នយោបាយ ព័ត៌មានសង្គម

បោះឆ្នោតជ្រើសតាំងសមាជិក ព្រឹទ្ធសភានីតិកាលទី៥ មណ្ឌលភូមិភាគ៨ ខេត្តព្រះវិហារ

ព្រះវិហារ៖ទិដ្ឋភាពទូទៅនៃការបោះឆ្នោត ជ្រើសតាំងសមាជិកព្រឹទ្ធសភា នីតិកាលទី៥ ក្នុងមណ្ឌលភូមិភាគទី៨ ខេត្តព្រះវិហារ​ កាលពីព្រឹកថ្ងៃទី២៥​ ខែកុម្ភ:​ឆ្នាំ២០២៤។​ ថ្ងៃបោះឆ្នោតជ្រើសតាំងសមាជិកព្រឹទ្ធសភា​អាណត្តិទី៥​ សម្រាប់ខេត្តព្រះវិហារ​ ស្ថិតក្នុងភូមិភាគ៨​។ ក្នុងនោះវត្តមានអង្គបោះឆ្នោត​ ជាមេឃុំ​ ចៅសង្កាត់​ ជំទប់ទី១​ ជំទប់ទី២​ និងសមាជិកក្រុ​មប្រឹក្សាឃុំសង្កាត់ ចំណុះក្រុង ស្រុក ទាំង៨ក្នុងខេត្តព្រះវិហារ​។អ្នកបោះឆ្នោតតំណាងឱ្យប្រជាពលរដ្ឋ របស់ខ្លួននៅក្នុងមូលដ្ឋាន​យ៉ាងច្រើនកុះករបានរូតរះមកបោះឆ្នោត​ជាហូរហែរ​​ និងដោយទំនុកចិត្តសម្រាប់ការជ្រើសរើសបេក្ខភាពគណបក្សនយោបាយដែលពួកគាត់ពេញចិត្ត បន្ដដឹកនាំ​នៅក្នុងអាណត្តិទី៥នេះ។ជាមួយនោះក៏មានវត្តមាន ឯកឧត្តម​ មាស​ សុភា​ អ្នកតំណាងរាស្ដ្រមណ្ឌលព្រះវិហារ​ បានចូលរួមបោះឆ្នោតជ្រើសតាំងសមាជិកព្រឹទ្ធសភា​ នីតិកាលទី៥​នេះនៅមណ្ឌលបោះឆ្នោតខេត្តព្រះវិហារ​ នៃការិយាល័យលេខ៨០០៤​ ស្ថិត​នៅវិទ្យាល័យចំណេះទូទៅ​ និងបច្ចេកទេស​ ជា​ ស៊ីម​ ត្បែងមានជ័យ​ ក្នុងទីប្រជុំជនក្រុង/ខេត្តព្រះវិហារ។​ ការបោះឆ្នោតជ្រើសតាំងសមាជិកព្រឹទ្ធសភា​ នីតិកាលទី៥នេះ​ មានគណបក្សនយោបាយចំនួន៤​ចូលរួមប្រកួតប្រជែង។ក្នុងនោះ​-គណបក្សប្រជាជនកម្ពុជា-គណបក្សឆន្ទ:ខ្មែរ​-គណបក្សហ៊្វុនស៊ិនប៉ិច​ និង-គណបក្សកម្លាំងជាតិ។គួរបញ្ជាក់ថា​ ការបោះឆ្នោតជ្រើសតាំងសមាជិកព្រឹទ្ធសភា​ នីតិកាលទី៥នេះ​ គឺមានតែតំណាងរាស្ដ្រក្នុងតំណែង​ រួមនិងសមាជិកក្រុមប្រឹក្សាឃុំ-សង្កាត់ទាំងអស់ ក្នុងតំណែង​​។ ដោយឡែកសម្រាប់ប្រជាពលរដ្ឋ​ គឺមិនត្រូវបានអនុញ្ញាតឱ្យចូលរួមបោះឆ្នោតទេ។​ការបោះឆ្នោតនេះ​ គឺជាការបោះឆ្នោតអសកល​ ដែលច្បាប់បានកំណត់អ្នកបោះឆ្នោត​ និងអង្គបោះឆ្នោត​ គឺជាតំណាងរាស្ដ្រ​ក្នុងតំណែង​ និងក្រុមប្រឹក្សាឃុំ-សង្កាត់ទាំងអស់ក្នុងតំណែងនៅក្របខណ្ឌនៃភូមិភាគនីមួយៗ៕សៅវ៉ាន់ឌី

