ព័ត៌មានអន្តរជាតិ

សារព័ត៌មានអំពាវនាវឱ្យប្រព័ន្ធផ្សព្វផ្សាយ បរទេសចូលទៅហ្គាហ្សា ដោយលិខិតចំហរ

ព័ត៌មានអន្តជាតិ៖អ្នកកាសែតជាង៥០នាក់បានផ្ញើលិខិត ចំហរមួយដោយអំពាវនាវឱ្យអ៊ីស្រាអែល និងអេហ្ស៊ីបផ្តល់ “ការចូលទៅកាន់ហ្គាហ្សា ដោយឥតគិតថ្លៃ និងគ្មានការរំខានសម្រាប់ប្រព័ន្ធផ្សព្វផ្សាយបរទេសទាំងអស់” ។ លិខិតនេះត្រូវបានចុះហត្ថលេខាដោយ អ្នកឆ្លើយឆ្លងព័ត៌មាន និងអ្នកធ្វើបទបង្ហាញសម្រាប់អ្នកផ្សាយ ដែលមានមូលដ្ឋាននៅចក្រភពអង់គ្លេស រួមមាន BBC’s  Jeremy Bowen, Lyse Doucet និង Mishal Husain ។ជាមួយគ្នានោះដែរ យោធាអ៊ីស្រាអែលនិយាយថា កងទ័ពរបស់ខ្លួនបាននាំអ្នកកាសែតធ្វើដំណើរ តាមរថយន្តនៅហ្គាហ្សា ដើម្បីអនុញ្ញាតឱ្យពួកគេរាយការណ៍ដោយសុវត្ថិភាព។ ដោយឡែក អ្នកកាសែត និងបុគ្គលិកប្រព័ន្ធផ្សព្វផ្សាយប៉ាឡេស្ទីន បានរាយការណ៍ពីខាងក្នុងតំបន់ហ្គាហ្សា ចាប់តាំងពីការចាប់ផ្តើម នៃសង្រ្គាមរវាងអ៊ីស្រាអែល និងក្រុមហាម៉ាស់ក្នុងខែតុលា អ្នកកាសែតរាប់សិបនាក់បានស្លាប់ រងរបួសឬបាត់ខ្លួន។ នៅក្នុងសំបុត្រនោះ អ្នកកាសែតទាំង៥៥នាក់ បានសរសេរថា “អ្នកយកព័ត៌មានបរទេសនៅ តែត្រូវបានបដិសេធក្នុងការចូលទៅកាន់ទឹកដី ក្រៅការធ្វើដំណើរដ៏កម្រ និងត្រូវបានអមដំណើរជាមួយយោធាអ៊ីស្រាអែល”។ការធ្វើដំណើរអមដោយយោធាត្រូវបាន គ្រប់គ្រងយ៉ាងតឹងរឹង ហើយជារឿយៗពួកគេគ្រាន់តែបង្ហាញផ្លូវរូងក្រោមដីដែលយោធា និយាយថាត្រូវបានប្រើប្រាស់ដោយក្រុមហាម៉ាស់ ឬហាងលក់អាវុធតែប៉ុណ្ណោះ។មានតែអ្នកកាសែតបរទេសម្នាក់ប៉ុណ្ណោះ ដែលត្រូវបានអនុញ្ញាតឱ្យចូលទៅកាន់តំបន់ហ្គាហ្សា ឆ្លងកាត់ប្រទេសអេហ្ស៊ីប ក្នុងដំណើរទស្សនកិច្ចអមដំណើរមួយ។ Clarissa Ward របស់ CNN ដែលស្ថិតក្នុងចំណោមប្រទេសហត្ថលេខីនៃសំបុត្រនោះ អាចចំណាយពេលត្រឹមតែ ពីរបីម៉ោងនៅលើដីក្នុងទីក្រុង […]

