កម្សាន្ត ព័ត៌មានសង្គម

តារាចម្រៀងមួយ​រូប​ចែក​ម៉ាស់​១​ម៉ឺន​ម៉ាស់​ឥតគិតថ្លៃ​​ដើម្បី​ចូលរួម​ទប់ស្កាត់​ការឆ្លង​វីរុស​កូ​រ៉ូ​ណា

ភ្នំពេញ៖តារាចម្រៀង​រូប​ស្រស់​សម្ផស្ស​ស្អាត​កញ្ញា​រតនៈ​ពិសី​បានប្រកាស​ចែក​ម៉ាស់​ដោយ​ឥតគិតថ្លៃ​ចំនួន​១​ម៉ឺន​ម៉ាស់​ដល់​ប្រជាពលរដ្ឋ​ទូទៅ​ដើម្បី​ជាការ​ចូលរួម​ទប់ស្កាត់​ការឆ្លង​វីរុស​កូ​រ៉ូ​ណា ដែល​គ្រប់គ្នា​កំពុង​ព្រួយបារម្ភ​នេះ និង​កុំឱ្យ​ជន​ឆ្លៀត​ឱកាសនិយម​លក់​ឡើង​ថ្លៃ ។​ ​កញ្ញា​រតនៈ​ពិសី​បាន​ប្រាប់ថា​កញ្ញា​នឹង​បន្ត​ចែក​រហូតដល់​ទៅ​១​ម៉ឺន​ម៉ាស់​ដើម្បី​បំពេញតម្រូវការ​ប្រជាពលរដ្ឋ​ខ្មែរ​ដែល​មិនសូវមាន​លទ្ធភាព​ទិញ​និង​កំពុងមាន​តម្រូវការ​ម៉ាស់​ស្រប​ពេលដែល​កន្លែង​លក់​ម៉ាស់​មួយចំនួន​ឆ្លៀតឱកាស​ឡើងថ្លៃ​។​ដំបូង​ឡើយ​ទើប​កញ្ញា​ក៏​ឆ្លៀត​ទៅ​ទិញ​ម៉ាស់​បាន​ប្រហែល​៥​ទៅ​៦​ពាន់​ម៉ាស់​ក្នុងតម្លៃ​ថ្លៃ​គួរសម​ដើម្បី​ចែកជូន​ដល់​បងប្អូន​ដែលមាន​តម្រូវការ​ហើយ​និង​បន្ត​ចែក​រហូតដល់​ទៅ​១​ម៉ឺន​ម៉ាស់ បន្ថែមទៀត​។​ ​ តារា​ស្រី​រូបនេះ​បាន​បន្ថែមថា​ការចែក​ម៉ាស់​នេះ​គឺ​នៅ​ទីតាំង​មុខ​ហាង​រតនៈ​ពិសី​ម៉ាស្សា​និង​ស្ប៉ា​ដែលមាន​ទីតាំង​ខាងលិច​ផ្សារ​អូឡាំពិក​ផ្ទះ​លេខ​២១​ផ្លូវ​លេខ​៣២៨​សង្កាត់​ទួល​ស្វាយព្រៃ​១​ខណ្ឌចំការមន​។​រតនៈ​ពិសី​បន្តថា​ប្រសិនបើ​ចែក​នៅមុខ​ហាង​មិន​អស់​នោះទេ​នាង​នឹង​បន្ត​ចែក​នៅតាម​ភ្លើងស្តុប​នានា​បន្ថែមទៀត​៕

