កម្សាន្ត – Page 14

កម្សាន្ត សេដ្ឋកិច្ច

ឌីអេនស៊ីម៉លបង្កើតកម្មវិធីអស្ចារ្យ៤កន្លែងក្នុងពេលតែមួយ

ភ្នំពេញ៖ដើម្បីអបអរឆ្នាំថ្មីដែលទើបនឹងឈានចូលមកដល់ក្រុមហ៊ុនDNCបានបង្កើតកម្មវិធីផ្លេកបន្ទោរដ៏អស្ចារ្យមួយនាចុងសប្តាហ៍នេះនៅក្នុងរាជធានីភ្នំពេញដែលព្រឹត្តិការណ៍នេះបានប្រព្រឹត្តទៅលើទីតាំងចំនួន៤ ក្នុងពេលតែមួយ គឺម៉ោង ៧ យប់ ថ្ងៃទី១២ ខែមករា ឆ្នាំ២០២០។ កម្មវិធីទាំង៤កន្លែងនេះក្រុមហ៊ុនDNCចង់បង្ហាញពីការផ្លាស់ប្ដូរផ្នត់គំនិតទៅរកភាពទាន់សម័យកាលនៃទីក្រុងថ្មីដ៏ទំនើបដែលយើងចាប់ផ្ដើមដំបូងDNCMall។ការផ្សព្វផ្សាយអ្វីទៅជាDNC?បានត្រូវធ្វើឡើងនៅ៤ទីតាំងផ្សារទំនើបអ៊ីអន១ផ្សារទំនើបអ៊ីអន២ផ្សារទំនើបអូឡាំព្យ៉ានិងមុខព្រះបរមរាជវាំង។ កម្មវិធីនេះមានការចូលរួមពីសមាជិក DNC និងតារាហ្វេសប៊ុកល្បីៗនិងស្រស់ស្អាតជាច្រើនរូប ព្រមទាំងមានកម្មវិធីសប្បាយៗជាច្រើនដូចជារាំបទ«រាំអញ្ចេក»ដើម្បីបង្ហាញជូនទស្សនិកជនដែលមានវត្តមាននៅទីតាំងនោះផងដែរ។មិនត្រឹមតែប៉ុណ្ណោះក្រុមហ៊ុនក៏នឹងបង្កើតព្រឹត្តិការណ៍កាន់តែអស្ចារ្យមួយទៀតនៅថ្ងៃទី១៤ ខែកុម្ភៈ ឆ្នាំ២០២០ខាងមុខនេះ ដែលចំនឹងថ្ងៃទិវានៃក្តីស្រឡាញ់តែម្តង៕សុផល

កម្សាន្ត សេដ្ឋកិច្ច

តារាចម្រៀងម្នាក់បោះទុនវិនិយោគជិត៣លានដុល្លារលើគម្រោងមីនីវីឡា

ភ្នំពេញ៖តារាចម្រៀងឆាយវីរៈយុទ្ធបោះទុនវិនិយោគជិត៣លានដុល្លារស្របពេលដែលទីផ្សារសិល្បៈ ចម្រៀងកំពុងមានសន្ទុះស្រាប់តែពេលនេះគេបានដឹងថាតារាចម្រៀងជួរមុខរូបនេះបាននិងកំពុងបោះទុនវិនិយោគប្រមាណ២លាន៦សែនដុល្លារ។ នៅពេលផ្តើមនិយាយដល់ការបោះទុនវិនិយោគដ៏គួរឱ្យភ្ញាក់ផ្អើលនេះបានធ្វើមហាជនងឿងឆ្ងល់មិនតិចទេថាតើតារារូបនេះបោះទុនរកស៊ីអ្វីបានជាប្រើដើមទុនធំសម្បើមម្លេះ?ប៉ុន្តែយ៉ាងណាចម្ងល់នេះត្រូវបានបកស្រាយនៅព្រឹកថ្ងៃទី១១មករា២០២០ដោយតារារូបនេះបានប្រើដើមទុនវិនិយោគលើគម្រោងមីនីវីឡា ដែលមានទីតាំងនៅភូមិថ្នល់បន្ទាយ សង្កាត់ពន្សាំង ខណ្ឌព្រែកព្នៅ ។ ចំពោះព័ត៌មាននៃការបោះទុនដ៏ធំសម្បើមនាដើមឆ្នាំ២០២០នេះ លោក ឆាយ វីរៈយុទ្ធ បានឱ្យដឹងថា តាមពិតទៅគម្រោងវិនិយោគនេះពិតជាចំណាយជិត៣លានដុល្លារមែន។ប៉ុន្តែជាការចាប់ដៃគ្នាវិនិយោគរវាងរូបលោកនិងលោកឧកញ៉ាម៉េនកានី។ដោយរូបលោកផ្ទាល់មានទុន២៥ភាគរយរីឯលោកឧកញ៉ាម៉េនកានីមានដើមទុនធំរហូត៧៥ភាគរយ។ លោកឧកញ៉ាមេនកានីប្រធានក្រុមហ៊ុនជីអឹមត្រេឌីងក៏បានបញ្ជាក់ផងដែរថារូបលោកពិតជាជឿជាក់ចំពោះការវិនិយោគរួមគ្នាជាមួយនឹងលោក ឆាយ វីរៈយុទ្ធ ហើយគិតថា គម្រោង Style Mini Villa GM ResidenceBasethនឹងទទួលបានជោគជ័យខ្ពស់ដោយសារគម្រោងស្ថិតនៅលើទីតាំងល្អហើយប្រកបដោយសោភ័ណ្ឌភាពខ្ពស់៕

