បន្ទាយមានជ័យ៖គោយន្តកន្រៃ្តយ៍បានដឹកមនុស្សពេញបើកចុះពីលើវត្តភ្នំក្នុងស្ថានភាពផ្លូវចំណោតក៏រអិលចុះយ៉ាងលឿនទៅបុករ៉ឺម៉កម៉ូតូបណ្តាលឱ្យមានអ្នករងរបួសធ្ងន់៥នាក់។មន្ត្រីនគរបាលបានឱ្យដឹងនៅថ្ងៃទី៣០ខែតុលាថា មានគ្រោះថ្នាក់ចរាចរណ៍មួយដោយគោយន្តកន្រៃ្តយ៍រអិលធ្លាក់ពីលើភ្នំស្ថិតក្នុងសង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។មុនកើតហេតុមានគោយន្តកន្រៃ្តយ៍មួយគ្រឿងដឹកមនុស្សចុះពីលើវត្តភ្នំកងវ៉ាដែលមានផ្លូវចំណោត។ពេលនោះគោយន្តទំនងមានបញ្ហាបចេ្ចកទេសក៏រអិលចុះយ៉ាងលឿនទៅបុកម៉ូតូរ៉ឺម៉កម៉ូតូ ហើយក៏ជ្រុលធ្លាក់ចូលក្នុងស្រះទឹកធ្វើឱ្យមនុស្សជិះលើគោយន្តធ្លាក់រដូករណែលលើផ្លូវ។បន្ទាប់មកសមត្ថកិច្ចបានចុះជួយដឹកជនរងគ្រោះទៅមន្ទីរពេទ្យសង្រ្គោះបន្ទាន់និងនាំយកមធ្យោបាយទាំងបង្កនិងរងគ្រោះទៅទុកនៅអធិការដ្ឋាននគរបាលក្រុងសិរីសោភ័ណដើម្បីដោះស្រាយពេលក្រោយ៕
Related Articles
ផ្តន្ទាទោសបុរសម្នាក់ដាក់គុក៨ឆ្នាំពីបទរំលោភក្មេងប្រុស
ភ្នំពេញ៖តុលាការភ្នំពេញនៅព្រឹកថ្ងៃទី២១ ខែកុម្ភៈឆ្នាំ២០២២បានប្រកាសសាលក្រមផ្តន្ទាទោសបុរសម្នាក់ដាក់ពន្ធនាគារចំនួន៨ឆ្នាំករណីរំលោភ សេពសន្ថវ:លើក្មេងប្រុស។ សមត្ថកិច្ចបានឱ្យដឹងថា ជនជាប់ចោទឈ្មោះ គ្រុយ គន្ធា ហៅចាន់អាយុ ២៨ឆ្នាំ បច្ចុប្បន្នរស់នៅផ្ទះជួល ភូមិត្នោតជ្រុំ២ សង្កាត់បឹងទំពន់២ ខណ្ឌមានជ័យ ។តុលាការសម្រេចដាក់ពន្ធនាគារ៨ឆ្នាំនេះ ក្រោមការចោទ ប្រកាន់ពីបទរំលោភសេពសន្ថវៈលើ ក្មេងប្រុស ប្រព្រឹត្តនៅក្នុងវត្តដំបូកខ្ពស់ ផ្លូវលេខ៦៩BT ភូមិត្នោតជ្រុំ២ សង្កាត់បឹងទំពន់២ ខណ្ឌមានជ័យ ប្រព្រឹត្តកាលពីថ្ងៃទី ១៦ ខែវិច្ឆិកាឆ្នាំ២០២០ ។ សូមបញ្ជាក់ថា កម្លាំងនគរបាលប៉ុស្តិ៍រដ្ឋបាលបឹងទំពន់ទី២ បានឃាត់ខ្លួនជនជាប់ចោទនៅសង្កាត់បឹងទំពន់ទី២មុខផ្ទះសំណាក់ឌីមនោរម្យ សង្កាត់បឹងទំពន់ទី២ ខណ្ឌមានជ័យ កាលពីរំលងអធ្រាត្រចូលថ្ងៃទី១៤ខែមករាឆ្នាំ២០២២ តាមដីកាបង្គាប់ឱ្យចាប់ខ្លួនលេខ ១២៨១ ដ.ច.ន ចុះថ្ងៃ១៣ខែធ្នូឆ្នាំ២០២១ ៕
ឃាតកម្មរំលោភរួចសម្លាប់សមត្ថកិច្ចចាប់ជនដៃដល់៣នាក់