នយោបាយ ព័ត៌មានសង្គម

បោះឆ្នោត​ជ្រើសតាំង​សមាជិក​ព្រឹទ្ធសភា ​នីតិកាល​ទី៥​នៅ​ខេត្តរតនគិរី ​ប្រព្រឹត្ត​ដោយ​រលូន​

រតនគិរី​៖ការបោះឆ្នោតជ្រើសតាំងសមាជិកព្រឹទ្ធសភានីតិកាលទី៥ នៅខេត្តរតនគិរីបានប្រព្រឹត្តទៅដោយរលូននា​ព្រឹក​ថ្ងៃទី​២៥ ខែកុម្ភៈឆ្នាំ​២០២៤នេះ។ ​អ្នកមាន​សិទ្ធិ​បោះឆ្នោត​បានបង្ហាញ​វត្តមាន​គ្រប់​ចំនួន នៅ​ការិយាល័យ​បោះឆ្នោត និង​រាប់​សន្លឹកឆ្នោតលេខ ៨០០៥ ស្ថិតក្នុង​បរិវេណ​វិទ្យាល័យ​សម្ដេចឪ សម្ដេចម៉ែ ក្រុង​បាន​លុង ខេត្តរតនគិរី​។​លោក ប៉ែន ឈុន​ឌី ប្រធាន​គណៈកម្មាធិការ​រៀបចំ​ការបោះឆ្នោត​ខេត្ត​រតនគិរី បាន​ឱ្យ​ដឹងថា ខេត្តរតនគិរី ស្ថិតនៅ​មណ្ឌលបោះឆ្នោត​ភូមិភាគ​ទី៨ មាន​អង្គ​បោះឆ្នោត​ជ្រើសតាំង​សមាជិក​ព្រឹទ្ធសភា នីតិកាល​ទី៥ឆ្នាំ​២០២៤នេះ មាន​ចំនួន​សរុប ២៦១ នាក់ស្រី៦០នាក់ ជា​សមាជិក​ក្រុមប្រឹក្សាឃុំ​-​សង្កាត់ ក្នុង​តំណែង​ទាំង៥០ឃុំ​-​សង្កាត់ក្នុង​ខេត្ត និងអ្នកតំណាងរាស្ត្រ​ក្នុង​តំណែង១រូប។​លោក​បានបន្តថា ការបោះឆ្នោត​ជ្រើសតាំង​សមាជិក​ព្រឹទ្ធសភា នីតិកាល​ទី៥ ឆ្នាំ​២០២៤នៅ​ខេត្តរតនគិរី បាន​ប្រព្រឹត្ត​ទៅដោយ​រលូន ចាប់ពី​ម៉ោង៧​ព្រឹក នឹងត្រូវ​បញ្ចប់​នៅ​ម៉ោង៣​រសៀល​។ ចំណែក​គណបក្សនយោបាយ​ដែល​បាន​ឈរឈ្មោះ​បោះឆ្នោត​ជ្រើសតាំង​សមាជិក​ព្រឹទ្ធសភា​នីតិកាល​ទី៥ឆ្នាំ​២០២៤នេះ មាន​ចំនួន៤គណបក្សគឺ-គណបក្ស​ប្រជាជន​កម្ពុជាលេខ​រៀង​ទី១-គណបក្សឆន្ទៈ​ខ្មែរលេខ​រៀង​ទី២​-គណបក្ស​ហ្វ៊ុនស៊ិនប៉ិចលេខ​រៀង​ទី៣និង​គណបក្សកម្លាំង​ជាតិលេខ​រៀង​ទី៤៕  