កម្សាន្ត

តួ​ខ្មោច​ក្នុង​រឿង”​ថេ​ក​ចុងក្រោយ​”ជា​ស្រី​ស្អាត​ក្នុង​វិស័យ​ដើរ​ម៉ូត

ភ្នំពេញ​៖តួ​ខ្មោច​ក្នុង​រឿង“​ថេ​ក​ចុងក្រោយ​”របស់ផលិតកម្មអិលឌីដែលបានដាក់បញ្ចាំងហើយនោះការ ពិតជា​ស្រី​ស្អាតតារា​បង្ហាញ​ម៉ូ​ដែល​ក្នុង​វិស័យ​ដើរ​ម៉ូត​ម្នាក់​។ខ្មោច​ស្រី​ដែល​តាម​លង​ប​ង្លា​ច​ឱ្យ​ភ័យ​រន្ធត់​តាំងពី​ដើមរឿង​មក។ “​ថេ​ក​ចុងក្រោយ​”​ការពិត​តួ​ស្រីមាន​ឈ្មោះថា “​អេ​ឡា​” ឈ្មោះ​ពិត​គឺ មុន្នី វ៉ាន់​ច័ន្ទ​ពិសី ជាតា​រា​ម៉ូ​ដែល​ម្នាក់​កំពុង​បោះជំហាន មានកេរ្តិ៍ឈ្មោះ​ក្នុង​វិស័យ​បង្ហាញ​ម៉ូត​។ ​កញ្ញា អេ​ឡា បាន​ប្រាប់ថា ដំបូង​ឡើយ​នាង​មាន​អារម្មណ៍​ខ្លាច និង ស្ទើរតែ​មិន​ចង់​ថត​រឿងនេះ ឡើយ​ព្រោះ​សាច់រឿង​ជា​ខ្មោច មានការ​ពិបាក មាន​ប្លង់​ថត​នៅ​កន្លែង​ពិបាកៗ​ច្រើន​។ ប៉ុន្តែ ក្រោយពី​នាង​បាន​អាន​សាច់​ចប់​ហើយ មើលឃើញ​រឿងនេះ​ល្អទើប​នាង​ដាក់ចិត្ត​ខំប្រឹង​ឱ្យ​ចប់បើទោះបីជា​រឿង​មើលទៅ​គួរឱ្យខ្លាច​យ៉ាង​ក៏ដោយ​។ ពេល​ថត​រឿងនេះ​គ្មាន​ជួប​ខ្មោច​ពិតៗ អ្វី​ឡើយគ្រាន់តែ​ថត​ចប់​នាងរ​ត់ទៅ​ព្រះសង្ឃ ស្រោច​ទឹក​និង​ធ្វើបុណ្យ​ទៅវិញ​។ ​តារា​ស្រី​រូបនេះ​បាន​បញ្ជាក់ថា នាង​កើត​នៅ​រាជធានី​ភ្នំពេញ ជា​អ្នក​ភ្នំពេញ បច្ចុប្បន្ននេះ​មាន​វ័យ ២៣​ឆ្នាំ​។នាង​ប្រឡូក​ក្នុង​វិស័យ​សិល្បៈ​ចាប់​តាំង​ឆ្នាំ​២០១៦​មក​ដោយ​ផ្តើមចេញពី​អ្នក​បង្ហាញ ម៉ូត​។ សម្រាប់​ក្នុង​វិស័យ​ភាពយន្ត​នេះ នាង​ទើបតែ​ចាប់​ឈាន​ជើង​ចូល​សម្តែង​ក្នុង​ឆ្នាំ​២០១៩ ហើយ​លេច​មុខមាត់​ក្នុង​ឆ្នាំ​២០២០​នេះ​តែម្តង​។ រឿង “​ថេ​ក​ចុងក្រោយ​” នេះ​ជា​រឿង​ទី​មួយសម្រាប់ នាង​ដែល​បាន​ចូលប្រឡូក ហើយ​រឿង​ទី​១​ថត​ប៉ះចំ​រឿង​ខ្មោច​តែម្តង​។ កន្លងមក​នាង​ធ្លាប់តែ ថត​រឿង​ខ្លីៗ រឿង​បែប​អប់រំ ប៉ុណ្ណោះ ។ ​សូមបញ្ជាក់ថា ផលិតកម្ម​អិ​ល​ឌី (LD Picture)​បន្ទាប់ពី​ទទួលបាន​ជោគជ័យ​ខ្លាំង​លើ​ភាពយន្ត ខ្នាត​ធំ​រឿង “​នាឡិកា​ដាស់​វិញ្ញាណ​”​អ្នកនិពន្ធ​វ័យក្មេង​លោក នួន ម៉ូ​លីន​បាន​បញ្ចេញស្នាដៃ​ថ្មី របស់ខ្លួន ភាពយន្ត​បែប​ភ័យរន្ធត់ និង​អប់រំ​គឺ​រឿង “​ថេ​ក​ចុងក្រោយ​” […]

កម្សាន្ត

តារា​សិច​ស៊ីឈិនសៀវ​ម៉ីប៉ះ​នឹង​នាយ​គ្រឿនក្នុង​រឿង“​អ្នកស៊ើប​អង្កេត​បែក​ស្លុយ​”

