ភ្នំពេញ៖កម្លាំងនគរបាលកាលពីរសៀលថ្ងៃទី២៧ ខែមករាបានបញ្ជូនជនសង្ស័យ៣នាក់ករណីចែកចាយសម្ភារអាសអាភាសទៅតុលាការការដើម្បីចាត់ការតាមច្បាប់។មន្ត្រីចុះប្រតិបត្តិការបានឱ្យដឹងថា ជនសង្ស័យ-ឈ្មោះ តាំង ជាវឆាយ អាយុ៣១ឆ្នាំ-ឈ្មោះផាត់ ឧត្តមបញ្ញា អាយុ២៨ឆ្នាំ-និងឈ្មោះហួត វួចទៀង ភេទស្រីអាយុ៥៨ឆ្នាំ។ទាំង៣នាក់ខាងលើត្រូវកម្លាំងប្រឆាំងការជួញដូរមនុស្សនិងការពារអនីតិជនអគ្គស្នងការនគរបាលជាតិឃាត់ខ្លួនជាបន្តបន្ទាប់កាលពីថ្ងៃទី២៥ ខែមករាឆ្នាំ២០២៣ដោយសង្ស័យជាប់ពាក់ព័ន្ធចែកចាយសម្ភារអាសអាភាសដោយខុសច្បាប់។សូមបញ្ជាក់ថា សមត្ថកិច្ចបានចុះឆែកឆេរទីតាំងមួយកន្លែងស្ថិតក្នុងសង្កាត់ទឹកល្អក់ទី១ខណ្ឌទួលគោកពាក់ព័ន្ធលក់សម្ភារអាសអាភាសជាច្រើនប្រភេទ។ក្រោយពីឃាត់ខ្លួនជនសង្ស័យទាំង៣នាក់ត្រូវបានបញ្ជូនទៅតុលាការនិងស្ថិតនៅក្រោមការសាកសួររបស់តំណាងអយ្យការអមសាលាដំបូងរាជធានីភ្នំពេញកំពុងសាកសួរ៕
Related Articles
សហគ្រាសផលិតឥដ្ឋដ៏ធំលេចចេញរូបរាងក្នុងទឹកដីស្រុកអង្គរជ័យខេត្តកំពត
កំពតៈសហគ្រាសថ្មកំបោរនិងម្សៅបៀកដ៏ធំដែលអាចផលិតឥដ្ឋជាង៨០ម៉ឺនដុំក្នុងមួយថ្ងៃបានលេចចេញរូបរាងហើយចាប់ផ្តើមដំណើរការរបស់ខ្លួនក្នុងទឹកដីនៃភូមិត្រពាំងរាំងឃុំតានីស្រុកអង្គរជ័យខេត្តកំពត។នេះជាផ្នែកសំខាន់សម្រាប់ផ្គត់ផ្គង់ក៏ដូចជាចូលរួមទ្រទ្រង់វិស័យសំណង់នៅកម្ពុជាខណៈបច្ចុប្បន្នខេត្តកំពតមានរោងចក្រស៊ីម៉ង់ត៍ចំនួន៤ដែលអាចផលិតបាន៦លានតោនក្នុងមួយឆ្នាំ។ លោកលីគីមវុនប្រធានសហគ្រាសផលិតថ្មកំបោរនិងម្សៅបៀកយីហោភ្នំមាសបានរៀបរាប់ក្នុងពិធីសម្ពោធរោងចក្រកាលពីព្រឹកថ្ងៃទី២២ខែវិច្ឆិកាឆ្នាំ២០២០ថាៈក្រុមហ៊ុនចាប់ផ្តើមសាងសង់ខ្សែសង្វាក់ផលិតកម្មឡឥដ្ឋនៅថ្ងៃទី៧ខែសីហាឆ្នាំ២០១៥និងបានស្ថាបនារួចរាល់ជាស្ថាពរនាថ្ងៃនេះ។ រោងសិប្បកម្មឡឥដ្ឋមានទំហំ១៥០ម៉ែត្របួនជ្រុងលើទំហំផ្ទៃដី៤០ហិកតាដោយចំណាយទុនសរុប៦លាន៥៦ម៉ឺនដុល្លារក្រោមកិច្ចសហការវិនិយោគរវាងភាគហ៊ុនខ្មែរ និងភាគីចិនក្នុងចំណែកស្មើគ្នា។ លោកប្រធានបានបញ្ជាក់ថាក្រុមហ៊ុនមានបុគ្គលិកកម្មករជនជាតិចិនចំនួន៥០នាក់និងជនជាតិខ្មែរ១២០នាក់។ខ្សែសង្វាក់ផលិតកម្មដំណើរការតាមប្រពន្ធ័បច្ចេកវិទ្យាស្វ័យប្រវត្តិចុងក្រោយដើម្បីផលិតជាប្រភេទឥដ្ឋក្រហមដែលអាចផលិតឥដ្ឋបាន៨០ម៉ឺនដុំក្នុងមួយថ្ងៃសម្រាប់លក់នៅលើទីផ្សារ និងនាំចេញ ដោយប្រើប្រាស់វត្ថុធាតុដើមយកមកពីភូមិសាស្ត្រនៃស្រុកនេះផ្ទាល់។ ថ្លែងក្នុងពិធីនេះលោកជាវតាយអភិបាលខេត្តកំពតបានមានប្រសាសន៍ថាៈក្រោមការដឹកនាំរបស់ប្រមុខរាជរដ្ឋាភិបាលបច្ចុប្បន្នតាមរយៈគោលនយោបាយឈ្នះឈ្នះបានធ្វើឱ្យប្រទេសជាតិមានសុខសន្តិភាពនិងស្ថេរភាពនៅទូទាំងប្រទេស។ជាមួយសន្តិភាពពេញលេញនេះក៏នាំមកនូវកិច្ចអភិវឌ្ឍលើគ្រប់វិស័យ និងជាផ្នែកសំខាន់ដែលធ្វើឱ្យប្រជាពលរដ្ឋមានជីវភាពធូរធារជាលំដាប់។ លោកអភិបាលខេត្តបានបន្តថាៈខេត្តកំពតពោរពេញដោយក្តីមោទនៈបំផុតដែលមានសមិទ្ធផលធំៗដូចជារោងចក្រស៊ីម៉ង់ត៍ចំនួន៤អាចផលិតបានប្រមាណជាង៦លានតោនក្នុងមួយឆ្នាំ។វារីអគ្គិសនីកំចាយមានកម្លាំងថាមពល១៩៤,១០មេហ្គាវ៉ាត់ដែលអាចផលិតអគ្គិសនីបានជាង៤០០លានគីឡូវ៉ាត់ម៉ោងក្នុងមួយឆ្នាំ។ លើសពីនោះក៏នៅមានកំពង់ផែសមុទ្រចំនួន៤កន្លែងផងដែរ។ លោកជាវតាយបានបញ្ជាក់ថាៈសម្រាប់ការបើកសម្ពោធសហគ្រាសផលិតថ្មកំបោរនិងម្សៅបៀកនេះពិតជាជម្រើសដ៏ត្រឹមត្រូវនិងប្រកបដោយទស្សនៈវិស័យសេដ្ឋកិច្ចវែងឆ្ងាយដើម្បីភាពជោគជ័យលើវិស័យសំណង់នៅកម្ពុជា។ឆ្លៀតក្នុងឱកាសនេះលោកអភិបាលខេត្តបានផ្តាំផ្ញើដល់ក្រុមហ៊ុនត្រូវយកចិត្តទុកដាក់គោរពនិងអនុវត្តឱ្យបានខ្ជាប់ខ្ជួននូវច្បាប់ក៏ដូចជាបទប្បញ្ញត្តិនានាដែលពាក់ព័ន្ធនឹងអាជីវកម្មរបស់ខ្លួន។ជាពិសេសត្រូវចូលរួមសហការជាមួយអាជ្ញាធរគ្រប់លំដាប់ថ្នាក់ដើម្បីរក្សាសន្តិសុខសណ្តាប់ធ្នាប់សាធារណៈក្នុងមូលដ្ឋានឱ្យបានល្អប្រសើរ៕ឌីណា
ចាប់ជនសង្ស័យ៣នាក់ករណីលួច,ទទួលផលចោរកម្មនិងដកហូតម៉ូតូ១៦គ្រឿង