Featured ព័ត៌មានអន្តរជាតិ

អាមេរិកកំពុង​ពិចារណា​ការ ​ផ្ដល់ជំនួយ​ដល់​ហ្គា​ហ្សា ដោយ​ទម្លាក់​ពីលើ​អាកាស​

ព័ត៌មានអន្តរជាតិ៖ទីក្រុង​វ៉ាស៊ីនតោន កំពុង​ពិចារណា​លទ្ធភាព​ នៃ​ការទម្លាក់​ជំនួយ​មនុស្សធម៌​ទៅកាន់​តំបន់​ហ្គា​ហ្សា​ស្ទ្រី​ប ពីលើ​យន្តហោះ​យោធា​អាមេរិក ខណៈដែល​ការដឹកជញ្ជូន​តាមផ្លូវ​គោក​កាន់​តែមាន​ភាពលំបាក​។ នេះ​បើ​យោងតាម​គេហទំព័រ​ព័ត៌មាន Axios បាន​រាយការណ៍​ដោយ​ដកស្រង់​សម្តី​មន្ត្រី​សហរដ្ឋអាមេរិក​។​យោងតាម​ប្រភព​ដដែលបានឱ្យដឹងថា ការពិត​ដែលថា​រដ្ឋបាល​អាមេរិក កំពុង​ពិចារណា​វិធានការ​បែបនេះ​បង្ហាញ​ពី​ការ ព្រួយបារម្ភ​កាន់តែខ្លាំង​ឡើង​របស់ខ្លួន​ អំពី​វិបត្តិ​មនុស្សធម៌​កាន់តែ​អាក្រក់​នៅក្នុង​តំបន់​ហ្គា​ហ្សា។ ខណៈ​មន្ត្រី​ម្នាក់និយាយថា “ស្ថានភាព​លើដី​ពិតជា​អាក្រក់​ណាស់​។ យើង​មិនអាច​ទទួលបាន​ជំនួយ​គ្រប់គ្រាន់​តាមរយៈ​ឡាន​ដឹកទំនិញ នោះទេ ដូច្នេះ​យើង​ត្រូវការ​វិធានការ​ទម្លាក់​ពីលើ​យន្តហោះ​”។​ទន្ទឹម​នោះប្រភពបានចង្អុលបង្ហាញ​ថា សេត​វិមាន ទើបតែ​ចាប់ផ្តើម​ពិភាក្សា​អំពី​ជម្រើស​នេះ នាពេល​ថ្មីៗ​​។ដោយឡែកក្រុមមន្ត្រីលើកឡើងថា យន្តហោះ​ទម្លាក់​គ្រាប់​អាច​ផ្តល់ជំនួយ​តែ​មួយពេល​ប៉ុណ្ណោះ ប៉ុន្តែ​មានតែ​មធ្យោបាយ​ដឹកជញ្ជូន​តែមួយគត់ ទើប​អាច​ទៅដល់​ទីតាំង​ច្រើន​តាម​ការចង់បាន​។យោងតាម​មន្ត្រីអង្គការសហប្រជាជាតិ បាន​បញ្ជាក់ថាបរិមាណ​ជំនួយ ​ទៅដល់​ហ្គា​ហ្សា ធ្លាក់ចុះ​ពាក់កណ្តាលនៅក្នុង​ខែកុម្ភៈ បើ​ធៀប​នឹង​ខែមករា។កាលពី​ថ្ងៃ​ពុធ កងកម្លាំង​ការពារ​អ៊ីស្រាអែល IDF បាន​រាយការណ៍​ថា ប្រតិបត្តិការ​រួមគ្នា​ជាមួយ ​អេ​ហ្ស៊ី​ប ហ្ស៊​កដា​នី អេ​មី​រ៉ា​ត​អារ៉ាប់​រួម សហរដ្ឋអាមេរិក និង​បារាំង ត្រូវបាន​អនុវត្ត​ជាមួយនឹង​កញ្ចប់​អាហារ និង​ឧបករណ៍​វេជ្ជសាស្ត្រ​ចំនួន១៦០លាន ដែល​ត្រូវ​ទម្លាក់​ចូលទៅក្នុង​តំបន់​ហ្គា​ហ្សា​ភាគខាងត្បូង និង​មន្ទីរពេទ្យ​វាល​ហ្ស៊​កដា​នី នៅ Khan Yunis ៕  

