ព័ត៌មានសង្គម សន្តិសុខ សេដ្ឋកិច្ច

កម្លាំងជំនាញជលផលចុះបង្ក្រាបបទល្មើសនេសាទ

October 20, 2020 rsc Comment(0)

ខេត្តពោធិសាត់:កម្លាំងជំនាញរដ្ឋបាលជលផលខេត្តពោធិ៍សាត់បានចុះបង្ក្រាបបទល្មើសនេសាទក្នុងរដូវហាមឃាត់ដោយរុះរើនិងបំផ្លាញចោលឧបករណ៍ខុសច្បាប់ជាច្រើន។ការបង្ក្រាបបទល្មើសជលផលនេះបានធ្វើឡើងនៅស្រុកកណ្ដៀងខេត្តពោធិ៍សាត់កាលពីថ្ងៃទី១៩ខែតុលាឆ្នាំ២០២០។

កម្លាំងចុះបង្ក្រាបបទល្មើសជលផលនេះមានសហការណ៍ជាមួយនគរបាលស្រុក និង យោធាខេត្តអាជ្ញាធរមូលដ្ឋាន បានចុះនៅចំណុច ក្បាល ជ្រោយកោះកែវ ភូមិរាំងទិល ឃុំរាំងទិល ស្រុកកណ្ដៀង។ជាលទ្ធផលវត្ថុតាងត្រូវបានរុះរើនិងបំផ្លាញចោលរបាំងសាច់អួនចំនួន៣ខ្សែប្រវែង៧៥០ម៉ែត្រ។ក្បាលបរចំនួន៦គ្រឿងបង្គោលចំនួន២៧០ដើមនិងបានចាក់លែងកូនត្រីចម្រុះចូលទៅក្នុងទន្លេវិញមួយចំនួន៕ស.រិន្ទ

