Featured ព័ត៌មានអន្តរជាតិ

ក្រុមIS ចេញមុខ​ទទួលខុសត្រូវ​ករណី​បំផ្ទុះគ្រាប់បែកក្នុង​វិហារ​អីស្លាម​នៅ​អា​ហ្វ​ហ្គា​នី​ស្ថាន​

អន្តរជាតិ(DailyMail)៖ មន្ត្រី​ប៉ូលីស​ក្នុង​តំបន់ បានបញ្ជាក់ នៅ​ថ្ងៃ​សៅរ៍​ទី១៦តុលា២០២១នេះ​ថា ចំនួន​អ្នកស្លាប់ ដោយសារ​ការ​បំផ្ទុះ​គ្រាប់បែក​ធ្វើអត្តឃាត​ក្នុង​វិហារ​អីស្លាម​មួយកន្លែង នៅ​ទីក្រុង​កាន់​ដា​ហា (Kandahar) រដ្ឋធានី​នៃ​ខេត្ត កាន​ដា​ហា ភាគខាងត្បូង ប្រទេស​អា​ហ្វ​ហ្គា​នី​ស្ថាន​បាន​កើនឡើង​ដល់ ៤៧ នាក់​ហើយ ខណៈ៩០ នាក់​ផ្សេងទៀត​បាន​រងរបួស​។​ លោក Haifz Sayyed ទីភ្នាក់ងារ​នាយកដ្ឋាន​វប្បធម៌ និង​ព័ត៌មាន​នៃ​រដ្ឋាភិបាល​ក្នុង​តំបន់ បាន​ឱ្យ​ដឹងថា ការ​បំផ្ទុះ​គ្រាប់បែក​នេះ​បានកើត​ឡើង​នៅ​ខាងក្នុង​អគារ​វិហារ​អីស្លាម​មូស្លីម​ស៊ី​អ៊ី​ត (Shi’ite) មួយកន្លែង នៅ​ពាក់​កណ្តាលអធ្រាត្រ​ចូល​ថ្ងៃ​សៅរ៍ ស្រប​ពេលដែល​អ្នក​គោរពបូជា​រាប់រយ​នាក់ កំពុង​បួងសួង​សុំ​សេចក្ដីសុខ​ពី​អាទិទេព​របស់​ពួកគេ​។​ លោក​បាន​បន្តថា ចំនួន​អ្នកស្លាប់​បាន​កើន​ឡើងដល់ ៤៧ នាក់ និង ៩០ នាក់​ផ្សេងទៀត​បាន​រងរបួស នៅក្នុង​ការវាយប្រហារ​នេះ​។ ខណៈដែល​របាយការណ៍​ដំបូង​បាន​បញ្ជាក់ថា ចំនួន​អ្នក​ស្លាប់មាន​ត្រឹមតែ ៣២ នាក់​ប៉ុ​ណ្នោះ និង ៦៨ នាក់​រងរបួស​។​ ដោយឡែក ក្រុម​រដ្ឋ​អ៊ីស្លាម IS នៅ​ថ្ងៃ​សៅរ៍​នេះ បាន​ចេញមុខ​អះអាង​ទទួលខុសត្រូវ ចំពោះ​ការ​បំផ្ទុះ​គ្រាប់បែក​វាយប្រហារ​នៅក្នុង​វិហារ​អីស្លាម​នេះ ដោយមាន​សមាជិក២នាក់​របស់ខ្លួន​បានជា​ប់​ពាក់ព័ន្ធ​នឹង​ការវាយប្រហារ​នេះ​។ នេះ​បើ​យោងតាម​សេចក្តីថ្លែងការណ៍​របស់​សមាជិក​នៃ​ក្រុម IS ដែល​បានបញ្ជាក់​ក្នុង​របាយការណ៍​ជាច្រើន​៕ដោយ៖Derm rang   […]

