កំពង់ឆ្នាំង៖សពបុរសម្នាក់ត្រូវបានគេប្រទះឃើញស្លាប់នៅក្នុងទឹកបឹងដែលមានជម្រៅប្រមាណជាងកន្លះម៉ែត្រ។ ហេតុការណ៍ភ្ញាក់ផ្អើលនេះបានកើតឡើងនៅចំណុចបឹងមួយកន្លែងក្នុងភូមិទី៧ សង្កាត់ខ្សាម ក្រុងកំពង់ឆ្នាំងកាលពីថ្ងៃទី ៥ ខែកុម្ភៈឆ្នាំ ២០២០។ សពជនរងគ្រោះមានឈ្មោះអោមអូនអាយុ៥៧ឆ្នាំមានកូន ៥នាក់រស់នៅភូមិទី៧ សង្កាត់ខ្សាម ក្រុងកំពង់ឆ្នាំង ។
សមត្ថកិច្ចបានដឹងទៀតថា នៅ មុនពេលកើតហេតុបុរសខាងលើបានដើរចូលក្នុងបឹងបំណងយកទូក ដែលនៅក្នុងទឹកដែលមានជម្រៅជាងកន្លះម៉ែត្រនិងបានដួលឈ្លក់ទឹកស្លាប់អត់មានអ្នកដឹង ។
បន្ទាប់ពីមានអ្នកភូមិប្រទះឃើញសពបុរសខាងលើសមត្ថកិច្ចជំនាញបានចុះទៅពិនិត្យធ្វើកោសល្យវិច្ច័យនិងបានសន្និដ្ឋានបឋមថាជនរងគ្រោះអាចវិលមុខខ្យល់គរដួលឈ្លក់ទឹកទើបបណ្ដាលឱ្យស្លាប់បែបនេះ ៕