នយោបាយ ព័ត៌មានទេសចរណ៍ ព័ត៌មានសង្គម

នាវាកងកងស្វ័យការពារ ជើងទឹកជប៉ុន២គ្រឿង បានចាកចេញពីកំពង់ផែ ក្រុងព្រះសីហនុ

ព្រះសីហនុ៖មន្ត្រីអាវុធហត្ថខេត្តព្រះសីហនុបានឱ្យដឹងថា​ នាវាកងស្វ័យការពារជើងទឹកជប៉ុនចំនួន២គ្រឿង កាលពីម៉ោង៩ព្រឹកថ្ងៃទី២៤ ខែកុម្ភ:ឆ្នាំ២០២៤នេះ បានចាកចេញពីកំពង់ផែស្វយ័តក្រុងព្រះសីហនុ ក្រោយពីបំពេញទស្សនកិច្ចជាផ្លូវការ ក្នុងខេត្តព្រះសីហនុ អស់រយ:ពេលចំនួន២ថ្ងៃ ចាប់ពីថ្ងៃទី២២-២៤ខែកុម្ភ:។មន្ត្រីដដែលបានបន្តថា​ ដោយគោរពបទបញ្ជាពីឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថខេត្តព្រះសីហនុ កម្លាំងអាវុធហត្ថខេត្ត រួមជាមួយអាវុធហត្ថក្រុង ស្រុក ជិត៦០នាក់។ក្នុងនោះមានកម្លាំងឯកភាពខេត្ត បានសហការចេញប្រតិបត្តិការចល័ត និងឈរជើងតាមបណ្តាគោលដៅទាំងយប់ថ្ងៃដើម្បីការពារសន្តិសុខ សុវត្ថិភាព រក្សាសណ្ដាប់ធ្នាប់ ក្នុងភូមិសាស្រ្តខេត្តព្រះសីហនុ។មន្ត្រីអាវុធហត្ថខេត្តព្រះសីហនុបានបញ្ជាក់ថា​ លក្ខណៈបច្ចេកទេសនាវា ទី១-ឈ្មោះ DDG-172TV-3521 SHIMAKAZE ទម្ងន់ផ្ទុកចំនួន៤.៦៥០តោន -បណ្តោយប្រវែង១៥០ម៉ែត្រ-ទទឹងប្រវែង ១៦,៤ម៉ែត្រ -ជម្រៅទឹកប្រវែង ៤,៨ម៉ែត្រ-នាវិកសរុបចំនួន២៦០នាក់ -ដឹកនាំដោយលោក វរនាវីទោ កានីម៉ារ៉ូ អូយ៉ូហៃ មេបញ្ជាការនាវា។នាវាទី២-ឈ្មោះ DD-114 SUZUNAMI-ទម្ងន់ផ្ទុកចំនួន ៤.៦៥០តោន-បណ្តោយប្រវែង ១៥១ម៉ែត្រ-ទទឹងប្រវែង ១៧,៤ម៉ែត្រ-ជម្រៅទឹកប្រវែង ៥,៣ម៉ែត្រ-នាវឹកសរុបចំនួន១៧៥នាក់ ដឹកនាំដោយ លោកវរនាវីទោ គីណូហ្សីតា យូតាកា មេបញ្ជាការនាវា។ ក្នុងនោះគណៈប្រតិភូ ដឹកនាំដោយ លោកវរនាវីឯក យូណាជីហារ៉ូ ម៉ាកូតូ មេបញ្ជាការកងពលធំទី១ ហ្វឹកហ្វឺន […]

Featured នយោបាយ ព័ត៌មានសង្គម

លោកជំទាវ ផៃ​តុង​តាន ស៊ីណាវ៉ាត្រា ប្រធានគណបក្សភឿថៃ នឹង​ដឹកនាំ​ប្រតិភូ​មក​ទស្សនកិច្ច​នៅ​កម្ពុជានា​ថ្ងៃទី​១៨-១៩ខែមីនាខាងមុខ​