Featured ព័ត៌មានអន្តរជាតិ

បាញ់ប្រហារមួយនៅកំពង់ផែក្រុងបេរូតម​នុស្ស៦នាក់ស្លាប់និង​រាប់សិប​នាក់ទៀត​រងរបួស​

អន្តរជាតិ(The Guardian)៖ មនុស្ស​៦នាក់បានស្លាប់ និង​រាប់សិប​នាក់​ទៀត​រងរបួស នៅពេលដែល​ករណី​ផ្ទុះអាវុធ​កើត​ឡើង ក្នុង​ហ្វូង​បាតុករ​ដែល​គាំទ្រ​ក្រុម​ហេស​បូ​ឡា (Hezbollah) បាន​ប្រមូលផ្តុំ​គ្នា​តវ៉ា​ប្រឆាំងនឹង​ចៅក្រម​ស៊ើបអង្កេត ជុំវិញ​ការផ្ទុះ​កំពង់ផែ​បេ​រូត​។​ អ្នកគាំទ្រ​ក្រុម​ហេស​បូ​ឡាជាច្រើន​រយ​នាក់ និង​សម្ព័ន្ធមិត្ត​ពាក់អាវ​ខ្មៅ បាន​ប្រមូល​ផ្តុំគ្នា​នៅឯ​វិមាន​យុត្តិធម៌​បេ​រូត កាលពី​ថ្ងៃ​ព្រហស្បតិ៍ ដោយ​អំពាវនាវ​ឱ្យ​ដក​ចៅក្រម​តា​រ៉េ​ក​ប៊ី​តារ (Tarek Bitar) ចេញពី​ការស៊ើបអង្កេត ជុំវិញ​ការផ្ទុះ​កំពង់ផែ​បេ​រូត ដោយ​ចោទប្រកាន់ថា​មាន​ភាពលំអៀង​។ ការផ្ទុះអាវុធ​នេះ​ត្រូវបាន​គេ​លឺ​ចេញពី​តំបន់ Tayyoune ដែល​នៅក្បែរ​វិមាន​យុត្តិធម៌​នោះ​។

Featured ព័ត៌មានអន្តរជាតិ

តាលីបង់ ទាមទារឱ្យអង់គ្លេស សងសំណងចំពោះសង្គ្រាមនៅអាហ្គានីស្ថាន

  អន្តរជាតិ(The Mirror)៖ មេដឹកនាំតាលីបង់ បានទាមទារសំណងសង្គ្រាមរយៈពេល ២០ឆ្នាំ ដែលអង់គ្លេសកាន់កាប់ប្រទេសអាហ្វហ្កានីស្ថាន ។ប៉ុន្តែពុំទាន់មានការឆ្លើយតបណាមួយដ៏ជាក់លាក់ ពីរដ្ឋាភិបាលអង់គ្លេស តើខ្លួនគួរសងសំណងដ៏ច្រើនលើសលុបនេះដល់ក្រុមតាលីបង់ដែលកំពុងកាន់អំណាចសព្វថ្ងៃនៅអាហ្វហ្កានីស្ថានដែរឬទេ។ យោងតាមសារព័ត៌មាន The Mirror ស្រង់ប្រភពមួយ មិនបញ្ចេញឈ្មោះពី White Hall បានអះអាងថា រដ្ឋាភិបាលអង់គ្លេសប្រឈមនឹងការស្នើសុំ សំណងដែលមានចំនួនទឹកប្រាក់រាប់ពាន់លានផោន ចំពោះគ្រប់អ្នកពាក់ព័ន្ធ មានក្នុងឯកសារយោងជាក់ស្តែងមួយ របស់ក្រុមតាលីបង់។ លោក Noor Mohammad Mutawakel អ្នកនាំពាក្យក្រសួងព័ត៌មាន និង វប្បធម៌ស្តីទី របស់ប្រទេសអាហ្វហ្គានីស្ថាន ក្នុងជួររដ្ឋាភិបាលតាលីបង់បាននិយាយថា  “អង់គ្លេសបានត្រៀមខ្លួនរួចជាស្រេច ដើម្បីសងសំណងសង្គ្រាមដល់ពួកយើង និងសកម្មប្រយុទ្ធ ហើយយើងរីករាយនឹងស្វាគមន៍”។ អ្នកនាំពាក្យរូបនេះបានបន្ថែមថា ប្រទេសផ្សេងទៀតដែលជាប់ពាក់ព័ន្ធក្នុងសង្គ្រាម ក៏ត្រៀមខ្លួន ដើម្បីបង់ប្រាក់សំណងនេះដូចគ្នាដែរ ។លោកវរសេនីយ៍ Richard Kemp អតីតមេបញ្ជាការកងទ័ពអង់គ្លេស នៅអាហ្វហ្គានីស្ថានបានបញ្ចេញប្រតិកម្មឆ្លើយតបភ្លាមចំពោះការលើកឡើង របស់ក្រុមមេដឹកនាំតាលីបង់ ដោយសង្កត់ធ្ងន់ថា “នេះ ជាកំហឹងចំពោះក្រុមភេរវករ ដែលបានកាន់កាប់ប្រទេសនេះ កំពុងទាមទារភាពស្របច្បាប់ ដោយលើកសំណងរបស់ប្រទេស” ៕ដោយ៖Derm rang