​ភ្នំពេញ​៖តារា​សម្តែង​សិច​ស៊ី​រូប​ស្រស់ កញ្ញា ឈិន សៀវ​ម៉ី និង​តារា​កំប្លែង នាយ​គ្រឿន បាន​ប៉ះគ្នា​លើកដំបូង​ក្នុង​ភាពយន្ត​បែប​កំប្លែង​ខ្នាត​ធំ​គឺ​រឿង “​កំពូល​អ្នកស៊ើប​អង្កេត​បែក​ស្លុយ​”​។​ ​រឿង “​កំពូល​អ្នកស៊ើប​អង្កេត​បែក​ស្លុយ​” របស់​ផលិតកម្ម វី​ស៊ីន​( VCINE Production) បានប្រកាស​ដាក់បញ្ចាំ​ង​ជា​ផ្លូវការ​កាលពី​រាត្រី​ថ្ងៃទី​១៥ ខែមករា​ឆ្នាំ ២០២០ នៅ​រោងភាពយន្ត​Major Cineplex ។ នៅក្នុង​រឿងនេះ នាយ​គ្រឿន សម្ដែង​ជា​តួឯក​ប្រុស និង​ជា​អ្នកស៊ើប​អង្កេត​។ ប៉ុន្តែ​កំប្លែង​ដែលជា​អត្តសញ្ញាណ​របស់លោក​នៅ​តែមាន​ដដែល ពោល​គឺជា​អ្នកស៊ើប​អង្កេត​បែប​កំប្លែង​នេះឯង​។​ ​តួអង្គ​កំប្លែង នាយ​គ្រឿន បាន​ថ្លែងឱ្យដឹងថា រឿងនេះ​លោក​មាន​ឈុត​ល្អូក​ល្អឺ​ន​ជាមួយ​តួ​ស្រី ឈិន សៀវ​ម៉ី ដ៏​ស្រស់ស្អាត ច្រើនជាង​រឿង​កន្លងទៅ​។ នាយ គ្រឿន អះអាងថា សម្ដែង​កំប្លែង គឺមាន​ការលំបាក​ច្រើន ព្រោះ​ក្រៅពី​កាយវិការ ត្រូវ​រក​ពាក្យពេចន៍​មក​និយាយ​ឱ្យ​គេ​សើច​។ ដោយឡែក ឈុត​ស្នេហា ក៏​ពិបាក​មិន​ចាញ់​គ្នា​ដែរ​។ ប៉ុន្តែ​ត្រង់​ការសម្ដែង​ចូល​តួឱ្យ​វា​ស្និទ្ធ គឺ​នាយ​ហាក់​មិនទាន់​ល្អ​គ្រប់គ្រាន់ ព្រោះតែ​ខ្លាច​តួ​ស្រី​យល់​ផ្សេង​មកលើ​នាយ​។​ ​តួឯក​ស្រី​សាច់​ស​ដូច​បណ្តូលចេក បាន​និយាយថា ទោះបី​ជួបគ្នា​លើកដំបូង​មែន​ប៉ុន្តែ​មិនមាន​បញ្ហា​ប្រឈម​នឹង​ការសម្តែង​ឡើយ​។ នាង​ថា​កាន់តែ​ប្លែក​ក្រោយពី​នាង​បាន​សម្តែង​ក្នុង​ភាពយន្ត​កំប្លែង​មួយ​នេះ ដែលជា​ភាពយន្ត​ខ្នាត​ធំ​លើកដំបូង​។ នាង​មាន​សាច់រឿង​បែប​កំប្លែង និង​ឈុត​ឆាក​ថ្មី ក៏​បង្កប់​ដោយ​ទស្សនៈ​អប់រំ​ផងដែរ​។​ […]

កម្សាន្ត សេដ្ឋកិច្ច

ឌីអេនស៊ីម៉លបង្កើត​កម្មវិធី​អស្ចារ្យ​៤​កន្លែង​ក្នុងពេល​តែមួយ​

​ភ្នំពេញ​៖​ដើម្បី​អបអរ​ឆ្នាំ​ថ្មី​ដែល​ទើបនឹង​ឈានចូល​មកដល់​ក្រុមហ៊ុន​DNC​បាន​បង្កើត​កម្មវិធី​ផ្លេកបន្ទោរ​ដ៏​អស្ចារ្យ​មួយនា​ចុង​សប្តាហ៍​នេះ​នៅក្នុង​រាជធានី​ភ្នំពេញ​ដែល​ព្រឹត្តិការណ៍​នេះ​បាន​ប្រព្រឹត្ត​ទៅលើ​ទីតាំង​ចំនួន​៤ ក្នុងពេល​តែមួយ គឺ​ម៉ោង ៧ យប់ ថ្ងៃទី​១២ ខែមករា ឆ្នាំ​២០២០​។​ ​កម្មវិធី​ទាំង​៤​កន្លែង​នេះ​ក្រុមហ៊ុន​DNC​ចង់បង្ហាញ​ពី​ការផ្លាស់ប្ដូរ​ផ្នត់គំនិត​ទៅរក​ភាពទាន់សម័យ​កាល​នៃ​ទីក្រុង​ថ្មី​ដ៏​ទំនើប​ដែល​យើង​ចាប់ផ្ដើម​ដំបូង​DNCMall​។​ការផ្សព្វផ្សាយ​អ្វី​ទៅជា​DNC?​បាន​ត្រូវធ្វើឡើង​នៅ​៤​ទីតាំង​ផ្សារ​ទំនើប​អ៊ី​អន​១​ផ្សារ​ទំនើប​អ៊ី​អន​២​ផ្សារ​ទំនើប​អូ​ឡាំ​ព្យ៉ា​និង​មុខ​ព្រះបរមរាជវាំង​។​ ​កម្មវិធី​នេះ​មានការ​ចូលរួម​ពី​សមាជិក DNC និង​តារា​ហ្វេ​ស​ប៊ុ​ក​ល្បីៗ​និង​ស្រស់ស្អាត​ជាច្រើនរូប ព្រមទាំង​មានកម្ម​វិធី​សប្បាយៗ​ជាច្រើន​ដូចជា​រាំ​បទ​«​រាំ​អ​ញ្ចេ​ក​»​ដើម្បី​បង្ហាញជូន​ទស្សនិកជន​ដែលមាន​វត្ត​មាននៅ​ទីតាំង​នោះ​ផងដែរ​។​មិន​ត្រឹមតែ​ប៉ុណ្ណោះ​ក្រុមហ៊ុន​ក៏​នឹង​បង្កើត​ព្រឹត្តិការណ៍​កាន់តែ​អស្ចារ្យ​មួយទៀត​នៅ​ថ្ងៃទី​១៤ ខែកុម្ភៈ ឆ្នាំ​២០២០​ខាងមុខនេះ ដែល​ចំ​នឹង​ថ្ងៃ​ទិវា​នៃ​ក្តី​ស្រឡាញ់​តែម្តង​៕​សុផល ​