ភ្នំពេញ៖តាមសេចក្តីប្រកាសព័ត៌មាន នៃគណបក្សប្រជាជនកម្ពុជា បានបញ្ជាក់ថា​ តប​តាម​ការអញ្ជើញ​របស់​ស​ម្តេច​តេ​ជោ ហ៊ុន សែន ប្រធាន​គណបក្ស​ប្រជាជន​កម្ពុជា លោកជំទាវ ផៃ តុង​តាន ស៊ីណាវ៉ាត្រា ប្រធាន​គណបក្ស​ភឿ​ថៃ នឹង​ដឹកនាំ​គណៈប្រតិភូ​ជាន់ខ្ពស់​គណបក្ស​ថៃ មក​បំពេញ​ទស្សនកិច្ច​នៅ​កម្ពុជា ចាប់ពី​ថ្ងៃទី​១៨​ដល់​១៩ ខែមីនា ឆ្នាំ​២០២៤ ខាងមុខនេះ​ ។​សេចក្តីប្រកាស​នោះ​បាន​ឱ្យ​ដឹងទៀតថា ក្នុង​ដំណើរ​ទស្សនកិច្ច​នៅ​កម្ពុជា លោកជំទាវ ផៃ​តុង​តាន ស៊ីណាវ៉ាត្រា នឹង​ជួបពិភាក្សា​ទ្វេភាគី​ជាមួយ សម្តេច​តេ​ជោ ហ៊ុន សែន ប្រធាន​គណបក្ស​ប្រជាជន​កម្ពុជា និង​ជួប​សម្តែង​ការគួរសម​ជាមួយនឹង សម្តេច​វិបុល​សេនា​ភក្តី សាយ ឈុំ ប្រធានព្រឹទ្ធសភា សម្តេច​មហារដ្ឋ​សភា​ធិ​ការ​ធិបតី ឃួន សុ​ដា​រី ប្រធានរដ្ឋសភា និង​សម្តេចមហាបវរ​ធិបតី ហ៊ុន ម៉ា​ណែ​ត នាយករដ្ឋមន្ត្រី​កម្ពុជាផងដែរ​។​ដំណើរ​ទស្សនកិច្ច​នោះគឺ​​គោលបំណង​ផ្លាស់ប្តូរ​យោបល់​លើ​កិច្ចសហប្រតិបត្តិការ​នៃ​ប្រទេស​ជាប់​ភូមិ​ផង​របង​គ្នា ដើម្បី​បម្រើ​ផលប្រយោជន៍​រួម​របស់​ប្រជាពលរដ្ឋ និង​គណបក្ស​ទាំង២ ដោយ​ផ្អែកលើ​ចំណងមិត្តភាព និង​កិច្ចសហប្រតិបត្តិការ​ជិត​ស្នឹ​ត​រវាង​គណបក្ស​ទាំង២ផងដែរ​៕  

នយោបាយ ព័ត៌មានសង្គម អប់រំ

សូមអញ្ជើញទស្សនាបទ ប្រជាពលរដ្ឋគាំទ្រយុទ្ធនាការបោសសម្អាតអ្នកប្រើគ្រឿងញៀន(មានវិដេអូ)

– ផ្តួចផ្តើមផលិត ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន –  និពន្ធទំនុកតាមលំនាំដើម និងដឹកនាំផលិត បណ្ឌិត អេង កេងឈុន-  សម្រួលបទភ្លេង ៖ លោក រិន ធីរ៉ា- បច្ចេកទេសសំឡេង ៖ លោក ស៊ីវ សុខខឿន-  លំនាំបទ ៖ ស្នេហ៍វ័យចំណាស់ – ច្រៀងដោយ ៖ កញ្ញា សុខ សូភ័ស្ស-  កាត់តវីដែអូ លោក ណុង វណ្ណនេត-  ផ្នែកអក្ខរាវិរុទ្ធ  លោក ស៊ុ សំអាត-  ផលិតដោយ នាយកដ្ឋានផលិតកម្មវិធីវិទ្យុ អគ្គនាយកដ្ឋានវិទ្យុជាតិកម្ពុជា នៃក្រសួងព័ត៌មាន៕ IMG_1373

នយោបាយ ព័ត៌មានសង្គម

សង្ឃឹម​ថាសមាជិកសមាជិកា ក្រុមប្រឹក្សាឃុំ/សង្កាត់ នឹង​បន្ត​បោះ​ឆ្នោត​គាំទ្រគណបក្សប្រជាជនកម្ពុជា ដើម្បីសន្តិភាព

​ក្រចេះ៖លោក នេត្រ ភក្ត្រា សមាជិកគណៈកម្មាធិការកណ្តាល នៃគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខេត្តក្រចេះ មានក្តីសង្ឃឹមជឿជាក់ថា សមាជិក សមាជិកាក្រុមប្រឹក្សាឃុំ/សង្កាត់ នឹងបន្តបោះឆ្នោតគាំទ្រគណបក្សប្រជាជនកម្ពុជា ដើម្បីសន្តិភាព ការអភិវឌ្ឍ និងលទ្ធិប្រជាធិបតេយ្យ។លោក​ នេត្រ ភក្ត្រា បានអញ្ជើញចូល រួមបិទ​យុទ្ធនាការ​ឃោសនា​បោះឆ្នោត​ជ្រើសតាំង​សមាជិកព្រឹទ្ធសភា នីតិកាលទី៥ ឆ្នាំ២០២៤។លោកបានបញ្ជាក់ថា​ អង្គបោះឆ្នោតជ្រើសតាំងសមាជិកព្រឹទ្ធសភា​ គឺ​មាន​សារៈ​សំខាន់​ណាស់។​ ព្រោះជាអង្គនីតិបញ្ញត្តិកំពូលជាតិ​ ដែលប្រធានព្រឹទ្ធសភានឹងដើរ​តួនាទី​ជាប្រមុខ​រដ្ឋ​ស្ដីទី​របស់​ប្រទេស។​កម្មវិធីបិទយុទ្ធនាការឃោសនាបោះឆ្នោតជ្រើសតាំង​សមាជិកព្រឹទ្ធសភានីតិ​កាលទី៥ ឆ្នាំ២០២៤​ ធ្វើ​ឡើងក្នុងបរិវេណមន្ទីរវប្បធម៌ខេត្តក្រចេះ នៅថ្ងៃទី២៣​ ខែកុម្ភៈ​ ឆ្នាំ២០២៤ ដោយ​មាន​ការ​ចូលរួម​ពី​សមាជិកសមាជិកាបក្ស ប្រមាណជាង២.០០០នាក់មកពីបក្សឃុំ /សង្កាត់ ក្រុង/ស្រុកទាំង៧ទូទាំងខេត្តក្រចេះ។លោក​ នេត្រ​ ភក្ត្រា​ បានបន្តថា​ ការបោះឆ្នោតជ្រើសតាំងសមាជិកព្រឹទ្ធសភានីតិកាល​ទី៥ នេះកាន់​តែ​មាន​សារៈ​ខាន់​ទៀតនោះ គឺគណបក្សប្រជាជនទទួលបានជ័យជម្នះ សម្តេចអគ្គមហាសេ​នា​ប​តីតេជោ ហ៊ុន សែន នឹងត្រូវបានជ្រើសតាំងជាប្រធានព្រឹទ្ធសភា ដែលត្រូវបំពេញ​ភារកិច្ច​ជា​ប្រមុខ​រដ្ឋ​ស្តីទី នៅពេលព្រះមហាក្សត្រ​អវត្តមាន។ក្នុងនាមសមាជិកគណៈ​កម្មាធិការកណ្តាលគណបក្ស​ប្រជាជនកម្ពុជា លោក មានក្តីសង្ឃឹម ជឿ​ជាក់​ថា សមាជិក សមាជិកាក្រុមប្រឹក្សាឃុំ/សង្កាត់ ដែលជាអង្គបោះឆ្នោតទាំងអស់ នឹង​បន្ត​បោះ​ឆ្នោត​គាំទ្រគណបក្សប្រជាជនកម្ពុជា ដើម្បីសន្តិភាព ការអភិវឌ្ឍ និងលទ្ធិប្រជាធិបតេយ្យ។លោក នេត្រ […]

