ភ្នំពេញ៖តារាសម្តែងដែលចូលចិត្តបង្អួតដើមទ្រូងដ៏សិចស៊ីនាងវ៉ាន់ វល័ក្ខ មួយរយៈនេះត្រូវបានគេមើលឃើញថា នាងហាក់មិនបានបង្ហាញវត្តមានថ្មីៗបន្ថែមទៀតឡើយ ខណៈពេលទីផ្សារភាពយន្តនៅក្នុងស្រុកហាក់កម្រើកឡើងវិញ។បញ្ហានេះ ត្រូវបានតារាស្រីរូបនេះបញ្ជាក់ថា នាងនៅមិនទាន់អាចទទួលយកការសម្តែងថ្មីៗនាអំឡុងពេលនេះបានឡើយ ដោយសារនាងភ័យខ្លាចពីការឆ្លងរីករាលដាលនៃជំងឹកូវីដ១៩។
វ៉ាន់ វល័ក្ខ បានឱ្យថា បច្ចុប្បន្នការងារសម្តែងនាងបានផ្អាកមួយរយៈសិន ដោយត្រូវចាំមើលជំងឺកូវីដនៅក្នុងប្រទេសរាងស្រាក់ស្រាន្តជាងនេះ។យ៉ាងណា វ៉ាន់ វល័ក្ខ នៅមិនទាន់បានកំណត់ពេលវលាជាក់លាក់ណាមួយថា រូបនាងនឹងវិលមកការសម្តែងជាថ្មីនោះឡើយ។
ជាការកត់សម្គាល់ការមិនបង្ហាញវត្តមានសម្តែងជាថ្មីនេះផងដែរ ត្រូវបានមហាជនមួយចំនួនដាក់ការសង្ស័យថា រូបនាងទំនងជាត្រូវគូស្នេហ៍បានហាមឃាត់មិនអោយបន្តការសម្តែងជាថ្មី។ជុំវិញបញ្ហានេះផងដែរ វ៉ាន់ វល័ក្ខ ក៏បានធ្វើការបដិសេធ ដោយនាងមិនមានអ្នកហាមឃាត់រូបនាងមិនឱ្យប្រឡូកសិល្បៈបន្តនោះឡើយគឺមានតែហេតុផលតែមួយគត់ គឺនាងបារម្ភពីការឆ្លងជំងឹកូវីដ១៩។
ទោះជាយ៉ាងណា វ៉ាន់ វល័ក្ខ នឹងបង្ហាញវត្តមានសម្តែងតាមរយៈរឿងភាគថ្មីមួយដែលថតចប់រួចរាល់ និងត្រៀមចាក់បញ្ចាំងនៅលើកញ្ចក់ទូរទស្សន៍ PNN នាពេលឆាប់ៗខាងមុខនេះផងដែរ។ វ៉ាន់ វល័ក្ខ គឺជាតារាដួងដែលត្រូវបានចាត់ទុកជាតារាដែលទីផ្សារការងារខ្ពស់មួយរូប ដោយសារនាងតែងតែបង្ហាញវត្តមានសម្តែងក្នុងខ្សែភាពយន្ត និងបទចម្រៀងជាបន្តបន្ទាប់ស្ទើរមិនដាច់សូរ។
យ៉ាងណា បើទោះបីជា វ៉ាន់ វល័ក្ខ មិនបានទាន់ទទួលយកការសម្តែងនាពេលនេះក៏ដោយ។ប៉ុន្តែតារាស្រីរូបនេះនៅតែបង្ហាញនូវភាពហ៊ឺហារបស់ខ្លួនតាមរយៈការប្រើប្រាស់រថយន្តថ្លៃ និងទំនើប ជាមួយនឹងការរស់នៅក្នុងខុនដូយ៉ាងត្រជាក់ល្ហឹមទៀតផង៕ដកស្រង់ពីកោះសន្តិភាព