កម្សាន្ត

ថ្ងៃជប់លៀងធំរបស់ទូរទស្សន៍ប៉ុស្ថិ៍លេខ៥មានតារាល្បីជាច្រើនចូលរួម

ភ្នំពេញ៖តារាសម្តែងប្រុសស្រីល្បីឈ្មោះជាច្រើនរូបបានបង្ហាញវត្តមានក្នុងកម្មវិធីជប់លៀងបុគ្គលិកប្រចាំឆ្នាំរបស់ទូរទស្សន៍ប៉ុស្តិ៍លេខ៥។ កម្មវិធីនេះត្រូវបានធ្វើឡើងកាលពីរាត្រីថ្ងៃទី១០ ខែមករាឆ្នាំ ២០២០នៅភោជនីយដ្ឋានទន្លេបាសាក់២។ សិល្បករដែលមានវត្តមានក្នុងកម្មវិធីនោះមានដូចជាកញ្ញា ព្រះកាយ ច័ន្ទ កញ្ញា ដួង ម៉ានិចលោកសន ពិសិដ្ឋកញ្ញាម៉ានីកាកញ្ញាផាត់ផាន់ណានិងសិល្បករជាច្រើនរូបទៀត។លោកសនពិសិដ្ឋបានបញ្ជាក់ថាកន្លងមកថ្មីៗនេះលោកទើបនឹងចាប់ផ្តើមថតភាពយន្តភាគមួយរបស់ទូរទស្សន៍មួយនេះគឺរឿង”សម្បថនិស្ស័យ” រួមគ្នាជាមួយសិល្បករជាច្រើនរូបទៀត។ លោកបាននិយាយថាកម្មវិធីជប់លៀងបុគ្គលិកមែន។ប៉ុន្តែសិល្បករមួយចំនួនក៏ត្រូវបានអញ្ជើញជាភ្ញៀវកិត្តិយសផងដែរដែលបង្ហាញពីការស្រឡាញ់រាប់អានរបស់ផលិតករនិងថ្នាក់ដឹកនាំស្ថានីយទូរទស្សន៍ជាមួយសិល្បករ។លោកបានបញ្ជាក់ថាក្រៅពីផ្តល់ការងារសម្រាប់សិល្បករទូរទស្សន៍ក៏ធ្លាប់បានបង្កើតកម្មវិធីជួបជុំជាច្រើនបន្តបន្ទាប់។ដើម្បីបង្កើតរូបភាពសកម្មភាពស្រឡាញ់រាប់អានគ្នាទៅវិញទៅមក។ លោកអរគុណសម្រាប់ទូរទស្សន៍ប៉ុស្តិ៍លេខ៥ដែលបានផ្តល់ឱកាសសម្រាប់លោកនិងសិល្បករជាច្រើនទៀតដើម្បីចូលរួមថតភាពយន្តភាគជាបន្តបន្ទាប់៕បូរិន

កម្សាន្ត សន្តិសុខ

សមត្ថកិច្ចបញ្ជូនជន៧នាក់ទៅតុលាការករណីពាកព័ន្ធករណីគ្រឿងញៀន

សៀមរាប៖សមត្ថកិច្ចបានជនសង្ស័យចំនួន៧នាក់រួមនិងវត្ថុតាងមួយចំនួនបញ្ជូនទៅតុលាការនៅថ្ងៃទី៨ខែមករាឆ្នាំ២០២០ករណីគ្រឿងញៀន។