ព័ត៌មានអន្តរជាតិ

AFPផ្សាយថា រុស្ស៊ីជួលជនជាតិឥណ្ឌា តម្លៃ១.២០០ដុល្លារ ទៅប្រយុទ្ធ​នៅអ៊ុយក្រែន

ព័ត៌មានអន្តរជាតិ៖យោងតាមការចេញផ្សាយ នៃសារពត៌មាន AFPកាលពីថ្ងៃទី២៧ ខែកុម្ភៈ បានឱ្យដឹងថា ជនជាតិឥណ្ឌាត្រូវបានជួលដោយទីក្រុងមូស្គូ ដើម្បីទៅប្រយុទ្ធនៅអ៊ុយក្រែន ដោយមានជំនួយពីអ្នកជ្រើសរើសនៅជុំវិញពិភពលោក។ ខណៈប្រាក់ខែទទួលបានប្រហែល១.២០០ដុល្លារក្នុងមួយខែ។ បើទោះបីជាគ្មាន​​បទ​ពិសោធ​ខាងយោធា​ពីមុន​មកក៏ដោយ។ យោងតាមជនជាតិឥណ្ឌាមួយចំនួន ដែលត្រូវបានជួលដោយរុស្ស៊ី បានប្រាប់ទីភ្នាក់ងារព័ត៌មានAFPថា “ខាងរុស្ស៊ីបានសន្យាថា ពួកគេមិនមែនជាអ្នកសឹកសង្គ្រាមនោះទេ។ប៉ុន្តែត្រូវតែបណ្ដុះបណ្ដាលឱ្យចេះប្រើកាំភ្លើង Kalashnikov និងអាវុធផ្សេងទៀត មុនពេលបញ្ជូនទៅអ៊ុយក្រែន”។“ចំណែកប្រាក់ខែគឺទទួលបានប្រហែល១.២០០ដុល្លារក្នុងមួយខែ​ បើទោះបីជាគ្មាន​​បទ​ពិសោធ​ខាងយោធា​ពីមុន​មកក៏ដោយ។ជាក់ស្ដែងគេឃើញមានទាំងកសិករបេះផ្លែប៉ោម អ្នកបម្រើតាមក្រុមហ៊ុនអាកាសចរណ៍ និងនិសិត្សបញ្ចប់ការសិក្សាជាដើម សុទ្ធសឹងតែស្ថិតក្នុងចំណោមជនជាតិឥណ្ឌា ដែលត្រូវបានជួលដោយរុស្ស៊ី”។ ទន្ទឹមនោះ អ្នកបកប្រែជនជាតិឥណ្ឌាម្នាក់ ដែលធ្វើការនៅក្នុងមជ្ឈមណ្ឌលជ្រើសរើសទាហាននៅទីក្រុងមូស្គូបានប្រាប់ អ្នកកាសែត AFP នៅទីក្រុងញូវដេលីថា “ កន្លែងរបស់គាត់គឺជាបណ្តាញចុះឈ្មោះមួយនៅទូទាំងប្រទេសរុស្ស៊ី។លោក​បាន​មើល​ការ​ខុស​ត្រូវ​ផ្ទាល់​លើ​ការ​ចុះ​ឈ្មោះរបស់​ពលរដ្ឋ​ឥណ្ឌា​ ចន្លោះ​ពី៧០ទៅ១០០នាក់ ខណៈ​​ជនជាតិ​នេប៉ាល់​មាន​ចំនួន​ច្រើន​ជាង​នេះ” ។ទាំងរុស្ស៊ី និងអ៊ុយក្រែនមិនដែលនិយាយថា មានជនបរទេសប៉ុន្មាននាក់កំពុងបម្រើក្នុងជួរយោធារបស់ពួកគេនោះទេ។ខណៈអ្នកវិភាគនៅស្ថាប័ន International Crisis Group បាននិយាយថា ក្រុងមូស្គូបានជួលអ្នកប្រយុទ្ធបរទេសរាប់ពាន់នាក់។ ក្នុងនោះរាប់រយនាក់មកពីប្រទេសឥណ្ឌា និងប្រទេសនេប៉ាល់ ហើយបាននិងកំពុងព្យាយាមជ្រើសរើសទាហានស៊ីឈ្នួលនៅអាហ្វ្រិកផងដែរ។ ពាក់ព័ន្ធនឹងបញ្ហានេះដែរ យោងតាមក្រសួងការបរទេសឥណ្ឌាបានបញ្ជាក់ថា ពលរដ្ឋឥណ្ឌាមួយចំនួនបានចុះឈ្មោះ សម្រាប់ការងារជាជំនួយការឱ្យកងទ័ពរុស្ស៊ី ដោយមិនបានបញ្ជាក់ថា ពួកគេមានតួនាទីជាអ្នកធ្វើសង្គ្រាមឬយ៉ាងណានោះទេ។ទោះបីជាមិនមានព័ត៌មានច្បាស់ លាស់អំពីចំនួនអ្នកស្លាប់ និងរបួសក៏ដោយ។ ប៉ុន្តែតាមការប៉ាន់ប្រមាណរបស់អង្គការសហប្រជាជាតិបានឱ្យដឹងថា ក្នុងភ្លើងសង្គ្រាម២ឆ្នាំមកនេះ ជនស៊ីវិលអ៊ុយក្រែនជាង១០.០០០នាក់ត្រូវបានសម្លាប់។ខណៈតាមរបាយការណ៍របស់កាសែត […]

