ស្ទឹងត្រែង៖មន្ត្រីបរិស្ថានស្រុកបុរីអូរស្វាយសែនជ័យដេញឃាត់រថយន្តដឹកឈើល្មើសច្បាប់ពីរគ្រឿង។ប៉ុន្តែឃាត់បានមួយភ្លែតក៏ដោះលេងវិញដោយមិនបានបញ្ជូនសំណុំរឿងរួមទាំងភស្តុតាងទៅតុលាការឡើយ។
តាមប្រភពព័ត៌មានបានឱ្យដឹងថា នៅយប់រំលងអាធ្រាត្រឈានចូលថ្ងៃទី១១ ខែឧសភា ឆ្នាំ២០២០ មន្ត្រីបរិស្ថានស្រុកបុរីអូរស្វាយសែនជ័យដេញឃាត់រថយន្តដឹកឈើតាំងពីផ្លូវចូលទីរួមស្រុកបុរីអូរស្វាយសែនជ័យរហូតហួសផ្លូវចូលខេសង្កាត់សាមគ្គីក្រុងស្ទឹងត្រែង។ប្រតិបត្តិការនោះមន្ត្រីបរិស្ថានស្រុកស្ទាក់ឃាត់បានរថយន្តឡិចស៊ីសដឹកឈើខុសច្បាប់មួយគ្រឿង។ដោយឡែករថយន្តកាមេរីគូថស្វិតមួយគ្រឿងឃាត់មិនបានទេ។
រថយន្តពីរគ្រឿងនេះគេស្គាល់ថាគឺជារថយន្តឈ្មួញដ៏ល្បីឈ្មោះហេងរស់នៅភូមិកញ្ចាញគោកឃុំស្រែសម្បូរស្រុកសៀមប៉ាង។ឈ្មួញរូបនោះសមត្ថកិច្ចចាប់រាប់ភ្លេចរួចមកហើយ។ទោះជាបង្ក្រាបជាច្រើនដងយ៉ាងណាក្តីក៏ឈ្មួញឈ្មោះហេងនៅបន្តរកស៊ីរហូត។សមត្ថកិច្ចដែលចាប់ហាក់បីដូចជាធ្វើអ្វីទៅលើឈ្មោះហេងមិនកើត។ចាប់លែង…ចាប់លេង។ពីរខែនេះបរិស្ថានចាប់ពីរដងរួចលែងទាំងរថយន្តនិងឈើទៅវិញអស់។
លោកភោគនិមុលប្រធានស្នាក់ការរ៉ាមសារស្រុកបុរីអូស្វាយសែនជ័យដែលដឹកនាំកម្លាំងចុះបង្ក្រាបបានឱ្យដឹងថាពិតជាបានឃាត់រថយន្តដឹកឈើមែន។ករណីនេះសុំអ្នកសារព័ត៌មានសួរទៅប្រធានមន្ទីរបរិស្ថាន។លោក អេង ភិរ៉ុង ប្រធានមន្ទីរបរិស្ថានខេត្ត មិនបានបញ្ជាក់ប្រាប់ឱ្យអ្នកសារព័ត៌មានដឹងនោះទេ ។លោកគ្រាន់តែឆ្លើយថាអត់មានបានចាប់ទេហើយក៏បិទទូរស័ព្ទមិនបំភ្លឺប្រាប់ដល់អ្នកសារព័ត៌មានឡើយ។
សូមរំលឹកថារថយន្តម៉ាកហ្វតរបស់ឈ្មោះហេងក៏ធ្លាប់មន្ត្រីបរិស្ថានបង្ក្រាបម្តងហើយ កាលពីថ្ងៃ១២ ខែមីនាឆ្នាំ២០២០កន្លងទៅ។តែក្រោយមកដោះលែងទៅវិញជាថ្នូរនឹងប្រាក់មិនតិចពាន់ដុល្លារនោះទេ។លើកនេះខាងបរិស្ថានបង្ក្រាបបានរថយន្តឡិចស៊ីសហើយដោះលែងទៅវិញដូចកាលបង្ក្រាបរថយន្តហ្វតកន្លងទៅដែរ៕ខុម