Featured ព័ត៌មានសង្គម សេដ្ឋកិច្ច

ធនាគារជាតិបង្ហាញក្រដាសប្រាក់អនុស្សាវរីយ៍មានប្រាក់អ្វីខ្លះ?

ភ្នំពេញ៖ធនប័ត្រ “ក្រដាសប្រាក់”អនុស្សាវរីយ៍ដែលធនាគារជាតិបានបោះពុម្ពផ្សាយកន្លងមក​រួមមាន៖ក្រដាសប្រាក់ ១.០០០រៀល-២.០០០រៀល-១៥.០០០រៀលនិង៣០.០០០រៀល។ ក្រដាសប្រាក់អនុស្សាវរីយ៍ប្រភេទ ១.០០០រៀល ជាការបោះផ្សាយ​ ដើម្បី​ជាការអបអរសាទរ​ព្រះរាជបិធីបុណ្យ​ខួប​ នៃការ​យាងគ្រងព្រះបរមរាជសម្បត្តិ​របស់​ព្រះករុណា​ព្រះបាទ​សម្ដេច​ព្រះបរម​នាថ​នរោត្តម​ សីហមុនី ព្រះមហាក្សត្រ​ នៃព្រះរាជាណាចក្រ​កម្ពុជា។​ ក្រដាសប្រាក់​នេះ បាន​បោះផ្សាយ​ជាផ្លូវ​ការ​​អំឡុង​ថ្ងៃទី ២៥ ខែតុលា ២០១៧។​ ក្នុង​​ឱកាស​ខួប​អនុស្សាវរីយ៍​លើក​ទី​៦០ នៃ​ទិវា​បុណ្យ​ឯករាជ្យ​ជាតិ៩ វិច្ឆិកា១៩៥៣ និង​ ៩ វិច្ឆិកា ២០១៣ក្រដាស​ប្រាក់​រៀល​ថ្មីប្រភេទ​២.០០០​រៀល ឬ​ធនបត្រ​អនុស្សាវរីយ៍ ត្រូវ​បាន​បោះ​ពុម្ព និង​ប្រកាស​ឱ្យ​ចេញ​ចរាចរ​ជា​ផ្លូវ​ការ​នៅថ្ងៃទី៨ វិច្ឆិកា ២០១៣​។ ក្រដាសប្រាក់នេះបោះពុម្ពផ្សាយ ដើម្បី​អបអរសាទរ​ក្នុង​ឱកាស​ដ៏​មហា​នក្ខត្តឫក្ស​វិសេសវិសាល​ នៃ​ព្រះរាជ​ពិធីបុណ្យ​គម្រប់​ខួប​១៥​ព្រះ​វស្សា​ ការ​យាង​គ្រង​ព្រះ​បរម​សិរី​រាជ្យសម្បត្តិ​ នៃ​ព្រះករុណា​ជា​អង្គ​ម្ចាស់ជីវិត​តម្កល់​លើ​ត្បូង​ ព្រះបាទ​សម្តេចព្រះ​បរមនាថ​ នរោត្តម​ សីហ​មុនី​ ព្រះមហាក្សត្រ​ នៃ​ព្រះរាជាណាចក្រ​កម្ពុជា​ ជាទី​គោរព​សក្ការៈ​ដ៏​ខ្ពង់ខ្ពស់​បំផុត។​ រាជរដ្ឋាភិបាល​បាន​អនុញ្ញាត​ឱ្យ​ធនាគារជាតិ​នៃ​កម្ពុជា​ចេញផ្សាយ​ធនបត្រ​ប្រភេទ​ ១៥.០០០​ រៀល​គំរូ​ថ្មី​ ដើម្បី​ដាក់​ឱ្យធ្វើ​ចរាចរ​ និង​ប្រើប្រាស់​ទូ​ទាំង​ព្រះរាជាណាចក្រ​កម្ពុជា នៅអំឡុងខែតុលា ឆ្នាំ២០១៩។ក្រដាសប្រាក់អនុស្សាវរីយ៍ ប្រភេទ៣០.០០០រៀលគំរូថ្មី អបអរខួប៣០ឆ្នាំ កិច្ចព្រមព្រៀងសន្តិភាពទីក្រុងប៉ារីស និងខួប៣០ឆ្នាំនៃការយាងនិវត្តន៍របស់ ព្រះករុណាព្រះបាទ សម្តេចព្រះនរោត្តម សីហនុ “ព្រះបរមរតនកោដ្ឋ”។ គួរបញ្ជាក់ថា […]