rsc

ព័ត៌មានសង្គម សេដ្ឋកិច្ច

អង្គការ WWF ៖រាជរដ្ឋាភិបាលកម្ពុជា ផ្អាកគម្រោងអភិវឌ្ឍវារីអគ្គិសនីកាត់ទន្លេមេគង្គ

March 21, 2020 rsc

ភ្នំពេញ៖យោងតាមអង្គការWWFបានឱ្យដឹងថារាជរដ្ឋាភិបាលកម្ពុជាបានផ្អាកគម្រោងអភិវឌ្ឍវារីអគ្គិសនីកាត់ទន្លេមេគង្គ។នេះជាដំណឹងល្អបំផុតសម្រាប់អនាគតមនុស្សរាប់លាននាក់ដែលរស់នៅតាមដងទន្លេមេគង្គនិងជីវៈចម្រុះដ៏អស្ចារ្យដែលពឹងអាស្រ័យនឹងទន្លេនេះ។ អង្គការWWFបានឱ្យរស្មីកម្ពុជាដឹងថា៖លោក វិចទ័រ ហ្សូណា អគ្គនាយកនៃនាយកដ្ឋានថាមពល នៃក្រសួងរ៉ែនិងថាមពលប្រទេសកម្ពុជាបានបញ្ជាក់ប្រាប់តាមរយៈទូរស័ព្ទកាលពីម្សិលមិញថាផែនការមេសម្រាប់វិស័យថាមពលរយៈពេល១០ឆ្នាំ(២០២០និង២០៣០)របស់កម្ពុជាដែលបានអនុម័តថ្មីៗនេះគ្មានគម្រោងសាងសង់ទំនប់វារីអគ្គិសនីនៅតាមទន្លេមេគង្គទេ។ លោកសេងទៀកនាយកអង្គការWWF-កម្ពុជាបានថ្លែងថា៖“ការរក្សាទន្លេមេគង្គក្រោមក្នុងប្រទេសកម្ពុជាឱ្យនៅតែមានលំហូរតាមបែបធម្មជាតិគឺជាការសម្រេចចិត្តដ៏ល្អបំផុតសម្រាប់មនុស្ស និងធម្មជាតិ ។អង្គការWWFសូមកោតសរសើរដល់រាជរដ្ឋាភិបាលកម្ពុជាដែលបានផ្អាកគម្រោងអភិវឌ្ឍទំនប់វារីអគ្គិសនីហើយងាកទៅស្វែងរកប្រភពថាមពលដទៃទៀតដូចជាថាមពលពន្លឺព្រះអាទិត្យដើម្បីឆ្លើយតបទៅនឹងតម្រូវការថាមពលរបស់ព្រះរាជាណាចក្រកម្ពុជា។ អង្គការWWFត្រៀមខ្លួនរួចជាស្រេចដើម្បីធ្វើការជាមួយរាជរដ្ឋាភិបាលក្នុងការគាំទ្រការអភិវឌ្ឍផែនការថាមពលប្រកបដោយនិរន្តរភាពដែលមានលក្ខណៈជាប្រព័ន្ធដែលផ្តោតលើជម្រើសថាមពលកកើតឡើងវិញដែលមិនប៉ះពាល់បរិស្ថាន។ក្នុងនោះចូលរួមចំណែកសម្រេចគោលដៅថាមពលរបស់ប្រទេសកម្ពុជាដោយមិនចាំបាច់ធ្វើទំនប់កាត់ទន្លេដែលកំពុងហូរតាមបែបធម្មជាតិរបស់ប្រទេសកម្ពុជាឡើយ”។ លោក ម៉ាក ហ្គ័រហ្សូ (Marc Goichot) ប្រធានកម្មវិធីទឹកសាប នៃអង្គការWWFប្រចាំតំបន់អាស៊ីប៉ាស៊ីហ្វិក បានមានប្រសាសន៍ថា៖”ការពន្យាពេល១០ឆ្នាំក្នុងការផ្អាកការអភិវឌ្ឍទំនប់វារីអគ្គិសនីនានាកាត់ទន្លេមេគង្គដែលបានប្រកាសដោយរាជរដ្ឋាភិបាលកម្ពុជាគឺជាដំណឹងល្អបំផុតសម្រាប់អនាគតមនុស្សរាប់លាននាក់។ដែលរស់នៅតាមដងទន្លេមេគង្គនិងជីវៈចម្រុះដ៏អស្ចារ្យដែលពឹងអាស្រ័យនឹងទន្លេនេះជាពិសេសគឺសម្រាប់សត្វផ្សោតមេគង្គ(Irrawaddydolphin)នៅក្នុងប្រទេសកម្ពុជាដែលជាប្រភេទសត្វទឹកសាបសំខាន់ជាសកល”។ លោកម៉ាកហ្គ័រហ្សូបានបន្តថា”វិទ្យាសាស្ត្របានបង្ហាញយ៉ាងច្បាស់ថាទំនប់វារីអគ្គិសនីអាចធ្វើឱ្យធ្លាក់ចុះនូវប្រភេទត្រីជាច្រើនព្រមទាំងរាំងស្ទះលំហូរដីល្បាប់ដែលអាចនឹងពន្លឿនការជន់លិចនិងការរួមតូចនៃដីសណ្តរនិងគម្រាមកំហែងដល់ទិន្នផលកស្រូវជាច្រើនកន្លែង សហគមន៍នេសាទ និងនិរន្តរភាពសេដ្ឋកិច្ច នៃប្រទេសវៀតណាម”។ លោកម៉ាកហ្គ័រហ្សូបានបន្តថា”ការសម្រេចចិត្តយ៉ាងត្រឹមត្រូវរបស់ប្រទេសកម្ពុជាគឺជាឧទាហរណ៍គម្រូសម្រាប់ប្រទេសដទៃទៀតឱ្យទទួលស្គាល់ថាទន្លេដែលមានលំហូរតាមធម្មជាតិផ្តល់អត្ថប្រយោជន៍ដែលមិនអាចកាត់ថ្លៃបានសម្រាប់មនុស្សនិងប្រភេទសត្វជាច្រើនរាប់មិនអស់ដែលពឹងអាស្រ័យលើទន្លេនេះ”៕សុផល

