បរទេស៖ស្វាមួយហ្វូងបានបង្ហាញការអនុវត្តវិធានការរក្សាគម្លាតសវត្ថិភាពបានយ៉ាងល្អគួរឱ្យស្ញើចសរសើរស្របពេលវីរុសផ្លូវដង្ហើមប្រភេទថ្មីដ៏កាចសាហាវកូរ៉ូណាឬកូវីដ-១៩ កំពុងតែឆ្លងរាតត្បាតក្នុងប្រទេសឥណ្ឌា។ថ្វីបើពួកវាល្បីខាងបំផ្លិចបំផ្លាញ និងសូម្បីឆក់សំណាកឈាមពិនិត្យរកវីរុសនេះក្ដី។
តាមរយៈរូបភាពខាងក្រោម ស្វាទាំងនេះតម្រង់ជាជួរ និងនៅឆ្ងាយដាច់ៗពីគ្នាយ៉ាមានរបៀបរៀបរយ នៅពេលពួកវាចាំស៊ីចំណីថ្ងៃត្រង់នៅរដ្ឋអារូណាចាល ប្រាដេស (Arunachal Pradesh)។លោក គីរ៉េន រីជីជូ (Kiren Rijiju) ប្រធានការិយាល័យកិច្ចការយុវជន និងកីឡាប្រចាំរដ្ឋនេះបាន បង្ហោះរូបភាពស្វាគោរពច្បាប់ ដែលរង់ចាំចាប់ចំណិតផ្លែឪឡឹក និងចេកតាមបណ្ដាញទំនាក់ ទំនងសង្គមទ្វីតទ័រ។
គាត់បានសរសេរនៅក្នុងផូស (Post) នោះថា”ការរក្សាគម្លាតសុវត្ថិភាពដ៏ល្អឥតខ្ចោះ នៅជិតបាលុកពុង (Bhalukpong) ក្នុងរដ្ឋអារូណាចាល ប្រាដេស ជាប់ព្រំប្រទល់អាសាម -អារូណាចាល។ បើយើងសង្កេតឱ្យយកចិត្តទុកដាក់ សត្វអាចបង្រៀនយើងនូវមេរៀនដ៏សំខាន់ ដែលយើងអាចនឹងខកខានក្នុងជីវិតរស់នៅប្រចាំថ្ងៃរបស់យើង”៕ប្រែសម្រួលៈខុម