Featured ព័ត៌មានសង្គម សេដ្ឋកិច្ច

ត្រីបបែលយក្សជាត្រីទឹកសាបមានទំហំធំជាងគេបំផុតនៅកម្ពុជា

ភ្នំពេញ៖លោកនេត ភក្រ្តា អ្នកនាំពាក្យនិងរដ្ឋលេខាធិការ ក្រសួងបរិស្ថានកាលពីថ្ងៃទី២១ ខែតុលា ឆ្នាំ២០២១ បានបញ្ជាក់ឱ្យដឹងថា ក្រៅពីត្រីរាជ និងត្រីគល់រាំង ត្រីបបែលយក្សគឺជាប្រភេទត្រីទឹកសាបមានទំហំធំជាងគេបំផុតនៅកម្ពុជា។ ត្រីបបែលយក្សនេះត្រូវបានគេដឹងថាជាត្រីមួយនៅក្នុងចំណោមត្រីមានទំហំធំបំផុតនៅលើផែនដី។ ត្រីបបែកនៅកម្ពុជាមាន៥ប្រភេទ ហើយត្រីបបែលយក្សគឺជាត្រីទឹកសាបដែលមានទំហំធំជាងគេ។ ត្រីបបែលយក្សនេះអាចលូតលាស់ និងអាចមានទម្ងន់រហូតទៅដល់ជាង ៦០០គីឡូក្រាម និងមានប្រវែងរហូតដល់ជាង៥ម៉ែត្រ គិតរួមទាំងកន្ទុយវាផង។ សូមកុំច្រឡំថាជាប្រភេទត្រីសមុទ្រ តែជាប្រភេទត្រីទឹកសាបដែល គេរកឃើញមានវត្តមាននៅតាមដងទន្លេមេគង្គ និងទន្លេសាប។ លោកបន្តថា តាមអ្នកសិក្សាស្រាវជ្រាវពីប្រភេទត្រីបបែលយក្សនេះ ត្រីបបែលយក្សទឹកសាប ត្រូវបានរកឃើញថាមានវត្តមានតាមដងទន្លេមេគង្គកម្ពុជា គឺចាប់ពីខេត្តស្ទឹងត្រែង ចុះមកដល់ខេត្តក្រចេះ ។ពេលខ្លះដល់ខេត្តព្រៃវែង ហើយត្រីបបែលទឹកសាបយក្សនេះ គឺជាត្រីមួយក្នុងចំណោមត្រីធំបំផុតនៅលើផែនដី។ ត្រីបបែល ត្រូវបានចាត់ថ្នាក់ក្នុងបញ្ជីក្រហម របស់អង្គការ IUCNជាប្រភេទសត្វកំពុងរងការគំរាមកំហែង។ លោករដ្ឋលេខាធិការបានបញ្ជាក់ថា អ្នកសិក្សាបានលើកឡើងថា កម្ពុជាគឺជាទីសុខសាន្តជាងគេរបស់ត្រីបបែលយក្សដែលកំពុងមានវត្តមាន ជាពិសេសគឺនៅតំបន់ព្រែកកាំពី ក្នុងខេត្តក្រចេះ។ តែទោះយ៉ាងណាជាការព្រួយបារម្ភដែលចំនួនត្រីបបែលយក្សមានការថយចុះជាលំដាប់ដោយដោយសារតែការនេសាទខុសច្បាប់។ ត្រីបបែលយក្ស មានលក្ខណៈសម្គាល់ខ្លះៗ គឺបាតពោះមានពណ៌ត្នោតប្រផេះ ហើយជាយក្រែងនៃពោះមានពណ៌ខ្មៅ ខណៈកន្ទុយគឺមានប្រវែងកន្ទុយវែងជាងដងខ្លួន និងប្រវែងដងខ្លួនអាចលូតលាស់រហូតដល់ ៣ ម៉ែត្រ។ វាមានវត្តមាន នៅទន្លេមេគង្គ និងទន្លេសេកុង ដែលមានបាតខ្សាច់ និងចរន្តទឹកមិនហូរ ហើយមានប្រភេទខ្លះនៅពេលរដូវបន្តពូជ […]