ព័ត៌មានអន្តរជាតិ

ក្រុមហាម៉ាស់កំពុងសិក្សាសំណើ បទឈប់បាញ់នៅប៉ារីស ខណៈដែលអ៊ីស្រាអែលបន្តយុទ្ធនាការ Gaza

ព័ត៌មានអន្តរជាតិ៖ ក្រុមហាម៉ាស់កំពុងសិក្សាលើ​ សំណើក្របខណ្ឌមួយ ដែលដាក់ចេញដោយអ៊ីស្រាអែល សហរដ្ឋអាមេរិក កាតា និងអេហ្ស៊ីប នៅទីក្រុងប៉ារីស សម្រាប់បទឈប់បាញ់ និងការដោះដូរអ្នកទោសនៅហ្គាហ្សា។ ក្រុមប៉ាឡេស្ទីនមិនទាន់ធ្វើអត្ថាធិប្បាយ ជាផ្លូវការលើសំណើនេះទេ ដែលត្រូវបានលុបចោលកាលពីប៉ុន្មានថ្ងៃមុន នៅក្នុងរដ្ឋធានីបារាំងបន្ទាប់ពីការ ចរចារដែលបានសម្របសម្រួល។ប្រធានាធិបតីអាមេរិកលោក Joe Biden បានស្នើឱ្យ បញ្ឈប់ការប្រយុទ្ធគ្នាអាចកើតមានឡើងក្នុងរយៈពេលមួយសប្តាហ៍។ប៉ុន្តែសម្រាប់ពេលនេះ ជម្លោះដែលបានសម្លាប់មនុស្ស ជិត៣០.០០០នាក់ នៅក្នុងរង្វង់នោះនៅតែបន្តកើតមាន។ ជាមួយនឹងការប្រយុទ្ធបន្ត ហើយប្រជាជនភាគច្រើននៃចំនួន២,៣លាននាក់ ទទួលរងពីភាពអត់ឃ្លាន។ទោះជាយ៉ាងណា សំណើនេះមានការផ្អាកមួយ នៅក្នុងអរិភាពដែលអាចអូសបន្លាយ រយៈពេល៦សប្តាហ៍នោះ​ នឹងអនុញ្ញាតឱ្យមានការដោះលែងអ្នកចាប់ជនជាតិអ៊ីស្រាអែលចំនួន៤០នាក់។ ដែលក្រុមហាម៉ាស់ចាប់ជាថ្នូរនឹងជនជាតិប៉ាឡេស្ទីនចំនួន៤០០នាក់ ដែលបច្ចុប្បន្នកំពុងស្ថិត នៅក្នុងពន្ធនាគាររបស់អ៊ីស្រាអែល។យ៉ាងណាមិញ គណៈប្រតិភូអ៊ីស្រាអែល និងក្រុមហាម៉ាស់ ត្រូវបានគេរាយការណ៍ថា ស្ថិតនៅក្នុងរដ្ឋធានី ដូហា ប្រទេសកាតាដើម្បីបន្តការចរចាតែដាច់ដោយឡែក។ អ្នកសម្របសម្រួលត្រូវបានគេរាយការណ៍ថា កំពុងសង្ឃឹមថានឹងទទួលបានកិច្ចព្រមព្រៀងមួយមុនពេលចាប់ផ្តើម នៃខែដ៏វិសុទ្ធរបស់មូស្លីមនៃបុណ្យរ៉ាម៉ាទន ដែលទំនងជានឹងចាប់ផ្តើមនៅថ្ងៃទី១០ខែមីនា។ជាមួយគ្នានោះលោក Biden បាននិយាយក្នុងសេចក្តីអធិប្បាយ ដែលផ្សាយតាមទូរទស្សន៍អាមេរិកកាលពីព្រឹកថ្ងៃអង្គារថា “បុណ្យរ៉ាម៉ាទននឹងមកដល់ ហើយមានកិច្ចព្រមព្រៀងមួយដោយជនជាតិអ៊ីស្រាអែលថា ពួកគេនឹងមិនចូលរួមក្នុងសកម្មភាពក្នុងអំឡុងបុណ្យរ៉ាម៉ាទនផងដែរ ដើម្បីផ្តល់ពេលវេលាដល់ពួកយើង ដកចំណាប់ខ្មាំងទាំងអស់ចេញ” ។ ទោះជាយ៉ាងណាក៏ដោយ ក្រុម Hamas មិនទាន់ធ្វើអត្ថាធិប្បាយជាផ្លូវការនៅឡើយ។ […]

