អន្តរជាតិ៖តាមវេបសាយពិភពប៉ុស្តិ៍បានឱ្យដឹងថាការទស្សន៍ទាយទាក់ទងនឹងព្រឹត្តិការណ៍ពិភពលោករបស់ស្ត្រីពិការភ្នែក Baba Vanga ជនជាតិប៊ុលហ្គារីម្នាក់មានដូចជា៖ ការវាយប្រហារអាគារភ្លោះរបស់សហរដ្ឋអាមេរិកកាលពីឆ្នាំ២០០១។ការចាកចេញពីអឺរ៉ុបរបស់អង់គ្លេស,ការគំរាមកំហែងពិភពលោកដោយក្រុម ISIS ជាដើម, សុទ្ធតែបានក្លាយទៅជាការពិត។
មុនពេលដែលស្ត្រីនោះស្លាប់ក្នុងវ័យ៨៥ឆ្នាំ កាលពីឆ្នាំ១៩៩៦ស្ត្រីជនជាតិប៊ុលហ្គារីរូបនេះបានព្យាករណ៍ព្រឹត្តិការណ៍ពិភពលោកជាច្រើនរួមនឹងគ្រោះធម្មជាតិផងដែរ ហើយអ្នកជំនាញបានគណនាថា៦៨ភាគរយ។ការទស្សន៍ទាយរបស់គាត់បានក្លាយជាការពិត បើទោះជាគាត់បានស្លាប់ទៅជាង២ទសវត្សហើយក្តី។ កាលពីឆ្នាំ ១៩៨៩ស្ត្រីនេះបានទាយថា អាមេរិកនឹងត្រូវវាយប្រហារដោយ “បក្សាស្លាបដែក២”។
គាត់និយាយថា “រន្ធត់ រន្ធត់!បងប្អូនអាមេរិក២នាក់នឹងត្រូវដួលរលំក្រោយការវាយប្រហារ។ ក្រុមចចកនឹងចេញរាតត្បាត ហើយឈាមអ្នកដែលគ្មានកំហុសនឹងហូរស្រោចស្រព”។ កាលណោះ នៅថ្ងៃទី១១ ខែកញ្ញា ឆ្នាំ២០០១ ពួកភេរវករអាល់កៃដាប្រើយន្តហោះ២គ្រឿងដើម្បីហោះបំបុកអាគារពាណិជ្ជកម្មអាមេរិកធ្វើឱ្យមនុស្សរាប់ពាន់នាក់បានស្លាប់។
ការទស្សន៍ទាយអនាគតផ្សេងទៀតរបស់ស្ត្រីBaba VangaDonald Trump៖ លោកយាយ Baba បាននិយាយថាប្រធានាធិបតីទី៤៥ (ដូណាល់ត្រាំ) នឹងជួបវិបត្តិ ដែលនឹងធ្វើឱ្យសហរដ្ឋអាមេរិកធ្លាក់ចុះ។ គាត់បានទាយថា “មនុស្សគ្រប់គ្នានឹងផ្ញើក្តីសង្ឃឹមលើរូបគាត់ តែគ្រប់យ៉ាងផ្ទុយស្រឡះ គាត់នឹងធ្វើឱ្យប្រទេសធ្លាក់ចុះ ហើយទំនាស់រវាងរដ្ឋភាគខាងជើងនិងរដ្ឋភាគខាងត្បូងនឹងកើតឡើង”។
ប្រភពខាងលើបន្ថែមថាលើសពីនោះទៅទៀតគ្រូទាយនេះបាននិយាយថា ប្រធានាធិបតីទី៤៥រូបនោះ នឹងធ្លាក់ខ្លួនឈឺដោយជំងឺដ៏អាថ៌កំបាំង ធ្វើឱ្យលោកថ្លង់ និង ឈឺក្បាលរ៉ាំរ៉ៃ។គាត់ក៏បាននិយាយផងដែរថាប្រធានាធិបតីទី៤៤របស់អាមេរិក គឺជាប្រធានាធិបតីស្បែកខ្មៅ នោះគឺ Obama។
ពូទីន៖គ្រូទាយនេះក៏បានទាយថា ពូទីន នឹងត្រូវបានគេធ្វើឃាតហើយអ្នកដែលធ្វើឃាតនោះចេញពីក្រុមសន្តិសុខផ្ទាល់របស់លោកតែម្តង។ ប៉ុន្តែស្ត្រីគ្រូទាយមិនបានបញ្ជាក់ទេថាតើប្រធានាធិបតីរូបនេះស្លាប់ឬអត់។ចិន៖ការទស្សន៍ទាយព្រឹត្តិការណ៍ធំៗ២របស់ស្ត្រីគ្រូទាយ Baba ដែលនឹងធ្វើឱ្យពិភពលោកមានការប្រែប្រួលជារៀងរហូតនោះគឺ ទី១ចិននឹងក្លាយទៅជា “មហាអំណាច” បន្តវេនពីអាមេរិក។ ទី២បើរស្ស៊ីចង់ដឹកនាំពិភពលោក ត្រូវរង់ចាំសិន។