Featured ព័ត៌មានសង្គម សន្តិសុខ

ទីបំផុតនាង”ខ្ញុង”ត្រូវបានស្ថានីយ៍ទូរទស្សន៍CTNសម្រេចផ្អាកការងារហើយ

ភ្នំពេញ៖ លុយក៏ជំពាក់គេ ការងារក៏អស់ក្រោយផ្ទុះរឿងអាស្រូវផ្អើលទូទាំងប្រទេស កាលពីប៉ុន្មានថ្ងៃនេះ។តារាកំប្លែង ដ៏សម្បូរវោរហាសព្ទ អ្នកនាង ស្រេងសុកាន់ដា ហៅខ្ញុងត្រូវបាន ស្ថានីយ៍ទូរទស្សន៍CTN សម្រេចផ្អាកការសម្ដែងហើយ ។ នេះបើយោងតាម ការបញ្ជាក់ ពីលោក សុវណ្ណ ឫទ្ធីហៅ តាវ៉ិចទ័រផលិតករកម្មវិធីកម្សាន្ដ បានថ្លែង ប្រាប់អ្នកសារព័ត៌មាន នៅ រសៀល ថ្ងៃទី២២ ខែតុលា ឆ្នាំ២០២១ ។ លោក សុវណ្ណ ឬទ្ធី បានបញ្ជាក់ថា៖ រយៈកាលកន្លងមកនេះ ក្រុមហ៊ុនមិនមានការបញ្ឈប់អ្នកនាង ខ្ញុង នោះទេ ។ដោយទើប តែថ្ងៃនេះ គឺ អ្នកនាង ខ្ញុង តម្រូវឱ្យផ្អាកពីការសម្ដែងមួយរយៈពេលសិន។ចំពោះ ពាក្យ ចចាម អារាម ដែលថា៖ ក្រុមហ៊ុនបាន បញ្ឈប់អ្នកនាង ខ្ញុង នោះ គឺនៅមិនទាន់ច្បាស់នៅឡើយទេ ។ព្រោះ នៅមិនទាន់មាការលាយល័ក្ខជាអក្សមកពីថ្នាក់លើ។ការបញ្ជាក់របស់លោក តាវ៉ិចទ័រនាពេលនេះគឺបន្ទាប់ពីស្មារតីនៃកិច្ចប្រជុំថ្នាក់ដឹកនាំផ្នែកផលិតកម្ម នារសៀលនេះតែម្ដង។ គួរបញ្ជាក់ថា៖ កាលពីព្រឹកថ្ងៃទី១៧ខែតុលា ឆ្នាំ២០២១ […]