ព័ត៌មានអន្តរជាតិ

អ៊ីស្រាអែល កំពុង​វាយលុក​ក្រុង​មួយ​ក្នុង​តំបន់ West Bank ដោយ​ប្រើ​អាវុធ​ធុន​ធ្ងន់​

ព័ត៌មានអន្តរជាតិ៖តាមប៉ុស្តិ៍ទូរទស្សន៍ Al Mayadeen  របស់ប្រទេសលីបង់បានផ្សាយថា កងទ័ព​អ៊ីស្រាអែល កំពុង​វាយលុក​ទីក្រុង Jenin នៅ​តំបន់ West Bank របស់​ប៉ា​ឡេ​ស្ទី​ន ដោយ​ប្រើ​យន្តហោះ​គ្មាន​មនុស្ស​បើក និង​ឧបករណ៍​ធុន​ធ្ងន់​។​តាម​ប្រភពដដែលបានបញ្ជាក់ថា យោធា​អ៊ីស្រាអែល កំពុង​ប្រយុទ្ធ​គ្នា​យ៉ាងខ្លាំង​ ជាមួយ​កម្លាំង​តស៊ូ​ប៉ា​ឡេ​ស្ទី​ន ដោយ​យន្តហោះ​គ្មាន​មនុស្ស​បើក ​មួយចំនួនធំ​កំពុង​ហោះហើរ​នៅលើ​មេឃ​ក្នុង​ទីក្រុង ហើយ​ផ្លូវនិង​ហេដ្ឋារចនាសម្ព័ន្ធ កំពុង​ត្រូវ​បំផ្លាញ​ដោយ​ការ​ឈូសឆាយ​របស់​កងទ័ព​ធុន​ធ្ងន់​។​គួរ​បញ្ជាក់ថា ភាព​តានតឹង​បាន​ផ្ទុះឡើង​ម្តងទៀត ​នៅ​មជ្ឈិមបូព៌ាកាលពី​ថ្ងៃទី៧ ខែតុលា​ឆ្នាំ ២០២៣ ពេលដែល​ពួក​សកម្មប្រយុទ្ធ​មកពី​ចលនា​ ប៉ា​ឡេ​ស្ទី​ន​រ៉ាឌីកាល់​ដែលមាន ​មូលដ្ឋាន​នៅ​ហ្គា​ហ្សា​ស្ទ្រី​ប។ ហា​ម៉ាស់បាន​វាយប្រហារ​ដ៏​គួរឱ្យ ភ្ញាក់ផ្អើល​មួយ​លើ​ទឹកដី​អ៊ីស្រាអែល ពី​តំបន់​ហ្គា​ហ្សា​ ដោយ​សម្លាប់​អ្នករស់នៅ​តាម ​ព្រំដែន​អ៊ីស្រាអែល និង​ចាប់​ចំណាប់ខ្មាំង​រួមទាំង​ស្ត្រី កុមារ និង​មនុស្ស​ចាស់​៕

Featured ព័ត៌មានអន្តរជាតិ

អ៊ីរ៉ង់ថ្កោលទោសអាមេរិក-អង់គ្លេសពីការឈ្លានពានលើ យេម៉ែនដោយព្រមានថា នឹងអស្ថិរភាពក្នុងតំបន់