កម្សាន្ត ព័ត៌មានសង្គម

អដ្ឋិធាតុវៀតណាមជិត៣០ធ្វើមាតុភូមិនិវត្តន៍ក្រោយការរុករកនៅខេត្តប៉ៃលិន

ប៉ៃលិន៖អដ្ឋិធាតុកងទ័ពស្ម័គ្រចិត្តវៀតណាមដែលបានពលីជីវិតក្នុងសម័យសង្គ្រាមនៅកម្ពុជាសរុបជិត៣០អដ្ឋិធាតុត្រូវបានប្រគល់និងបញ្ជូនធ្វើមាតុភូមិនិវត្តន៍ក្រោយការរុករកឃើញនៅលើទឹកដីខេត្តប៉ៃលិន។ ក្រោមកិច្ចសហការរួមមួយ រវាងគណៈកម្មាធិការប្រជាជនខេត្តឡុងអាន នៅថ្ងៃទី៧ ខែមករាឆ្នាំ២០២០អាជ្ញាធរខេត្តប៉ៃលិនបានប្រគល់នូវអដ្ឋិធាតុជិតចំនួន២៧ដំណាក់កាលទី១៩បន្ថែមទៀតជូនដល់មន្ត្រីក្រុមការងារវៀតណាមធ្វើមាតុភូមិនិវត្តន៍ទៅកាន់ស្រុកកំណើតវិញ។ លោកផាន់ចាន់ធុលអភិបាលខេត្តប៉ៃលិនបានលើកឡើងថា÷ការពលីអាយុជីវិតរបស់កងទ័ពវៀតណាមនៅលើទឹកដីកម្ពុជាបានរួមចំណែកក្នុងការរំដោះប្រទេសជាតិកម្ពុជាឱ្យមានសុខសន្តិភាពរហូតមកដល់បច្ចុប្បន្ន។ ដូចនេះអាជ្ញាធរគ្រប់ជាន់ថ្នាក់និងកងកម្លាំងប្រដាប់អាវុធពាក់ព័ន្ធរួមទាំងប្រជាពលរដ្ឋនៅក្នុងខេត្តទាំងមូលត្រូវបន្តខិតខំលើកកម្ពស់សហប្រតិបត្តិការនិងបង្កលក្ខណៈងាយស្រួលដល់ដំណើរការស្វែងរុករកអដ្ឋិធាតុកងទ័ព លោក ផាន់ចាន់ធុលក៏មានបំណងចង់ឱ្យខេត្តប៉ៃលិន-ឡុងអានភ្ជាប់ចំណងសម្ព័ន្ធមេត្រីភាពជាមួយគ្នា ដើម្បីបង្កើនកិច្ចសហប្រតិបត្តិការលើវិស័យមួយចំនួន ដូចជាវិស័យសេដ្ឋកិច្ច,ពាណិជ្ជកម្ម,ទេសចរណ៍ ,កសិកម្ម,វិស័យបណ្តុះបណ្តាលធនធានមនុស្សនិងកីឡាជាដើម។បានផ្លាស់ប្តូបទពិសោធន៍ពីគ្នាទៅវិញទៅមកលើកិច្ចការសង្គម និងពង្រឹងសមត្ថភាពយុវជន ថែរក្សាការពារសន្តិសុខសណ្តាប់ធ្នាប់សង្គម ។ ជាការឆ្លើយតបលោកផាមវ៉ាន់កាញ់អនុប្រធានគណៈកម្មាធិការប្រជាជនខេត្តឡុងអានបានអរគុណដល់កងកម្លាំងប្រដាប់អាវុធមន្ត្រីរាជការគ្រប់ជាន់ថ្នាក់បន្តកិច្ចសហប្រតិបត្តិការល្អ។ពិសេសលើការងាររុករកអដ្ឋិធាតុកងទ័ពស្ម័គ្រចិត្តវៀតណាមដែលនៅសេសសល់ក្នុងភូមិសាស្ត្រក្រុងប៉ៃលិនស្រុកសាលាក្រៅនិងបញ្ជូនធ្វើមាតុភូមិនិវត្តន៍ ដំណាក់កាលទី១៩ នៅរដូវប្រាំងឆ្នាំ២០១៩-២០២០។ គួរបញ្ជាក់ថា៖ការរុករកជីកគាស់អដ្ឋិធាតុកងទ័ពវៀតណាមក្នុងភូមិសាស្ត្រខេត្តប៉ៃលិនចាប់តាំងពីឆ្នាំ២០០៥ដល់បច្ចុប្បន្នសរុបចំនួន១០៥អដ្ឋិធាតុ។ដោយឡែកនៅក្នុងឆ្នាំ២០១៩=២០២០នេះក្រុមការងារជំនាញរុករកបាន២៧អដ្ឋិធាតុបន្ថែមទៀត និងទីតាំងទទួលបានព័ត៌មានចំនួន៩ទីតាំងផងដែរ ៕