Featured ព័ត៌មានសង្គម សន្តិសុខ

បញ្ជាក់ពីមូលហេតុដែលនាំឱ្យថៅស្ថានីយប្រេងPTTបាញ់សម្លាប់ខ្លួន

ភ្នំពេញ៖សមត្ថកិច្ចបានឱ្យដឹងថា ករណីថៅកែស្ថានីយប្រេងPTTនៅព្រៃស ខណ្ឌដង្កោបាញ់សម្លាប់ខ្លួនក្នុងបន្ទប់បង្គន់អនាម័យនោះគឺអាចបណ្តាលមកពីវិបត្តិលុយកាក់ធ្ងន់ធ្ងរ។សមត្ថកិច្ចនគរបាលខណ្ឌដង្កោបានឱ្យដឹងថា  អ្នកបាញ់សម្លាប់ខ្លួនឈ្មោះឡី សុក្រឹត ភេទប្រុស អាយុ៣៤ឆ្នាំនោះ ក្រៅពីជាថៅកែស្ថានីយប្រេងPTT រូបគេក៏ជាមន្រ្តីយោធានិងជាអ្នករកស៊ីពុះដីឡូតិ៍លក់ផងដែរ។ នៅម៉ោងប្រមាណជាង៧ព្រឹកថ្ងៃទី២១ តុលា ឡី សុក្រិត បានសម្រេចចិត្តយកកាំភ្លើងខ្លីបាញ់សម្លាប់ខ្លួនត្រូវចំសៀតផ្កាខាងស្តាំ ធ្លាយទៅឆ្វេងនៅក្នុងបន្ទប់ទឹកបង្កឱ្យមានការភ្ញាក់ផ្អើល។នៅជិតសាកសពក្រៅពីឈាម គឺបានបន្សល់ទុក អាវុធខ្លី១ដើមម៉ាកZORAKI  , បង់១ និងមានគ្រាប់នៅក្នុងបង់ចំនួន ៦គ្រាប់។ ក្រោយការបាញ់សម្លាប់នេះកើតឡើងភ្លាមៗ   សមត្ថកិច្ចនៅមិនទាន់បានដឹងពីមូលហេតុទេ។ ប៉ុន្តែបន្ទាប់មកទើបសមត្ថកិច្ចខណ្ឌដង្កោបានឲ្យដឹងថា  ជុំវិញករណីបាញ់សម្លាប់ខ្លួនរបស់ថៅកែស្ថានីយប្រេងទាំងវ័យក្មេងនោះ គឺអាចមានជាប់ពាក់ព័ន្ធទៅនឹងវិបត្តិលុយកាក់ធ្ងន់ធ្ងរដែលបានកើតឡើងនៅក្នុងគ្រួសារ។ ប៉ុន្តែមូលហេតុនេះមិនមានសាច់ញាតិណាម្នាក់បញ្ជាក់នោះទេ។ បើតាមការឱ្យដឹងរបស់អ្នកធ្វើការនៅក្នុងស្ថានីយប្រេងPTTដែលជាកន្លែងកើតហេតុនោះ ឈ្មោះឡី សុក្រឹត គឺនៅលីវមិនទាន់មានប្រពន្ធកូនទេ។កន្លងមករូបគេគឺស្នាក់នៅជាមួយនឹងអ្នកធ្វើការនៅស្ថានីយប្រេងនោះតែម្តង៕ដោយ៖គ្រូម៉េត

Featured ព័ត៌មានទេសចរណ៍ ព័ត៌មានសង្គម សេដ្ឋកិច្ច

ស្តារប្រព័ន្ធធារាសាស្រ្តបុរាណក្នុងតំបន់អង្គរឱ្យដំណើរការឡើងវិញ

ភ្នំពេញ​៖​​អាជ្ញាធរជាតិអប្សរា​ បានឱ្យដឹងថា​ បច្ចុប្បន្ន​ប្រទេសកម្ពុជាបានរងនូវសម្ពាធទាប បណ្តាលឱ្យមានភ្លៀងធ្លាក់ជាច្រើន។ក្នុង​តំបន់អង្គរក៏ទទួលបានភ្លៀងធ្លាក់ច្រើនជាប់ៗគ្នាប៉ុន្មានថ្ងៃនេះ​ បានធ្វើឱ្យបរិមាណទឹកដែលហូរពីភ្នំគូលែន និងផ្នែកខាងជើងមានការកើនឡើងខ្ពស់ដែលអាចបង្កជាទឹកជំនន់។ ប៉ុន្តែក្នុងរមណីយដ្ឋានអង្គរ និងក្រុងសៀមរាប ពុំមានបញ្ហានោះទេព្រោះអាជ្ញាធរជាតិអប្សរា​ បានស្តារប្រព័ន្ធធារាសាស្រ្តបុរាណក្នុងតំបន់អង្គរឱ្យដំណើរការឡើងវិញ។ កាលពីថ្ងៃទី១៩​ ខែតុលា​ ឆ្នាំ​២០២១​ តាមរយៈការជួសជុលប្រព័ន្ធធារាសាស្រ្ដបុរាណទាំងនោះ ផ្តល់លទ្ធភាពឱ្យនាយកដ្ឋានគ្រប់គ្រងទឹកនៃអាជ្ញាធរជាតិអប្សរាមួយផ្នែក ប្រមូលទឹកទុកក្នុងអាងស្តុកទឹក ដូចជា ស្រះស្រង់ កសិន្ធុ បារាយណ៍ជាដើម  និងមួយផ្នែងទៀតបញ្ជៀសទៅស្ទឹងពួក ស្ទឹងព្រះស្រុក និងស្ទឹងសៀមរាប។ គួរបញ្ជាក់ថា​ ចំពោះ​ការប្រមូលទឹករក្សាទុក​ គឺដើម្បីការអភិរក្សប្រាសាទ ការប្រើប្រាស់ជាទឹកស្អាតក្នុងក្រុងសៀមរាប និងសម្រាប់វិស័យកសិកម្ម ក្នុងរដូវប្រាំងខាងមុខនេះ៕ដោយ៖សហការី  