Featured នយោបាយ ព័ត៌មានសង្គម សេដ្ឋកិច្ច

យុទ្ធសាស្ត្របញ្ចកោណ ជាការអភិវឌ្ឍសង្គម-សេដ្ឋកិច្ចកម្ពុជារយៈពេលវែងសម្រាប់២៥ឆ្នាំទៅមុខ

ភ្នំពេញ៖សម្តេច​មហា​បវរ​ធិបតី ហ៊ុន ម៉ា​ណែ​ត នាយករដ្ឋមន្ត្រីកម្ពុជា កាលពីរសៀលថ្ងៃទី២១ ខែកុម្ភៈបាន​អញ្ជើញ​ជា​អ​ធិ​តី​ក្នុង​ពិធី​បិទ​សន្និបាត​បូកសរុប​ លទ្ធផល​ការងារ ឆ្នាំ ២០២៣ និង​លើក​ទិសដៅ​ការងារឆ្នាំ២០២៤ នៃក្រសួង​ឧស្សាហកម្ម វិទ្យាសាស្ត្រ បច្ចេកវិទ្យា​នវានុវត្តន៍ និង​សម្ពោធ​ដាក់ឱ្យ​ប្រើប្រាស់​អគារ ​ទីស្តីការក្រសួង​ថ្មី​ដែលមាន​កម្ពស់១៨ ជាន់ ដោយ​បាន​ប្រសិទ្ធ​នាម​ថា “​អគារ​តេ​ជោ​សែន​”។​នាឱកាស​នោះសម្តេច​ធិបតី​នាយករដ្ឋមន្ត្រីបាន​បញ្ជាក់ថា “រាជរដ្ឋាភិបាលនីតិកាល​ទី៧នៃ រដ្ឋសភា បានដាក់​ចេញ​នូវយុទ្ធសាស្ត្រ​បញ្ច​កោណ ដែលជា​យុទ្ធសាស្ត្រ​អភិវឌ្ឍ​សង្គម​-​សេដ្ឋកិច្ចកម្ពុជា​រយៈពេល​វែង។ត្រូវអនុវត្ត​ជា៥ដំណាក់កាលសម្រាប់​រយៈពេល២៥ឆ្នាំ​ទៅមុខ ដោយ​រក្សា​វិស័យ​អាទិភាព​ទាំង៤នៃ​យុទ្ធសាស្ត្រ​ចតុកោណ“មនុស្ស ផ្លូវ ទឹក និង ភ្លើង​” នៅ ដដែល​។​សម្តេច​បន្ថែមថា វិស័យ​អាទិភាព​មួយទៀត​គឺ“បច្ចេកវិទ្យា​គឺ​មនុស្ស ផ្លូវ ទឹក ភ្លើង និង បច្ចេកវិទ្យា​”សម្រាប់​ឆ្លើយតប​ទៅនឹង​ការរីកចម្រើន​យ៉ាង​ឆាប់រហ័ស​នៃ​វិទ្យាសាស្ត្រ បច្ចេកវិទ្យា និង នវានុវត្តន៍​។ជាពិសេសបដិវត្តន៍ ឧស្សាហកម្ម​ទី៤ ដែល​កំពុង​ផ្លាស់ប្តូរ​នូវ​របៀប​នៃ​ការរស់នៅ ការប្រកប​របរ​ចិញ្ចឹមជីវិត និង​ការប្រស្រ័យ​ទាក់ទង​នៃ​មនុ​ស្សទូ​ទាំង​សកលលោក ។​សម្តេច​ធិបតី​បាន​បន្តថា ក្នុងន័យនេះ រាជរដ្ឋាភិបាល​បាន​បន្ថែម បញ្ច​កោណ​ទី៥ គឺ“​ការអភិវឌ្ឍ​សេដ្ឋកិច្ចនិងសង្គម​ឌីជីថល​” ដើម្បី​ជំរុញ​កំណើនផលិតភាព សេដ្ឋកិច្ច និង​សង្គមក៏ដូចជា​ប្រសិទ្ធភាព​ការងារ។ ព្រមទាំង​បានដាក់​ចេញ​នូវ​ក្របខណ្ឌ​គោលនយោបាយ មាន​ជាអាទិ៍៖ “គោលនយោបាយ​វិទ្យាសាស្ត្រ បច្ចេកវិទ្យា និង​នវានុវត្តន៍២០២០-២០៣០” […]