កម្សាន្ត សេដ្ឋកិច្ច

​តារាចម្រៀង​ម្នាក់​បោះទុន​វិនិយោគ​ជិត​៣​លាន​ដុល្លារ​លើ​គម្រោង​មី​នី​វីឡា​

ភ្នំពេញ​៖​តារាចម្រៀង​ឆាយ​វីរៈ​យុទ្ធ​បោះទុន​វិនិយោគ​ជិត​៣​លាន​ដុល្លារ​ស្រប​ពេលដែល​ទីផ្សារ​សិល្បៈ ចម្រៀង​កំពុងមាន​សន្ទុះ​ស្រាប់តែ​ពេលនេះ​គេ​បានដឹងថា​តារាចម្រៀង​ជួរមុខ​រូបនេះ​បាននិងកំពុង​បោះទុន​វិនិយោគ​ប្រមាណ​២​លាន​៦​សែន​ដុល្លារ​។​ ​ នៅពេល​ផ្តើមនិយាយ​ដល់​ការបោះ​ទុនវិនិយោគ​ដ៏​គួរឱ្យភ្ញាក់ផ្អើល​នេះ​បានធ្វើ​មហាជន​ងឿងឆ្ងល់​មិនតិច​ទេ​ថា​តើ​តារា​រូបនេះ​បោះទុន​រកស៊ី​អ្វី​បានជា​ប្រើ​ដើមទុន​ធំ​សម្បើម​ម្លេះ​?​ប៉ុន្តែ​យ៉ាងណា​ចម្ងល់​នេះ​ត្រូវបាន​បកស្រាយ​នៅ​ព្រឹក​ថ្ងៃទី​១១​មករា​២០២០​ដោយ​តារា​រូបនេះ​បាន​ប្រើ​ដើមទុន​វិនិយោគ​លើ​គម្រោង​មី​នី​វីឡា ដែលមាន​ទីតាំងនៅ​ភូមិ​ថ្នល់​បន្ទាយ សង្កាត់​ព​ន្សាំ​ង ខណ្ឌ​ព្រែក​ព្នៅ ។​ ​ចំពោះ​ព័ត៌មាន​នៃ​ការបោះ​ទុន​ដ៏​ធំ​សម្បើម​នា​ដើមឆ្នាំ​២០២០​នេះ លោក ឆាយ វីរៈ​យុទ្ធ បានឱ្យដឹងថា តាមពិតទៅ​គម្រោង​វិនិយោគ​នេះ​ពិតជា​ចំណាយ​ជិត​៣​លាន​ដុល្លារ​មែន​។​ប៉ុន្តែ​ជាការ​ចាប់ដៃគ្នា​វិនិយោគ​រវាង​រូបលោក​និង​លោក​ឧកញ៉ា​ម៉េ​ន​កា​នី​។​ដោយ​រូបលោក​ផ្ទាល់​មាន​ទុន​២៥​ភាគរយ​រីឯ​លោក​ឧកញ៉ា​ម៉េ​ន​កា​នី​មាន​ដើមទុន​ធំ​រហូត​៧៥​ភាគរយ​។​ ​លោក​ឧកញ៉ា​មេន​កា​នី​ប្រធាន​ក្រុមហ៊ុន​ជី​អឹម​ត្រេ​ឌី​ង​ក៏បាន​បញ្ជាក់​ផងដែរ​ថា​រូបលោក​ពិតជា​ជឿជាក់​ចំពោះ​ការវិនិយោគ​រួមគ្នា​ជាមួយនឹង​លោក ឆាយ វីរៈ​យុទ្ធ ហើយ​គិតថា គម្រោង Style Mini Villa GM ResidenceBaseth​នឹង​ទទួលបាន​ជោគជ័យ​ខ្ពស់​ដោយសារ​គម្រោង​ស្ថិតនៅលើ​ទីតាំង​ល្អ​ហើយ​ប្រកបដោយ​សោ​ភ័​ណ្ឌ​ភាព​ខ្ពស់​៕ ​