Featured សន្តិសុខ

បុរស២នាក់ខ្មែរនិងវៀតណាមអាចជាប់គុកមួយជីវិត

ភ្នំពេញ៖បុរស២នាក់ខ្មែរនិងវៀតណាមប្រឈមនឹងជាប់ពន្ធនាគារពី២០ទៅ៣០ឆ្នាំឬអស់មួយជីវិតករណីជួញដូរគ្រឿងញៀនជិត២០គីឡូក្រាម។សមត្ថកិច្ចបានឱ្យដឹងថា នៅព្រឹកថ្ងៃទី១៩ខែតុលានេះតុលាការខេត្តស្វាយរៀងបានបន្តនីតិវិធីលើជនសង្ស័យ ២នាក់ទៅតាមមាត្រា៤០ បទរក្សាទុកដឹកជញ្ជូន ផលិតនិងចរាចរ សារធាតុញៀនខុសច្បាប់។ជនសង្ស័យអាចប្រឈមនឹងជាប់ពន្ធនាគារពី២០ទៅ៣០ឆ្នាំឬអស់មួយជីវិត។ គួរបញ្ជាក់ថា កាលពីថ្ងៃទី១៣ ខែតុលា ឆ្នាំ២០២១សមត្ថកិច្ចបានចាប់ជនសង្ស័យ ចំនួន២នាក់ ព្រមទាំងគ្រឿងញៀនជិត២០គីឡូក្រាម ដែលបម្រុងលួចដឹកជញ្ជូនទៅប្រទេសវៀតណាមរួចបានបញ្ជូនទៅតុលាការខេត្តស្វាយរៀងនៅថ្ងៃទី១៨ខែតុលា២០២១។ ជនសង្ស័យឈ្មោះ ឡេ វ៉ាន់ថ អាយុ១៨ឆ្នាំ ភេទប្រុស ជនជាតិវៀតណាម នៅភូមិ សង្កាត់ច្បារអំពៅ ខណ្ឌច្បារអំពៅ ជាអ្នកដឹកជញ្ជូនគ្រឿងញៀនពីរាជធានីភ្នំពេញ ឆ្លងដែនទៅប្រទេសវៀតណាម។ឈ្មោះវ៉ាន់ សុផា អាយុ ២០ឆ្នាំ ភេទប្រុស ជនជាតិខ្មែរ រស់នៅភូមិ សង្កាត់និងមុខរបរជាមួយគ្នា។ វត្ថុតាងរួមមាន៖គ្រឿងញៀនជាច្រើនប្រភេទមានទម្ងន់សរុប១៩,៤៨៨គីឡូក្រាម,អាវុធខ្លីម៉ាក K54១ដើមបង់១,គ្រាប់៨គ្រាប់ ម៉ូតូ១គ្រឿងនិងកាបូបធំ សម្រាប់ដាក់គ្រឿងញៀន១៕ដោយ៖ចឹកឡេង