ឧត្តរមានជ័យ៖អំពើឃាតកម្មរំលោភលើក្មេងស្រីរួចសម្លាប់នៅខេត្តឧត្តរមានជ័យកាលពីថ្ងៃទី១៥ ខែមេសាកន្លងទៅនោះត្រូវកម្លាំងនគរបាលស្រាវជ្រាវចាប់ជនដៃដល់បាន៣នាក់។ សមត្ថកិច្ចបានឱ្យដឹងនៅព្រឹកថ្ងៃទី១៩ ខែមេសាថា កម្លាំងនគរបាលជំនាញខេត្ត និងនគរបាលក្រុងសំរោង កាលពីនៅថ្ងៃទី១៨ ខែមេសា ឆ្នាំ២០២២ បានចុះស្រាវជ្រាវ ស៊ើបអង្កេត និងបំបែកសំណុំរឿងករណីឃាតកម្មរំលោភសម្លាប់ក្មេងស្រីម្នាក់នៅសង្កាត់អូរស្មាច់ ដោយចាប់បានជនដៃដល់៣នាក់។ ជនសង្ស័យឈ្មោះ ភាក់ សីហា អាយុ១៨ឆ្នាំ- ឈ្មោះ ភាជ សុជាតិ អាយុ១៧ឆ្នាំ-និងឈ្មោះ ត្រយ ចិត្រា អាយុ១៥ឆ្នាំ។ពួកគេនៅភូមិអភិវឌ្ឍន៍ សង្កាត់អូរស្មាច់ ក្រុងសំរោង ខេត្តឧត្តរមានជ័យ។ជនដៃដល់បានឆ្លើយសារភាពថា ពួកគេទាំង៣នាក់ ពិតជាបាន លបស្ទាក់ចាប់ជនរងគ្រោះនៅតាមផ្លូវហើយយកទៅរំលោភបូក រួចវាយសម្លាប់ និងបោះចូលទៅក្នុងទឹកអូរខាងត្បូងភូមិ ពិតមែន។ ក្មេងស្រីរងគ្រោះឈ្មោះ ឡុង គឹមឡាយ អាយុ១៧ឆ្នាំ នៅភូមិកើតហេតុ ត្រូវជនដៃដល់រំលោភ និងវាយសម្លាប់កាលពីថ្ងៃទី១៥ ខែមេសា ។បច្ចុប្បន្នជនសង្ស័យទាំង៣នាក់ ត្រូវនគរបាលខេត្តឧត្តរមានជ័យកសាងសំណុំរឿងដើម្បីត្រៀម បញ្ជូនទៅតុលាការចាត់ការតាមច្បាប់៕
សមត្ថកិច្ចចាប់ខ្លួនបុរសម្នាក់ពាក់ព័ន្ធគ្រឿងញៀននៅស្រុកព្រៃនប់
ព្រះសីហនុ៖កាលពីល្ងាចថ្ងៃទី១ខែមីនាឆ្នាំ២០២០សមត្ថកិច្ចបានចាប់ខ្លួនបុរសម្នាក់ដោយរកឃើញមានថ្នាំញៀនមួយចំនួននៅជាប់ខ្លួន។ឃាត់ខ្លួនពីបទជួញដូរនិងរក្សាទុកនូវសារធាតុញៀនដែលប្រព្រឹត្តនៅភូមិស្រែក្នុងឃុំអូរជ្រៅស្រុកព្រៃនប់ខេត្តព្រះសីហនុ។ មន្ត្រីសមត្ថកិច្ចបានឱ្យដឹងថាបុរសម្នាក់នេះឈ្មោះស្មានអៃយូបភេទប្រុសអាយុ៣៥ឆ្នាំមុខរបរកម្មករសំណង់មានទីលំនៅភូមិស្រែក្នុងឃុំអូរជ្រៅស្រុកព្រៃនប់ខេត្តព្រះសីហនុ។ត្រូវបានវត្ថុតាងដកហូតមានម្សៅក្រាមសថ្លាសង្ស័យសារធាតុញៀនចំនួន៤កញ្ចប់(ធំ៣តូច១)និងទូរស័ព្ទដៃចំនួន១គ្រឿង។ ជនសង្ស័យសមត្ថកិច្ចក៏សាងសំណុំរឿងបញ្ជូនខ្លួននិងវត្ថុតាងទៅស្នងការដ្ឋាននគរបាលខេត្តព្រះសីហនុដើម្បីបន្តរនីតិវិធីច្បាប់៕