បន្ទាយមានជ័យៈ អ្នកលេងល្បែងអាប៉ោងម្នាក់ បានរត់គេចពីប៉ូលិស កាត់ទឹកវាលស្រែ ហើយបានគាំងបេះដូង ដួលស្លាប់ នៅពេលសមត្ថកិច្ច បំបែកទីតាំងលេងល្បែងស៊ីសមួយកន្លែងនៅចំណុចវាលត្រពាំងច្រាំង ស្ថិតនៅខាងលិចភូមិផ្គាំ ចម្ងាយកន្លះគីឡូម៉ែត្រ ក្នុងឃុំសិង្ហ ស្រុកអូរជ្រៅ ខេត្តបន្ទាយមានជ័យ កាលពីរសៀល ថ្ងៃទី៥ ខែតុលា ឆ្នាំ២០២០។
សមត្ថកិច្ចបានឰកយដឹងថាៈនគរបាលប៉ុស្តិ៍រដ្ឋបាល និងនគរបាលស្រុក បានសហការចុះបង្ក្រាបល្បែងស៊ីសងមួយកន្លែង។ នៅពេលសមត្ថកិច្ច ចុះបង្ក្រាបនោះ ក្រុមអ្នកលេនិងមេអាប៉ោងបាននាំគ្នា រត់គេចខ្លួន ខ្លះធ្លាក់ក្នុងទឹក ប្រហែល ៥០ ម៉ែត្រ។ខណៈពេលនោះ ឈ្មោះ នៅ ដារ៉ា ជាអ្នកកាន់មេអាប៉ោង ដែលមានជំងឺបេះដូង ស្រាប់ផងនោះ ក៏បានរត់គេចពីប៉ូលិស រហូតទាល់តែ គាំងបេះដូង ដួលសន្លប់ នៅលើភ្លឺស្រែ។
ពេលនោះ កងកម្លាំងសមត្ថកិច្ចនគរបាល បានជួយសង្គ្រោះ និងសែងជនរងគ្រោះ ទៅកាន់មណ្ឌលសុខភាពឃុំសឹង្ហ។ លុះដល់វេលាម៉ោង ៤ រសៀល ថ្ងៃដដែលនោះ លោកវេជ្ជបណ្ឌិត នៃមណ្ឌលសុខភាព បានពិនិត្យ ហើយប្រាប់វិញភ្លាមៗថា ជនរងគ្រោះ បានបាត់បង់ជីវិត ហើយ ៕