Featured សន្តិសុខ

នាងខ្ញុងជំពាក់លុយគេជាង៥០ម៉ឺនដុល្លារបានចូលតុលាការប្ដឹងខ្លួនឯង

ភ្នំពេញ៖ អ្នកនាង”ខ្ញុង”ត្រូវនាងបានបញ្ជាក់ថា បានជំពាក់លុយគេជាង៥០ម៉ឺនដុល្លារដោយក្នុងមួយខែបង់ការប្រាក់ខ្ទង់៤ម៉ឺនដុល្លារ។ពេលនេះនាងបានមកប្ដឹងខ្លួនឯង នៅតុលាការ ស្របពេលម្ចាស់បំណុលព្រមានប្ដឹងជាបន្តបន្ទាប់។ ថ្លែងក្នុងពេលផ្ដល់បទសម្ភាសន៍កាលពីរសៀលទី១៨ ខែតុលាឆ្នាំ២០២១ នៅមុខតុលាការ រាជធានីភ្នំពេញ។អ្នកនាង”ខ្ញុង”តារាកំប្លែង បានទទួលស្គាល់ថា៖ ខ្លួននិងក្រុមគ្រួសារពិតជាក្ស័យធននិងជំពាក់ប្រាក់គេជាង៥០ម៉ឺនដុល្លារប្រាកដមែន។ប៉ុន្តែនាងនិងព្យាយាម រកលុយសងម្ចាស់បំណុលវិញគឺមិនឆបោកមិនរំលោភលើទំនុកចិត្តគេឡើយ។ ក្នុងបំណុលនោះដែរអ្នកនាងខ្ញុងតារាកំប្លែងមួយខែបង់តែការប្រាក់ជាង៤ម៉ឺនដុល្លារក្នុងទឹកប្រាក់ដែលអ្នកនាងខ្ញុងជំពាក់គេចំនួន៥៧២.០០០ដុល្លារ ហើយនាងបានចូលមកតុលាការខ្លួនឯង ស្របពេលម្ចាស់បំណុលព្រមានប្ដឹងជាបន្តបន្ទាប់។ក្នុងនោះអ្នកនាងប្រកាសក្ស័យធន  និងសូមអំពាវនាវជំនួយពីមហាជនទៀតផង។អ្នកនាងខ្ញុងបានអះអាងថា៖បើខ្ញុំជាប់ឃុំ ខ្ញុំមិនមានពេលរកប្រាក់សងម្ចាស់បំណុលទេ។ ចំពោះការប្ដឹងខ្លួនឯង  មកតុលាការនៅពេលនេះ គឺដើម្បីប្រាប់ទៅម្ចាស់បំណុល នឹងរាយការណ៍ប្រាប់តុលាការអំពីបំណុលរបស់ខ្លួន។ទោះជាយ៉ាងណាក៏ដោយ ម្ចាស់បំណុលខ្លះៗបានព្រមានប្ដឹងអ្នកនាងខ្ញុងខណៈកូនបំណុលរូបនេះ បង់ប្រាក់មិនទៀងទាត់ដល់ម្ចាស់បំណុល៕ដោយៈចាន់ថន

Featured ព័ត៌មានសង្គម សន្តិសុខ

ក្រុងបាត់ដំបងត្រូវទឹកស្ទឹងសង្កែជន់ឡើងលិចតំបន់មួយចំនួន

បាត់ដំបង៖ក្នុងក្រុងបាត់ដំបងក្នុងតំបន់មួយចំនួនត្រូវទឹកស្ទឹងសង្កែជន់ឡើងយ៉ាងគំហុកបណ្តាលឱ្យលិចផ្លូវ,ផ្សារបឹងឈូក,ចំណតរថយន្តបឹងឈូកអស់ទាំងស្រុងនៅថ្ងៃទី១៧ ខែតុលា ឆ្នាំ ២០២១។ លោក ផេង សិទ្ធី អភិបាលក្រុងបាត់ដំបងបានប្រកាស ជូនដំណឹងដល់ប្រជាពលរដ្ឋ ពិសេសអ្នកដែលរស់នៅតាមដងស្ទឹងទាំងអស់នៅក្នុងសង្កាត់វត្តគរ,សង្កាត់ព្រែកព្រះស្តេច, សង្កាត់ស្វាយប៉ោ,សង្កាត់រតន:, ក៏ដូចជាសង្កាត់ស្លាកែត,ត្រូវប្រុងប្រយ័ត្នចំពោះសុវត្ថិភាព រួមទាំងរៀបចំសម្ភារឬទ្រព្យសម្បត្តិដែលមានតម្លៃ ។ សារនៃមន្ទីរជំនាញ រួមទាំងអាជ្ញាធរនេះដោយសារមានទឹកភ្លៀងបន្តធ្លាក់ នៅផ្នែកតំបន់ស្រុកសំឡូត បានជន់លិចលំនៅស្ថានដំណាំចម្ការអស់ជាច្រើនហិកតា។ទឹកភ្លៀងបានហូរចាក់យ៉ាងគំហុកចូលក្នុងស្ទឹងសង្កែ ធ្វើឱ្យដងស្ទឹងមានទឹកភ្លៀងជន់ឡើងចាប់ពីកម្ពស់១២,ម៉ែត្រ ដល់ ១៣,៨៥ គិតត្រឹមព្រឹកថ្ងៃទី ១៧ ខែតុលានេះ។ ស្ថានភាពទឹកស្ទឹងសង្កែបានហក់ឡើងខ្លាំងនេះបានបង្កការជន់លិចនៅផ្នែកជាច្រើននៃក្រុងបាត់ដំបង។ក្នុងនោះរួមមាន៖ជន់លិចកំណាត់ផ្លូវលេខ៣រាប់រយម៉ែត្រ,កំណាត់ផ្លូវឡាអេជាច្រើន,លិចចំណតរថយន្តបឹងឈូងទាំងស្រុង,ផ្សារបឹងឈូក រួមទាំងលំនៅស្ថានពលរដ្ឋមួយចំនួនទៀត៕ដោយ៖សុខុម  

