Featured នយោបាយ ព័ត៌មានសង្គម

សម្តេចតេជោ ហ៊ុនសែន ចេញអនុក្រឹត្យ បង្កើតក្រុងបូកគោ នៃខេត្តកំពត

March 30, 2021 rsc Comment(0)

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានចេញអនុក្រឹត្យ បង្កើតក្រុងបូកគោ នៃខេត្តកំពត ដោយកាត់យកឃុំចំនួន៣ ពីស្រុកទឹកឈូ គឺឃុំបឹងទូក ឃុំកោះតូច និងឃុំព្រែកត្នោត៕

សូមអានខ្លឹមសារទាំងស្រុងដូចខាងក្រោមៈ

rsc

Featured សន្តិសុខ

ដាក់ពន្ធនាគារ៥ឆ្នាំអនុវត្ត៣ខែ១២ថ្ងៃរឿងស្តុកនិងចែកចាយឱសថ

April 8, 2022April 8, 2022 rsc

ភ្នំពេញ៖តុលាការភ្នំពេញនៅព្រឹកថ្ងៃទី៨ខែ មេសាឆ្នាំ២០២២បានប្រកាសផ្តន្ទាទោសបុរសម្នាក់ដាក់ពន្ធនាគារ៥ឆ្នាំតែអនុវត្ត៣ខែ១២ថ្ងៃរឿងស្តុកនិងចែកចាយឱសថគ្មានវិញ្ញាបនបត្របញ្ជិកា។ សមត្ថកិច្ចបានឱ្យដឹងថា ចៅក្រមជំនុំជម្រះបានប្រកាសសាលក្រមផ្តន្ទាទោសលើជនជាប់ចោទឈ្មោះអៀង សុខហ៊ី ភេទប្រុសអាយុ៥១ឆ្នាំដាក់ពន្ធនាគារចំនួន៥ឆ្នាំ។តែទោសនេះអនុវត្តគិតត្រឹមថ្ងៃទី២៦ ខែធ្នូឆ្នាំ២០២១ ដល់ថ្ងៃទី៨ខែមេសាឆ្នាំ២០២២គឺចំនួន៣ខែ១២ថ្ងៃ។ ទោសសល់ត្រូវព្យួរពីបទស្តុកទុកនិងចែកចាយឱសថគ្មានវិញ្ញាបនបត្របញ្ជិកា និងឱសថដែលក្រសួងសុខាភិបាល បានចេញសេចក្តីជូនដំណឹងហាមឃាត់ការផ្សព្វផ្សាយស្តុកទុក និងចែកចាយឱសថឈ្មោះ Professor PfIIs និង Mufarhabat Kapsul កាលពីថ្ងៃទី២៩ខែធ្នូឆ្នាំ២០២០។ សូមបញ្ជាក់ថា ជនជាប់ចោទបានប្រព្រឹត្តកាលពីអំឡុងឆ្នាំ២០២១ ហើយត្រូវបានសមត្ថកិច្ចចាប់ខ្លួនបញ្ជូនទៅតុលាការរាជធានីភ្នំពេញនិងត្រូវឃុំខ្លួននៅពន្ធនាគារព្រៃសម១នៅថ្ងៃទី២៦ ខែធ្នូឆ្នាំ២០២១៕

ព័ត៌មានសង្គម សុខាភិបាល

ថ្លែងអំណរគុណចំពោះសប្បុរសជនដែលបានជួយឧបត្ថម្ភទឹកប្រាក់សម្រាប់ការងារប្រយុទ្ធប្រឆាំងនឹងជំងឺកូវីដ១៩

