បាត់ដំបង៖កម្លាំងនគរបាលខេត្តបាត់ដំបងបានចាប់ជនសង្ស័យ៤នាក់ពាក់ព័ន្ធបទល្មើសគ្រឿងញៀនជាមួយវត្ថុតាងនិងកាំភ្លើងច្នៃហើយត្រៀមបញ្ជូនទៅតុលាការចាត់ការតាមច្បាប់។សមត្ថកិច្ចបានឱ្យដឹងថា កាលពីថ្ងៃទី១៨ ខែមករាកម្លាំងជំនាញបានចុះបង្ក្រាបបទល្មើសគ្រឿងញៀននៅភូមិល្វាទេ ឃុំត្រាង ស្រុកកំរៀង ខេត្តបាត់ដំបង។ជាមួយនោះបានឃាត់ខ្លួនជនសង្ស័យចំនួន៤នាក់ឈ្មោះតេន ហួតអាយុ៣៥ឆ្នាំ-ឈ្មោះសុត ធឹមអាយុ៣៣ឆ្នាំ-ឈ្មោះជា សំបូអាយុ៣៥ឆ្នាំ-និងឈ្មោះញ៉ាត សំណាងអាយុ២៣ឆ្នាំពួកគេនៅភូមិ ឃុំខាងលើ។វត្ថុតាងដកហូតមានម្សៅក្រាមសថ្លា៥ថង់-លុយខ្មែរ៦០០.០០០រៀល-កាំភ្លើងខ្លីបាញ់គ្រាប់កង់១ដើម-បង់កាំភ្លើងចំនួន២-គ្រាប់កាំភ្លើងអាកា១៣២គ្រាប់-និងម៉ូតូ១គ្រឿងម៉ាកហុងដាឌ្រីមគ្មានផ្លាកលេខ។ក្រោយមកនគរបាលស្រុកកំរៀងបានរៀបចំសំណុំរឿងបញ្ជូនបន្តតាមនីតិវិធី៕
Related Articles
សិប្បកម្មកែច្នៃឈើជាច្រើនកន្លែងនៅតំបន់បាតអាងសេសានក្រោម២គ្មានការបង្ក្រាប
ស្ទឹងត្រែង៖សិប្បកម្មកែច្នៃឈើប្រមាណជា១០កន្លែងនៅក្នុងឃុំស្រែគរស្រុកសេសានខេត្តស្ទឹងត្រែងគឺមិនមានការចុះបង្ក្រាបទេ។ប្រជាពលរដ្ឋបានឱ្យដឹងថា៖នៅក្នុងឃុំស្រែថ្មីស្រុកសេសានខេត្តស្ទឹងត្រែងមានទីតាំងសិប្បកម្មសម្រាប់កែច្នៃឈើជាច្រើនកន្លែង។ប៉ុន្តែមិនមានការចុះបង្ក្រាបទេគឺមានតែអ្នកទៅប្រមូលលុយ។ ប្រភពដដែលបានឱ្យដឹងទៀតថា៖សិប្បកម្មទាំងនោះបានកែច្នៃឈើពាក់កណ្តាលសម្រេចហើយបានដឹកតាមរថយន្តប្រភេទសាំយ៉ុងចេញពីក្នុងតំបន់វារីអគ្គិសនីសេសានក្រោម២មកទម្លាក់នៅតាមព្រៃចម្ការស្វាយចន្ទីបន្តដឹកចេញទៅក្រៅខេត្ត។ឈើដែលអាចចេញពីតំបន់បាតអាងបានគឺត្រូវឆ្លងកាត់ប៉ុស្តិ៍ត្រួតពិនិត្យរបស់កងរាជអាវុធហត្ថនៅតំបន់នោះ៕សហការី
រថយន្តលុច្សស៊ីសពីរគ្រឿងបុកគ្នារងរបួសធ្ងន់ម្នាក់
ភ្នំពេញ៖បុរសជនជាតិកូរ៉េម្នាក់បានបើករថយន្តលឿនហើយបត់ឆ្វេងជ្រុលទៅបុកនឹងរថយន្តមួយគ្រឿងទៀតបណ្ដាលឱ្យខូចខាតទាំងសង្ខាងនិងរងរបួសម្នាក់។ហេតុការណ៍បានកើតឡើងកាលពីយប់រំលងអធ្រាត្រចូលថ្ងៃពុធទី១៩ខែកុម្ភៈឆ្នាំ២០២០ត្រង់ចំណុចផ្លូវ៥៩៨កែងផ្លូវ១៩៦៦នៅក្នុងសង្កាត់ ភ្នំពេញថ្មី ខណ្ឌសែនសុខ ។ រថយន្តជនជាតិកូរ៉េម៉ាកលុច្សស៊ីស RX300 ពណ៌ទឹកប្រាក់ ពាក់ស្លាកលេខភ្នំពេញ2AT.2090និង រថយន្តមួយគ្រឿងទៀតជាជនជាតិរខ្មែរគឺម៉ាកលុច្សស៊ីស RX330 ពណ៌ទឹកប្រាក់ ពាក់ស្លាកលេខ ភ្នំពែញ2V.6883។ក្រោយពីកើតហេតុសមត្ថកិច្ចមូលដ្ឋានបានចុះមកដល់ហើយក៏ទំនាក់ទំនងទៅសមត្ថកិច្ចជំនាញចុះមកវាស់វែងស្ទូចយករថយន្តទាំង២គ្រឿងទៅរក្សាទុករង់ចាំដោះស្រាយគ្នានៅពេលក្រោយ៕
ជនមានជំនាញឆបោកតាមវីងនិងហ្វេសប៊ុកត្រូវសមត្ថកិច្ចចាប់ខ្លួន
បាត់ដំបងៈកាលពីថ្ងៃទី២១ខែធ្នូឆ្នាំ២០១៩ជនពីរនាក់ដែលមានជំនាញឆបោកយកលុយតាមវីងនិងហ្វេសបុកត្រូវសមត្ថកិច្ចខេត្តបាត់ដំបងតាមចាប់ខ្លួនដល់ខេត្តកែបហើយបានបញ្ជូនជនសង្ស័យពីរនាក់នេះទៅតុលាការ។ករណីនេះបានកើតឡើងនៅចំណុចលើផ្លូវបេតុងស្ថិតក្នុងភូមិឡឥដ្ឋសង្កាត់ព្រែកព្រះស្ដេចក្រុងបាត់ដំបងខេត្តបាត់ដំបង។ សមត្ថកិច្ចបានឱ្យដឹងថាកម្លាំងបាននាំខ្លួនជនសង្ស័យចំនួនម្នាក់ឈ្មោះសេងភារ៉ាហៅពេទ្យភេទប្រុសអាយុ២៩ឆ្នាំនៅភូមិឈើទាលឃុំឈើទាលស្រុកបាណន់ខេត្តបាត់ដំបង។ក្រោយពីបានសួរនាំរួចមកនគរបាលខេត្តបានចុះទៅសហការជាមួយកម្លាំងស្នងការខេត្តកែបឈានទៅចាប់ខ្លួនជន សង្ស័យម្នាក់ទៀតឈ្មោះឈុនពិសិដ្ឋភេទប្រុសអាយុ២៨ឆ្នាំនៅភូមិចំការសំរោង២សង្កាត់ចំការសំរោងក្រុងបាត់ដំបង៕