ភ្នំពេញ៖គេសង្កេតឃើញថា តារាវ័យក្មេងកញ្ញា ញឹមសួន សោភាទេពី ស្របពេលដែលអាជីពសិល្បៈ មានភាពរីកចម្រើន និងទទួលបានការគាំទ្រនោះ បច្ចុប្បន្ននាងក៏កាន់តែវិវឌ្ឍន៍ខ្លួន ដើម្បីប្រជែងយកទីផ្សារសិល្បៈក្តោបឱ្យណែនក្នុងដៃ។ ស្រីស្អាត សោភាទេពី ក៏បានធ្វើឱ្យមហាជនកាន់តែចាប់អារម្មណ៍ថែមទៀត ជាមួយការប្រែមុខមាត់ថ្មី ដោយចូលវ័យក្រមុំ១៨ឆ្នាំ។មិនតែប៉ុណ្ណោះអ្វីដែលប្លែកភ្នែកនោះគឺ ទេពី ហាក់មានការខុសប្លែកពីមុនទាំងរូបសម្ផស្ស និងការតុបតែងខ្លួនសិចស៊ី។តួយ៉ាងបើតាមកត់សម្គាល់នៅលើគណនីហ្វេសប៊ុករបស់ សោភាទេពី កន្លងមកនាងតែងតែបញ្ចេញរូបភាពជាហូរហែ ដោយបង្ហាញរូបសម្រស់ដ៏ស្រស់ផូរផង់ជាមួយការសម្ញែងខ្លួនក្នុងសំលៀកបំពាក់សិចស៊ីបញ្ចេញសាច់ខ្ចីយ៉ាងល្វតល្វន់ថែមទៀត។