Featured ព័ត៌មានអន្តរជាតិ

ក្រុមIS ចេញមុខ​ទទួលខុសត្រូវ​ករណី​បំផ្ទុះគ្រាប់បែកក្នុង​វិហារ​អីស្លាម​នៅ​អា​ហ្វ​ហ្គា​នី​ស្ថាន​

អន្តរជាតិ(DailyMail)៖ មន្ត្រី​ប៉ូលីស​ក្នុង​តំបន់ បានបញ្ជាក់ នៅ​ថ្ងៃ​សៅរ៍​ទី១៦តុលា២០២១នេះ​ថា ចំនួន​អ្នកស្លាប់ ដោយសារ​ការ​បំផ្ទុះ​គ្រាប់បែក​ធ្វើអត្តឃាត​ក្នុង​វិហារ​អីស្លាម​មួយកន្លែង នៅ​ទីក្រុង​កាន់​ដា​ហា (Kandahar) រដ្ឋធានី​នៃ​ខេត្ត កាន​ដា​ហា ភាគខាងត្បូង ប្រទេស​អា​ហ្វ​ហ្គា​នី​ស្ថាន​បាន​កើនឡើង​ដល់ ៤៧ នាក់​ហើយ ខណៈ៩០ នាក់​ផ្សេងទៀត​បាន​រងរបួស​។​ លោក Haifz Sayyed ទីភ្នាក់ងារ​នាយកដ្ឋាន​វប្បធម៌ និង​ព័ត៌មាន​នៃ​រដ្ឋាភិបាល​ក្នុង​តំបន់ បាន​ឱ្យ​ដឹងថា ការ​បំផ្ទុះ​គ្រាប់បែក​នេះ​បានកើត​ឡើង​នៅ​ខាងក្នុង​អគារ​វិហារ​អីស្លាម​មូស្លីម​ស៊ី​អ៊ី​ត (Shi’ite) មួយកន្លែង នៅ​ពាក់​កណ្តាលអធ្រាត្រ​ចូល​ថ្ងៃ​សៅរ៍ ស្រប​ពេលដែល​អ្នក​គោរពបូជា​រាប់រយ​នាក់ កំពុង​បួងសួង​សុំ​សេចក្ដីសុខ​ពី​អាទិទេព​របស់​ពួកគេ​។​ លោក​បាន​បន្តថា ចំនួន​អ្នកស្លាប់​បាន​កើន​ឡើងដល់ ៤៧ នាក់ និង ៩០ នាក់​ផ្សេងទៀត​បាន​រងរបួស នៅក្នុង​ការវាយប្រហារ​នេះ​។ ខណៈដែល​របាយការណ៍​ដំបូង​បាន​បញ្ជាក់ថា ចំនួន​អ្នក​ស្លាប់មាន​ត្រឹមតែ ៣២ នាក់​ប៉ុ​ណ្នោះ និង ៦៨ នាក់​រងរបួស​។​ ដោយឡែក ក្រុម​រដ្ឋ​អ៊ីស្លាម IS នៅ​ថ្ងៃ​សៅរ៍​នេះ បាន​ចេញមុខ​អះអាង​ទទួលខុសត្រូវ ចំពោះ​ការ​បំផ្ទុះ​គ្រាប់បែក​វាយប្រហារ​នៅក្នុង​វិហារ​អីស្លាម​នេះ ដោយមាន​សមាជិក២នាក់​របស់ខ្លួន​បានជា​ប់​ពាក់ព័ន្ធ​នឹង​ការវាយប្រហារ​នេះ​។ នេះ​បើ​យោងតាម​សេចក្តីថ្លែងការណ៍​របស់​សមាជិក​នៃ​ក្រុម IS ដែល​បានបញ្ជាក់​ក្នុង​របាយការណ៍​ជាច្រើន​៕ដោយ៖Derm rang   […]