កម្សាន្ត ព័ត៌មានសង្គម

ភ្ញៀវមានការកើនឡើងនៅតំបន់ទេសចរណ៍ក្នុងខេត្តក្រចេះ

ក្រចេះ៖បង្ហាញតំបន់អេកូទេសចរណ៍សំខាន់ៗក្នុងខេត្តក្រចេះសហគមន៍អេកូទេសចរណ៍កោះទ្រង់ តំបន់ទេសចរណ៍អន្លងផ្សោតកាំពី និងរមណីយដ្ឋានទឹកជួរកាំពីស្ថិតក្នុងក្រុងក្រចេះ និងស្រុកចិត្របុរី មានសក្តានុពលខ្លាំងក្នុងការទាក់ទាញភ្ញៀវទេសចរណ៍មកលេងកម្សាន្ត។ លោក ទុយ សុវណ្ណា មេឃុំសំបុក ស្រុកចិត្របុរី ខេត្តក្រចេះ បានឱ្យដឹងថាតំបន់រមណីយដ្ឋានអន្លង់ផ្សោតនិងទឹកជួរកាំពីមានចម្ងាយ១៥គីឡូម៉ែត្រពីទីរួមខេត្តក្រចេះ ។ តំបន់អេកូទេសចរណ៍នេះ បានកើតឡើងតាំងពីសម័យសង្គមចាស់មកម្លេះ។ ដោយកាលសម័យនោះប្រជាពលរដ្ឋមកលេងកម្សាន្តដោយជិះកង់និងម៉ូតូ។ដោយឡែកនូវសម័យនេះបងប្អូនមកលេងកម្សាន្តជិះឡានម៉ូតូគ្រប់គ្នានេះគឺដោយសារប្រទេសមានសន្តិភាពនិងការីកចម្រើន។ លោកបន្តថាកត្តាដែលទាក់ទាញភ្ញៀវទេសចរណ៍មកលេងកម្សាន្តច្រើនទី១រមណីយដ្ឋានអន្លង់ផ្សោត ទី២ រមណីយដ្ឋានទឹកជួរព្រែកកាំពី ព្រះវិហារសសរ១០០ និងក្តៅ ជាដើម។លោក ជួប រតនា ប្រធានមន្ទីរទេសចរណ៍ខេត្តក្រចេះ បានឱ្យដឹងថា ក្នុងឱកាសពិធីបុណ្យចូលឆ្នាំសកល២០២០នេះ មន្ទីរទេសចរណ៍ខេត្តបានរៀបចំរមណីយដ្ឋានសំខាន់ៗ។ សហគមន៍អេកូទេសចរណ៍កោះទ្រង់តំបន់ទេសចរណ៍អន្លងផ្សោតកាំពី និងរមណីយដ្ឋានទឹកជួរកាំពីស្ថិតក្នុងក្រុងករចេះនិងស្រុកចិត្របុរី តំបន់អេកូកោះស៊ាមសិប ព្រះវិហារសសរ១០០ និងរមណីយដ្ឋានកោះផ្ដៅស្ថិតក្នុងស្រុកសំបូរ ។ ទន្ទឹមនឹងនោះអ្វីដែលគួរឱ្យគត់សម្គាល់នោះគឺរមណីយដ្ឋានកោះទ្រង់និងរមណីយទឹកជួរកាំពីដែលជាតំបន់មានភាពទាក់ទាញដល់ភ្ញៀវទេសចរណ៍ជាតិនិងអន្តរជាតិមកលេងកម្សាន្តយ៉ាងច្រើនកុះករទាំងថ្ងៃបុណ្យជាតិ និងថ្ងៃឈប់សម្រាក់ជាដើម ។ លោកបានបន្តថាសម្រាប់ឆ្លងឆ្នាំសកលភ្ញៀវទេសចរណ៍អន្តរជាតិមានការកើនឡើង៥ភាគរយនឹងភ្ញៀវជាតិកើន១០ភាគរយ បើប្រៀបធៀបនឹងឆ្នាំ២០១៨។ ទោះបីជាខេត្តក្រចេះ មិនបានរៀបចំពិធី Concert Evin និងកម្មវិធី Countdown ដូចខេត្តដទៃ ប៉ុន្តែបងប្អូនប្រជាពលរដ្ឋ បាននាំគ្នាដើរលេងលក្ខណៈជាក្រុម ដូចជាបោះជម្រុំនៅលើកោះទ្រង់ ។ ជាមួយគ្នានោះលោកបានបញ្ជាក់ថាផែនការសម្រាប់ពិធីបុណ្យឆ្លងឆ្នាំនៅឆ្នាំក្រោយៗទៀតមន្ទីរទេសចរណ៍ខេត្ត និងសហការជាមួយគ្រប់ភាគីពាក់ព័ន្ធ ដើម្បីរៀបចំឱ្យមានកម្មវិធី Evin […]

