ភ្នំពេញ៖ក្រោយពីសម្តេចអគ្គមហាសេនាបតីតេជោហ៊ុនសែននាយករដ្ឋមន្ត្រីកម្ពុជាបានប្រកាសដោយស្ម័គ្រចិត្តជូនប្រាក់បៀវត្សរបស់សម្តេចចំនួនស្មើនឹង៧ខែទៅគណៈកម្មាធិការជាតិប្រយុទ្ធនឹងជំងឺកូវីដ១៩កាលពីថ្ងៃទី០១ខែមេសារួចមកនៅថ្ងៃទី២ខែមេសា។
គេបានឃើញមន្ត្រីរបស់រដ្ឋាភិបាលជាច្រើនរូបបានប្រកាសដោយស្ម័គ្រចិត្តជូនប្រាក់ខែរបស់ខ្លួនទៅគណៈកម្មាធិការជាតិប្រយុទ្ធនឹងជំងឺកូវីដ១៩ជាបន្តបន្ទាប់ដោយខ្លះមួយខែខ្លះបីខ្លះ៦ខែចាប់គិតពីខែមីនាឆ្នាំ២០២០។កាលពីថ្ងៃទី១ខែមេសាឆ្នាំ២០២០សម្តេចអគ្គមហាសេនាបតីតេជោហ៊ុនសែននាយករដ្ឋមន្ត្រីកម្ពុជាបានជម្រាបជូនលោកអគ្គបណ្ឌិតសភាចារ្យអូនព័ន្ធមុនីរ័ត្នឧបនាយករដ្ឋមន្ត្រីនិងជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ។
លោកវេជ្ជបណ្ឌិតសាស្ត្រចារ្យម៉មប៊ុនហេងរដ្ឋមន្ត្រីក្រសួងសុខាភិបាលថាដោយសារស្ថានភាពនៃការវិវត្តន៍របស់ជំងឺកូវីដ១៩នៅកម្ពុជានៅតែមិនទាន់បង្ហាញសញ្ញានៃការថមថយណាមួយនោះខ្ញុំសូមសម្តែងនូវសមាណចិត្តតាមរយៈការស័គ្រចិត្តជូនទៅគណៈកម្មាធិការជាតិប្រយុទ្ធនឹងជំងឺកូវីដ១៩នូវប្រាក់បៀវត្សរបស់ខ្ញុំជានាយករដ្ឋមន្ត្រីចំនួនស្មើនឹង៧ខែដោយរាប់ចាប់តាំងពីខែមីនារហូតដល់ខែកញ្ញាឆ្នាំ២០២០។
សម្តេចតេជោបានសរសេរនៅក្នុងលិខិតបរិច្ចាកនោះទៀតថាសូមឯកឧត្តមឧបនាយករដ្ឋមន្ត្រីរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុចាត់ចែងធ្វើការបង្វែរប្រាក់បៀវត្សរបស់ខ្ញុំដូចបានជម្រាបខាងលើ បញ្ចូលទៅក្នុង គណនីរបស់គណៈ កម្មាធិកាជាតិប្រយុទ្ធនឹងជំងឺកូវីដ១៩តាមការគួរ។
ក្រោយពីសម្តេចតេជោបានប្រកាសបរិច្ចាកប្រាក់បៀវត្សដូចខាងលើរួចមកនៅថ្ងៃទី២ខែមេសាឆ្នាំ២០២០នេះគេឃើញមានឧបនាយករដ្ឋមន្ត្រី ទេសរដ្ឋមន្ត្រីរដ្ឋមន្ត្រីរដ្ឋលេខាធិការនិងអភិបាលខេត្តនានា បានប្រកាសដោយស្ម័គ្រចិត្តបរិច្ចាកប្រាក់បៀវត្សរបស់ខ្លួនជាបន្តបន្ទាប់ជូនទៅគណៈកម្មាធិការជាតិទៅតាម លទ្ធភាពដោយ ខ្លះមានរយៈពេលមួយខែ ខ្លះបីខែ ខ្លះ៧ ខែ។
លោកគួចចំរើនអភិបាលខេត្តព្រះសីហនុដែលបានប្រកាសដោយស្ម័គ្រចិត្តបរិច្ចាកប្រាក់បៀវត្សជាអភិបាលខេត្តរបស់ខ្លួនជូនគណៈកម្មាធិកាជាតិប្រយុទ្ធនឹងជំងឺកូវីដ១៩នៅថ្ងៃទី២ខែមេសាបានប្រាប់ឱ្យដឹងនៅថ្ងៃនេះ(២មេសា)ថាប្រាក់បៀវត្សដែលត្រូវបរិច្ចាកចំនួន៧ខែ គឺគិតពីខែមីនាដល់ខែកញ្ញា មានចំនួនសរុប១៦.៣៣០.០០០រៀល។ការចូលរួមវិភាគទានជាសម្ភារៈថវិកាសម្រាប់ប្រយុទ្ធនឹងជំងឺកូវីដ១៩នេះកន្លងទៅគេឃើញមានសម្តេចម៉ែ ព្រះមហាក្សត្រ ប្រជាពលរដ្ឋ អ្នកជំនួញនិងចុង ក្រោយនេះ គឺមន្ត្រីរបស់រាជរដ្ឋាភិបាល៕ខុន
