ភ្នំពេញ៖ក្រុមចោរចំនួន៤នាក់ជិះម៉ូតូ២គ្រឿងបានឆក់ទូសព្ទពីអ្នកគ្រូពេទ្យម្នាក់បានសម្រេចនិងកៀរផ្តួលម៉ូតូជនរងគ្រោះផ្ទប់រថយន្តឱ្យរងរបួសហើយចោរនាំគ្នាជិះម៉ូតូគេចខ្លួនបាត់អស់។ហេតុការណ៍នោះបានកើតឡើងតាមផ្លូវជាតិលេខ៤ ខាងលិចស្ពានអាកាសចោមចៅ ក្នុងភូមិព្រៃព្រីងជើង១ សង្កាត់ចោមចៅទី៣ ខណ្ឌពោធិ៍សែនជ័យ នៅព្រឹកថ្ងៃទី១៩ ខែមករា។សាក្សីបានឱ្យដឹងថា មុនកើតក្រុមចោរ៤នាក់បានជិះម៉ូតូម៉ាកហុងដាឌ្រីមចំនួន២គ្រឿង។ ចំណែកស្ត្រីរងគ្រោះមិនបានប្រាប់អត្តសញ្ញាណទេដោយបានបង្ហើបថាជាគ្រូពេទ្យប្រចាំនៅគ្លីនិកឯកជនមួយក្បែរប៉ុស្តិ៍នគរបាលចោមចៅទី៣បានរងរបួសហើយបាត់ទូរសព្ទម៉ាកIPhone 14 Pro Max មួយគ្រឿង។អ្នកគ្រូពេទ្យពេលកំពុងជិះម៉ូតូម៉ាកស្កុបពីត្រូវក្រុមគ្រួសារបានទូរសព្ទចូលហើយគាត់ក៏ដកទូរសព្ទចេញពីហោប៉ៅយកមកនិយាយក៏ត្រូវចោរ២នាក់ជិះម៉ូតូមកឆក់យកទូរសព្ទបានសម្រេច។ ភ្លាមៗនោះជនរងគ្រោះបានជិះម៉ូតូដេញតាមនិងស្រែកថាចោរៗស្រាប់តែមានចោរ២នាក់ទៀតជិះម៉ូតូមកពីក្រោយកៀរម៉ូតូអ្នកគ្រូពេទ្យរូបនោះដួលផ្ទប់រថយន្តបណ្ដាលឱ្យរងរបួសតែម្តង៕
Related Articles
កងទ័ពខេត្តព្រះវិហារបើកការចាក់វ៉ាក់សាំងដូសទី៣ជូនដល់ទីបញ្ជាការជួរមុខ
ព្រះវិហារ៖ កាលនៅព្រឹកថ្ងៃទី១១ ខែសីហា ឆ្នាំ២០២១នេះ លោកឧត្តមសេនីយ៍ទោ ច័ន្ទសុភក្រ្តា មេបញ្ជាការទ័ពខេត្តព្រះវិហារ បាន យុទ្ធនាការចាក់វ៉ាក់សាំងបង្កាជំងឺកូវីដ-១៩ ដូសទី៣ ប្រភេទ(អាស្ត្រាហ្សេនីកា) ជូនដល់កងកម្លាំងទីបញ្ជាការ ទិសយោធភូមិភាគទី ៤ ដែលបំពេញភារកិច្ច ជួរមុខតាមបន្ទាត់ព្រំដែនកម្ពុជា-ថៃ ឡាវ ដើម្បីប្រឆាំងនឹងការវាយ ប្រហារពីវីរុសកូវីដ~១៩ បម្លែងថ្មី ប្រភេទដែលតា(Delta) ដែលកំពុងផ្ទុះខ្លាំងពីប្រទេសថៃ។ លោកឧត្តមសេនីយ៍ទោ មេបញ្ជាការ បានថ្លែង ថា៖ វ៉ាក់សាំង ដែលចាក់ជូនមន្ត្រីរាជការកងកម្លាំង គ្រួសារទ័ពជួរមុខដូសទី៣ នាពេលនេះ គឺជាការផ្តល់ជូនដ៏ពិសិទ្ធ ពីសំណាក់សម្តេចតេជោ ហ៊ុន សែន នាយករដ្ឋមន្ត្រី ដែលសម្តេចបានខិតខំគ្រប់បែបយ៉ាងដើម្បីរកវ៉ាក់សាំងនិងបានដាក់ចេញវិធានការ សម្រាប់ចាក់ជូនមន្ត្រីរាជការ ប្រជាពលរដ្ឋរបស់យើងឱ្យបានគ្រប់ៗគ្នា៕ដោយ៖ញ៉ែម សុផល
ក្មេងប្រុសស្រី២នាក់លង់ទឹកស្លាប់នៅរមណីដ្ឋានក្បាលឆាយ
ព្រះសីហនុ៖ក្មេងប្រុសស្រី២នាក់បានលង់ទឹកស្លាប់ ពេលចុះលេងទឹកនៅអាងទឹកក្បាលឆាយ ក្នុងសង្កាត់លេខ១ក្រុងព្រះសីហនុ កាលពីរសៀលថ្ងៃទី៧ខែមីនាឆ្នាំ២០២១។ សមត្ថកិច្ចបានឱ្យដឹងថា៖ ជនរងគ្រោះដែលស្លាប់ឈ្មោះបួល សំណាង ភេទប្រុស អាយុ១៨ឆ្នាំ បច្ចុប្បន្នស្នាក់នៅភូមិភូធឿង ឃុំបិតត្រាង ស្រុកព្រៃនប់ ខេត្តព្រះសីហនុ។ ឪពុកឈ្មោះបួស ផល អាយុ៦១ឆ្នាំម្ដាយឈ្មោះ សំ អឿន អាយុ៥៨ឆ្នាំ ។ឈ្មោះ វុធ ម៉ាសាឡែន ភេទស្រី អាយុ៧ឆ្នាំស្លាប់។ ឪពុកឈ្មោះសំណាង វណ្នី អាយុ៣៧ឆ្នាំ ម្ដាយឈ្មោះសំ ភឿន អាយុ៣៧ឆ្នាំ ។ មន្ត្រីដដែលបានបន្តថា៖ មូលហេតុក្មេងរងគ្រោះបានជិះលើដើមឈើដែលដួលនៅក្នុងទឹក ហើយពេលកំពុងលេងក៏រអិលធ្លាក់ចូលក្នុងទឹកជ្រៅបណ្តាលឱ្យបាត់ខ្លួនក្នុងទឹក ។ក្រោយកើតហេតុសមត្ថកិច្ចនិងពលរដ្ឋបានសហការ រាវរកច្រើនម៉ោង រហូតដល់ម៉ោងជិង៥ល្ងាចថ្ងៃដដែលទើបរកឃើញសាកសពទាំង២នាក់ ៕វិចិត្រ
នៅខេត្តពោធិ៍សាត់ទឹកស្ទឹងបានស្រកចុះឯទឹកទន្លេបានកើនឡើង
ពោធិ៍សាត់ៈមន្ត្រីមន្ទីរជំនាញខេត្តពោធិ៍សាត់បានបញ្ជាក់ឱ្យដឹងថាៈស្ថានភាពជំនន់ទឹកភ្លៀង នៅខេត្តពោធិ៍សាត់ ដែលធ្វើឱ្យលិចលង់គិតពីថ្ងៃទី១០ មកដល់រសៀលថ្ងៃទី១៣ ខែតុលា ឆ្នាំ២០២០ស្ថានភាពកម្ពស់ទឹកស្ទឹងពោធិ៍សាត់ បានស្រក១តឹក។ប៉ុន្តែការលិចលង់ ផ្ទះសម្បែង និងរងផលប៉ះពាល់ ប្រជាពលរដ្ឋ នៅមិនទាន់បានធូស្រាលនៅឡើយទេ ។ មន្ត្រីដដែលបានបន្តថាៈចំណែកទឹកស្ទឹងក្រវាញ នៅផ្នែកខាងលើ បានស្រកចុះ១,៥៥ ម៉ែត្រ និងទឹកស្ទឹងវាលវែង ក៏បានស្រកចុះ រហូតដល់ ១,៧ ម៉ែត្រ ។ ដោយឡែក ទឹកបឹងទន្លេនៅចំណុចស្ថានីយ៍ជលសាស្ត្រកំពង់លួងត្រូវគេពិនិត្យឃើញថា មានការកើនឡើង រហូតកម្ពស់ ០,២៩ ម៉ែត្រដែលមានកម្ពស់រហូតដល់ទៅ ៤,២៦ ម៉ែត្រ ។ តែបើទោះជាស្ថានភាព ទឹកស្ទឹងពោធិ៍សាត់ មានការស្រកចុះ ក៏ពិតមែន តែសូមប្រជាពលរដ្ឋ ត្រូវតែមានការប្រុងប្រយ័ត្នផ្ទះសំបែង ពិសេសគឺក្មេងតូចៗ មាតាបិតា អាណាព្យាបាល ត្រូវតែមានការប្រុងប្រយ័ត្ន ទាំងអស់គ្នា និងសូមកុំទុកពួកគាត់ចោលឱ្យនៅម្នាក់ឯង៕ស.រិន្ទ