ព័ត៌មានអន្តរជាតិ៖អ្នកនាំពាក្យក្រសួងការបរទេសអ៊ីរ៉ង់ លោក Nasser Kanaani កាលពីថ្ងៃអាទិត្យទី២៤កុម្ភៈ បានថ្កោលទោសយ៉ាងខ្លាំង ចំពោះការវាយប្រហារ ដែលធ្វើឡើងដោយយន្តហោះចម្បាំងអាមេរិក និងអង់គ្លេសលើរដ្ឋធានីសាណា ប្រទេសយេម៉ែន កាលពីថ្ងៃសៅរ៍ទី២៣កម្ភៈ។ លោកបានថ្លែងបែបនេះ នៅក្នុងសេចក្តីថ្លែងការណ៍មួយ ដែលបានចេញផ្សាយនៅ លើគេហទំព័ររបស់ក្រសួងការបរទេសអ៊ីរ៉ង់ ដោយពណ៌នាអំពីការវាយ ប្រហារយោធាទ្រង់ទ្រាយធំ ដែលបានធ្វើឡើង កាលពីល្ងាចថ្ងៃសៅរ៍ថា “ជាការបំពានច្បាប់ និងបទប្បញ្ញត្តិអន្តរជាតិ ក៏ដូចជារំលោភ អធិបតេយ្យភាព និងបូរណភាពទឹកដី របស់ប្រទេសយេម៉ែន”។លោក Kanaaniបានសង្កត់ធ្ងន់ថា “សហរដ្ឋអាមេរិក និងអង់គ្លេសបានបង្ហាញឱ្យឃើញជាថ្មីម្តងទៀតគឺពួកគេ “គាំទ្រឧក្រិដ្ឋកម្មសង្រ្គាមរបស់អ៊ីស្រាអែល” ក្នុងតំបន់ Gaza Strip និង West Bankហើយ“ពួកគេផ្តល់អាទិភាពដល់ការប្តេជ្ញា ចិត្តចំពោះសន្តិសុខ និងគោលដៅខុសច្បាប់របស់អ៊ីស្រាអែល ជុំវិញសន្តិភាព និងសន្តិសុខអន្តរជាតិ”។ អ្នកនាំពាក្យបានន្តថា “តាមរយៈការវាយប្រហារបែបនេះ សហរដ្ឋអាមេរិក និងអង់គ្លេសស្វែងរក បង្កើនភាពតានតឹង និងវិបត្តិក្នុងតំបន់ពង្រីកវិសាលភាពនៃសង្គ្រាម និងអស្ថិរភាព បង្វែរមតិសាធារណៈពីឧក្រិដ្ឋកម្មសង្រ្គាមរបស់អ៊ីស្រាអែល និងផ្តល់ឱកាសឱ្យអ៊ីស្រាអែលបន្តឧក្រិដ្ឋកម្មសង្រ្គាម”។គួរបញ្ជាក់ថាកាលពីថ្ងៃសៅរ៍សប្តាហ៍កន្លងទៅ កងកម្លាំងសហរដ្ឋអាមេរិក​ រួមជាមួយអង់គ្លេស បានបន្តបើកការវាយប្រហារទៅលើ ​គោលដៅក្រុមហ៊ូទីនៅឯប្រទេសយេម៉ែន ខណៈវាគឺជាសកម្មភាពយោធាថ្មីចុងក្រោយបំផុត ប្រឆាំងនឹងក្រុមឧទ្ទាមគាំទ្រដោយអ៊ីរ៉ង់មួយនេះ ដែលនៅតែបន្តការវាយប្រហាររបស់ខ្លួន លើកប៉ាល់ដឹកជញ្ជូនទំនិញនៅក្នុងតំបន់។ […]