កម្សាន្ត

​​ថ្ងៃ​ជប់លៀង​ធំ​របស់​ទូរទស្សន៍​ប៉ុ​ស្ថិ៍​លេខ​៥មានតារា​ល្បី​ជាច្រើនចូលរួម

ភ្នំពេញ​៖​តារា​សម្តែង​ប្រុស​ស្រី​ល្បីឈ្មោះ​ជាច្រើនរូប​បានបង្ហាញ​វត្តមាន​ក្នុង​កម្មវិធី​ជប់លៀង​បុគ្គលិក​ប្រចាំឆ្នាំ​របស់​ទូរទស្សន៍ប៉ុស្តិ៍​លេខ​៥​។ កម្មវិធី​នេះ​ត្រូវបាន​ធ្វើឡើង​កាលពី​រាត្រី​ថ្ងៃទី​១០ ខែមករា​ឆ្នាំ ២០២០​នៅ​ភោជនីយដ្ឋាន​ទន្លេបាសាក់​២​។ ​សិល្បករ​ដែលមាន​វត្ត​មាន​ក្នុង​កម្មវិធី​នោះ​មានដូចជា​កញ្ញា ព្រះកាយ ច័ន្ទ កញ្ញា ដួង ម៉ា​និ​ច​លោ​កសន ពិសិដ្ឋ​កញ្ញា​ម៉ា​នី​កា​កញ្ញា​ផាត់​ផាន់​ណា​និង​សិល្បករ​ជាច្រើនរូប​ទៀត​។​លោក​សន​ពិសិដ្ឋ​បាន​បញ្ជាក់ថា​កន្លងមក​ថ្មីៗ​នេះ​លោក​ទើបនឹង​ចាប់ផ្តើម​ថត​ភាពយន្ត​ភាគ​មួយ​របស់​ទូរទស្សន៍​មួយ​នេះ​គឺ​រឿង​”​សម្បថ​និស្ស័យ​” រួមគ្នា​ជាមួយ​សិល្បករ​ជាច្រើនរូប​ទៀត​។ ​លោក​បាន​និយាយថា​កម្មវិធី​ជប់លៀង​បុគ្គលិក​មែន​។​ប៉ុន្តែ​សិល្បករ​មួយចំនួន​ក៏ត្រូវ​បាន​អញ្ជើញ​ជា​ភ្ញៀវកិត្តិយស​ផងដែរ​ដែល​បង្ហាញ​ពី​ការស្រឡាញ់​រាប់អាន​របស់​ផលិតករ​និង​ថ្នាក់ដឹកនាំ​ស្ថានីយទូរទស្សន៍​ជាមួយ​សិល្បករ​។​លោក​បាន​បញ្ជាក់ថា​ក្រៅពី​ផ្តល់​ការងារ​សម្រាប់​សិល្បករ​ទូរទស្សន៍​ក៏​ធ្លាប់បាន​បង្កើត​កម្មវិធី​ជួបជុំ​ជាច្រើន​បន្តបន្ទាប់​។​ដើម្បី​បង្កើត​រូបភាព​សកម្មភាព​ស្រឡាញ់​រាប់អាន​គ្នា​ទៅវិញទៅមក​។​ ​លោក​អរគុណ​សម្រាប់​ទូរទស្សន៍ប៉ុស្តិ៍​លេខ​៥​ដែល​បានផ្តល់​ឱកាស​សម្រាប់​លោក​និង​សិល្បករ​ជាច្រើន​ទៀត​ដើម្បី​ចូលរួម​ថត​ភាពយន្ត​ភាគ​ជា​បន្តបន្ទាប់​៕បូ​រិ​ន

កម្សាន្ត សន្តិសុខ

​​សមត្ថកិច្ចបញ្ជូនជន៧​នាក់​ទៅ​តុលាការ​ករណី​ពាកព័ន្ធករណីគ្រឿងញៀន​

សៀមរាប​៖​សមត្ថកិច្ច​បានជនសង្ស័យ​ចំនួន​៧​នាក់​រួម​និង​វត្ថុតាង​មួយចំនួន​បញ្ជូនទៅ​តុលាការ​នៅ​ថ្ងៃទី​៨​ខែមករា​ឆ្នាំ​២០២០​​ករណី​គ្រឿងញៀន​។

