ស្ទឹងត្រែង៖កាលពីថ្ងៃទី២៧ខែឧសភាឆ្នាំ២០២០កម្លាំងសមត្ថកិច្ចចម្រុះបន្តចុះអនុវត្តតាមដីកាបង្គាប់ការពីរទីតាំងធំៗបន្ថែមទៀត។ប្រតិបត្តិការនោះដោយមានការសហការជាមួយបរិស្ថាន ,នគរបាល,រដ្ឋបាលព្រៃឈើ,មន្ត្រីសុរិយោដី,តំណាងអភិបាលស្រុក,ដឹកនាំដោយលោកជេតខេមរាព្រះរាជអាជ្ញាអមសាលាដំបូងខេត្តស្ទឹងត្រែង។
មន្ត្រីចូលរួមបាននិយាយថាការចុះអនុវត្តតាមដីកាបង្គាប់ការរបស់រដ្ឋបាលខេត្តបានចុះពិនិត្យការកាប់រានទន្ទ្រានព្រៃយកដីរដ្ឋធ្វើកម្មសិទ្ធិផ្ទាល់ខ្លួនពីរទីតាំងធំៗ។គឺនៅចំណុចទី១ប្រឡាយខ្លឹមចំណុចទី២ត្រពាំងឬស្សី(អូរក្រូចក្រោម)ចំណុចទី៣ត្រពាំងត្រយង(អូរក្រូចលើ)។
ស្ថិតក្នុងភូមិសាស្ត្រឃុំអន្លង់ជ្រៃស្រុកថាឡាបរិវ៉ាត់ខេត្តស្ទឹងត្រែង។ជំហ៊ានបន្ទាប់នឹងធ្វើការស៊ើបអង្កេតរកអ្នកជាប់ពាក់ព័ន្ធដើម្បីចាត់វិធានការទៅតាមផ្លូវច្បាប់។
រហូតមកទល់ពេលនេះមិនទាន់ឃុំខ្លួនអ្នកជាប់ពាក់ព័ន្ធយកដីព្រៃរដ្ឋដែលមានស័ក្តិធំៗជាច្រើនហិកតានៅឡើយទេ។ក៏ប៉ុន្តែកន្លងទៅថ្មីៗនេះក៏មានឃាត់ខ្លួនឧត្តមសេនីយ៍ទោចាន់សំអាតដែរតែបានដោះលែងវិញដោយហេតុផលថាមានជំងឺជាប់ខ្លួន៕សុខុម
