ភ្នំពេញ៖សមត្ថកិច្ចជំនាញដោយប្រើប្រាស់រថយន្តពិសោធន៍ចល័តបានរកឃើញបង្គាចាក់ចាហួយប្រមាណជិត២០០គីឡូក្រាមនៅជិតផ្លូវរថភ្លើងត្រឡោកបែក។មន្រ្តីក្នុងប្រតិបតិ្តការបានឱ្យដឹងថា កាលពីថ្ងៃទី១៩ ខែមករា កម្លាំងអគ្គនាយកដ្ឋានក.ប.ប. ប្រចាំបានចុះត្រួតពិនិត្យស្តង់លក់ផលិតផលសមុទ្រស្រស់នៅជិតផ្លូវរថភ្លើងត្រឡោកបែក ដើម្បីយកគំរូវិភាគរកវត្តមានសារធាតុគីមីហាមឃាត់។តាមលទ្ធផលវិភាគដោយឧបករណ៍ដែលបំពាក់លើរថយន្តពិសោធន៍ចល័តចំពោះគំរូផលិតផលចំនួន៤០បានបង្ហាញឱ្យឃើញថា មិនមានប្រើប្រាស់សារធាតុគីមីហាមឃាត់ទេ។ ប៉ុន្តែមន្រ្តីសាខាក.ប.ប.បានត្រួតពិនិត្យលើផលិតផលបង្គាស្រស់កំពុងដាក់លក់តាមស្តង់ហើយរកឃើញបង្គាចំនួន១៨០គីឡូក្រាមមានចាក់បញ្ចូលចាហួយសារធាតុ CMC ។សារធាតុ CMC ជាសារធាតុដែលឈ្មួញខិលខូចមួយចំនួនតែងយកមកប្រើប្រាស់សម្រាប់ចាក់បញ្ចូលក្នុងផលិតផលបង្គាស្រស់ដើម្បីបង្កើនទម្ងន់ត្រូវមន្រ្តីជំនាញបានអនុវត្តនីតិវិធីពិន័យអន្តរកាលនិងរឹបអូសទំនិញទាំងនោះយកទៅកម្ទេចចោល៕
Related Articles
មេទ័ពព្រះវិហារជម្រុញមន្ត្រីក្រោមឱវាទឱ្យគោរពវិធានការការពារជំងឺកូវីដ១៩
ព្រះវិហារៈ លោក ច័ន្ទ សុភក្ត្រា មេបញ្ជាការតំបន់ប្រតិបត្តការសឹករងព្រះវិហារកាលពីថ្ងៃទី២៦ ខែកក្ដដា ឆ្នាំ២០២១បានប្រជុំផ្សព្វផ្សាយដល់មន្ត្រីក្រោមឱវាទ បានជ្រូតជ្រាបកាន់តែច្បាស់ចំពោះជំងឺកូវីដ១៩ ដែលកំពុងតែរីករាលដាលខ្លាំងក្នុងសហគមន៍នាពេលបច្ចុប្បន្ន។ លោក មេបញ្ជាការបានក្រើនរំលឹកដល់កម្លាំងទាំងអស់តាមផ្នែកប្រតិ បត្តិការសឹករងគ្រប់បណ្ដាអង្គភាពចូលរួមសហការជាមួយអាជ្ញាធរមានសមត្ថកិច្ចដើម្បីទប់ ស្កាត់ក្នុងការចេញចូលរបស់ប្រជាពលរដ្ឋក្នុងភូមិបិទខ្ទប់មួយរយៈនៃការរីករាលដាលជម្ងឺកូវិដ១៩ ដែលកំពុងមានការឆ្លងពីមនុស្សម្នាក់ទៅមនុស្សម្នាក់ក្នុងក្រុមគ្រួសារនិងសហគមន៍។ លោក មេបញ្ជាការតំបន់សឹក បានបន្ថែមទៀតថា មេរោគកូវីដ-១៩ បម្លែងថ្មី ប្រភេទ Delta នេះ មានភាពឆ្លងសាហាវលឿន និងធ្ងន់ធ្ងរជាងវីរុសកូវីដ-១៩ ដែលកំពុងរាតត្បាតបច្ចុប្បន្ននេះ ។ដូច្នេះយើងត្រូវប្រុងប្រយ័ត្នខ្ពស់ និងចូលរួមទប់ស្កាត់ទាំងអស់គ្នា ត្រូវអនុវត្តឲ្យបានតាម ការណែនាំរបស់ក្រសួងសុខាភិបាល និងវិធានការ ៣កុំ ៣ការពារ របស់រាជរដ្ឋាភិបាលផងដែរ៕ដោយ សៅវ៉ាន់ឌី