កម្សាន្ត ព័ត៌មានសង្គម

អដ្ឋិធាតុ​វៀតណាម​ជិត​៣០​ធ្វើ​មាតុភូមិនិវត្តន៍​ក្រោយ​ការរុករក​នៅ​ខេត្ត​ប៉ៃលិន​

​ប៉ៃលិន៖​អដ្ឋិធាតុ​កងទ័ព​ស្ម័គ្រចិត្ត​វៀតណាម​ដែល​បាន​ពលី​ជីវិត​ក្នុងសម័យ​សង្គ្រាម​នៅ​កម្ពុជា​សរុប​ជិត​៣០​អដ្ឋិធាតុ​ត្រូវបាន​ប្រគល់​និង​បញ្ជូន​ធ្វើ​មាតុភូមិនិវត្តន៍​ក្រោយ​ការរុករក​ឃើញ​នៅលើ​ទឹកដី​ខេត្ត​ប៉ៃលិន​។ ​ក្រោម​កិច្ចសហការ​រួមមួយ រវាង​គណៈកម្មាធិការ​ប្រជាជន​ខេត្ត​ឡុង​អាន នៅ​ថ្ងៃទី​៧ ខែមករា​ឆ្នាំ​២០២០​អាជ្ញាធរខេត្ត​ប៉ៃលិន​បានប្រគល់​នូវ​អដ្ឋិធាតុ​ជិត​ចំនួន​២៧​ដំណាក់កាល​ទី​១៩​បន្ថែមទៀត​ជូន​ដល់​មន្ត្រី​ក្រុមការងារ​វៀតណាម​ធ្វើ​មាតុភូមិនិវត្តន៍​ទៅកាន់​ស្រុកកំណើត​វិញ​។​ ​លោក​ផាន់​ចាន់​ធុល​អភិបាលខេត្ត​ប៉ៃលិន​បាន​លើកឡើងថា​÷​ការ​ពលី​អាយុជីវិត​របស់​កងទ័ព​វៀតណាម​នៅលើ​ទឹកដី​កម្ពុជា​បានរួម​ចំណែក​ក្នុង​ការរំដោះ​ប្រទេសជាតិ​កម្ពុជា​ឱ្យមាន​សុខសន្តិភាព​រហូតមក​ដល់​បច្ចុប្បន្ន​។​ ដូចនេះ​អាជ្ញាធរ​គ្រប់​ជាន់ថ្នាក់​និង​កងកម្លាំងប្រដាប់អាវុធ​ពាក់ព័ន្ធ​រួមទាំង​ប្រជាពលរដ្ឋនៅក្នុង​ខេត្ត​ទាំងមូល​ត្រូវ​បន្ត​ខិតខំ​លើកកម្ពស់​សហប្រតិបត្តិ​ការ​និង​បង្កលក្ខណៈ​ងាយស្រួល​ដល់​ដំណើរការ​ស្វែង​រុករក​អដ្ឋិធាតុ​កងទ័ព​ ​លោក ផាន់​ចាន់​ធុល​ក៏មាន​បំណង​ចង់ឱ្យ​ខេត្ត​ប៉ៃលិន​-​ឡុង​អាន​ភ្ជាប់​ចំណង​សម្ព័ន្ធមេត្រីភាព​ជាមួយគ្នា ដើម្បី​បង្កើន​កិច្ចសហប្រតិបត្តិការ​លើ​វិស័យ​មួយចំនួន ដូចជា​វិស័យសេដ្ឋកិច្ច​,​ពាណិជ្ជកម្ម​,​ទេសចរណ៍ ,​កសិកម្ម​,​វិស័យ​បណ្តុះបណ្តាល​ធនធានមនុស្ស​និង​កីឡា​ជាដើម​។​បាន​ផ្លាស់ប្តូ​បទពិសោធន៍​ពីគ្នា​ទៅវិញទៅមក​លើ​កិច្ចការ​សង្គម និង​ពង្រឹងសមត្ថភាព​យុវជន ថែរក្សា​ការពារ​សន្តិសុខ​សណ្តាប់ធ្នាប់​សង្គម ។​ ​ ជាការ​ឆ្លើយតប​លោក​ផាម​វ៉ាន់​កាញ់​អនុប្រធាន​គណៈកម្មាធិកា​រ​ប្រជាជន​ខេត្ត​ឡុង​អាន​បាន​អរគុណ​ដល់​កងកម្លាំង​ប្រដាប់អាវុធ​មន្ត្រីរាជការ​គ្រប់​ជាន់ថ្នាក់​បន្ត​កិច្ចសហប្រតិបត្តិការ​ល្អ​។​ពិសេស​លើ​ការងារ​រុករក​អដ្ឋិធាតុ​កងទ័ព​ស្ម័គ្រចិត្ត​វៀតណាម​ដែល​នៅ​សេសសល់​ក្នុងភូមិ​សាស្ត្រ​ក្រុងប៉ៃលិន​ស្រុក​សាលា​ក្រៅ​និង​បញ្ជូន​ធ្វើ​មាតុភូមិនិវត្តន៍ ដំណាក់កាល​ទី​១៩ នៅ​រដូវប្រាំង​ឆ្នាំ​២០១៩-២០២០​។​ ​គួរ​បញ្ជាក់ថា​៖​ការរុករក​ជីក​គាស់​អដ្ឋិធាតុ​កងទ័ព​វៀតណាម​ក្នុងភូមិ​សាស្ត្រ​ខេត្ត​ប៉ៃលិន​ចាប់តាំងពី​ឆ្នាំ​២០០៥​ដល់​បច្ចុប្បន្ន​សរុប​ចំនួន​១០៥​អដ្ឋិធាតុ​។​ដោយឡែក​នៅក្នុង​ឆ្នាំ​២០១៩=២០២០​នេះ​ក្រុមការងារ​ជំនាញ​រុករ​កបាន​២៧​អដ្ឋិធាតុ​បន្ថែមទៀត និង​ទីតាំង​ទទួលបាន​ព័ត៌មាន​ចំនួន​៩​ទីតាំង​ផងដែរ ៕