Featured នយោបាយ ព័ត៌មានសង្គម

សម្ដេចតេជោ ហ៊ុន សែន អញ្ជើញទៅដល់ភូមិគ្រឹះឯកឧត្តម ថាក់ស៊ីនស៊ីណាវ៉ាត្រាហើយ

បាងកក៖តាមសារព័ត៌មានថៃ“The Nation បានចេញផ្សាយនៅថ្ងៃទី២១ ខែកុម្ភៈឆ្នាំ២០២៤នេះថា សម្ដេចតេជោ ហ៊ុន សែន បានអញ្ជើញទៅដល់ភូមិគ្រឹះ Ban Chan Song La ក្នុងទីក្រុងបាងកកហើយ។ ដែលជាគេហដ្ឋានរបស់ឯកឧត្តម ថាក់ស៊ីន ស៊ីណាវ៉ាត្រា ដើម្បីជួបសួរសុខទុក្ខអតីតនាយករដ្ឋមន្ត្រីថៃរូបនេះ ដែលជាបងធម៌របស់សម្ដេច។សារព័ត៌មានដដែល​បាន​ឱ្យ​ដឹងទៀត​ថា សម្ដេចតេជោ ហ៊ុន សែន បានអញ្ជើញ​​ដល់​អាកាសយានដ្ឋាន​អន្តរជាតិ​ដនមឿង ​ក្នុងទីក្រុងបាងកកនៅ​ម៉ោង១០ ព្រឹកថ្ងៃនេះ ដោយ​យន្តហោះ​ឯកជន​របស់សម្ដេច។រីឯសារព័ត៌មាន Thai PBS ក៏បានរាយការណ៍ផងដែរថា ការអញ្ជើញជួបសួរសុខទុក្ខឯកឧត្តម ថាក់ស៊ីន ពីសម្ដេចតេជោ ហ៊ុន សែន គឺដោយសារតែសម្ដេចព្រួយបារម្ភពីស្ថានភាព សុខភាពរបស់អតីតនាយករដ្ឋមន្ត្រីវ័យ៧៤ឆ្នាំរូបនេះ ក្រោយពេលដោះលែងឱ្យមានសេរីភាព។ចំណែកកូនស្រី​​ពៅ ឯកឧត្តមថាក់ស៊ីន គឺ​លោកស្រី ផេថងថាន បានប្រាប់អ្នកសារព័ត៌មានថា “ក្រោយពីជួបសួរសុខទុក្ខហើយ សម្ដេចតេជោ ហ៊ុន សែន នឹងពិសារអាហាថ្ងៃត្រង់ជាមួយបងធម៌គឺឯកឧត្តមថាក់ស៊ីន ផងដែរ។បន្ទាប់មកសម្ដេចនឹងអញ្ជើញត្រឡប់ទៅព្រះរាជាណាចក្រកម្ពុជាវិញ”។  គួរបញ្ជាក់ថា សម្តេចតេជោ ហ៊ុន សែន និងឯកឧត្តម ថាក់ស៊ីន បានរាប់អានគ្នាជាបងប្អូនធម៌ ហើយមានទំនាក់ទំនងយ៉ាងជិតស្និទ្ធ ចាប់តាំងពីឆ្នាំ១៩៩២រហូតមក […]