Featured ព័ត៌មានអន្តរជាតិ

បំផ្ទុះគ្រាប់បែកក្នុងវិហារអីស្លាមមួយស្លាប់៤៦នាក់របួសរាប់រយនាក់

អាហ្វហ្គានីស្ថាន៖ ស្នងការរងនគរបាលខេត្ត​ Kunduz នៃប្រទេស អាហ្វហ្គានីស្ថាន លោក​ Dost Mohammad Obaida បាននិយាយថា មានមនុស្សប្រហែល ១០០នាក់ ត្រូវបានសម្លាប់ និងរងរបួសក្នុងហេតុការណ៍វាយប្រហារដោយគ្រាប់បែក អត្តឃាតមួយកាលព្រឹកថ្ងៃសុក្រ នេះ ។ យោងតាមសារព័ត៌មានក្នុងស្រុក Bakhtar ក៏បានរាយការណ៍ថា យ៉ាងហោចណាស់មនុស្ស ៤៦ នាក់បានស្លាប់ និងមនុស្សប្រមាណជាង ១៤០ នាក់បានរងរបួស ក្នុងហេតុការណ៍បំផ្ទុះគ្រាប់បែកអត្តឃាតមួយនៅវិហាអីស្លាមនិកាយស៊ីអ៊ីតក្នុងទីក្រុង​ Kunduz ភាគឦសាន​នៃអាហ្វហ្គានីស្ថាន អំឡុងពិធីបួងសួង នាព្រឹកថ្ងៃទី ៨ ខែតុលាឆ្នាំ២០២១ នេះ ។ គួរកត់សម្គាល់ឃើញថា ចាប់តាំងពីក្រុមតាលីបង់ឡើងបានឡើងកាន់កាប់អំណាចកាលពីខែ សីហា កន្លងមក ហេតុការណ៍វាយប្រហារអត្តឃាតដ៏រន្ធត់ជាច្រើន បានកើតឡើងជាបន្តបន្ទាប់នៅក្នុងប្រទស អាហ្វហ្កានីស្ថាន ។ ស្របពេលដែលពួកក្រុមរដ្ឋអីស្លាមនៅអាហ្វហ្កានីស្ថាន ដែលមានឈ្មោះហៅកាត់ថា ISIS-K (សត្រូវរបស់ក្រុមតាលីបង់) តែងចេញមុខទទួលខុសត្រូវរហូតមកផងដែរ ។ ពាក់ព័ន្ធការបំផ្ទុះគ្រាប់បែកអត្តឃាតដ៏អាក្រក់នេះ បេសកជនរបស់អង្គការសហប្រជាជាតិ នៅក្នុងប្រទេសអាហ្វហ្គានីស្ថាន បានបង្ហោះសារតាមបណ្តាញសង្គម Twitter ដោយថ្កោលទោសការវាយប្រហារដ៏ព្រៃផ្សៃនេះថា […]

