ភ្នំពេញ៖សេចក្តីជូនដំណឹងរបស់ក្រសួងព័ត៌មានថ្ងៃទី២៩ ខែវិច្ឆិកានេះបានបញ្ជាក់ថា នឹងមានពិធីជួបជុំរវាង សម្តេចតេជោ ហ៊ុនសែន នាយករដ្ឋមន្ត្រីនៃកម្ពុជា ជាមួយអ្នកសារព័ត៌មានលើកទី៥ដែលប្រព្រឹត្តទៅនៅថ្ងៃសៅរ៍ ទី១៤ ខែមករា ឆ្នាំ២០២៣ នាមជ្ឈមណ្ឌលសន្និបាតនិងពិព័រណ៌កោះពេជ្រ។សេចក្តីជូនដំណឹងនោះស្ដីពីការចុះឈ្មោះចូលរួមពិធីជួបជុំរវាងសម្ដេចអគ្គមហាសេនាបតីតេជោ នាយករដ្ឋមន្ត្រីនៃកម្ពុជា ជាមួយអ្នកសារព័ត៌មានលើកទី៥ឆ្នាំ២០២៣។រាជរដ្ឋាភិបាលឯកភាពឱ្យក្រសួងព័ត៌មានរៀបចំពិធីជួបជុំរវាង សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីជាមួយអ្នកសារព័ត៌មានដោយផ្ទាល់លើកទី៥។យោងលិខិតលេខ ៨៦១សជណ.ពប ចុះថ្ងៃទី១០ ខែតុលា ឆ្នាំ២០២២ របស់ទីស្តីការគណៈរដ្ឋមន្តី ឆ្នាំ២០២៣ នៅថ្ងៃសៅរ៍ ទី១៤ ខែមករា ឆ្នាំ២០២៣ នាមជ្ឈមណ្ឌលសន្និបាត និងពិព័រណ៌កោះពេជ្រ។ក្រសួងព័ត៌មានសូមជូនដំណឹងដល់ ឯកឧត្តម លោកជំទាវ លោកឧកញ៉ា លោក លោកស្រី ម្ចាស់អង្គភាពប្រព័ន្ធផ្សព្វផ្សាយដែលបានចុះបញ្ជីទាំងអស់មានបំណងចូលរួមពិធីខាងលើ។សូមចាត់តាំង តំណាង១រូប ដើម្បីទំនាក់ទំនងជាមួយមន្ត្រីទទួលបន្ទុកតាមផ្នែកអំពីការចុះឈ្មោះចូលរួមពិធីខាងលើ ដែលមានបញ្ជាក់ពីឈ្មោះនិងទំនាក់ទំនងទូរសព្ទតាមសេចក្តីជូនដំណឹងរបស់ក្រសួងព័ត៌មាន៕
Related Articles
រថយន្តដឹកទំនិញបើកគេចរថយន្តឆ្លងផ្លូវ បួងចង្កូតបង្ខំបណ្តាលឱ្យក្រឡាប់
ភ្នំពេញ៖រថយន្តធំដឹកទំនិញបានបើកគេចពីរថយន្តប្រុងឆ្លងផ្លូវ ក៏បួងចង្កូតបង្ខំបណ្តាលឱ្យក្រឡាប់ចាក់ទំនិញលើផ្លូវ តែមិនបង្កគ្រោះថ្នាក់ដល់អ្នកដទៃទេ។ហេតុការណ៍នេះបានកើតទ្បើងនៅតាមផ្លូវជាតិលេខ៦អារ ស្ថិតក្នុងភូមិក្តីចាស់ សង្កាត់បាក់ខែង ខណ្ឌជ្រោយចង្វា កាលពីល្ងាចថ្ងៃទី២៥ ខែកញ្ញា។អ្នកឃើញហេតុការណ៍បានឱ្យដឹងថា ដំបូងរថយន្តធំដឹកទំនិញបានបើកចេញពីរាជធានីភ្នំពេញតាមផ្លូវជាតិលេខ៦អារ ពីត្បូងទៅជើងក្នុងល្បឿនលឿន។មកដល់កន្លែងខាងលើក៏មានរថយន្តខាងមុខប្រុងបត់ឆ្លងផ្លូវ តៃកុងក៏បួងចង្កូតគេចដោយបង្ខំ បណ្តាលក្រឡាប់ចាក់ទំនិញលើផ្លូវតែម្តង។តែក្នុងគ្រោះថ្នាក់ចរាចរណ៍នោះមិនបណ្តាលឱ្យតៃកុងរងរបួសធ្ងន់ និងមិនបង្កប៉ះពាល់ដល់អ្នកដទៃទេ។បន្ទាប់ពីកើតហេតុសមត្ថកិច្ចមូលដ្ឋានបានចុះអន្តរាគមន៍កុំឱ្យកកស្ទះចរាចរណ៍ ។ម្ចាស់រថយន្តបានហៅរថយន្តមួយគ្រឿងទៀតមកផ្ទេរទំនិញ និងយករថយន្តនោះទៅជួសជុល៕
មន្ទីរបរិស្ថានខេត្តព្រះវិហារអំពាវនាវដល់ព្រានព្រៃសុំទម្លាក់អាវុធកែច្នៃចោល
