ភ្នំពេញ៖ជនសង្ស័យម្នាក់ត្រូវបានគេអះអាងជាអ្នកសារព័ត៌មាននិងបក្ខពួក ករណីឆក់កាបូបតាមផ្លួវត្រូវសមត្ថកិច្ចចាប់បាន២នាក់ ហើយត្រូវបញ្ជូនទៅតុលាការ។ ករណីនេះបានកើតឡើងនៅភូមិម្ភៃបួន សង្កាត់ព្រៃស ខណ្ឌដង្កោកាលពីយប់ថ្ងៃទី១៨ ខែមេសា។សមត្ថកិច្ចបានឱ្យដឹងថា ជនសង្ស័យ២នាក់ឈ្មោះ ជឹម រក្សា អាយុ២៧ឆ្នាំមានបណ្ណព័ត៌មានអង្គភាពគេហទំព័រនគរប៉ុស្តិ៍ធីវីអនឡាញជាប់ខ្លួន១សន្លឹក។បុរសរូបនេះស្នាក់នៅផ្ទះជួលសង្កាត់ព្រៃស ខណ្ឌដង្កោនិងឈ្មោះ សេក ចាន់រតនា អាយុ២០ឆ្នាំស្នាក់នៅផ្ទះជួល សង្កាត់ទឹកថ្លា ខណ្ឌសែនសុខ។រីឯបក្ខពួកម្នាក់ទៀតបានជិះម៉ូតូគេចខ្លួនបាត់។ចំណែកម្ចាស់កាបូបឈ្មោះ ប៊ុត ជីវី អាយុ៤៦ឆ្នាំ អ្នករត់ផាស្អេបនៅខណ្ឌដង្កោបានឌុបប្រពន្ធទៅផ្សារ។ក្នុងកាបូបដែលចោរឆក់នោះមានទូរសព្ទម៉ាកJINO ពណ៌ខ្មៅ១គ្រឿង-លុយខ្មែរចំនួន ៣៧០.០០០រៀល។ពេលចាប់ខ្លួនសមត្ថកិច្ចបានដកហូតវត្ថុតាង ម៉ូតូម៉ាកហុងដាឌ្រីមផ្លាកលេខភ្នំពេញ1JX-4625 ១គ្រឿង-ម៉ូតូម៉ាកហុងដាឃ្លីកផ្លាកលេខភ្នំពេញ1JW-5628 ១គ្រឿង-បណ្ណព័ត៌មានអង្គភាពគេហទំព័រ នគរប៉ុស្តិ៍ធីវីអនឡាញឈ្មោះ ជឹម រក្សា១សន្លឹក-លិខិតបេសកកម្មសារព័ត៌មាន នគរប៉ុស្តិ៍ធីវីអនឡាញ១ច្បាប់-កាបូបស្ពាយ១របស់ជនរងគ្រោះ។ ក្រោយពីសាកសួរ ជនសង្ស័យសារភាពថា ពួកគេបានឆក់កាបូបពីជនរងគ្រោះពិតប្រាកដមែន។សមត្ថកិច្ចក៏បានកសាងសំណុំរឿងបញ្ជូនទៅតុលាការដើម្បីចាត់ការតាមច្បាប់៕
Related Articles
ភ្លើងធូបឆេះបំផ្លាញផ្ទះមួយខ្នងនិងទ្រព្យសម្បត្តិអស់គ្មានសល់
សៀមរាប៖ធូបទៀនដែលម្ចាស់ដុតដាក់លើអសនៈបង្កជាអគ្គិភ័យបណ្តាលឱ្យឆាបឆេះផ្ទះធ្វើពីឈើលើថ្មក្រោមមួយខ្នងនិងទ្រព្យសម្បត្តិអស់គ្មានសល់។ គ្រោះអគ្គិភ័យនេះបានកើតឡើងនៅភូមិត្រពាំងស្វាយ ឃុំរើល ស្រុកពួក ខេត្តសៀមរាបកាលពីព្រឹកថ្ងៃទី២៥ ខែកុម្ភៈ ឆ្នាំ២០២២។មន្ត្រីអាជ្ញាធរបានដឹងថា ហេតុការណ៍នេះបណ្ដាលឱ្យខូចខាតផ្ទះមួយខ្នងទំហំ៨ម៉ែត្រគុណ១៧ម៉ែត្រសង់ពីឈើលើ ថ្មក្រោម ជញ្ជាំងក្ដារ ប្រក់ក្បឿង ខូចខាតអស់ទាំងស្រុង។ ជាមួយនោះបានឆេះគ្រែគ្រញូង១-ទូរដាក់ខោអាវ១-តុគ្រញូង១-តុបាយ២-មាសមួយតំឡឹង៤ជី-លុយ៣.