មណ្ឌលគិរី៖កម្លាំងអាវុធហត្ថខេត្តមណ្ឌលគិរីកាលពីព្រឹកថ្ងៃទី២៧ មេសាបានចាប់បុរសម្នាក់ តាមដីកាបង្គាប់របស់តុលាការក្នុងដំណើររឿងរំលោភលើសេចក្តីទុកចិត្ត។សមត្ថកិច្ចបានឱ្យដឹងថា ការចាប់ខ្លួនជនសង្ស័យធ្វើឡើង នៅម្តុំហាងគុយទាវទូក ក្នុងភូមចម្ការតែ សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី។បុរសត្រូវចាប់ខ្លួនឈ្មោះ យស ចាន់ថា ត្រូវនាំខ្លួន ទៅបញ្ជាការដ្ឋាន កងរាជអាវុធហត្ថខេត្ត បន្ទាប់មាន ពាក្យបណ្តឹង ពីម្ចាស់ដី ដែលបុគ្គលនេះ លួចលក់មិនឱ្យម្ចាស់គេដឹង។
ករណីខាងលើ ដែលប្រព្រឹត្តលើកទី១ អំឡុងឆ្នាំ២០១៤ លើកទី២ នៅថ្ងៃទី២៥ ខែឧសភា ឆ្នាំ២០២០ ស្ថិតនៅភូមិអូរស្ពាន សង្កាត់ស្ពាន មានជ័យ ក្រុងសែនមនោរម្យ ខេត្តមណ្ឌលគិរី។
ក្រោយទទួលបានដីកាបង្គាប់របស់តុលាការខេត្តមណ្ឌលគិរី លេខ០៣/២២ អ.យ ចុះថ្ងៃទី២៨ ខែមករា ឆ្នាំ២០២២ អនុញ្ញាតឱ្យ មន្ត្រីនគរបាលយុត្តិធម៌ បើកការស៊ើបអង្កេតបឋម តាមការស្នើរសុំ។នេះ ជាបទរំលោភលើទំនុកចិត្ត ក្លែងបន្លំឯកសា ធារណៈ ប្រើឯកសារសាធារណៈក្លែង បទសមគំនិត និងលួចលក់អចលន វត្ថុអ្នកដទៃ មិនមែនជា របស់ខ្លួន៕