ព័ត៌មានអន្តរជាតិ

វ៉ាក់សាំងកូវីដ ២ប្រភេទនេះ ផ្តល់ការការពារ ខ្លាំងជាងភាពស៊ាំពីធម្មជាតិ

អន្តរជាតិ(Daily Mail)៖តាមក្រុមអ្នកស្រាវជ្រាវបានអះអាងថា វ៉ាក់សាំងការពារជំងឺកូវីដ-១៩ ពីរប្រភេទ ផ្តល់នូវការការពារប្រសើរជាង ភាពស៊ាំពីដែលបង្កឡើងដោយ អ្នកធ្លាប់ឆ្លងមេរោគទៅទៀត។ទោះបីជាយ៉ាងណាក៏ដោយ វិសាលភាពពិតប្រាកដ នៃភាពស៊ាំប្រឆាំងនឹងវីរុសកូវីដ នៅតែមានភាពអាថ៌កំបាំង។ប៉ុន្តែឥឡូវនេះ កម្មវិធីតាមដានរោគសញ្ញា កូវីដ-១៩ ធំបំផុតរបស់ចក្រភពអង់គ្លេស បានបង្ហាញនូវទិន្នន័យរបស់ខ្លួនយ៉ាងច្បាស់ៗ។ អ្នកជំនាញនៅសាកលវិទ្យាល័យ King’s College London និងក្រុមហ៊ុនបច្ចេកវិទ្យាសុខភាព ZOE ដែលដំណើរការកម្មវិធីនេះ បាននិយាយថា ការឆ្លងមេរោគពីធម្មជាតិ អាចការពារមនុស្សមិនឲ្យឆ្លងមេរោគម្តងទៀតបាន ៦៥ភាគរយ។ប៉ុន្តែការចាក់វ៉ាក់សាំង AstraZeneca ចំនួនពីរដូស ត្រូវបានគេរកឃើញថា មានការការពារល្អប្រសើរជាងនេះ ពោលគឺមានប្រសិទ្ធភាពប្រហែល ៧១ ភាគរយ។ រីឯវ៉ាក់សាំង Pfizer កាន់តែមានភាពរឹងមាំ ដោយការចាក់ពីរដូស បានផ្តល់នូវការការពារប្រហែល ៨០ ភាគរយ បន្ទាប់ពីរយៈពេល៦ខែ។ ថ្វីបើមានការរកឃើញនេះក៏ដោយ ក៏ប៉ុន្តែការស្រាវជ្រាវក៏បានណែនាំផងដែរថា ភាពស៊ាំពីធម្មជាតិមិនចាប់ផ្តើមថយចុះនោះទេក្នុងរយៈពេលយ៉ាងហោចណាស់មួយឆ្នាំ ប៉ុន្តែការការពារពីវ៉ាក់សាំងអាចចុះខ្សោយបន្ទាប់ពី រយៈពេលត្រឹមតែបីខែប៉ុណ្ណោះ។ស្របពេលជាមួយគ្នានោះ ក្រុមអ្នកជំនាញបានអះអាងថា ការឆ្លងមេរោគតាមធម្មជាតិ គឺជាទម្រង់ការពារដ៏ល្អបំផុតប្រឆាំងនឹងមេរោគនេះ ជាពិសេសចំពោះក្មេងៗដែលទទួលបានវ៉ាក់សាំងតែមួយដូស៕Derm rang

