ព័ត៌មានអន្តរជាតិ៖(Moscow)ក្នុងរយៈពេល២៤ម៉ោងចុងក្រោយនេះប្រទេសរុស្ស៊ីបានរកឃើញអ្នកឆ្លង ជំងឺកូវីដ១៩សរុបចំនួន៤.៧៨៥នាក់ថ្មីទៀតដែលជាអត្រាឆ្លងប្រចាំថ្ងៃខ្ពស់បំផុតមិនធ្លាប់មាននិងនាំឱ្យចំនួនករណីឆ្លងសរុបកើនដល់៣៦.៧៩៣ករណី។នេះបើតាមការចេញផ្សាយដោយទីភ្នាក់ងារព័ត៌មានរ៉យទ័រ(Reuters)កាលពីល្ងាចថ្ងៃសៅរ៍ ទី១៨ ខែមេសា ឆ្នាំ២០២០។
ក្រៅពីចំនួនមនុស្សឆ្លងកូវីដ១៩កើនឡើងយ៉ាងច្រើននោះចំនួនអ្នកស្លាប់វិញអាចថាស្ថិតនៅក្នុងអត្រាទាបនៅឡើយ។កាលពីថ្ងៃសុក្រម្សិលមិញ មនុស្សស្លាប់សរុបដោយសារកូវីដ១៩នៅរុស្ស៊ីមានចំនួន ២៧៣នាក់ ខណៈនៅថ្ងៃសៅរ៍នេះចំនួនបានកើនឡើងដល់ ៣១៣នាក់។ ដោយឡែកអ្នកជំងឺសរុប ៣.០៥៧នាក់ ក៏ត្រូវបានព្យាបាលឱ្យជាសះស្បើយឡើងវិញផងដែរ។
គួរបញ្ជាក់ថាទីក្រុងម៉ូស្គូនៅតែជាកន្លែងដែលរ៉ាប់រងករណីឆ្លងច្រើនបំផុតសរុបរហូតដល់២០.៧៥៤ករណី ក្នុងចំណោមករណីឆ្លងសរុបទូទាំងប្រទេស។ដោយក្នុងនោះករណីឆ្លងថ្មីៗ២.៦៤៩នាក់ទើបត្រូវបានបូកបញ្ចូល។ទោះបីជាបែបនេះក្តីអភិបាលទីក្រុងម៉ូស្គូលោកស៊ឺហ្គៃសូប៊ីយ៉ានីន(SergeiSobyanin)បានចាត់ទុកតួលេខខាងលើនេះត្រឹមតែជាការកើនឡើងច្រើននៃចំនួនអ្នកឆ្លង។ប៉ុន្តែមិនមែនជាការផ្ទុះឡើងយ៉ាងគំហុក លើសពីការព្យាករណ៍នោះឡើយ៕Derm rang