Featured ព័ត៌មានអន្តរជាតិ

រុស្ស៊ីព្រមានថានឹងផ្ទុះ សង្គ្រាមនុយក្លេអ៊ែរពេលយន្តហោះ F-16ទៅដល់ដៃអ៊ុយក្រែន

ព័ត៌មានអន្ដរជាតិ៖ អតីតប្រធានាធិបតីរុស្ស៊ីលោក Dmitry Medvedev បានព្រមានថា ការផ្តល់យន្តហោះចម្បាំងF-16ដល់ដៃប្រទេសអ៊ុយក្រែន នឹងបង្កជាហានិភ័យផ្ទុះសង្គ្រាមនុយក្លេអ៊ែរមិនខានឡើយ។យន្តហោះចម្បាំង F-16 រូបថត៖ 162 Wing បច្ចុប្បន្នប្រទេសជាសមាជិកណាតូ កំពុងបណ្តុះបណ្តាលពីឡុតអ៊ុយក្រែនឱ្យចេះបើកយន្តហោះ F-16 មុនពេលបញ្ជូនឱ្យទីក្រុងកៀវ ក្រោយមានការស្នើសុំពីប្រទេស​លោកខាងលិច​អស់​រយៈពេល​ជាច្រើន​ខែ​មកហើយ ដើម្បីយកមកទប់ទល់ជាមួយរុស្ស៊ី។ យ៉ាងណា ក្នុងបទសម្ភាសន៍ជាមួយអ្នកកាសែតរុស្ស៊ី ដែលត្រូវបានដកស្រង់ដោយសារព័ត៌មាន TASS កាលពីថ្ងៃព្រហស្បតិ៍ទី២២ខែកុម្ភៈលោក Medvedev បានព្រមានខ្លាំងៗថា ការផ្ទុះឡើងសង្គ្រាមនុយក្លេអ៊ែរ មិនមែនជារឿងចៃដន្យឬគ្មានចេតនានោះទេ វាពាក់ព័ន្ធនឹងភាពគ្រោះថ្នាក់នៅជុំវិញប្រទេសអ៊ុយក្រែន។លោក Dmitry Medvedev រូបថត៖ EPA លោកបន្តថា “ទីក្រុងកៀវ ចង់បានយន្តហោះដែលរចនាដោយអាមេរិក ទាំងដែលពួកគេមិនទាន់ចេះប្រើ។ ដូច្នេះប្រសិនបើយន្តហោះមួយក្នុងចំណោមយន្តហោះទាំងនោះ ហោះចេញពីប្រទេសណាតូក្នុងបេសកកម្មជួយអ៊ុយក្រែន។ តើស្ថានការណ៍នឹងទៅជាយ៉ាងណា? ជាការវាយប្រហារលើប្រទេសរុស្ស៊ីមែនទេ? ខ្ញុំមិនចង់​រៀបរាប់​ច្រើនទេចំពោះ អ្វី​ដែល​អាច​​កើត​ឡើង”។ ទោះបីជាយ៉ាងណាក៏ដោយ លោកគូសបញ្ជាក់ថា ការប្រឈមមុខដាក់គ្នារវាងរុស្ស៊ីជាមួយសហរដ្ឋអាមេរិកនិងសម្ព័ន្ធមិត្ត គឺមិនស្ថិតនៅដំណាក់កាលដែលបង្ខំឱ្យមនុស្សរត់លាក់ខ្លួននៅក្នុងជម្រកការពារនុយក្លេអ៊ែរនោះទេ។ ប៉ុន្តែថា វាអាក្រក់ជាងវិបត្តិមីស៊ីលគុយបាឆ្នាំ១៩៦២ទៅទៀត។យន្តហោះចម្បាំង F-16 រូបថត៖ Military សូមបញ្ជាក់ជាថ្មី កាលពីប៉ុន្មានខែមុន ទីក្រុងវ៉ាស៊ីនតោន បានអនុញ្ញាតឱ្យអាកាសយានិកអ៊ុយក្រែន ហ្វឹកហាត់បើកយន្តហោះF-16 […]

