ពោធិ៍សាត់៖គ្រោះថ្នាក់ចរាចរណ៍ដោយរថយន្តម៉ាកហាយឡិនឌ័រ សង្ស័យជារបស់មន្ត្រីព្រៃឈើម្នាក់ បានបើកបុកម៉ូតូបណ្តាលឱ្យស្លាប់ម្នាក់និងរងរបួសធ្ងន់២នាក់។ លោកវរសេនីយ៍ទោ សុខ មេសា អធិការរងនគរបាលក្រុងពោធិ៍សាត់បានឱ្យដឹងថា ហេតុការណ៍នេះបានកើតឡើងនៅម្តុំលើអាងបង្ហារទឹករលាប ស្ថិតនៅភូមិរលាប ក្រុង/ខេត្តពោធិ៍សាត់ កាលពីរំលងអធ្រាត្រចូលថ្ងៃទី៩ ខែមីនា។មុនកើតហេតុរថយន្តម៉ាកហាយឡិនឌ័រផ្លាកលេខភ្នំពេញ 2BB-8135 បើកពីជើងទៅត្បូង។ មកដល់កន្លែងខាងលើទំនងមិនប្រកាន់ស្តាំក៏បុកជាមួយម៉ូតូម៉ាកហុងដាឌ្រីផ្លាកលេខភ្នំពេញ 2IP-2818 មកពីមុខពេញទំហឹងបណ្តាលឱ្យអ្នកបើកបរម៉ូតូស្លាប់ភ្លាមនិងអ្នករួមដំណើរ២នាក់រងរបួសធ្ងន់។ជនរងគ្រោះទាំង៣នាក់-ឈ្មោះ សុខមាន អាយុ១៦ឆ្នាំបានស្លាប់។ឈ្មោះ ហេង សុហ្វានាថ អាយុ១៤ឆ្នាំរងរបួសធ្ងន់និងឈ្មោះ ជឿន វិចិត្រ អាយុ១៤ឆ្នាំរងរបួសធ្ងន់។ពួកគេទាំង៣នាក់ជាសិស្សនៅសង្កាត់រលាប ក្រុង/ខេត្តពោធិ៍សាត់។ចំណែកអ្នកបើកបររថយន្តឈ្មោះ ម៉ៅ ចន្ធូដារ៉ា អាយុ ៤៩ឆ្នាំជាមន្ត្រីព្រៃឈើនៅភូមិប៉ែន ឃុំលាច ស្រុកភ្នំក្រវាញ ខេត្តពោធិ៍សាត់។បន្ទាប់ពីកើតហេតុសមត្ថកិច្ចបានយករថយន្តនិងម៉ូតូទៅទុកនៅអធិការដ្ឋាននគរបាលក្រុងពោធិ៍សាត់ដើម្បីបន្តនីតិវិធី៕
Related Articles
ផ្ទះចំណាស់មួយខ្នងមានជាប់ស្នាមត្រាដែកបង់ពន្ធសម័យបារាំងអាយុកាលជាង១២០ឆ្នាំ
បន្ទាយមានជ័យ៖អាជ្ញាធរចង់អភិរក្សនិងអភិវឌ្ឍន៍ផ្ទះឈើប្រក់ក្បឿងចំណាស់ជាង១២០ឆ្នាំបន្ទាប់ពីរកឃើញស្នាមពន្ធត្រាដែកសម័យអាណានិគមបារាំងដែលបោះដិតជាប់ក្រឡៅនៅនឹងសសរ ។ផ្ទះនោះស្ថិតនៅភូមិតាបែនឃុំតាបែនស្រុកស្វាយចេកខេត្តបន្ទាយមានជ័យ ។ លោកតាបេឈួនហៅគឹមឈួនអាយុ៨២ឆ្នាំជាកូនពៅនៃបងប្អូន៥នាក់ជាជាងឈើនិងជាម្ចាស់ផ្ទះនោះបានឱ្យដឹងកាលពីថ្ងៃទី២៤ខែកញ្ញាឆ្នាំ២០២០ថា៖ផ្ទះរោងដោលធ្វើពីឡើងប្រក់ក្បឿងស្រកាត្រីនោះជាកេរឳពុកលោកមានឈ្មោះបេយុននិងម្តាយឈ្មោះសៅច្រែងដែលជាកូនចៅសែស្រឡាយចិន។ពួកគាត់(កាលសម័យបារាំង)មានរបរធ្វើស្រែចម្ការនៅភូមិ/ឃុំតាបែនស្រុកសិរីសោភ័ណខេត្តបាត់ដំបង ។ លោកតាបានបន្តថា៖កាលលោកដឹងក្តីគឺមានផ្ទះនេះចាស់ដែរហើយ។គឺផ្ទះនេះអាចសាងសង់នៅឆ្នាំ១៩០០ឬ១៩០៥ ។លោកតាបានបន្តថា ៖ ផ្ទះនេះ បានសង់ដោយជីកកប់សសរកកោះនិងផ្ចឹកក្នុងដី ។ សំណង់ឈើនេះមិនបានល្អទេដោយសារកាលណោះមានការលំបាកជីវភាពដែរគឺសង់ឱ្យតែបានជ្រកស្នាក់នៅ ។
ប្តីតាមទាន់ប្រពន្ធនាំប្រុសសាហាយមកដេកដល់ក្នុងបន្ទប់នៅខណ្ឌពោធិ៍សែនជ័យ
ភ្នំពេញ៖ស្រ្តីម្នាក់មានប្តីមានកូនដល់ទៅពីរនាក់បានលួចផិតក្បត់ដោយយកប្រុសសាហាយមកដេកដល់ក្នុងបន្ទប់ត្រូវប្តីបានតាមទាន់នាងបានត្រឹមអង្គុយយំ។រឿងរ៉ាវនេះបង្កឱ្យមាន ការភ្ញាក់ផ្អើលនៅបន្ទប់ផ្ទះជួលលេខ២៨B ជាន់ទី២ ឃុំត្រពាំងក្រសាំងសង្កាត់ត្រពាំងក្រសាំងខណ្ឌពោធិ៍សែនជ័យកាលពីយប់ថ្ងៃទី៨ខែមេសា ឆ្នាំ២០២១។ អ្នកភូមិបានឱ្យដឹងថា៖បុរសជាប្តីឈ្មោះ ក្រិត ពៅអាយុ ៣១ឆ្នាំធ្វើការរោងចក្រ ស្នាក់នៅបន្ទប់ជួលបានរៀបរាប់ប្រាប់អ្នកសារព័ត៌មានថា៖ ប្រពន្ធរបស់គាត់មានឈ្មោះ សាក់ ស្រីភ័ស្ព អាយុ ២៧ឆ្នាំធ្វើការរោងចក្រដូចគ្នា។ពួគគាត់បានរៀបការកាលពីឆ្នាំ២០១១ នៅឯស្រុកកំណើតខាងប្តី ស្រុកព្រះស្តេច ខេត្តព្រៃវែង រហូតមកដល់សព្វថ្ងៃរយៈពេល ១០ ឆ្នាំមកហើយ ថែមទាំងមានកូនប្រុសស្រីនៅក្នុងបន្ទុកពីរនាក់។ បុរសដដែលបានបន្តថា៖ពួគគាត់ មកធ្វើការរោងចក្រនៅក្រុងភ្នំពេញ ដោយស្នាក់នៅបន្ទប់ជួលក្បែរកន្លែងកើតហេតុដោយរស់នៅមិនចុះសម្រុងគ្នា តែងតែឈ្លោះគ្នាជាញឹកញាប់ មួយ១ខែចុងក្រោយនេះ ប្រពន្ធបានវេចបង្វឹចរត់ចោលរូបគេជាប្តីមករស់នៅបន្ទប់ជួលផ្សេង។ ក្រោយមករូបគាត់ជាប្ដីបានតាមដានដឹងថាប្រពន្ធរបស់គាត់មកនៅបន្ទប់ជួលផ្សេងក្បែរកន្លែងគាត់ស្នាក់នៅដែរ។មួយ អាទិត្យក្រោយមកដោយមានការសង្ស័យព្រោះរូបគាត់ជាប្ដីបានខលទូរស័ព្ទ ទៅប្រពន្ធចង់សួរសុខទុក តែប្រពន្ធបានប្រាប់ថាឈប់ខលទូរស័ព្ទមករកគេទៀតទៅ ធ្វើឱ្យរូបគេជាប្តីរឹតតែមានការសង្ស័យថែមទៀត។ លុះដល់ម៉ោងកើតហេតុខ្លួន ក៏បានដើរមកមើល ប្រពន្ធ ដល់បន្ទប់ជួលទើបដឹងថាប្រពន្ធនាំប្រុសមកដេកដល់ក្នុងបន្ទប់រូបគាត់យកដែកចងទ្វារជាប់មិនចេញទៅណាទេបង្កឱ្យមានការភ្ញាក់ផ្អើលដល់បងប្អូនស្នាក់នៅបន្ទប់ជួលក្បែរគ្នារួចប្រាប់សមត្ថកិច្ច។បច្ចុប្បន្នប្ដីប្រពន្ធនិងប្រុសដែលជាសហាយស្មន់ត្រូវកម្លាំងសមត្ថកិច្ចនាំខ្លួនយកទៅប៉ុស្តិ៍នគរបាលរដ្ឋបាលត្រពាំងក្រសាំង ដើម្បីធ្វើការសួរនាំនិងបន្តតាមនីតិវិធីច្បាប់៕ដោយ៖វិចិត្រ
សមត្ថកិច្ចចុះបង្ក្រាបទីតាំងសិប្បកម្មកែច្នៃឈើអត់ច្បាប់១កន្លែងនៅស្រុកជាំក្សាន្ត
ព្រះវិហារ៖សមត្ថកិច្ចជំនាញសង្កាត់រដ្ឋបាលព្រៃឈើរំដោះស្រែនិងព្រីងធំសហការជាមួយកម្លាំងកងរាជអាវុធហត្ថស្រុកជាំក្សាន្តដឹកនាំបង្ក្រាបផ្ទាល់ដោយលោកគឹមចេត្ថាវីនាយផ្នែករដ្ឋបាលព្រៃឈើជាំក្សាន្ត។ ទៅតាំងនៅត្រង់ចំណុចនិយាមការ(៤៧៧៥៦២.១៥៦៦១៩៨)។ស្ថិតក្នុងភូមិពាក់ស្បែកឃុំរំដោះស្រែស្រុកជាំក្សាន្តខេត្តព្រះវិហារ។ក្នុងប្រតិបត្តិការចុះបង្ក្រាបទីតាំងសិប្បកម្មខាងលើនេះធ្វើឡើងកាលពីព្រឹកថ្ងៃទី៣ ខែមេសា ឆ្នាំ២០២០ ត្រង់ចំណុចភូមិពាក់ស្បែក ស្ថិតនៅក្នុងឃុំរំដោះស្រែ ស្រុកជាំក្សាន្ត ខេត្តព្រះវិហារ ។ លោកគឹមចេត្ថាវីនាយផ្នែករដ្ឋបាលព្រៃឈើជាំក្សាន្តបានឱ្យដឹងថាចំពោះវត្ថុតាងដែលកម្លាំងជំនាញចាប់បានរួមមាន៖ ម៉ាស៊ីនគោយន្តចំនួន១គ្រឿង, តាបឈូសចំនួន១គ្រឿង, ម៉ាស៊ីនបូមខ្សល់ចំនួន ១គ្រឿង, ម៉ូទ៍រកាត់ចំនួន១គ្រឿង,ម៉ូទ៍រដើរភ្លីចំនួន២គ្រឿង,ម៉ូទ៍រឈូសចំនួន២គ្រឿង,ម៉ូទ័រខាត់ចំនួន៣គ្រឿង,ម៉ូទ័រស្វានចំនួន១គ្រឿង,និងឈើអារប្រភេទលេខ១ (ផ្ចឹក)សរុបចំនួន ៩៣សន្លឹក ស្មើនឹង ៣,៤០៦។ លោកថាបច្ចុប្បន្នវត្តុតាងទាំងអស់ត្រូវបានកម្លាំងដឹកនាំយកមករក្សាទុកនៅថ្នាលបណ្តុះកូនឈើពាក់ស្បែកស្នាក់ការសង្កាត់រដ្ឋបាលព្រៃឈើរំដោះស្រែ និងព្រីងធំ ស្រុកជាំក្សាន្ត ខេត្តព្រះវិហារ ៕វ៉ាន់ឌី