ពោធិ៍សាត់៖ក្នុងបរិវេណស្ថានីយ៍វិទ្យុជាតិនិងទូរទស្សន៍ជាតិនៃមន្ទីរព័ត៌មានខេត្តពោធិ៍សាត់កាលពីរសៀលថ្ងៃទី១២ខែកញ្ញា ឆ្នាំ២០២០ក្រុមការងារបានដាំកូនឈើប្រណីតចំនួន២០ប្រភេទលើដីទំនេរ។ទីតាំងស្ថិតនៅភូមិចម្ការចេក ខាងជើងសង្កាត់ផ្ទះព្រៃ ក្រុង-ខេត្តពោធិ៍សាត់ ដើម្បីចូលរួមរួមចំណែក ថែរក្សាបរិស្ថាន បរិយាកាស និងជីវិត នៅលើភពផែនដី ។
លោក លាង ទិតដ្ឋាន ប្រធានមន្ទីរព័ត៌មាន ខេត្តពោធិ៍សាត់ បានដឹងតាមរយៈទូរស័ព្ទ នៅរសៀល ថ្ងៃទី១២ កញ្ញា នេះថាៈ ដើមឈើទាំងអស់ ដែលយើងកំពុង ដាំនេះ គឺមានឈើប្រណីតប្រភេទបេង, នាងនួន, គ្រញូង, ធ្នង់, គគី, និងដើមក្ងោក, ដែលខាងរដ្ឋបាលព្រៃឈើ បានប្រគល់ឱ្យមន្ទីរ យកមកដាំ ក្រោយសល់ ពីការដាក់ដាំ កន្លងទៅ នៅតំបន់ភ្នំ ១.៥០០ ឯស្រុកវាលវែង ។
ប្រធានមន្ទីរបានបញ្ជាក់ថាៈ ការបង្កើតកម្មវិធីនេះឡើង គឺដើម្បីឱ្យក្រុមការងារ ចេះស្រឡាញ់បរិស្ថានធម្មជាតិ បង្កើនការសាមគ្គីភាព គ្នាទៅវិញទៅមក ឱ្យកាន់តែច្រើនឡើង ពិសេសបន្សល់ទុក ជាអនុស្សាវរីយ៍ នៅពេលខាងមុខ តទៅទៀត៕