កម្សាន្ត ព័ត៌មានសង្គម

ភ្ញៀវ​មានការ​កើនឡើង​នៅ​តំបន់ទេសចរណ៍​ក្នុងខេត្តក្រចេះ​

ក្រចេះ​៖​បង្ហាញ​តំបន់​អេកូ​ទេសចរណ៍​សំខាន់ៗ​ក្នុង​ខេត្តក្រចេះ​សហគមន៍​អេកូ​ទេសចរណ៍​កោះ​ទ្រង់ តំបន់​ទេសចរណ៍​អន្លង​ផ្សោត​កាំ​ពី និង​រមណីយដ្ឋាន​ទឹក​ជួរ​កាំ​ពី​ស្ថិតក្នុង​ក្រុង​ក្រចេះ និង​ស្រុក​ចិត្រ​បុរី មាន​សក្តានុពល​ខ្លាំង​ក្នុងការ​ទាក់ទាញ​ភ្ញៀវ​ទេសចរណ៍​មកលេង​កម្សាន្ត​។​ ​លោក ទុយ សុ​វណ្ណា មេឃុំ​សំបុក ស្រុក​ចិត្រ​បុរី ខេត្តក្រចេះ បានឱ្យដឹង​ថា​តំបន់​រមណីយដ្ឋាន​អន្លង់​ផ្សោត​និង​ទឹក​ជួរ​កាំ​ពី​មាន​ចម្ងាយ​១៥​គីឡូម៉ែត្រ​ពី​ទី​រួម​ខេត្តក្រចេះ ។ តំបន់​អេកូ​ទេសចរណ៍​នេះ បានកើត​ឡើង​តាំងពី​សម័យ​សង្គមចាស់​មក​ម្លេះ​។ ដោយ​កាលសម័យ​នោះ​ប្រជាពលរដ្ឋ​មកលេង​កម្សាន្ត​ដោយ​ជិះ​កង់​និង​ម៉ូតូ​។​ដោយឡែក​នូវ​សម័យនេះ​បងប្អូន​មកលេង​កម្សាន្ត​ជិះឡាន​ម៉ូតូ​គ្រប់គ្នា​នេះ​គឺ​ដោយសារ​ប្រទេស​មាន​សន្តិភាព​និង​កា​រីកចម្រើន​។​ ​ លោក​បន្តថា​កត្តា​ដែល​ទាក់ទាញ​ភ្ញៀវ​ទេសចរណ៍​មកលេង​កម្សាន្ត​ច្រើន​ទី​១​រមណីយដ្ឋាន​អន្លង់​ផ្សោត ទី​២ រមណីយដ្ឋាន​ទឹក​ជួរ​ព្រែក​កាំ​ពី ព្រះវិហារ​សសរ​១០០ និង​ក្តៅ ជាដើម​។​លោក ជួប រតនា ប្រធាន​មន្ទីរ​ទេសចរណ៍​ខេត្តក្រចេះ បានឱ្យដឹងថា ក្នុងឱកាស​ពិធីបុណ្យ​ចូលឆ្នាំ​សកល​២០២០​នេះ មន្ទីរ​ទេសចរណ៍​ខេត្ត​បានរៀបចំរ​មណី​យ​ដ្ឋា​ន​សំខាន់ៗ​។ សហគមន៍​អេកូ​ទេសចរណ៍​កោះ​ទ្រង់​តំបន់​ទេសចរណ៍​អន្លង​ផ្សោត​កាំ​ពី និង​រមណីយដ្ឋាន​ទឹក​ជួរ​កាំ​ពី​ស្ថិតក្នុង​ក្រុង​ករចេះ​និង​ស្រុក​ចិត្រ​បុរី តំបន់​អេកូ​កោះ​ស៊ា​មសិ​ប ព្រះវិហារ​សសរ​១០០ និង​រមណីយដ្ឋាន​កោះ​ផ្ដៅ​ស្ថិត​ក្នុងស្រុក​សំបូរ ។ ​ទន្ទឹមនឹងនោះ​អ្វីដែល​គួរឱ្យគត់សម្គាល់​នោះ​គឺ​រមណីយដ្ឋាន​កោះ​ទ្រង់​និង​រមណីយ​ទឹក​ជួរ​កាំ​ពី​ដែលជា​តំបន់​មាន​ភាព​ទាក់ទាញ​ដល់​ភ្ញៀវ​ទេសចរណ៍​ជាតិ​និង​អន្តរជាតិ​មកលេង​កម្សាន្ត​យ៉ាងច្រើន​កុះករ​ទាំង​ថ្ងៃ​បុណ្យជាតិ និង​ថ្ងៃ​ឈប់សម្រាក់​ជាដើម ។​ ​លោក​បាន​បន្តថា​សម្រាប់​ឆ្លងឆ្នាំសកលភ្ញៀវ​ទេសចរណ៍​អន្តរជាតិ​មានការ​កើនឡើង​៥​ភាគរយ​នឹង​ភ្ញៀវ​ជាតិ​កើន​១០​ភាគរយ បើ​ប្រៀបធៀប​នឹង​ឆ្នាំ​២០១៨​។ ទោះបីជា​ខេត្តក្រចេះ មិនបាន​រៀបចំ​ពិធី Concert Evin និង​កម្មវិធី Countdown ដូច​ខេត្ត​ដទៃ ប៉ុន្តែ​បងប្អូន​ប្រជាពលរដ្ឋ បាននាំគ្នា​ដើរលេង​លក្ខណៈ​ជា​ក្រុម ដូចជា​បោះ​ជ​ម្រុំ​នៅលើ​កោះ​ទ្រង់ ។​ ​ជាមួយគ្នា​នោះ​លោក​បាន​បញ្ជាក់ថា​ផែនការ​សម្រាប់​ពិធីបុណ្យ​ឆ្លង​ឆ្នាំ​នៅ​ឆ្នាំក្រោយៗ​ទៀត​មន្ទីរ​ទេសចរណ៍​ខេត្ត និង​សហការ​ជាមួយ​គ្រប់ភាគី​ពាក់ព័ន្ធ ដើម្បី​រៀបចំ​ឱ្យមាន​កម្មវិធី Evin […]

កម្សាន្ត ព័ត៌មានសង្គម

កម្ពុជា​ធ្វើជាម្ចាស់​ផ្ទះការ​ប្រកួត​វគ្គ​ផ្ដាច់ព្រ័ត្រ​នូវ​កម្មវិធី​ប្រឡង​បវរកញ្ញា​ទេសចរណ៍​អន្តរជាតិ​ពិភពលោក

