ខេត្តព្រះវិហារ៖ខេត្តព្រះវិហារដែលជាខេត្តមួយសំបូរទៅដោយព្រៃភ្នំធ្វើឱ្យមានអាកាសធាតុត្រជាក់ធ្លាក់ដល់រហូត១៤ទៅ១៥អង្សារសេនៅតាមបន្ទាត់ព្រំដែនកម្ពុជាថៃជាពិសេសនៅលើតំបន់ប្រាសាទព្រះវិហារ។
លោកឩត្តមសេនីយ៏ឯកស្រីឌឹកមេបញ្ជាការងកងទព័ជើងគោកឈរជើងជួរមុខប្រចាំទិសទី១តំបន់ប្រាសាទព្រះវិហារបានឱ្យក្រុមអ្នកសាព័ត៌មានបានដឹងនៅព្រឹកថ្ងៃទី២២ខែធ្នូរឆ្នាំ២០២០នេះថា៖អាកាសធាតុនៅតាមតំបន់ជួរភ្នំដងរែក។ជាពិសេសលើតំបន់ប្រាសាទព្រះវិហារនេះផ្ទាល់បើគិតពីម៉ោង១០ទៅចន្លោះម៉ោង១២យប់ថ្ងៃទី២១ខែធ្នូឆ្នាំ២០២០សីតុណ្ហភាពធ្លាក់ដល់ចុះត្រជាក់ចាប់ពី១៥អង្សាសេ។
លោកឩត្តមសេនីយ៍ឯកបានបន្តថា៖លុះទៅដល់ម៉ោងប្រមាណជា១រំលងអធ្រាត្រចូលថ្ងៃទី២២ខែធ្នូនេះសីតុណ្ហភាពនៅនឹងតំបន់ជួរជើងភ្នំដងរែកត្រជាក់ធ្លាក់ដល់កំរិត១៤អង្សាសេ។តែបើទោះបីអាកាសធាតុមានការប្រែប្រួលធ្លាក់ចុះត្រជាក់បែបនេះក្តីវាមិនមានផលប៉ះពាល់ដល់សុខភាពរបស់នាយនិងពលទាហ៊ានរបស់លោកឡើយ។
ដោយឡែកលោកចាបកុយប្រធានមន្ទីរធនធានទឹកនឹងឩតុនិយមខេត្តព្រះវិហារបានឱ្យដឹងដែរថា៖ការចុះត្រជាក់បែបនេះគឺជារដូវរងាផ្កាគរហើយការត្រជាក់បែបនេះគឺមានរយៈ៧ថ្ងៃដោយគិតចាប់ពីថ្ងៃទី២២ខែធ្នូដល់ថ្ងៃទី២៩ខែធ្នូឆ្នាំ២០២០។
ជាមួយគ្នានោះលោកប្រធានមន្ទីរក៏សូមផ្តាំផ្ញើរទៅដល់ប្រជាពលរដ្ឋត្រូវថែរក្សាសុខភាព។ជាពិសេសដល់ប្រជាពលរដ្ឋដែលរស់នៅតាមទីជនបទដាច់ស្រយាលដែលតែងតែដុតភ្លើងអាំងនារដូវរងានេះធ្វើយ៉ាងណាចូលរួមប្រុងប្រយ័ត្នមុននិងក្រោយចាកចេញធ្វើដំណើរទៅប្រកបកិច្ចការងារអ្វីក្រៅពីផ្ទះសូមពន្លត់ភ្លើងឱ្យបានរលត់ជាមុនសិន៕វ៉ាន់ឌី
