ព្រះវិហារ៖លោកយុងគឹមហ៊ាននាយកប្រតិបត្តិសាខាកាកបាទក្រហមកម្ពុជាខេត្តព្រះវិហារនិងក្រុមការងារនៅរសៀលថ្ងៃទី១៦ខែតុលាឆ្នាំ២០២០បាននាំយកអំណោយផ្តល់ជូនស្ត្រី ខុងសារេនអាយុ៤២ឆ្នាំជាស្ត្រីមេម៉ាយមានជីវភាពខ្វះខាតនៅភូមិបុស្សឃុំប្រមេរស្រុកត្បែងមានជ័យ។
នៅក្នុងឱកាសនោះលោកនាយកសាខាកាកបាទក្រហមកម្ពុជាខេត្តព្រះវិហារបានពាំនាំនូវប្រសាសន៍ផ្តាំផ្ញើសាកសួរសុខទុក្ខពីលោកប្រាក់សុវណ្ណអភិបាលខេត្តព្រះវិហារ។ដែលអភិបាលខេត្តតែងតែគិតគូរពីសុខទុក្ខរបស់បងប្អូនជានិច្ចគឺទីណាមានការលំបាកទីនោះមានកាកបាទក្រហមកម្ពុជា។
ជាមួយនេះលោកបានផ្តាំផ្ញើសូមឱ្យថែរក្សាសុខភាពត្រូវមានអនាម័យនិងលាងសម្អាតដៃជាមួយសាប៊ូឱ្យបានជាប់ជាប្រចាំចូលរួមការពារទប់ស្កាត់មេរោគកូវីដ១៩។សម្ភារផ្តល់ជូនរួមមាន៖អង្ករ,មី,ត្រីខ,ទឹកស៊ីអ៊ីវ,ទឹកសុទ្ធ,ទឹកក្រូច,និងថវិកាមួយចំនួន៕ញ៉ែម សុផល