Featured ព័ត៌មានអន្តរជាតិ

នាវិកអាមេរិកច្រើននាក់រងរបួសខណៈនាវាមុជទឹកបុកវត្ថុអាថ៌កំបាំងនៅសមុទ្រចិនខាងត្បូង

អន្តរជាតិ៖តាមប្រភពព័ត៌មានពីទីភ្នាក់ងារសារព័ត៌មាន BBC បានចុះផ្សាយថា ខណៈដែលនាវាមុជទឹកដើរដោយថាមពលនុយក្លេអ៊ែរ បានបុកនឹងវត្ថុអាថ៌កំបាំងម្យ៉ាង ពេលកំពុងធ្វើដំណើរនៅដែនទឹកជុំវិញសមុទ្រចិនខាងត្បូង បណ្ដាលឱ្យនាវិកអាមេរិកជាច្រើននាក់រងរបួស មន្ត្រីអាមេរិក បាននិយាយថា នាវិកចំនួន១៥នាក់បានរងរបួសស្រាល នៅពេលនាវាមុជទឹក USS Connecticut បានបុកនឹងវត្ថុនោះកាលពីថ្ងៃសៅរ៍សប្ដាហ៍មុន ។ប៉ុន្តែមិនបានដឹងមូលហេតុដែលបណ្តាលឱ្យមានការបុកនោះឡើយ។ ចំពោះហេតុការណ៍នេះ បន្ទាប់ពីមានភាពតានតឹងនៅក្នុងតំបន់មួយនេះ ក្រោយរយៈពេល៤ថ្ងៃជាប់គ្នា ចិនបានបញ្ជូនយន្តហោះចំបាំងជាច្រើនគ្រឿងចូលក្នុងដែនអាកាសរបស់តៃវ៉ាន់។ អ្នកនាំពាក្យកងទ័ពជើងទឹកអាមេរិក បានថ្លែងថា ទីតាង និងរោងចក្រនុយក្លេអ៊ែររបស់នាវាមុជទឹក USS Connecticut មិនរងការប៉ះពាល់ឡើយ និងនៅតែដំណើរការពេញលេញដដែលបច្ចុប្បន្ននេះ នាវាកំពុងធ្វើដំណើរទៅកាន់កោះ Guam អាមេរិក។ គួរបញ្ជាក់ថា នាវាមុជទឹកអាមេរិក ដែលរងការប៉ះទង្គិចកំពុងធ្វើប្រតិបត្តិការក្នុងដែនទឹកជុំវិញសមុទ្រចិនខាងត្បូង ដែលជាដែនទឹកមានជម្លោះ ដែលចិនចង់បានស្ទើរតែទាំងអស់។ ប៉ុន្តែអាមេរិក និងប្រទេសដទៃទៀតនៅជុំវិញនោះមិនយល់ព្រម។ ជាក់ស្ដែងប្រទេសមានជម្លោះមានដូចជា៖ ហ្វីលីពីន, ប្រ៊ុយណេ ,ម៉ាឡេស៊ី ,តៃវ៉ាន់ និងវៀតណាម សុទ្ធតែជំទាស់នឹងការទាមទារកាន់កាប់ស្ទើរតែទាំងអស់របស់ចិន៕ដោយ៖ស តារា  

