បាត់ដំបង៖ពលករខ្មែរប្រុសស្រីក្មេងចាស់ចំនួន១១០នាក់បានលួចឆ្លងដែនចូលទៅប្រទេសថៃដើម្បីរកការងារធ្វើខណៈប្រទេសថៃកំពុងមានការរឹតបន្តឹងតាមច្រករបៀងនៅក្នុងស្រុកម៉ាឡៃខេត្តបន្ទាយមានជ័យនារសៀលថ្ងៃទី២១ខែឧសភាឆ្នាំ២០២០។
លោកអនុសេនីយ៍ឯកកែវឌឿនមេប៉ុស្តិ៍នគរបាលការពារព្រំដែនគីឡូ១៣នៃវរសេនាតូចការពារព្រំដែន៨១៧បានឱ្យអ្នកសារព័ត៌មានដឹងថាក្រោយពីបានទទួលព័ត៌មានពីកម្លាំងយោធាឈុតខ្មៅថៃលោកបានរៀបចំកម្លាំងដើម្បីចូលទៅទទួលពលករខ្មែរដែលមានចំនួនសរុបចំនួន១១០នាក់ស្រី៤៥នាក់ក្មេង៤នាក់ស្រី២នាក់ប្រុស៦១នាក់។
ក្រោយពីបានសាកសួររួចរាល់កម្លាំងនគរបាលប៉ុស្តិ៍គីឡូ១៣បានបញ្ជូនពលករខ្មែរទាំងនេះទៅកងឯកភាពរដ្ឋបាលស្រុកសំពៅលូនក្នុងវិទ្យាល័យសំពៅលូនដើម្បីផ្តល់ឱ្យមន្ត្រីជំនាញចត្តាឡីស័កធ្វើការត្រួតពិនិត្យសុខភាព។
រាជរដ្ឋាភិបាលកម្ពុជាកំពុងតែទប់ស្កាត់ប្រជាពលរដ្ឋមិនឱ្យឆ្លងដែនចូលទៅប្រទេសនានាដែលនៅជាប់ព្រំប្រទល់។ក្នុងគោលបំណងបង្ការទប់ស្កាត់ការឆ្លងរាលដាលនៃជំងឺកូវីដ១៩និងឱ្យពួកគាត់រង់ចាំរាជរដ្ឋាភិបាលថៃបើកច្រកចេញចូលសិន៕