កម្សាន្ត ព័ត៌មានសង្គម

កម្ពុជាធ្វើជាម្ចាស់ផ្ទះការប្រកួតវគ្គផ្ដាច់ព្រ័ត្រនូវកម្មវិធីប្រឡងបវរកញ្ញាទេសចរណ៍អន្តរជាតិពិភពលោក

ភ្នំពេញ៖កម្ពុជាត្រូវបានជ្រើសរើសឱ្យធ្វើជាផ្ទះការប្រកួតវគ្គផ្ដាច់ព្រ័ត្រនូវកម្មវិធីប្រឡងបវរកញ្ញាទេសចរណ៍អន្តរជាតិពិភពលោកលើកទី១៣ (The 13th Miss Tourism Metropolitan InternationalWoldPageant)នៅសណ្ឋាគារNagaWoldIIនារាត្រីថ្ងៃទី១៤ខែធ្នូឆ្នាំ២០១៩ដោយរំពឹងទទួលបានការជួយផ្សព្វផ្សាយពីគោលដៅទេសចរណ៍កាន់តែទូលំទូលាយថែមទៀត។ កម្មវិធីនេះរៀបចំដោយក្រុមហ៊ុនD’TouchInternationalSdn.Bhd.សហការគាំទ្រដោយក្រសួងទេសចរណ៍និងក្រសួងវប្បធម៌និងវិចិត្រសិល្បៈហើយធ្វើឡើងក្រោមវត្តមានលោកសូម៉ារ៉ារដ្ឋលេខាធិការក្រសួងទេសចរណ៍អមដោយលោកTanSriDatukDannyOoiស្ថាបនិកនៃកម្មវិធីប្រកួតបរវកញ្ញាទេសចរណ៍អន្តរជាតិពិភពលោក ព្រមទាំងបណ្ដាឯកអគ្គរាជ-រដ្ឋទូតនានា និងអ្នកចូលរួមទស្សនាប្រមាណជាង ២,០០០នាក់។ ព្រឹត្តិការណ៍នេះដែរក៏ត្រូវបានធ្វើកាផ្សាយបន្តតាមរយៈទូរទស្សន៍ជាតិ-អន្តរជាតិមួយចំនួនព្រមទាំងបណ្តាញផ្សព្វផ្សាយសង្គមនានាដែលមានអ្នកទស្សនារាប់លាននាក់។កម្ពុជាត្រូវបានជ្រើសរើសជាម្ចាស់ផ្ទះជាលើកទី២ ក្នុងការរៀបចំកម្មវិធីប្រកួតបរវកញ្ញាទេសចរណ៍អន្តរជាតិពិភពលោកលើកទី១៣ ដែលមានបវរកញ្ញាមកពី៣០ប្រទេសជុំវិញពិភពលោកចូលរួម។ លោកបានថ្លែងថា នេះជាឱកាសសម្រាប់កម្ពុជាក្នុងការឃោសនាផ្សព្វផ្សាយលើកកម្ពស់ «ទេសចរណ៍ វប្បធម៌ និងមិត្តភាព» និងបន្តផ្សព្វផ្សាយពី «កម្ពុជា៖ ព្រះរាជាណាចក្រអច្ឆរិយៈ ផ្ដល់ភាពកក់ក្ដៅ» និងចលនាប្រលងប្រណាំង«ទីក្រុងស្អាតរមណីយដ្ឋានស្អាតសេវាល្អបដិសណ្ឋារកិច្ចល្អ»និង«ឆ្នេរសមុទ្រកម្ពុជាជាតារារះនាទិសនិរតី»ទៅលើឆាកអន្តរជាតិឲ្យគេស្គាល់កម្ពុជាកាន់តែច្រើនថែមទៀត។ បវរកញ្ញាទេសចរណ៍អន្តរជាតិពិភពលោកទាំង៣០រូបនឹងក្លាយជាឯកអគ្គរដ្ឋទូតសុឆន្ទៈតំណាងឱ្យទេសចរណ៍វប្បធម៌និងមិត្តភាពសម្រាប់ប្រជាជនទូទាំងពិភពលោក។ព្រមជាមួយគ្នានោះក៏បានផ្លាស់ប្តូរនិងពាំនាំអនុស្សាវរីយ៍ល្អៗនៅកម្ពុជាទៅកាន់ប្រទេសពួកគេដែលជាមធ្យោបាយផ្សព្វផ្សាយដ៏មានប្រសិទ្ធភាព និងភាពជឿជាក់៕