Featured ព័ត៌មានអន្តរជាតិ

អាមរិកយល់ព្រមចូលតុចរចា ក្រោយកូរ៉េខាងជើងបាញ់សាកល្បង Missile ប្រល័យលោក

អន្តរជាតិ៖(Reuters)៖ អ្នកនាំពាក្យក្រសួងការបរទេសអាមេរិក លោក Ned Price បានថ្លែងប្រាប់អ្នកយកព័ត៌មានកាលពីច័ន្ទទី៤តុលាកន្លងទៅនេះថា រដ្ឋបាលលោកប្រធានាធិបតី Joe Biden បានត្រៀមខ្លួនជាស្រេច ដើម្បីបើកផ្លូវផ្តើមកិច្ចពិភាក្សាជាមួយមេដឹកនាំកូរ៉េខាងជើងលោក Kim Jong-un  ដោយមិនតម្រូវឱ្យមានលក្ខខណ្ឌមុនកិច្ចចរចាចាប់ផ្តើមជាមុនទេ។ លោក Ned Price អ្នកនាំពាក្យក្រសួងការបរទេសសហរដ្ឋអាមេរិកបាននិយាយថា “យើងកំពុងសម្របសម្រួលលើបញ្ហានេះយ៉ាងប្រុងប្រយ័ត្ន ជាមួយសម្ព័ន្ធមិត្ត ទាំងនៅ ឥណ្ឌូ-ប៉ាស៊ីហ្វិក ហើយយើងត្រៀមខ្លួនជាស្រេច ជួបជាមួយមេដឹកនាំកូរ៉េខាងជើង ដោយគ្មានលក្ខខណ្ឌជាមុន”។ នេះដោយយោងតាមសារព័ត៌មាន Sputnik បានចេញផ្សាយនៅថ្ងៃទី៥ ខែតុលា ឆ្នាំ២០២១។ សេចក្តីអត្ថាធិប្បាយរបស់លោក Ned Price អ្នកនាំពាក្យនៃក្រសួងការបរទេសអាមេរិករូបនេះ បានថ្លែង ចំពេលលោក Fumio Kishida នាយករដ្ឋមន្រ្តីថ្មីនៃជប៉ុន លើកឡើងមួយថ្ងៃដូចគ្នា។ វាក៏ប្រធានបទ ថ្មីស្រឡាងមួយដែលបានកើតឡើងស្របគ្នានឹងកូរ៉េខាងជើង និង ប្រទេសកូរ៉េខាងត្បូង បានតភ្ជាប់បណ្តាញទូរសព្ទបន្ទាន់អន្តរកូរ៉េ សម្រាប់កិច្ចពិភាក្សា អំពីការប្រកាសបញ្ចប់សង្គ្រាមរវាងប្រទេសទាំងពីរ ដែលបានចាប់ផ្តើមតាំងពីឆ្នាំ ១៩៥០ រហូតមកទល់បច្ចុប្បន្ន ដែលមិនទាន់បានបញ្ចប់នៅឡើយ៕ដោយ៖Derm rang

Featured ព័ត៌មានអន្តរជាតិ

តារាសម្តែងហូលីវូដឥណ្ឌាច្រើនរូបបោះបង់​អាជីពងាកមក​កាន់សាសនាអីស្លាមវិញ

ឥណ្ឌា៖រយៈពេលប៉ុន្មានឆ្នាំចុងក្រោយនេះ គេឃើញតារាសម្តែងហូលីវូដរបស់ឥណ្ឌា​ជាច្រើនរូប​បាន​បោះបង់ចោលការងារសិល្បៈរបស់ខ្លួនហើយផ្លាស់ប្តូរឬត្រឡប់មកកាន់សាសនាអីស្លាមវិញ។ ជាក់ស្តែងកាលពីពេលថ្មីៗនេះ តារាសម្តែងស្រី Sanam Chaudhry បានក្លាយជាតារាសម្តែង​ហូ​លី​វូដចុងក្រោយ ដែលសម្រេចចិត្តចាកចេញពីអាជីពជាអ្នកសិល្បៈ ត្រឡប់មកកាន់​សាសនាអីស្លាមវិញ។ នេះបើតាមការផ្សាយដោយទស្សនាវដ្តី About Islam។ អ្នកនាង Sanam Chaudhry បានប្រកាសប្តូរមកកាន់សាសនាអីស្លាម ចំថ្ងៃខួបកំណើត​របស់​អ្នកនាង ដោយនិយាយថា “នាងបានបោះជំហានថយក្រោយពីអាជីពជាតារាសម្តែងរបស់នាង ហើយងាកទៅរក​អល់​ឡោះវិញ” ។ តារាសម្តែង Sanam Chaudhry ត្រូវបានគេស្គាល់ថាមានភាពល្បីល្បាញនៅក្នុងភាពយន្តភាគ​ឥណ្ឌាដែលមានចំណងជើងថា Ghar Titli Ka Par បានផ្លាស់ប្តូរជីវប្រវត្តិនៅក្នុងបណ្តាញសង្គម Instagram ពីតារាសម្តែង មកជា ជាអ្នកម្តាយមូស្លីមកំពុងរៀនអីស្លាម។ Sanam បានលុបរូបថតទាំងអស់ចេញពីមតិការព័ត៌មាន និងបានចែករំលែកឃ្លីបវីដេអូមួយដែល​ធ្វើឱ្យមានការភ្ញាក់ផ្អើលពីគ្រួសាររបស់អ្នកនាង និងមានការគាំទ្រយ៉ាងខ្លាំងចំពោះ​ការសម្រេច​ចិត្តនេះ។ អ្នកនាងបានសរសេរអមជាមួយវីដេអូថា “គ្រួសាររបស់ខ្ញុំបានស្វាគមន៍ខ្ញុំតាមវិធីនេះដោយ​ការងាកទៅ​រកអល់ឡោះ របស់ខ្ញុំ នេះពិតជាមានភាពកក់ក្តៅណាស់។ សូមអរគុណ!”។ អ្នកនាងបានបន្តថា “អ្នកដែលដើរតាមផ្លូវ​សា​សនាមានចិត្តបរិសុទ្ធបែបនេះ។ មនុស្សគ្រប់គ្នាកំពុងអបអរសាទរនិងស្វាគមន៍ខ្ញុំ​ក្នុងផ្លូវត្រូវជាមួយនឹងពាក្យដ៏ល្អ។ ​មនុស្ស​គ្រប់គ្នាត្រៀមខ្លួនដើម្បីបង្រៀនខ្ញុំពីគម្ពីរគួរអាន និងការលើកទឹកចិត្តជាច្រើនរួចទៅហើយ! សូមឱ្យអល់ឡោះដឹកនាំ​យើងទាំង​អស់គ្នា” ។ គួរជម្រាបថា កន្លងទៅមានតារាសម្តែងហូលីវូដជាច្រើននាក់រួចមកហើយបានសម្រេច​ចិត្តចាក​ចេញពីអាជីពជាអ្នកសិល្បៈដោយប្តូរមកកាន់សាសនាអីស្លាមផងដែរ ។ក្នុងនោះ កាលពីដើម​ឆ្នាំ​២០២១នេះ តារាសម្តែងស្រីជនជាតិប៉ាគីស្ថាន […]