Featured ព័ត៌មានអន្តរជាតិ

អាមេរិកនិងអង់គ្លេស ទម្លាក់គ្រាប់បែកលើទីតាំងក្រុម Houthi ក្នុងប្រទេសយេម៉ែន

ព័ត៌មានអន្តរជាតិ៖ក្រុមមន្ត្រីបាននិយាយថា សហរដ្ឋអាមេរិក និងចក្រភពអង់គ្លេសបានទម្លាក់គ្រាប់បែកលើទីតាំង Houthi ជាច្រើនកន្លែង ក្នុងប្រទេសយេម៉ែន។ខណៈដែលក្រុមឧទ្ទាមបានបង្កើនការវាយប្រហារ លើនាវានៅសមុទ្រក្រហម ដើម្បីប្រឆាំងនឹងសង្គ្រាមរបស់អ៊ីស្រាអែលនៅលើតំបន់ហ្គាហ្សា។ក្នុងសេចក្តីថ្លែងការណ៍រួមមួយ កាលពីថ្ងៃសៅរ៍ទី២៤កុម្ភាៈ សហរដ្ឋអាមេរិកនិងចក្រភពអង់គ្លេសបាននិយាយថា សកម្មភាពយោធាបានកំណត់គោលដៅលើទីតាំង Houthi ចំនួន ៨នៅទូទាំងទីតាំងចំនួន១៨ក្នុងប្រទេសយេម៉ែន ហើយរួមមានការវាយប្រហារលើទីតាំងផ្ទុកអាវុធក្រោមដី។ក្នុងនោះកន្លែងផ្ទុកមីស៊ីល ប្រព័ន្ធការពារដែនអាកាស រ៉ាដា និងឧទ្ធម្ភាគចក្រមួយ។ប្រតិបត្តិការនេះគឺជាលើកទី៤ហើយ ដែលយោធាអាមេរិក និងអង់គ្លេសបានវាយប្រហាររួមគ្នាប្រឆាំងនឹងពួក Houthi ចាប់តាំងពីថ្ងៃទី១២ខែមករាកន្លងទៅ។ការវាយប្រហារនេះត្រូវបានគាំទ្រដោយប្រទេសអូស្ត្រាលី បារ៉ែន កាណាដា ដាណឺម៉ាក ហូឡង់ និងនូវែលសេឡង់ ផងដែរ។ សហរដ្ឋអាមេរិកក៏បាននិងកំពុងវាយឆ្មក់ស្ទើរតែរាល់ថ្ងៃ ដើម្បីយកគោលដៅរបស់ក្រុម Houthi រួមទាំងមីស៊ីលដែលនាំចូលមក គ្រាប់រ៉ុក្កែត និងយន្តហោះគ្មានមនុស្សបើក សំដៅលើនាវាពាណិជ្ជកម្ម និងនាវាកងទ័ពជើងទឹកផ្សេងទៀត។ទោះបីជាយ៉ាងណាក៏ដោយ ការវាយឆ្មក់មកទល់ពេលនេះ បានបរាជ័យក្នុងការបញ្ឈប់ការវាយប្រហាររបស់ក្រុម Houthis ដែលបានធ្វើឱ្យពាណិជ្ជកម្មពិភពលោកមានការខកចិត្ត និងបង្កើនអត្រាការដឹកជញ្ជូន៕

ព័ត៌មានអន្តរជាតិ

អាមេរិកព្រមាន​ពី​មហន្តរាយ​បរិស្ថាន ក្រោយ​ក្រុមHouthi បាញ់កប៉ាល់​ដឹក​ប្រេង​ឱ្យធ្លាយ​ប្រេង​ពេញ​សមុទ្រ​

ព័ត៌មានអន្តរជាតិ​៖កប៉ាល់​ដឹក​ប្រេង​មួយគ្រឿង ត្រូវបាន​ទុកចោល​នៅ​ឈូង​សមុទ្រ Aden បន្ទាប់ពី​រង​ការវាយប្រហារ ​ដោយ​ពួក​ឧទ្ទាម​យេ​ម៉ែន បណ្ដាល​ឱ្យ​ធ្លាយ​ប្រេង​បន្សល់ទុក​ពេញ​ផ្ទៃ​ទឹកសមុទ្រ​យ៉ាងច្រើន។ ខណៈដែល​បញ្ជាការ​កណ្ដា​ល​អាមេរិក CENTCOM ចាត់ទុកថា​ជា​គ្រោះមហន្តរាយ​បរិស្ថាន ហើយ​អាច​នឹង​កាន់តែ​អាក្រក់​ទៅៗ។​Rubymar ជា​កប៉ាល់​ដឹក​ប្រេង​ដោត​ទង់ជាតិ Belize ចុះបញ្ជី​ដោយ​អង់គ្លេស និង​លី​បង់ ដោយ​ដឹក​ជី​ដែល​អាច​ឆេះ រង​ការខូចខាត បន្ទាប់ពី​ការវាយប្រហារ​ ដោយ​មី​ស៊ី​លពី​ក្រុម​ឧទ្ទាម Houthi ។​ទន្ទឹម​នោះ ក្រុម​ប្រតិបត្តិ​ករ​របស់​កប៉ាល់ ក្រុមហ៊ុន Blue Fleet Group បាន​បញ្ជាក់ថា នាវិក​ត្រូវបាន​ជម្លៀស​ទៅកាន់​ប្រទេស Djibouti ។បន្ទាប់ពី​មី​ស៊ី​ល​វាយប្រហារ​ផ្នែក​ម្ខាង​នៃ​កប៉ាល់ ដែល​បណ្តាលឱ្យ​ទឹក​ចូលក្នុង​បន្ទប់​ម៉ាស៊ីន ហើយ​បណ្ដាល​ឱ្យ​ស្រុតចុះ ចូល​ទន្លេ​តែម្ដង​៕