ភ្នំពេញ​៖​កម្ពុជា​ត្រូវបាន​ជ្រើសរើស​ឱ្យធ្វើជា​ផ្ទះការ​ប្រកួត​វគ្គ​ផ្ដាច់ព្រ័ត្រ​នូវ​កម្មវិធី​ប្រឡង​បវរកញ្ញាទេសចរណ៍​អន្តរជាតិ​ពិភពលោក​លើក​ទី​១៣ (The 13th Miss Tourism Metropolitan InternationalWoldPageant)​នៅ​សណ្ឋាគារ​NagaWoldII​នា​រាត្រី​ថ្ងៃទី​១៤​ខែធ្នូ​ឆ្នាំ​២០១៩​ដោយ​រំពឹង​ទទួលបាន​ការជួយ​ផ្សព្វផ្សាយ​ពី​គោលដៅ​ទេសចរណ៍​កាន់តែ​ទូលំទូលាយ​ថែមទៀត​។​ ​កម្មវិធី​នេះ​រៀបចំ​ដោយ​ក្រុមហ៊ុន​D’TouchInternationalSdn.Bhd.​សហការ​គាំទ្រ​ដោយ​ក្រសួងទេសចរណ៍​និង​ក្រសួង​វប្បធម៌​និង​វិចិត្រសិល្បៈ​ហើយ​ធ្វើឡើង​ក្រោម​វត្តមាន​លោក​សូ​ម៉ា​រ៉ា​រដ្ឋលេខាធិការ​ក្រសួងទេសចរណ៍​អមដោយ​លោក​TanSriDatukDannyOoi​ស្ថាបនិក​នៃ​កម្មវិធី​ប្រកួត​បរ​វ​កញ្ញា​ទេសចរណ៍​អន្តរជាតិ​ពិភពលោក ព្រមទាំង​បណ្ដា​ឯកអគ្គ​រាជ​-​រដ្ឋទូត​នានា និង​អ្នកចូលរួម​ទស្សនា​ប្រមាណ​ជាង ២,០០០​នាក់​។​ ​ព្រឹត្តិការណ៍​នេះដែរ​ក៏ត្រូវ​បានធ្វើកា​ផ្សាយ​បន្ត​តាមរយៈ​ទូរទស្សន៍​ជាតិ​-​អន្តរជាតិ​មួយចំនួន​ព្រមទាំង​បណ្តាញ​ផ្សព្វផ្សាយ​សង្គម​នានា​ដែលមាន​អ្នកទស្សនា​រាប់លាន​នាក់​។​កម្ពុជា​ត្រូវបាន​ជ្រើសរើស​ជា​ម្ចាស់ផ្ទះ​ជា​លើក​ទី​២ ក្នុង​ការរៀបចំ​កម្មវិធី​ប្រកួត​បរ​វក​ញ្ញា​ទេសចរណ៍​អន្តរជាតិ​ពិភពលោក​លើក​ទី​១៣ ដែលមាន​បវរកញ្ញា​មកពី​៣០​ប្រទេស​ជុំវិញ​ពិភពលោក​ចូលរួម​។​ ​លោក​បាន​ថ្លែងថា នេះ​ជា​ឱកាស​សម្រាប់​កម្ពុជា​ក្នុងការ​ឃោសនា​ផ្សព្វផ្សាយ​លើកកម្ពស់ «​ទេសចរណ៍ វប្បធម៌ និង​មិត្តភាព​» និង​បន្ត​ផ្សព្វផ្សាយ​ពី «​កម្ពុជា​៖ ព្រះរាជាណាចក្រ​អច្ឆរិយៈ ផ្ដល់​ភាពកក់ក្ដៅ​» និង​ចលនា​ប្រលងប្រណាំង​«​ទីក្រុង​ស្អាត​រមណីយដ្ឋាន​ស្អាត​សេវា​ល្អ​បដិសណ្ឋារកិច្ច​ល្អ​»​និង​«​ឆ្នេរសមុទ្រ​កម្ពុជា​ជាតា​រា​រះ​នា​ទិសនិរតី​»​ទៅលើ​ឆាក​អន្តរជាតិ​ឲ្យ​គេ​ស្គាល់​កម្ពុជា​កាន់តែច្រើន​ថែមទៀត​។​ ​បវរកញ្ញា​ទេសចរណ៍​អន្តរជាតិ​ពិភពលោក​ទាំង​៣០​រូប​នឹង​ក្លាយជា​ឯកអគ្គរដ្ឋទូត​សុ​ឆន្ទៈ​តំណាងឱ្យ​ទេសចរណ៍វប្បធម៌​និង​មិត្តភាព​សម្រាប់​ប្រជាជន​ទូទាំង​ពិភពលោក​។​ព្រមជាមួយ​គ្នា​នោះ​ក៏បាន​ផ្លាស់ប្តូរ​និង​ពាំនាំ​អនុស្សាវរីយ៍​ល្អៗ​នៅ​កម្ពុជា​ទៅកាន់​ប្រទេស​ពួកគេ​ដែលជា​មធ្យោបាយ​ផ្សព្វផ្សាយ​ដ៏​មាន​ប្រសិទ្ធភាព និង​ភាពជឿជាក់​៕