កណ្តាល៖នគរបាលជំនាញខេត្តកណ្តាលកាលពីថ្ងៃទី២៩ ខែមករាបានបញ្ជូនជនសង្ស័យម្នាក់ចំណោម៤នាក់ករណីស្ទាក់វាយប្លន់យកម៉ូតូទៅតុលាការ។លោកវរសេនីយ៍ឯក មានសំណាង អធិការនគរបាលស្រុកអង្គស្នួលបានឱ្យដឹងថា ជនសង្ស័ យជាមុខសញ្ញាជួញដូរគ្រឿងញៀននិងវាយប្លន់យកម៉ូតូឈ្មោះប៉ុល បូរិន អាយុ៣៦ឆ្នាំនៅភូមិព្រៃមាន ឃុំព្រៃពួចស្រុកអង្គស្នួល។សមត្ថកិច្ចបានស្រាវជ្រាវចាប់ខ្លួនកាលពីថ្ងៃទី២៧ ខែមករា ។លោកអធិការបានបន្តថា ជនសង្ស័យជាមុខសញ្ញាចាស់ធ្លាប់ជាប់ពន្ធនាគារពីបទជួញដូរគ្រឿង១លើកនិងហឹង្សាដោយចេតនា១លើកហើយមានដីកាបង្គាប់ឱ្យចាប់ខ្លួនពីបទជួញដូរសារធាតុញៀនទៀតផង។បន្ទាប់ពីចាប់ខ្លូនសមត្ថកិច្ចបានកសាងសំណុំរឿងបញ្ជូនទៅតុលាការ។គួររំលឹកថា កាលពីរំលងអធ្រាត្រចូលថ្ងៃទី២២ ខែមករាកន្លងទៅ ជនសង្ស័យនិងបក្ខពួក៣នាក់ទៀតបានស្ទាក់វាយនិងជិះបុកប្លន់ម៉ូតូជនរងគ្រោះម្នាក់ឱ្យដួលឈ្មោះ កយ ថា អាយុ៤៨ឆ្នាំនៅ ស្រុកគងពិសី ខេត្តកំពង់ស្ពឺ។ក្រុមនេះបានធ្វើសកម្មភាពនៅភូមិត្រពាំងត្រាច ឃុំដំណាក់អំពិល ស្រុកអង្គស្នួលរួចយកម៉ូតូម៉ាកហុងដា ប៊ីត ទៅបាត់។ ក្រោយបើកការស្រាវជ្រាវក៏ឈានដល់ចាប់ជនសង្ស័យម្នាក់។ចំណែកឯបក្ខពួកគេ៣នាក់ទៀតបានកំពុងរត់គេចខ្លួន៕
Related Articles
ធនធានមនុស្សមានសារសំខាន់ណាស់ក្នុងការអភិវឌ្ឍន៍និងការកសាងប្រទេស
កំពង់ចាម៖កាលពីព្រឹកថ្ងៃទី ១៦ ខែឧសភាឆ្នាំ២០២២ លោកអ៊ុន ចាន់ដា អភិបាល ខេត្តកំពង់ចាមបានជួបសំណេះសំណាល ជាមួយគណៈអាជីវករ និងលោកគ្រូ អ្នកគ្រូ សាស្តាចារ្យ ប្រមាណជិត១.០០០ នាក់នៅសាលាខេត្តកំពង់ចាម។ ក្នុងឱកាសនោះអភិបាខេត្តបានថ្លែងថា “បើគ្មានធនធានមនុស្សទេ កុំនិយាយពីការអភិវឌ្ឍន៍ហើយត្រូវចាប់ផ្តើមពីយើងទាំងគ្នាក្នុងការថែរក្សាសុខសន្តិភាព”។“ធនធានមនុស្សមានសារសំខាន់ណាស់ នៅក្នុងការអភិវឌ្ឍន៍ និងការកសាងប្រទេសរបស់យើងឲ្យមានភាពរីកចម្រើន ដែលអាស្រ័យលើកត្តាប្រទេសជាតិមានសុខសន្តិភាពពេញលេញ។ អភិបាលខេត្ត បានបន្តថា តាមរយៈកំណែទម្រង់នានា របស់រាជរដ្ឋាភិបាល ធ្វើឱ្យវិស័យអប់រំមានការរីកចម្រើនខ្លាំង ព្រមទាំងសិស្សានុសិស្ស សប្បាយចិត្ត នៅក្នុងការខិតខំរៀនសូត្រ។ រីឯគ្រូបង្រៀន ក៏បានបំពេញកាតព្វកិច្ចជាគ្រូល្អ នៅតាមបណ្ដាសាលា និងថ្នាក់រៀនរបស់ខ្លួន។ ប្រការនេះ ធ្វើឱ្យខេត្តកំពង់ចាម ទទួលបានលទ្ធផលសិស្សប្រឡងមធ្យមសិក្សាទុតិយភូមិកន្លងទៅ ទទួលបាននិទ្ទេស A រហូតដល់ទៅ ៣២ នាក់។លទ្ធផលទាំងនោះ ជាការចូលរួមចំណែកទាំងអស់គ្នា របស់លោកគ្រូ អ្នកគ្រូ និងអាណាព្យាបាល និងគណៈគ្រប់គ្រងសាលា ព្រមទាំងមន្ទីរអប់រំយុវជននិងកីឡា។ អភិបាលខេត្ត បានឱ្យដឹងទៀតថា រាជរដ្ឋាភិបាល បានដាក់ចេញយុទ្ធសាស្ត្រចតុកោណដំណាក់កាលទី ៤ ក្នុងនោះមានវិស័យ ផ្លូវ,ទឹក,ភ្លើង,និងមនុស្ស ។ប៉ុន្តែមកដល់បច្ចុប្បន្ន គឺវិស័យធនធានមនុស្សបានឈរមកលំដាប់អទិភាពទី ១វិញ […]