កម្សាន្ត ព័ត៌មានសង្គម

កញ្ញាឯកទេសចរណ៍អន្តរជាតិឆ្នាំ២០១៩បានទៅលើប្រទេសប្រេស៊ីលអ្នកគ្រងមកុដ

ភ្នំពេញៈការប្រកួតកញ្ញាឯកទេសចរណ៍អន្តរជាតិឆ្នាំ២០១៩វគ្គផ្តាច់ព្រ័ត្របានបញ្ចប់ដោយជោគជ័យកាលពីរាត្រីថ្ងៃទី១៤ ខែធ្នូ ២០១៩ នៅសាលមហោស្រព NABA ណាហ្គាវើលដ៍ទី២ ដែលមានបេក្ខនារី ៣០ រូបមកពីជុំវិញពិភពលោកចូលរួមប្រកួត។ទីបំផុត កញ្ញា Lorrany C.Monteiro Guimaraes មកពីប្រទេសប្រេស៊ីល បានគ្រងមកុដជាកញ្ញាឯកទេសចរណ៍អន្តរជាតិឆ្នាំ២០១៩ បន្ទាប់ពីការប្រកួតរយៈពេល២សប្តាហ៍ដែលត្រូវបានធ្វើឡើងនៅណាហ្គាវើលដ៍ក្នុងរាជធានីភ្នំពេញព្រះរាជាណាចក្រកម្ពុជាជាលើកទី២ បន្ទាប់ពីបានរៀបចំកាលពីឆ្នាំ២០១៦។ ការប្រកួតកញ្ញាឯកទេសចរណ៍អន្តរជាតិឆ្នាំ២០១៩វគ្គផ្តាច់ព្រ័ត្រមានការបង្ហាញជូននូវឈុតសម្លៀកបំពាក់ប្រពៃណីតំណាងជាតិនីមួយៗ ឈុតប្រពៃណីខ្មែរ និងឈុតរាត្រីសមោសរដ៏ស្រស់ស្អាត។ បន្ទាប់ពីមានការប្រកួត៣ជុំកញ្ញា៥រូបត្រូវបានជ្រើសរើសដោយគណៈកម្មការអន្តរជាតិអន្តរជាតិដែលពោរពេញដោយបទពិសោធន៍ដែលលេខ២បានទៅលើកញ្ញាមកពីប្រទេសម៉ាឡេស៊ីលេខ៣បានទៅលើកញ្ញាមកពីសហរដ្ឋអាមេរិកលេខ៤បានទៅលើកញ្ញាមកពីប្រទេសព័រទុយហ្គាល់និងលេខ៥បានទៅលើកញ្ញាមកពីប្រទេសរុស្ស៊ី។ ពានរង្វាន់៨ប្រភេទផ្សេងទៀតក៏ត្រូវបានប្រកាសនៅក្នុងការប្រកួតវគ្គផ្តាច់ព្រ័ត្រនោះផងដែរ។កញ្ញាមកពីប្រទេសថៃទទួលបានពានរង្វាន់កញ្ញាដែលស្រស់ស្អាតជាងគេក្នុងឈុតឯកសណ្ឋានកីឡា។ កញ្ញាមកពីប្រទេសម៉ាឡេស៊ី ឈ្នះពានរង្វាន់កញ្ញា Agape Wellness Beauty ។ កញ្ញាមកពីប្រទេសកម្ពុជាកញ្ញាប៉ូគីមថេងសុធីតាបានជាប់ក្នុងTopTenនិងទទួលបានពានរង្វាន់ដែលរួសរាយជាងគេ។កញ្ញាមកពីប្រទេសប៊ុលហ្គារីទទួលបានពានកញ្ញាដែលថតរូបស្អាតជាងគេនិងកញ្ញាមកពីប្រទេសបារាំងទទួលបានពានរង្វាន់កញ្ញាមិត្តភាព។ពានរង្វាន់កញ្ញាដែលមានទេពកោសល្យជាងគេ បានទៅលើកញ្ញាមកពីសហរដ្ឋអាមេរិក។ កញ្ញាដែលស្រស់ស្អាតជាងគេក្នុងឈុតរាត្រីសមោសរបានទៅលើកញ្ញាមកពីប្រទេសវៀតណាមចំណែកកញ្ញាមកពីប្រទេសស្រីលង្ការបានឈ្នះពានរង្វាន់ដែលស្រស់ស្អាតជាងគេក្នុងឈុតប្រពៃណីតំណាងជាតិដែលការប្រកួតត្រូវបានធ្វើឡើងក្នុងថ្ងៃប្រកួតឈុតសម្លៀកបំពាក់ប្រពៃណីតំណាងជាតិនៅឆាកជាន់ផ្ទាល់ដីណាហ្គាវើលដ៍ទី១កាលពីថ្ងៃទី១០ខែធ្នូ។ ណាហ្គាវើលដ៍បានផ្តល់នូវការស្នាក់នៅប្រកបដោយផាសុកភាពនិងសេចក្តីសុខបំផុតសម្រាប់កញ្ញាទាំង៣០រូបពីថ្ងៃទី៣០វិច្ឆិការហូតដល់ថ្ងៃទី១៦ធ្នូ។កញ្ញាកំពូលសម្រស់ទាំងអស់ក៏បានចូលរួមក្នុងសកម្មភាពលើកកម្ពស់វិស័យទេសចរណ៍និងវប្បធម៌ខ្មែរនិងសកម្មភាពសប្បុរសធម៌ផងដែរជុំវិញរាជធានីភ្នំពេញ។ គួរបញ្ជាក់ផងដែរថាការប្រកួតកញ្ញាឯកទេសចរណ៍អន្តរជាតិលើកទី១៣ក្នុងឆ្នាំនេះត្រូវបានរៀបចំឡើងដោយក្រុមហ៊ុនD’TouchInternational។ការប្រកួតលំដាប់អន្តរជាតិនេះមានការគាំទ្រពីក្រសួងទេសចរណ៍និងក្រសួងវប្បធម៌និងវិចិត្រសិល្បៈនៃព្រះរាជាណាចក្រកម្ពុជាដែលមានសាលមហោស្រព NABA នៅណាហ្គាវើលដ៍ទី២ ជាទីតាំងផ្លូវការនៃការប្រកួតវគ្គផ្តាច់ព្រ័ត្រ។ ស្ថានីយទូរទស្សន៍ BTV និងអប្សរា បានផ្សាយបន្តផ្ទាល់ការប្រកួតវគ្គផ្តាច់ព្រ័ត្រនេះ ខណៈកម្មវិធីនេះក៏ត្រូវបានផ្សព្វផ្សាយបន្តទៅកាន់ជាង ៨០ ប្រទេសទូទាំងពិភពលោកផងដែរ៕សុផល