Featured ព័ត៌មានអន្តរជាតិ

តាលីបង់ ហាមស្ត្រីៗមិនឱ្យចូលក្រសួងកិច្ចការនារី លើកលែងតែបុរសៗ

អន្តរជាតិ(BBC)៖ តំណាងរបស់ក្រុមតាលីបង់កាលពីថ្ងៃព្រហស្បតិ៍បានរារាំងបុគ្គលិកស្រីមិនឱ្យចូលក្រសួងកិច្ចការនារីនៅទីក្រុងកាប៊ុល ប៉ុន្តែអនុញ្ញាតឱ្យបុរសចូលក្នុងអគារនេះបាន ។បុគ្គលិកក្រសួងម្នាក់បាននិយាយប្រាប់សារព័ត៌មាន Sputnik ថា “ស្ត្រី ៤ នាក់មិនត្រូវបានអនុញ្ញាតឱ្យចូលក្នុងអគារនោះទេ ហើយស្ត្រីទាំងនោះមានបំណងតវ៉ាចំពោះចំណាត់ការនេះនៅជិតក្រសួង” ។ ក្រុមតាលីបង់បានបង្កើនការវាយលុករបស់ខ្លួនប្រឆាំងនឹងកងកម្លាំងរដ្ឋាភិបាលអាហ្វហ្គានីស្ថាន កាលពីមួយខែមុន ហើយបានចូលទីក្រុងកាប៊ុលនៅថ្ងៃទី ១៥ ខែសីហា ។ទន្ទឹមនោះ នៅថ្ងៃទី ៣១ ខែសីហា យោធាអាមេរិកបានចាកចេញពីអាកាសយានដ្ឋានទីក្រុងកាប៊ុល ដែលជាការបញ្ចប់វត្តមានយោធាអាមេរិកជិត ២០ ឆ្នាំនៅអាហ្វហ្គានីស្ថាន ។ចំណែកនៅថ្ងៃទី ៦ ខែកញ្ញា ក្រុមតាលីបង់បានបញ្ជាក់ថា ខ្លួនបានក្ដោបក្ដាប់ខេត្ត Panjshir ដែលជាខេត្តចុងក្រោយក្នុងចំណោមខេត្តចំនួន ៣៤ របស់អាហ្វហ្គានីស្ថាន ដែលមិនស្ថិតនៅក្រោមការគ្រប់គ្រងរបស់ពួកគេ ។ នៅថ្ងៃបន្ទាប់ តាលីបង់បានប្រកាសសមាសភាពរដ្ឋាភិបាលបណ្តោះអាសន្នអាហ្វហ្កានីស្ថាន ហើយវាត្រូវបានដឹកនាំដោយលោក Mohammad Hasan Akhund ដែលបានបម្រើការជារដ្ឋមន្រ្តីការបរទេស ក្នុងអំឡុងពេលដឹកនាំក្រុមតាលីបង់លើកដំបូង ខណៈបុរសរូបនេះស្ថិតនៅក្រោមទណ្ឌកម្មរបស់អង្គការសហប្រជាជាតិតាំងពីឆ្នាំ ២០០១ មក ៕ដោយៈDerm rang