កំពង់ស្ពឺ៖កម្លាំងអាវុធហត្ថស្រុកសំរោងទងកាលពីថ្ងៃទី៥ខែមេសាឆ្នាំ២០២១បានចាប់ស្រ្តីម្នាក់ នៅភូមិបាក់ធ្មេញ ឃុំរលាំងចក ស្រុកសំរោងទង ខេត្តកំពង់ស្ពឺ ពីបទលួចម៉ូតូ និងចាប់ជនសង្ស័យ២នាក់ទៀតពីបទទទួលផលចោរកម្ម។ មន្ត្រីអាវុធហត្ថបានឱ្យដឹងថា៖ការចាប់ខ្លួនជនសង្ស័យនេះនៅមុខរោងចក្រផាកហែនប៊ែកស្ថិតក្នុងទីតាំងខាងលើ ដោយមានឈ្មោះកែវស៊ីថា ភេទស្រីអាយុ២០ឆ្នាំជាកម្មកររោងចក្រ ពីបទលួចម៉ូតូ។បន្ទាប់មកក៏ឈានទៅចាប់២នាក់ទៀតឈ្មោះ ជា ភាភេទប្រុសអាយុ ៣៤ឆ្នាំ និងឈ្មោះ ស៊ិន រិន្ទដេតភេទប្រុស អាយុ ៤២ឆ្នាំបុរសទាំងពីរ មុខរបរ ទិញលក់ម៉ូតូមានទីលំនៅភូមិបាក់ធ្មេញ ឃុំរលាំងចក ស្រុកសំរោងទង ខេត្តកំពង់ស្ពឺ ។ ក្នុងនោះសមត្ថកិច្ចដកហូតម៉ូតូចំនួន១៦គ្រឿងដែលមានការសង្ស័យពីបទលួច និងទទួលផលចោរកម្ម ។បច្ចុប្បន្ន ជនសង្ស័យទាំងបីនាក់បានបញ្ជូនមកបញ្ជាការដ្ឋានកងរាជអាវុធ ខេត្តកំពង់ស្ពឺ ដើម្បីអនុវត្ត តាមនីតិវិធី៕ដោយ៖វិចិត្រ
ក្មេងប្រុសពីរនាក់លង់ទឹកស្លាប់ជាមួយគ្នា នៅក្រុងព្រះសីហនុ
ខេត្តព្រះសីហនុ៖ក្មេងប្រុសជំទង់២នាក់បានលង់ទឹកស្លាប់ក្នុងបឹងក្បែរផ្ទះនៅតាមផ្លូវម្តុំជិតសាលារៀនអូរ២ក្រុម៣២ភូមិ៥ក្នុងសង្កាត់លេខ៤ក្រុង-ខេត្តព្រះសីហនុ។កាលពីល្ងាចថ្ងៃទី៩ខែកក្កដាឆ្នាំ២០២០។ មន្ត្រីអាជ្ញាធរមូលដ្ឋានបានប្រាប់ថាករណីនេះកើតឡើងជិត១ម៉ោងទើបមានអ្នកដឹងនិងបានព្យាយាមសង្គ្រោះដែរ។ប៉ុន្តែក្មេងប្រុសទាំង២បានស្លាប់បាត់បង់ជីវិតទៅហើយ។ក្រុមគ្រួសារសាច់ញាតិក្មេងប្រុសរងគ្រោះទាំង២នាក់ឱ្យដឹងថា ក្មេងទាំងពីរជាបងប្អូនជីដូនមួយនឹងគ្នា ម្នាក់មានឈ្មោះច្រឹង ចន្ធាអាយុ១២ឆ្នាំ និង ម្នាក់ទៀតឈ្មោះ អឿន វិឆៃ អាយុ៩ឆ្នាំ ។ សមត្ថកិច្ចដែលចុះពិនិត្យផ្ទាល់បានឱ្យដឹងថា ក្មេងប្រុសទាំងពីរពិតជាស្លាប់ដោយលង់ទឹក មិនអាចជួយសង្គ្រោះបានដោយសារតែអ្នកភូមិក៏ដូចជាសាច់ញាតិមិនបានដឹងពីហេតុការណ៍នេះទាន់ពេលវេលា។បច្ចុប្បន្នសាកសពក្មេងរងគ្រោះត្រូវបាន៕