ភ្នំពេញ៖កម្លាំងនគរបាលអន្តរាគមន៍ពិសេសរាជធានីភ្នំពេញបានចុះអនុវត្តរឹតបន្តឹងនិងប្រើវិធានការក្តៅចំពោះបុគ្គលណាដែលមិនស្តាប់ការណែនាំនៃរាជរដ្ឋាភិបាលក្នុងគ្រាជំងឺកូវីដ-១៩កំពុងវាយលុកក្នុងប្រទេសកម្ពុជា។ប្រតិបត្តិការនេះបានធ្វើឡើងនៅរសៀលថ្ងៃទី២១ខែមេសា ឆ្នាំ២០២១ក្នុងសង្កាត់ចោមចៅទី១ ខណ្ឌពោធិ៍សែនជ័យដែលជាតំបន់ក្រហម។
សមត្ថកិច្ចបានឱ្យដឹងថា៖ ដោយសារតែជំងឺកូវីដ-១៩កំពុងតែវាយលុកក្នុងប្រទេសកម្ពុជា ទើបរាជរដ្ឋាភិបាលបានដាក់វិធានការបិទខ្ទប់ក្នុងតំបន់មួយចំនួន ដោយមិនអនុញ្ញាតឱ្យប្រជាពលរដ្ឋចេញពីផ្ទះទេបើមិនមានការចាំបាច់។
នៅរសៀលថ្ងៃទី២១ ខែមេសា ឆ្នាំ២០២១ កម្លាំងអន្តរាគមន៍ពិសេសនៃស្នងការដ្ឋាននគរបាលរាជធានីភ្នំពេញបានប្រើវិធានការក្តៅចាប់ខ្លួនជនដែលផ្គើននឹងការអនុវត្តនេះបានជាច្រើននាក់ បញ្ជូនទៅអធិការដ្ឋាននគរបាលខណ្ឌពោធិ៍សែនជ័យដើម្បីចាត់ការបន្ត៕ដោយ៖វិចិត្រ
