ភ្នំពេញ៖បុរសដែលជាមន្ត្រីចូលនិវត្តន៍មួយរូបពិតជាមានសំណាងបានឈ្នះប្រាក់រង្វាន់រហូតដល់១០ម៉ឺនដុល្លារអាមេរិកពីក្រុមហ៊ុនទូរស័ព្ទចល័តសែលកាតដោយគ្រាន់តែចូលរួមផ្ញើសារដើម្បីឈ្នះរង្វាន់ ជារៀងរាល់ថ្ងៃប៉ុណ្ណោះ ។
បន្ទាប់ពីឈ្នះប្រាក់រង្វាន់នេះដែរក្រុមការងារសែលកាត កាលថ្ងៃទី១៥ ខែមីនា ឆ្នាំ២០២០បានធ្វើដំណើរ ទៅកាន់ផ្ទះអតិថិជនរបស់ខ្លួនផ្ទាល់ដើម្បីផ្តល់រង្វាន់ដល់គេហដ្ឋានតែម្តង។អតិថិជនមានសំណាងរូបនេះមានឈ្មោះលោកជាង កក្កដា អតីតជាមន្ត្រីរាជការ មានអាស័យដ្ឋាន សង្កាត់ទឹកលក់ទី១ខណ្ឌទួលគោក រាជធានីភ្នំពេញ បានមានសំណាង ឈ្នះប្រាក់រង្វាន់ ១០ម៉ឺនដុល្លារអាមេរិក ។
នាឱកាសនេះដែរ លោក ជាងកក្កដាបានសម្តែងសេចក្តីត្រែកអរជាពន់ពេកដោយបានឈ្នះប្រាក់សុទ្ធយ៉ាងច្រើនសន្ធឹកសន្ធាប់រកស្មានមិនដល់នេះ។ បើតាមក្រុមហ៊ុនសែលកាតបានឱ្យដឹងថា ការនាំយកប្រាក់រង្វាន់ ទៅប្រគល់ជូន អតិថិជនរបស់ខ្លួន ដែលមានសំណាង ដល់គេហដ្ឋាននាពេលនេះ គឺជាការបង្ហាញយ៉ាងច្បាស់ អំពីការឈ្នះរង្វាន់ពិតៗ មិនមានការក្លែងបន្លំ ជូនដល់អតិថិជន របស់ខ្លួន៕ប៉ូ