កាលពី២ឆ្នាំមុន ក្រុមអ្នកស្រាវជ្រាវ The Conference Board បានព្យាករណ៍ថា ឆ្នាំ២០១៨ GDP របស់ចិននឹងវ៉ាអាមេរិក។ជាក់ស្តែងឆ្នាំ ១៩៧០ សេដ្ឋកិច្ចប្រទេសចិនតំណាងឱ្យតែ៤,១ភាគរយប៉ុណ្ណោះក្នុងចំណោមសេដ្ឋកិច្ចពិភពលោកទាំងមូល។ក្នុងនោះបានកើនឡើងដល់ ១៥,៦ភាគរយនៅឆ្នាំ២០១៥ នឹងបន្តកើនឡើងទៀត។ អឺរ៉ុប ចន្លោះពីឆ្នាំ ២០៣៣ ដល់ឆ្នាំ ២០៤៥ កាតឹបទឹកកកនៅតំបន់ប៉ូលនឹងរលាយ ធ្វើឱ្យកម្ពស់ទឹកសមុទ្រនឹងកើនឡើង។ ប៉ុន្តែអំឡុងពេលនោះផងដែរ មូស្លីម នឹងគ្រប់គ្រងអឺរ៉ុប ហើយក៏ជាពេលដែលសេដ្ឋកិច្ចពិភពលោកស្គាល់ការរីកចម្រើនខ្លាំង។
មនុស្សប្រើសិរីរាង្គសិប្បនិម្មិត ការរីកចម្រើនវិស័យវេជ្ជសាស្ត្រនឹងអនុញ្ញាតឱ្យវេជ្ជបណ្ឌិតអាចបង្កើតសិរីរាង្គសិប្បនិម្មិតមកព្យាបាលមនុស្សគឺមនុស្សនឹងប្រើគ្រឿងបន្លាស់ដូចឡានម៉ូតូ។ ខូចត្រង់ណាប្តូរត្រង់ហ្នឹង។ប៉ុន្តែប្រភពខាងលើមិនបានបញ្ជាក់ថាក្នុងអំឡុងឆ្នាំណាឱ្យប្រាកដទេ។
ម៉ាស៊ីនពេលវេលា យើងធ្លាប់ឃើញហើយនៅក្នុងភាពយន្ត ប៉ុន្តែស្ត្រី Baba បានសន្មតថា ចន្លោះឆ្នាំ ២២៦២ ដល់ ២៣០៤ មនុស្សនឹងអាចបង្កើតម៉ាស៊ីនឆ្លងពេលវេលា។អវសានផែនដីការទស្សន៍ទាយមួយទៀតដែលពិបាកនឹងជឿ គឺគ្រូទាយនេះបាននិយាយថាផែនដីនឹងដល់ទីអវសាននៅឆ្នាំ៥០៧៩។
តើ BabaVanga ជានរណា?
Baba Vanga ជាជនជាតិប៊ុលហ្គារី។ស្ត្រីចាប់ផ្តើមដឹងថាគាត់មានអំណោយពីធម្មជាតិនេះនៅពេលគាត់មានអាយុ១២ឆ្នាំ។ ពេលនោះមានព្យុះមួយបានគួចគាត់យកទៅទម្លាក់ក្នុងវាលស្រែ។ នៅពេលដែលគាត់ព្យាយាមបើកភ្នែក ធូលីបានចូលពេញភ្នែក ធ្វើឱ្យគាត់ឈឺចាប់ និង ចុងក្រោយងងឹតភ្នែកអស់មួយជីវិត។
ទារកកើតមិនគ្រប់ខែ មានបញ្ហាសុខភាព Baba Vanga កើតនៅក្នុងគ្រួសារក្រីក្រ ហើយត្រូវមើលថែប្អូនៗ ក្រោយមរណភាពរបស់ម្តាយ និង ម្តាយចុង ហើយក្រោយមកឪពុករបស់លោកយាយក៏ត្រូវចាប់ខ្លួនក្រោយចោទប្រកាន់ថាបានចូលរួមចលនាគាំទ្ររដ្ឋាភិបាលប៊ុលហ្គារី។
ក្រោយមក គាត់ចាប់ផ្តើមដឹងថាខ្លួនគាត់មានវិញ្ញាណពិសេសខុសធម្មតាដូចជា៖ ក្នុងយល់សប្ដិឮសំឡេងអាចឆ្លងឆ្លើយជាមួយសាកសព និង រុក្ខជាតិ ហើយនិងចក្ខុដែលអាចមើលឃើញព្រឹត្តិការណ៍ដែលនឹងកើតឡើងស្តែងៗ។មនុស្សជាច្រើនភ្លូកទឹកភ្លូកដីទៅផ្ទះរបស់គាត់ ដើម្បីឱ្យគាត់ទស្សន៍ទាយគាត់អាចមើលឃើញខ្សែជីវិតមនុស្សម្នាក់ៗដូចក្នុងខ្សែភាពយន្ត តាំងពីពេលចាប់កំណើតរហូតដល់ថ្ងៃស្លាប់៕