សន្តិសុខ សេដ្ឋកិច្ច

រដ្ឋបាលព្រៃឈើនិងអាវុធហត្ថចាប់រថយន្តដឹកឈើខុសច្បាប់

March 31, 2022 rsc

កំពង់ស្ពឺ៖កម្លាំងរដ្ឋបាលព្រៃឈើជាមួយអាវុធហត្ថខេត្តកាលពីថ្ងៃទី៣០ ខែមីនាឆ្នាំ២០២២បានចាប់រថយន្តម៉ាកហាយឡេនឌ័រដឹកឈើខុសច្បាប់ដែលបើកយកលាក់ក្នុងបរិវេណផ្ទះអ្នកភូមិ។ មន្ត្រីម្នាក់បានឱ្យដឹងថា កម្លាំងរដ្ឋបាលព្រៃឈើជាមួយកងរាជអាវុធហត្ថខេត្តកំពង់ស្ពឺបានដេញតាមរថយន្តម៉ាកហាយឡេនឌ័រមួយគ្រឿងផ្លាកលេខកណ្តាល2A-4695 ដែលដឹកឈើប្រភេទម្រេញសន្លឹកចំនួនជាង៣០សន្លឹកស្មើ១,៤៣២ម៉ែត្រគូប។ សមត្ថកិច្ចបានដេញរថយន្តបទល្មើសមកដល់ភូមិវាលទន្សាយ ឃុំមានជ័យ ស្រុកឧដុង្គ ខេត្តកំពង់ស្ពឺមានរថយន្តម៉ាកហ្វដផ្លាកលេខ ខ.ម 7257បានឡើងមកបិទមុខរថយន្តសមត្ថកិច្ចបណ្តាលឱ្យរថយន្តល្មើសបើកគេចបាត់។កម្លាំងចម្រុះបានរុករកឃើញរថយន្តល្មើសស្ថិតក្នុងបរិវេណផ្ទះពលរដ្ឋ។បច្ចុប្បន្នវត្តុតាងបានយកទៅរក្សាទុកនៅខណ្ឌរដ្ឋបាលព្រៃឈើខេត្តកំពង់ស្ពឺដើម្បីបន្តនីតិវិធី៕

