កំពង់ចាម៖មន្ទីរកសិកម្មរុក្ខាប្រមាញ់និងនេសាទនិងសាខាក្រុមហ៊ុនប្រេងឥន្ធន:តេឡាបានផ្តល់ជំនួយឧបត្ថម្ភជាថវិកានិងជាសម្ភារគ្រឿងឧបភោគបរិភោគដល់ខេត្តកំពង់ចាមដើម្បីចូលរួមចំណែកក្នុងការប្រយុទ្ធប្រឆាំងនឹងជំងឺកូវីដ.១៩។
ការប្រគល់ជូនអំណោយរបស់ខាងមន្ទីរកសិកម្មរុក្ខាប្រមាញ់និងនេសាទខេត្តកំពង់ចាមជាថវិកាចំនួន៨.០០០.០០០រៀលនិងខាងសាខាក្រុមហ៊ុនប្រេងឥន្ធន:តេលាបានឧបត្ថម្ភម៉ាស់ការពារពាក់ការពារកូវីដ.១៩ចំនួន៥.០០០,ក្រមាចំនួន៥.០០០,អង្ករចំនួនបីតោនមីចំនួន៣០កេសធំនិងអាល់កុលចំនួន២៤០លីត្រ។
គឺបានរៀបចំឡើងនៅក្នុងសាលាខេត្តកំពង់ចាមជូនលោកអ៊ុនចាន់ដាអភិបាលខេត្តនិងជាប្រធានគណ:កម្មការខេត្តប្រយុទ្ធនឹងជំងឺកូវីដ.១៩និងលោកខ្លូតផនជាប្រធានក្រុមប្រឹក្សាខេត្តរួមជាមួយលោកលោកស្រីជាអភិបាលរងខេត្តកំពង់ចាមជាច្រើនរូបទៀតកាលពីថ្ងៃទី១១ខែមេសា ឆ្នាំ២០២០។
លោកអ៊ុនចាន់ដាអភិបាលខេត្តកំពង់ចាមបានថ្លែងថាសូមថ្លែងអំណរគុណដល់មន្ទីរកសិកម្មរុក្ខាប្រមាញ់និងនេសាទដែលមានលោកស៊ឹមថាវីៈជាប្រធានមន្ទីរនិងលោកឈុនស្រ៊ាជាប្រធានក្រុមហ៊ុនប្រេងឥន្ធន:តេលាសាខាខេត្តកំពង់ចាម ដែលបាននាំយកអំណោយឧបត្ថម្ភដើម្បីរួមចំណែកក្នុងការបង្ការ និងរាតត្បាតប្រយុទ្ធប្រឆាំងនឹងជំងឺកូវីដ.១៩៕សម្បត្តិ