ព័ត៌មានអន្តរជាតិ

ព្យុះ Ida សម្លាប់មនុស្ស ៦០នាក់នៅអាមេរិក

  អន្រជាតិ៖(BBC)ចំហាយនៃព្យុះសង្ឃរា Ida បានបង្កឲ្យមានជំនន់ទឹកភ្លៀង និងបង្កើតជាព្យុះកំបុតត្បូងនៅទូទាំងភាគឦសាន និងបណ្តាលឱ្យមនុស្សរាប់សិបនាក់ស្លាប់។មកទល់ពេលនេះនៅភាគឦសាន មានមនុស្សស្លាប់ចំនួន៤៥នាក់ ត្រូវបានរាយការណ៍ដោយសារព្យុះនេះ។ សរុបមក មានអ្នកស្លាប់យ៉ាងតិច៦០នាក់ នៅទូទាំងរដ្ឋចំនួន៨ដោយសារព្យុះ Ida។ ថ្លែងអំពីផលប៉ះពាល់ដែលបណ្តាលដោយព្យុះ Ida, លោកប្រធានាធិបតី Joe Biden បាននិយាយកាលពីថ្មីៗដើមខែកញ្ញាឆ្នាំ២០២១នេះថា ទីក្រុងញូវយ៉ក បានកត់ត្រាភ្លៀងធ្លាក់ខ្លាំងជាងធម្មតា ដែលខ្លួនមិនដែលជួបពេញមួយខែកញ្ញា។មនុស្សត្រូវជាប់នៅក្នុងផ្លូវក្រោមដី ប៉ុន្តែកងកម្លាំងនៃនាយកដ្ឋានពន្លត់អគ្គិភ័យទីក្រុងញូវយ៉ក បានជួយសង្គ្រោះពួកគេទាំងអស់។ លោកបន្តថា លោកបានបញ្ជាក់យ៉ាងច្បាស់ដល់អភិបាលឆ្នេរខាងកើតថា ទីភ្នាក់ងារគ្រប់គ្រងគ្រាអាសន្នសហព័ន្ធ កំពុងត្រៀមខ្លួនផ្តល់ជំនួយ។ការប្រកាសអាសន្នអំពីជំនន់ទឹកភ្លៀង ត្រូវបានប្រកាសជាលើកដំបូងនៅទីក្រុងញូវយ៉ក ខណៈស្ថានីយ៍រថភ្លើងក្រោមដី បានប្រែក្លាយទៅជាទឹកជ្រោះហើយផ្លូវកណ្តាលក្រុងក្លាយជាទន្លេ។ រដ្ឋញូវយ៉កនិងទីក្រុងញូវយ៉ក សុទ្ធតែបានប្រកាសភាពអាសន្ន។ អភិបាលក្រុងញូវយ៉កលោក Bill de Blasio បាននិយាយនៅព្រឹកថ្ងៃព្រហស្បតិ៍ថា អ្នកស្លាប់នៅ Big Apple មានចំនួន៩នាក់។ នៅពេលល្ងាច ចំនួននេះបានកើនឡើងដល់១៣នាក់៕ដោយ៖សហការី