Featured នយោបាយ ព័ត៌មានសង្គម

សម្ដេចតេជោ ហ៊ុន សែន អញ្ជើញទៅទីក្រុងបាងកក ដើម្បីជួបសួរសុខទុក្ខ ឯកឧត្តម ថាក់ស៊ីន

ភ្នំពេញ៖សម្ដេចអគ្គមហាសេនាបតីតេជោ ហ៊ុន សែន ប្រធានឧត្តមក្រុមប្រឹក្សាព្រះមហាក្សត្រ បាននិងកំពុងធ្វើដំណើរឆ្ពោះទៅទីក្រុងបាងកកប្រទេសថៃ ដើម្បីជួបសួរសុខទុក្ខ ឯកឧត្តម ថាក់ស៊ីន ស៊ីណាវ៉ាត្រា អតីតនាយករដ្ឋមន្ត្រីថៃ។សម្ដេចតេជោ ហ៊ុន សែន បានបង្ហោះសារលើបណ្ដាញសង្គមហ្វេសប៊ុក នាថ្ងៃទី២១ ខែកុម្ភៈ ឆ្នាំ២០២៤នេះថា“ខ្ញុំកំពុងធ្វើដំណើរទៅកាន់ទីក្រុងបាងកក ដើម្បីសួរសុខទុក្ខបងធម៌របស់ខ្ញុំ គឺឯកឧត្តម ថាក់ស៊ីន ស៊ីណាវ៉ាត្រា អតីតនាយករដ្ឋមន្ត្រី នៃព្រះរាជាណាចក្រថៃ”៕  

Featured នយោបាយ ព័ត៌មានសង្គម

ដើមខែ​មីនាខាងមុខ សម្តេច​ធិបតីហ៊ុន ម៉ា​ណែ​ត និង​លោកជំទាវ​នឹង​អញ្ជើញ​ចូលរួម​កិច្ចប្រជុំ​កំពូល​ពិសេស​អាស៊ាន​-​អូស្ត្រាលី​

ភ្នំពេញ៖យោងតាម​ផេ​ក​ផ្លូវការ​របស់​សម្តេច​តេ​ជោ ហ៊ុន សែន ប្រធាន​គណបក្ស​ប្រជាជន​កម្ពុជាបាន​ឱ្យ​ដឹងថា នៅ​ដើមខែ​មីនាខាងមុខនេះ សម្ដេចមហាបវរ​ធិបតី ហ៊ុន ម៉ា​ណែ​ត នាយករដ្ឋមន្ត្រី​នៃ​​កម្ពុជា និងលោកជំទាវ​បណ្ឌិត ពេ​ជ ចន្ទ​មុនី ហ៊ុន​ម៉ា​ណែ​ត ជាស្ត្រី​ទី១នៃ​កម្ពុជា​ នឹង​អញ្ជើញ​ចូលរួម​ក្នុង​កិច្ចប្រជុំ​កំពូល​ពិសេស​អាស៊ាន-អូស្ត្រាលី។ខណៈដែល​កិច្ចប្រជុំ​នោះ​ធ្វើ​ទ្បើង​នៅ​ទីក្រុង​មែ​ប៊​នប្រទេស​អូស្ត្រាលី​។ប្រជាពលរដ្ឋ​ខ្មែរ​រស់នៅ​ប្រទេស​អូស្ត្រាលី និង​នូ​វែ​ល​ហ្សេ​ឡង់ ពិតជា​សប្បាយរីករាយ​នឹង​ត្រៀមខ្លួន​រួចជាស្រេច​ក្នុង​ការទទួល​ស្វាគមន៍​ការអញ្ជើញដល់​របស់​សម្តេច​ធិបតី និង​លោកជំទាវ​បណ្ឌិត មកកាន់​ប្រទេស​អូស្ត្រាលី​៕