០០០ ដុល្លារនិងសម្ភារប្រើប្រាស់ជាច្រើនទៀត។មន្ត្រីដដែលបានបន្តថា ម្ចាស់ផ្ទះឈ្មោះ សុខ ពៅ ភេទប្រុស អាយុ៥១ឆ្នាំ រស់នៅភូមិ ឃុំខាងលើ។ មូលហេតុដែលបង្កឱ្យឆេះនេះគឺមកពីម្ចាស់ផ្ទះដុតធូបទៀនដាក់នៅលើអាសនៈ ។តែអគ្គិភ័យនេះមិនបណ្តាលឱ្យប៉ះពាល់ដល់ជីវិតមនុស្សទេ៕
បញ្ជូនថៅកែហាងនំប៉ាវម្នាក់ទៅតុលាការករណីវាយកម្មករឱ្យរងរបួសធ្ងន់និងចាក់សោរបង្ខាំងក្នុងបន្ទប់
ភ្នំពេញៈថៅកែហាងនំប៉ាវម្នាក់ ដែលយកកាំបិតប៉័ងតោទះក្បាលកម្មកររបស់ខ្លួន បណ្តាលរងរបួសធ្ងន់ និងចាក់សោរបង្ខាំងក្នុងបន្ទប់ថែមទៀតនោះត្រូវនគរបាលខណ្ឌដង្កោបញ្ជូនទៅតុលាការនៅព្រឹកថ្ងៃទី១២ខែតុលាឆ្នាំ២០២០ដើម្បីចាត់ការតាមច្បាប់។ ការបញ្ជូនមកតុលាការនេះគឹកើតឡើងបន្ទាប់ពីសមត្ថកិច្ចនគរបាលខណ្ឌដង្កោបានឃាត់ខ្លួនថៅកែហាងរូបនេះរួចបានដោះលែងឱ្យមានសេរីភាព វិញ ក្រោមហេតុផលសម្របសម្រួលគ្នាបញ្ចប់រឿង។ ថៅកែហាងនំប៉ាវរូបនេះ ឈ្មោះ សៀវ ទី ភេទប្រុស អាយុ៣៣ឆ្នាំមានទីលំនៅផ្ទះលេខ២៤០+២៤២ ផ្លូវលេខ១១ ភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ។ចំណែកជនរងគ្រោះឈ្មោះ លី សុខខេង ភេទប្រុស អាយុ៣៧ឆ្នាំ មានទីលំនៅផ្ទះជួលផ្លូវបេតុង ក្រុម ភូមិត្នោតជ្រុំ សង្កាត់បឹងទំពុន ខណ្ឌមានជ័យ រាជធានីភ្នំពេញ មុខរបរកម្មករដឹកនំប៉ាវ ។ គួររំលឹកថាអំពើហិង្សានេះបានកើតឡើងកាលពីថ្ងៃទី៩ខែតុលាឆ្នាំ២០២០នៅក្នុងភូមិសំបួរសង្កាត់ដង្កោខណ្ឌដង្កោរាជធានីភ្នំពេញ។សមត្ថកិច្ចនគរបាលខណ្ឌដង្កោបានបញ្ជាក់ថាៈនៅមុនពេលកើតហេតុកាលពីទៀបភ្លឺថ្ងៃទី៩ខែតុលាឆ្នាំ២០២០ជនរងគ្រោះបានជិះម៉ូតូសណ្តោងរ៉ឺម៉ក