March 27, 2020 rsc

ព្រះវិហារ៖រដ្ឋបាលខេត្តព្រះវិហារសូមថ្លែងអំណរគុណចំពោះលោកប្រធានមន្ទីរសេដ្ឋកិច្ចនិងហិរញ្ញវត្ថុខេត្តដែលបានចូលរួមឧបត្ថម្ភទឹកប្រាក់ចំនួន១.០០០.០០០រៀល។លោកសំសារឿនប្រធានមន្ទីររៀបចំដែនដីនគរូបនីយកម្មសំណង់និងសុរិយោដីខេត្តបានចូលរួមឧបត្ថម្ភទឹកប្រាក់ចំនួន១.៥០០.០០០រៀល។លោកឧត្តមសេនីយ៍ទោច័ន្ទសុភក្ត្រាមេបញ្ជាការតំបន់ប្រតិបត្តិការសឹករងខេត្តបានចូលរួមឧបត្ថម្ភទឹកប្រាក់ចំនួន១.០០០.០០០រៀល។ លោកសេងប៊ុនរឿនប្រធានមន្ទីរផែនការខេត្តបានចូលរួមឧបត្ថម្ភទឹកប្រាក់ចំនួន៦០០.០០០រៀល។លោកពឹងទ្រីដាប្រធានមន្ទីរកសិកម្មរុក្ខាប្រមាញ់និងនេសាទខេត្តបានចូលរួមឧបត្ថម្ភទឹកប្រាក់ចំនួន១០០.០០០រៀល។លោកប្រធានមន្ទីរអប់រំយុវជន និងកីឡាខេត្តបានចូលរួមឧបត្ថម្ភទឹកប្រាក់ចំនួន១.០០០.០០០រៀល។លោកសំលាងទ្រី ប្រធានមន្ទីរសាធារណការនិងដឹកជញ្ជូនខេត្តបានចូលរួមឧបត្ថម្ភទឹកប្រាក់ចំនួន២.០០០.០០០រៀល។ ថវិកាទាំងនេះជូនដល់គណៈកម្មការប្រយុទ្ធប្រឆាំងនឹងជំងឺកូវីដខេត្តដើម្បីជាជំនួយសម្រាប់ប្រតិបត្តិការប្រយុទ្ធប្រឆាំងទប់ស្កាត់ជំងឺកូវីដ១៩ដែលកំពុងរីករាលដាលដោយបានគំរាមគំហែងបង្កគ្រោះភ័យដល់សុខភាពនិងជីវិតប្រជាពលរដ្ឋកម្ពុជា។វិភាគទានជាជំនួយដល់បុព្វហេតុខាងលើរបស់លោកប្រធាន,លោកមេបញ្ជាការ,និងមន្ត្រីក្រោមឱវាទពិតជាមានតម្លៃប្រកបដោយគុណធម៌ចំពោះប្រជាជាតិយើង។ រដ្ឋបាលខេត្តព្រះវិហារសូមថ្លែងអំណរគុណយ៉ាងជ្រាលជ្រៅបំផុតចំពោះដល់គណៈកម្មការប្រយុទ្ធប្រឆាំងនឹងជំងឺកូវីដខេត្តព្រះវិហារដើម្បីជាជំនួយសម្រាប់ប្រតិបត្តិការប្រយុទ្ធប្រឆាំងទប់ស្កាត់ជំងឺកូវីដ១៩ដែលកំពុងរីករាលដាលដោយបានគំរាមគំហែងបង្កគ្រោះភ័យដល់សុខភាពនិងជីវិតរបស់ប្រជាជនកម្ពុជា៕វ៉ាន់ឌី

ព័ត៌មានសង្គម សន្តិសុខ

អ្នកភូមិកាប់ដីមុខផ្ទះប៉ះចំគ្រាប់ផ្លោងបង្កឱ្យមានការភ្ញាក់ផ្អើល

January 20, 2021January 20, 2021 rsc

ត្បូងឃ្មុំ៖ពលរដ្ឋម្នាក់ដែលរស់នៅភូមិសង្គមមានជ័យចាស់ឃុំមេមត់ស្រុកមេមត់បានយកចបកាប់ដីមុខផ្ទះប៉ះចំក្បាលគ្រាប់ផ្លោងទំហំ១៥៥មិល្លីម៉ែត្របង្កឱ្យមានការភ្ញាក់ផ្អើលយ៉ាងខ្លាំងរួចហើយក៏បានរាយការណ៍ពីរឿងនេះទៅសមត្ថកិច្ច។ លោកអនុសេនីយ៍ឯកយន់ហ៊ាងនាយប៉ុស្តិ៍នគរបាលឃុំមេមត់បានឱ្យដឹងនៅថ្ងៃទី២០ខែមករាឆ្នាំ២០២១ថា៖ក្រោយពីទទួលបានសេចក្តីរាយការណ៍ពីម្ចាស់ផ្ទះសមត្ថកិច្ចបានចុះទៅពិនិត្យជាក់ស្តែងនិងថតរូបភាពរាយការណ៍បន្តទៅខាងគ្រប់គ្រងជំនាញគ្រឿងផ្ទុះនៃស្នងការដ្ឋានគរបាលខេត្តដើម្បីកំណត់ប្រភេទគ្រាប់ និងបានលើកស្លាកសញ្ញាគ្រោះថ្នាក់ផងដែរ។ លោកបានបន្តថា៖បន្ទាប់មកខាងជំនាញគ្រឿងផ្ទុះបានប្រាប់ថាគ្រាប់នោះជាប្រភេទគ្រាប់ទំហំ១៥៥មិល្លីម៉ែត្រ។មកដល់រសៀលថ្ងៃទី២០មករានេះគឺមិនទាន់ឃើញខាងមន្ត្រីស៊ីម៉ាក់មកយកគ្រាប់នេះនៅឡើយទេ៕សម្បត្តិ

Related Articles

ដាក់ពន្ធនាគារ៥ឆ្នាំអនុវត្ត៣ខែ១២ថ្ងៃរឿងស្តុកនិងចែកចាយឱសថ

អ្នកភូមិកាប់ដីមុខផ្ទះប៉ះចំគ្រាប់ផ្លោងបង្កឱ្យមានការភ្ញាក់ផ្អើល

Leave a Reply Cancel reply