ព្រឹកនេះសម្តេចក្រឡាហោមអញ្ជើញប្រកាសផ្ទេរតំណែងអភិបាលខេត្តប៉ៃលិន
ភ្នំពេញ៖ សម្តេចក្រឡាហោម សខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញចូលរួមជាអធិបតីដ៏ខ្ពង់ខ្ពស់ក្នុងពិធីប្រកាសផ្ទេរតំណែងអភិបាលខេត្តប៉ៃលិននៅព្រឹកថ្ងៃចន្ទទី២១ខែធ្នូឆ្នាំ២០២០នេះ។ ក្នុងនោះដែរលោកអ្នកស្រី បាន ស្រីមុំ ចូលកាន់តំណែងជាអភិបាលខេត្តជំនួសលោកផាន់ចាន់ធុលដែលត្រូវផ្ទេរឱ្យទៅបម្រើការងារនៅទីស្តីការក្រសួងមហាផ្ទៃវិញ៕វិចិត្រ
អាជ្ញាធរផ្តល់បណ្ណកម្មសិទ្ធិដីធ្លីដល់ពលរដ្ឋនៅស្រុកចំនួន២ក្នុងខេត្តព្រះវិហារ
ព្រះវិហារ៖អាជ្ញាធរខេត្តព្រះវិហារ កាលពីថ្ងៃទី១ ខែមិថុនាឆ្នាំ២០២២ បានផ្តល់បណ្ណកម្មសិទ្ធិដីធ្លី ដល់ប្រជាពលរដ្ឋនៅស្រុកចំនួន២ដើម្បីប្រើប្រាស់ និងការបង្កបង្កើនផលដោយស្របច្បាប់។ប្រជាពលរដ្ឋជិត៥០០គ្រួសារស្រុកគូលែន និងស្រុកឆែប ទទួលបានបណ្ណកម្មសិទ្ធិដីធ្លីដោយស្របច្បាប់ ពីប្រធានមន្ទីររៀបចំដែនដីនគររូបនីយកម្ម សំណង់ និងសុរិយោដីខេត្ត។ លោក សំ សារឿន ជាតំណាងលោក ប្រាក់ សុវណ្ណ អភិបាលខេត្តព្រះវិហារប្រធានមន្ទីររៀបចំដែនដី នគររូបនីយកម្ម សំណង់ និងសុរិយោដីខេត្តព្រះវិហារបានថ្លែងថា ប្រជាពលរដ្ឋដែលត្រូវទទួលបានបណ្ណកម្មសិទ្ធិដីធ្លីស្របច្បាប់ ពីអាជ្ញាធរខេត្ត នាពេលនេះ មានចំនួន ៤៤៥គ្រួសារ។ នៅក្នុងស្រុកពីរ គឺ នៅក្នុងឃុំថ្មី ស្រុកគូលែន មានចំនួន ១៣៤គ្រួសារ និង នៅក្នុងឃុំកំពង់ស្រឡៅ២ស្រុកឆែប មានចំនួន ៣១១គ្រួសារ។ លោកប្រធានមន្ទីរបានបន្តថា ការផ្តល់បណ្ណកម្មសិទ្ធិស្របច្បាប់ជូនពលរដ្ឋទាំង ៤៤៥គ្រួសារ នៅពេលនេះ គឺមានតម្លៃដ៏មហាសាល គឺជាបណ្ណមានការធានាត្រឹមត្រូវតាមផ្លូវច្បាប់ពីអាជ្ញាធរ។បណ្ណកម្មសិទ្ធដីនេះមានអំណាច ៤យ៉ាងទី១-ពេលត្រូវកម្តៅថ្ងៃ ចេញរូបព្រះឆាយាលក្ខណ៍ព្រះមហាក្សត្រ ។ ២- ពេលយើងយកទៅហ្វូតូកូពី គឺវាចេញមកកូពីតែម្តង ,៣- មានលេខកូដ៨ខ្ទង់ និង ៤- មាន QR […]