ញ៉ែម សុផល      

កំពង់ចាម៖ ឯកឧត្តម អ៊ុនចាន់ដា អភិបាលខេត្តកំពង់ចាម និងជាប្រធានកិត្តិយសសាខាសមាគមសិស្ស និស្សិត បញ្ញវន្តក្មេងវត្ត ខេត្តកំពង់ចាមព្រឹកថ្ងៃទី១០ ខែឧសភាឆ្នាំ២០២៣នេះ បានអញ្ជើញជាអធិបតីក្នុងពិធីជួបសំណេះសំណាលប្រជាពលរដ្ឋក្នុងសង្កាត់វាលវង់ ក្រុងកំពង់ចាមនិងពិនិត្យព្យាបាលជំងឺដោយឥតគិតថ្លៃ។ក្នុងឱកាសនោះ ឯកឧត្តម អ៊ុន ចាន់ដាបានថ្លែងថា សុខភាពគឺជាកត្តាសំខាន់បំផុតសម្រាប់ប្រជាពលរដ្ឋគ្រប់ៗគ្នា។ ពិតមែនតែប្រទេសជាតិយើងបច្ចុប្បន្នមានមន្ទីរពេទ្យកាន់តែច្រើនទាំងរដ្ឋនិងឯកជន។ ប៉ុន្តែក៏មានប្រជាពលរដ្ឋមួយចំនួនតូច នៅខ្វះលទ្ធភាពទៅពិនិត្យ ប្រឹក្សានិងព្យាបាលជំងឺដល់មន្ទីរពេទ្យ។ ដូច្នេះថ្ងៃនេះក្រុមគ្រូពេទ្យស្ម័គ្រចិត្តរបស់បញ្ញវ័ន្តក្មេងវត្ត បានចុះមកដល់មូលដ្ឋានសង្កាត់ វាលវង់ ក្រុងកំពង់ចាម ដើម្បីផ្តល់សេវាលើការពិនិត្យ ប្រឹក្សា និងព្យាបាលជំងឺប្រគេនព្រះសង្ឃ និងជូនប្រជាពលរដ្ឋដោយឥតគិតថ្លៃ។ឯកឧត្តមថ្លែងបន្តថា ការជួបជុំប្រកបដោយភាពស្និទ្ធស្នាល និងកក់ក្តៅនាថ្ងៃនេះ ក៏ដោយសារកត្តាប្រទេសជាតិមានសុខសុខភាពពេញលេញ ក្រោមការដឹកនាំដ៏ឈ្លាសវៃ ប្រកបដោយគតិបណ្ឌិតរបស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា៕ញ៉ែម សុផល

កំពង់ចាម៖ឯកឧត្តម អ៊ុន ចាន់ដា អភិបាលខេត្តកំពង់ចាម និងជាប្រធានកិត្តិយសសាខាសមាគមសិស្ស និស្សិត បញ្ញវន្តក្មេងវត្ត ខេត្តកំពង់ចាមកាលពីព្រឹកថ្ងៃទី៣ ខែឧសភានេះ បានអញ្ជើញជាអធិបតីក្នុងពិធីជួបសំណេះសំណាល និងពិនិត្យព្យាបាលជំងឺដោយឥតគិតថ្លៃរបស់សមាគមសិស្ស និស្សិត បញ្ញវន្តក្មេងវត្ត ខេត្តកំពង់ចាម ជូនពលរដ្ឋក្នុងសង្កាត់បឹងកុក ក្រុងកំពង់ចាម។ក្នុងឱកាសនោះ ឯកឧត្តម អ៊ុនចាន់ដា  ថ្លែងថា សុខភាពគឺជាកត្តាសំខាន់បំផុតសម្រាប់ប្រជាពលរដ្ឋគ្រប់ៗគ្នា។ ពិតមែនតែប្រទេសជាតិយើងបច្ចុប្បន្នមានមន្ទីរពេទ្យកាន់តែច្រើនទាំងរដ្ឋ និងឯកជន ។ប៉ុន្តែក៏នៅមានប្រជាពលរដ្ឋមួយចំនួនតូច នៅខ្វះលទ្ធភាពទៅពិនិត្យ ប្រឹក្សា និងព្យាបាលជំងឺដល់មន្ទីរពេទ្យ។ដូច្នេះ ថ្ងៃនេះក្រុមគ្រូពេទ្យស្ម័គ្រចិត្តរបស់បញ្ញវ័ន្តក្មេងវត្ត បានចុះមកដល់មូលដ្ឋានសង្កាត់បឹងកុក ក្រុងកំពង់ចាម ដើម្បីផ្តល់សេវាពិនិត្យ ប្រឹក្សា និងព្យាបាលជំងឺប្រគេនព្រះសង្ឃ និងជូនប្រជាពលរដ្ឋដោយឥតគិតថ្លៃ។ឯកឧត្តម ថ្លែងបន្តថា ការជួបជុំប្រកបដោយភាពស្និទ្ធស្នាល និងកក់ក្តៅនាថ្ងៃនេះ ក៏ដោយសារកត្តាប្រទេសជាតិមានសុខសុខភាពពេញលេញ ក្រោមការដឹកនាំដ៏ឈ្លាសវៃ ប្រកបដោយគតិបណ្ឌិតរបស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា៕