ព្រះវិហារ៖ប្រជាពលរដ្ឋប្រទះឃើញសត្វខ្ទីងចំនួន២ក្បាលជាសត្វដ៏កម្រស្ទើរតែផុតពូជ បានចូលមកក្នុងហ្វូងសត្វគោរបស់ពួកគាត់នៅ ភូមិស្រែវាល ឃុំធ្មាស្រុកជ័យសែនខេត្តព្រះវិហារកាលពីយប់ថ្ងៃទី១០ខែកក្តដាឆ្នាំ២០២២។ មន្ត្រីមន្ទីរបរិស្ថានខេត្តព្រះវិហារបានឱ្យដឹងនៅព្រឹកថ្ងៃទី១១កក្តដានេះថា សត្វខ្ទីងចំនួន២ក្បាលដែលបានបែកពីហ្វូងរបស់ពួកវាហើយរត់គេចមកពីក្នុងព្រៃឡង់ចូលមកក្នុងហ្វូងសត្វគោរបស់ពលរដ្ឋ។សត្វខ្ទីងទាំង២ក្បាលខាងលើគឺជាសត្វខ្ទីងឈ្មោលមួយក្បាលនិងកូនសត្វទ្ទីងមួយក្បាលដែលបានរត់មកជ្រកក្នុងហ្វូងគោពលរដ្ឋ។ តាមការសន្និដ្ឋានសត្វខ្ទីងទាំង២ក្បាលខាងលើ រត់មកជ្រកជាមួយហ្វូងគោនៅជិតទីស្នាក់ការ ការពារដែនជម្រកសត្វព្រៃនៃព្រៃឡង់នោះ។ដើមចមទំនងបង្កឡើងដោយសារតែពួកព្រានព្រៃដែលបានរំខានតាមបរបាញ់ទើបពួកវាភ័យខ្លាចបានរត់គេចបែកពីហ្វូងមកជ្រកជាមួយហ្វូងគោ។ ពេលនោះមន្ត្រីឩទ្យានុរក្សក៏បានឃើញសត្វខ្ទីងទាំង២ក្បាលដេកជាមួយហ្វូងគោ មួយយប់។លុះព្រឹកឡើងសត្វខ្ទីងទាំង២ក៏បានរត់ចូលទៅក្នុងព្រៃវិញ។ សត្វខ្ទីងទាំង២ក្បាលខាងលើនេះត្រូវបានមន្ត្រីឩទ្យាននុរក្សដែនជម្រកសត្វព្រៃ-ព្រៃឡង់ តាមឃ្លាំមើលយ៉ាងយកចិត្តទុកដាក់ ការពារសុវត្ថិភាពសត្វទាំង២ដើម្បីឱ្យវាបានវិលចូលក្នុងតំបន់ព្រៃឡង់ដែលហ្វូងសត្វដ៏ទៃទៀតកំពុងរស់នៅដោយសុវត្ថិភាព។ ជាមួយគ្នានោះមន្ទីរបរិស្ថានខេត្តព្រះវិហារក៏បានអំពាវនាវយ៉ាងទទួចដល់ពលរដ្ឋដែលរស់នៅជិតៗតំបន់ការពារអភិរក្សក៏ដូចជាក្រុមព្រានព្រៃសូមមេត្តាទម្លាក់អាវុធកែច្នៃចោលនិងបញ្ឈប់តាមបាញ់សត្វព្រៃដើម្បីងាកមកចូលរួមថែរក្សានិងអភិរក្សសត្វនានា។ពិសេសអម្បូរពពួកសត្វខ្ទីងដែលជាសត្វដ៏កម្រហើយស្ទើរតែផុតពូជទៅហើយនោះ។ប្រសិនបើបងប្អូននៅបន្តប្រកប របបរបាញ់សត្វខុសច្បាប់ដែលច្បាប់បានហាមឃាត់គឺវាសនាគេចមិនផុតពីមានទោសទណ្ឌតាមផ្លូវច្បាប់ឡើយ៕ដោយ៖សៅវ៉ាន់ឌី
ក្រសួងសុខាភិបាល៖រកឃើញអ្នកឆ្លងកូវីដ-១៩ថ្មីចំនួន២នាក់ទៀត
ភ្នំពេញ៖នៅថ្ងៃទី៧ខែធ្នូឆ្នាំ២០២០នេះមន្ត្រីក្រសួងសុខាភិបាលបានចេញសេចក្តីប្រកាសព័ត៌មានបញ្ជាក់ពីការរកឃើញអ្នកឆ្លងជំងឺកូវីដ-១៩ ថ្មីចំនួន២នាក់ទៀតដែលពាក់ព័ន្ធព្រឹត្តិការណ៍”សហគមន៍ ២៨ វិច្ឆិកា”។អ្នកទាំង២នាក់ដែលរកឃើញឆ្លងកូវីដ-១៩នេះមាន៖ ១,ឈ្មោះ អ៊ី តារា ភេទប្រុស អាយុ២១ឆ្នាំលំនៅស្ថានជិតវត្តសន្សំកុសល សង្កាត់បឹងទំពង់ ខណ្ឌមានជ័យ ធ្លាប់ស្នាក់នៅជាមួយអ្នកជំងឺ ឈ្មោះ ញិល សុខកូឡា ដែលធ្វើការនៅហាង Pedro ផ្លូវព្រះមុនីវង្ស។២,ឈ្មោះ ជី ពេជ្រឆារ៉ា ភេទស្រី អាយុ២៩ឆ្នាំស្នាក់នៅសង្កាត់ចាក់អង្រែលើ ខណ្ឌមានជ័យ ជាមន្ត្រីរាជការនៅក្រសួងមហាផ្ទៃ បានចូលហាង Zando បឹងកេងកង នៅថ្ងៃទី២៧ ខែវិច្ឆិកា ឆ្នាំ២០២០ នៅម៉ោង៨៖៣០នាទីយប់ ដោយមិនមានពាក់ម៉ាស់ការពារ៕វិចិត្រ