សន្តិសុខ

មតិមួយចំនួនដាក់មន្ទិលការស្លាប់នៃជនបរទេសម្នាក់អំពីជំងឺកូវីដ-១៩

December 11, 2020 rsc

កំពត៖បុរសជនជាតិបារាំងវ័យ៨៣ឆ្នាំម្នាក់បានស្លាប់នៅមន្ទីរពេទ្យស៊ុនយ៉ាឃៀលដែលមានទីតាំងស្ថិតក្នុងភូមិកែបថ្មីឃុំបឹងទូកស្រុកទឹកឈូកាលពីថ្ងៃទី១០ខែធ្នូឆ្នាំ២០២០ដោយសារជំងឺរលាកសួតធ្ងន់ធ្ងរ។ សពត្រូវបានបញ្ជូនទៅបូជានៅវត្តត្រើយកោះស្ថិតក្នុងសង្កាត់ត្រើយកោះក្រុងកំពតនារសៀលថ្ងៃដដែល។ជាមួយនឹងហេតុការណ៍នោះបានបង្កក្តីព្រួយបារម្ភពីប្រជាពលរដ្ឋមួយចំនួនដោយខ្លាចក្រែងពាក់ព័ន្ធនឹងជំងឺកូវីដ-១៩។ មន្ត្រីសមត្ថកិច្ចបានឱ្យដឹងថា បុរសជនជាតិបារាំងដែលស្លាប់នោះឈ្មោះ Dumez Jean Louis Victorកើតថ្ងៃទី១១ខែកញ្ញាឆ្នាំ១៩៣៧កាន់លិខិតឆ្លងដែនលេខ:១៥CK៥៤១១៧។តាមរយៈការធ្វើកោសល្យវិច័យរបស់គ្រូពេទ្យនិងនគរបាលបច្ចេកទេសគឺបុរសរូបនោះស្លាប់ដោយសារជំងឺរលាកសួតធ្ងន់ធ្ងរ។ អ្នកជំងឺបានចូលទៅទទួលការព្យាបាលក្នុងមន្ទីរពេទ្យស៊ុនយ៉ាឃៀលកាលពីថ្ងៃទី៤ ខែធ្នូ ឆ្នាំ២០២០ រហូតដល់ថ្ងៃទី១០ខែធ្នូក៏ស្លាប់នៅទីនោះតែម្តង។ការងានេះសមត្ថកិច្ចនិងជំនាញបានទំនាក់ទំនងជាមួយស្ថានទូតសាម៉ីអ្នកស្លាប់រួចរាល់ផងដែរ។ ទាក់ទិនក្តីព្រួយបារម្ភរបស់មតិប្រជាពលរដ្ឋមួយចំនួនជុំវិញបញ្ហានេះលោក ញា ប៊ុនថន ប្រធានមន្ទីរសុខាភិបាលខេត្តកំពតបានបញ្ជាក់នៅព្រឹកថ្ងៃទី១១ ខែធ្នូ ឆ្នាំ២០២០ ថា៖ករណីនេះ លោកបានរាយការណ៍ជូនទៅក្រសួងហើយ។ឯកសារគ្រប់យ៉ាងត្រូវបានបញ្ចប់និងរៀបចំតាមនីតិវិធីពាក់ព័ន្ធនឹងការស្លាប់ដោយជំងឺរលាកសួតធ្ងន់ធ្ងរនោះ។ លោកប្រធានមន្ទីរបានបញ្ជាក់ថាក្តីព្រួយបារម្ភបានកើតឡើងព្រោះតែមានអ្នកបង្ហោះព័ត៌មានតាមបណ្តាញសង្គមដោយមិនចេះជំនាញអ្វីទាំងអស់។ព័ត៌មានខ្លះអាចបង្កភាពចលាចលព្រោះតែអ្នកផ្សព្វផ្សាយមិនថ្លឹងថ្លែងសភាពការណ៍។ សូមបញ្ជាក់ថាៈជាមួយភាពជ្រួលច្របល់ដោយសារការផ្សព្វផ្សាយតាមបណ្តាញហ្វេសប៊ុកស្តីពីការស្លាប់របស់ជនជាតិបារាំងរូបនោះលោកញាប៊ុនថនក៏បានបង្ហោះសារលើគណនីផ្ទាល់ខ្លួនថាបើព័ត៌មានមិនច្បាស់កុំធ្វើជាអ្នកដឹងពេក យកទៅបង្ហោះអំពល់ទុក្ខគេឯងមិនបានសម្រាក៕ឌីណា

Related Articles

​អង្គការ WWF ៖​រាជរដ្ឋាភិបាល​កម្ពុជា ផ្អាក​គម្រោង​អភិវឌ្ឍ​វា​រី​អគ្គិសនី​កាត់​ទន្លេមេគង្គ​

រដ្ឋបាលព្រៃឈើនិងអាវុធហត្ថចាប់រថយន្តដឹកឈើខុសច្បាប់

​មតិ​មួយចំនួន​ដាក់​មន្ទិល​ការស្លាប់​នៃ​ជនបរទេស​ម្នាក់​អំពី​ជំងឺ​កូ​វីដ​-១៩

Leave a Reply Cancel reply

អង្គការ WWF ៖រាជរដ្ឋាភិបាលកម្ពុជា ផ្អាកគម្រោងអភិវឌ្ឍវារីអគ្គិសនីកាត់ទន្លេមេគង្គ

មតិមួយចំនួនដាក់មន្ទិលការស្លាប់នៃជនបរទេសម្នាក់អំពីជំងឺកូវីដ-១៩