Featured ព័ត៌មានសង្គម សន្តិសុខ

អ្នកបើកRolls Royceបុករបាំងថ្មគឺមិនមែនជាប្រពន្ធលោឌួង ឆាយទេ

ភ្នំពេញ៖មន្រ្តីនគរបាលរាជធានីភ្នំពេញបានឱ្យដឹងថា អ្នកបើករថយន្តRolls Royceបុករបាំងថ្មពុះទ្រូងផ្លូវបង្កឱ្យមានការភ្ញាក់ផ្អើលពេញហ្វេសប៊ុកនោះគឺមិនមែនជាអតីតប្រពន្ធលោកឌួង ឆាយទេ។ រូបភាព៖ស្នងការដ្ឋាននគរបាលរាជធានីភ្នំពេញ លោកសាន សុខសីហាអ្នកនាំពាក្យនគរបាលភ្នំពេញបានបញ្ជាក់ប្រាប់Cambodia Flash News នៅថ្ងៃទី១៦តុលាថា អ្នកបើករថយន្តទំនើប បុករបាំងថ្មនោះគឺជាបងប្រុសរបស់អតីតប្រពន្ធលោកឌួង ឆាយ។ក្រោយហេតុការណ៍រថយន្តទំនើបបុករបាំងថ្មនេះកើតឡើងឈ្មោះដេត ឬទ្ធី ជាបងប្រុសរបស់អតីតប្រពន្ធឌួង ឆាយបានចូលទៅឆ្លើយបញ្ជាក់ប្រាប់សមត្ថកិច្ចថា ខ្លួនគឺជាអ្នកបើករថយន្តRolls Royceបុករបាំងថ្មពុះទ្រូងផ្លូ។ គឺមិនមែនឈ្មោះដេត ម៉ាលីណា អតីតប្រពន្ធឌួង ឆាយទេ។នៅពេលកើតហេតុនាងគ្រាន់តែបានជិះនៅក្នុងរថយន្តRolls Royceតែប៉ុណ្ណោះ។ អ្នកនាំពាក្យបានឱ្យដឹងបន្ថែមទៀតថា នេះគឺជាការបញ្ជាក់របស់បងប្រុសនៅក្នុងកំណត់      ហេតុរបស់សមត្ថកិច្ច។ប៉ុន្តែប្រសិនបើសមត្ថកិច្ចរកទៅឃើញថា ឈ្មោះដេត ម៉ាលីណា អតីតប្រពន្ធឌួង ឆាយជាអ្នកបើករថយន្តមែននោះ នាងនឹងត្រូវទទួលទោសតាមច្បាប់ គួរបញ្ជាក់ថា កាលពីយប់រំលងអធ្រាត្រចូលថ្ងៃទី១៣ តុលាមានរថយន្តម៉ាកRolls Royceពាក់ ផ្លាកលេខកម្ពុជា Mr.iDol បានបើកបុករបាំងពុះទ្រូងផ្លូវសហព័ន្ធរុស្ស៊ី ស្ថិតក្នុងសង្កាត់ទឹកថ្លា ខណ្ឌសែនសុខ។ករណីនេះបានបង្កឲ្យមានការភ្ញាក់ផ្អើលពេញបណ្តាញហ្វេសប៊ុក តែភ្លាមៗនោះគេមិនដឹងច្បាស់ថា អ្នកណាជាអ្នកបើករថយន្តទេ។ តែក្រោយមកក៏មានបងប្រុសរបស់អតីតប្រពន្ធលោកឌួង ឆាយ បានចូលឆ្លើយប្រាប់សមត្ថកិច្ចថាខ្លួនជាអ្នកបើក៕ដោយ៖គ្រូម៉េត