កម្សាន្ត ព័ត៌មានសង្គម

ចាក់បញ្ចាំងភាពយន្តចល័តចិនជូនពលរដ្ឋទស្សនានៅខេត្តព្រៃវែង

ព្រៃវែង៖ដោយមានការឯកភាពរវាងប្រទេសទាំងពីរកម្ពុជា៖ចិន និងក្រសួងវប្បធម៌ និងវិចិត្រសិល្បៈភាពយន្តចល័តចិន-កម្ពុជាដ៏ឆ្នើមលើកទី៤បានចាក់បញ្ចាំងជូនប្រជាពលរដ្ឋមន្ត្រីរាជការសិស្សានុសិស្សទស្សនានៅក្នុងបរិវេណដីឡូតិ៍ជិតសួនច្បារសម្តេចជាស៊ីមក្រុងព្រៃវែងខេត្តព្រៃវែង កាលពីរាត្រីទី៩ខែធ្នូឆ្នាំ២០១៩។ ការចាក់បញ្ចាំងភាពយន្តនេះដើម្បីឱ្យពលរដ្ឋបានស្វែងយល់ឱ្យកាន់តែស៊ីជម្រៅលើវិស័យ វប្បធម៌ សិល្បៈ ភាពយន្ត នៃប្រទេសទាំងពីរ។ ក្រោយទស្សនាគឺមានចំនួន២ រឿង «សួស្តីលោក មហាសេដ្ឋី! និងរឿងខ្មែរមានចំណងជើងថាម្ចាស់កាំបិតត្នោតនៅរាត្រីថ្ងៃទី៩ខែធ្នូឆ្នាំ២០១៩ដែលមានអ្នកចូលរួមទស្សនា ប្រមាណជា ៥០០នាក់។ ក្នុងនោះផងដែរលោកអ៊ុកសិរីវុធប្រធានមន្ទីរវប្បធម៌និងវិចិត្រសិល្បៈខេត្តព្រៃវែងបានសម្ដែងនូវអារម្មណ៍សប្បាយរីករាយ។ដោយបានចាត់ទុកព្រឹកការណ៍នេះបាននាំមកនូវការកម្សាន្តនិងជំរុញឱ្យមានការផ្លាស់ប្តូរវប្បធម៌សិល្បៈរវាងប្រជាជនកម្ពុជា និងចិន។ លោកបានបន្តថាភាពយន្តដើតួនាទីដ៏សំខាន់ ក្នុងការផ្តល់ចំណេះ ស្វែងយល់ពីវប្បធម៌ ប្រពៃណី ទំនៀម ទម្លាប់ ជីវភាពរស់នៅរបស់ប្រជាជន និងការរីកចំរើនរបស់ប្រទេសនីមួយៗ ។ ជាក់ស្តែងលោកចាត់ទុកថាព្រឹត្តិការណ៍ដំណើរភាពយន្តចល័តចិន-កម្ពុជាដ៏ឆ្នើមលើកទី៤ឆ្នាំ២០១៩នេះ ។គឺធ្វើឡើងស្របពេលដែលរដ្ឋាភិបាលប្រទេសកម្ពុជា ចិនចាត់ទុកជាឆ្នាំ នៃការផ្លាស់ប្តូរវប្បធម៌ និងទេសចររវាងប្រទេសទាំងពីរ។ក៏ដូចជាជួយជំរុញឱ្យមានការពង្រឹងកិច្ចសហប្រតិបត្តិការលើវិស័យវប្បធម៌សិល្បៈភាពយន្តរវាងកម្ពុជានិងចិនកាន់តែរស៊ីជម្រៅនិងមានចំណងមេត្រីភាពកាន់តែរឹងមាំមួយកំរិតទៀតចាប់ពីទីក្រុងរហូតដល់ជនបទ។ជាមួយគ្នានោះដែរក្រុមយុវជនដែលបានមកទស្សនាភាពយន្តនេះបានបង្ហាញនូវការពេញចិត្តយ៉ាងខ្លាំងនិងមានបំណងចង់ឱ្យមានព្រឹត្តិការណ៍ដូចនេះនៅលើកក្រោយៗទៀត។ បើតាមលោករតនារ៉ាយុទ្ធអ្នកដឹកនាំក្រុមការងារចាក់បញ្ចាំងភាពយន្យចិនកម្ពុជានៃវិទ្យុមិត្តភាពកម្ពុជាចិនបានលើកឡើងថា៖តាមផែនការព្រឹត្តិការណ៍”ដំណើរភាពយន្តចល័តចិន-កម្ពុជាដ៏ឆ្នើមលើកទី៤” ឆ្នាំ ២០១៩នេះ នឹងនាំ យកនូវភាពយន្តល្បីៗជាច្រើនរឿងទៅចាក់បញ្ចាំងនៅខេត្ត តាកែវ កំពត និងខេត្តកណ្តាលបន្តទៀត ។ បន្ទាប់ពីបានចាក់បញ្ចាំងនៅខេត្តប៉ៃលិនឧត្តរមានជ័យក្រចេះនិងខេត្តត្បូងឃ្មុំរួចមកហើយនោះដើម្បីសម្រេចឱ្យបាននូវគោលដៅដែលត្រូវចាក់បញ្ចាំងនៅទូទាំងប្រទេសខណៈដែលព្រឹត្តិការណ៍នេះបានរៀបចំនៅខេត្តចំនួន២៤រួចមកហើយដោយមានទស្សនិកជនប្រមាណជាង១០ម៉ឺននាក់ចូលរួមទស្សនា៕ចាន់ថន