សមត្ថកិច្ចចាប់ក្រុមលេងល្បែង៨នាក់មានអ្នកអន្តរាគមន៍សុំដោះលែង
កំពង់ស្ពឺ៖កម្លាំងនគរបាលស្រុកសំរោងទងបានចាប់ក្រុមញៀនល្បែងស៊ីសងមួយក្រុមមានមនុស្ស៨នាក់ក្នុងចំណោមច្រើននាក់ដែលបានរត់គេចខ្លួនពេលសមត្ថកិច្ចចុះទៅដល់។បង្ក្រាបស្ថិតក្នុងភូមិសន្តិភាពឃុំតាំងក្រូចស្រុកសំរោងទងខេត្តកំពង់ស្ពឺកាលពីរសៀលថ្ងៃទី២៩ ខែមេសា ឆ្នាំ២០២១។ ប្រជាពលរដ្ឋបានឱ្យដឹងថា៖ក្រុមអ្នកញៀនល្បែងស៊ីសងអាប៉ោងនេះមានការប្រមូលផ្តុំគ្នារាល់ថ្ងៃគឺមិនគោរពវិធានការនៃរាជរដ្ឋាភិបាលបញ្ហាកូវីដ-១៩សោះឡើយ។ប្រភពដដែលបានឱ្យដឹងទៀតថា៖ក្រុមនេះមានអ្នកកាងបើកទីតាំងជាខ្នងបង្អែករត់ការលេង២៤លើ២៤ម៉ោង រហូតអ្នកភូមិខ្លះមិនហ៊ានទៅជិតផង។ សមត្ថកិច្ចមូលដ្ឋានបានឱ្យដឹងថា៖ជនសង្ស័យដែលចាប់ខ្លួន,ឈ្មោះ អ៊ុយសុផាតអាយុ៦៣ឆ្នាំ ,ឈ្មោ យ៉ង តាំង ភេទស្រី អាយុ៤០ឆ្នាំ,ឈ្មោះ ណេន នីអាយុ៤២ឆ្នាំ,ឈ្មោះ ម៉ី វីន ភេទស្រី អាយុ៤៣ឆ្នាំ,ឈ្មោះ សៀម ម៉េងអាយុ៤២ឆ្នាំ,ឈ្មោះ ង៉ែត សំណាងអាយុ៣៧,ឆ្នាំឈ្មោះ ប៉ឹម សារុនអាយុ៣៥ឆ្នាំ,និងឈ្មោះ ស៊ីម ថុងអាយុ៤១ឆ្នាំអ្នកទាំង៨ រស់នៅក្នុងស្រុកគងពិសីខេត្តកំពង់ស្ពឺ ។ ប្រជាពលរដ្ឋដដែលបានឱ្យដឹងទៀតថា៖ក្រោយការបង្ក្រាបភ្លាមៗមានការអន្តរាគមន៍សុំដោះលែងមនុស្សមួយចំនួន តែត្រូវបានបដិសេធន៍ដោយកម្លាំងដែលចុះបំពេញបេសកម្មផ្ទាល់៕ដោយ៖ចំប៉ា
បើកម៉ូតូលឿនជ្រុលទៅបុកបង្គោលថ្មដួលបោកក្បាលស្លាប់
កំពង់ស្ពឺ៖យុវជនម្នាក់ជិះម៉ូតូលឿនជ្រុលទៅបុកបង្គោលថ្មតាមចិញ្ចើមផ្លូវបណ្តាលឱ្យដួលបោកក្បាលស្លាប់ភ្លាមនៅភូមិសាឡាំ ស្រុកបសេដ្ឋ ខេត្តកំពង់ស្ពី កាលពីយប់ទី១២ខែធ្នូឆ្នាំ២០២១។ សាក្សីបានឱ្យដឹងថា មុនពេលកើតហេតុមានបុរសម្នាក់ជិះម៉ូតូហុងដាឌ្រីមពីកើតទៅលិច ក្នុងល្បឿនលឿន។ស្រាប់តែម៉ូតូនេះ បានជ្រុលចង្កូតទៅបុក បង្គោលថ្មចំណាំងនៅតាមចិញ្ចើមផ្លូវ ពេញទំហឹងបណ្ដាលឱ្យដួលបោកក្បាលស្លាប់ភ្លាមតែម្ដង។ យុវជនដែលស្លាប់ឈ្មោះ ប៊ន ភឿន ភេទប្រុស អាយុ២០ឆ្នាំ រស់នៅភូមិព្រៃយ៉ាវ ឃុំស្រែខ្លុង ស្រុកជុំគីរី ខេត្តកំពត។បន្ទាប់ពីមានគ្រោះថ្នាក់សមត្ថកិច្ចបានចុះយកម៉ូតូទៅរក្សាទុកបណ្តោះអាសន្នដើម្បីរងចាំក្រុមគ្រួសារមកទទួលទៅវិញ៕