ចេញពីផ្ទះជួលរបស់ខ្លួន ទៅធ្វើការជាកម្មករដឹកនំប៉ាវនៅផ្ទះថៅកែឈ្មោះសៀវទីដូចសព្វដង។ ដោយថៅកែបានប្រើឱ្យជនរងគ្រោះ យកនំប៉ាវចំនួន២៦កេសដាក់លើរ៉ឺម៉ក ដើម្បីដឹកឱ្យភ្ញៀវនៅផ្លូវជាតិលេខ៣ ផ្លូវលេខ៤១ និង ផ្លូវជាតិលេខ៤ ជាមួយគាត់ ។ លុះពេលត្រឡប់មកដល់ផ្ទះវិញ នៅវេលាម៉ោង៣៖២០នាទីរសៀល ថ្ងៃខែឆ្នាំដដែល ថៅកែ បានហៅជនរងគ្រោះចូលក្នុងផ្ទះកន្លែងតុគិតលុយរួចថៅកែបានយកបញ្ជីដែលភ្ញៀវជំពាក់មកសួរជនរងគ្រោះ ហើយថៅកែបាននិយាយថា ភ្ញៀវនៅថ្នល់ទទឹងជំពាក់៤កេស តែជនរងគ្រោះនិយាយថា ភ្ញៀវនៅថ្នល់ទទឹងជំពាក់តែ៣កេសទេ ។ គ្រាន់តែសម្តីបែបនេះសោះស្រាប់តែថៅកែនិយាយថា«ជនរងគ្រោះនិយាយឈ្លើយបង្កជាទំនាស់ពាក្យសម្តីទើបថៅកែដើរទៅយកសោរចាក់ទ្វារផ្ទះរួចក៏ដើរទៅផ្ទះបាយយកកាំបិតប៉័ងតោកាន់នៅនឹងដៃខាងស្តាំដើរសំដៅមកជនរងគ្រោះរួចធាក់ផងច្របាច់កផងនិងយកកាំបិតប៉័ងតោមកទះមុខរបស់ជនរងគ្រោះ៤ទៅ៥កាំបិត ទៀតផង ។ ប៉ុន្តែជនរងគ្រោះយកដៃរង […]
ចាប់ប្តីនិងប្រពន្ធជួញដូរគ្រឿងញៀនដកហូតវត្ថុតាងកន្លះគីឡូក្រាម
ភ្នំពេញ៖កម្លាំងនគរបាលប្រឆាំងគ្រឿងញៀនរាជធានីភ្នំពេញបានឃាត់ខ្លួនជនសង្ស័យប្តីប្រពន្ធនិងដកហូតវត្ថុតាងគ្រឿងញៀនកន្លះគីឡូក្រាម។ខណៈដែលកំពុងធ្វើសកម្មភាពជួញដូរគ្រឿងញៀន។ការឃាត់ខ្លួននេះបានធ្វើឡើងនៅចំណុចផ្លូវគីមអ៊ីលសុងក្បែរអង់តែនទួលគោកសង្កាត់បឹងកក់១ខណ្ឌទួលគោកកាលពីរសៀលថ្ងៃទី១៨ ខែឧសភា ឆ្នាំ២០២០។ លោកឧត្តមសេនីយ៍ទោហួតចាន់យ៉ារ៉ានស្នងការរងទទួលផែនការងារប្រឆាំងគ្រឿងញៀនគ្រឿងញៀនប្រាប់ឱ្យដឹងថាជនសង្ស័យទាំង២នាក់មានឈ្មោះសុខធឿនភេទប្រុសអាយុ៣៥ឆ្នាំនិងឈ្មោះគង់ចិន្តាភេទស្រីអាយុ៣០ឆ្នាំជនជាតិខ្មែរគ្មានមុខរបរពិតប្រាកដ។ ការបង្ក្រាបជនសង្ស័យគ្រឿងញៀន២នាក់ប្តីប្រពន្ធជាមួយនឹងគ្រឿងញៀនកន្លះគីឡូក្រាម។ជនសង្ស័យទាំង២នាក់និងវត្ថុតាងគ្រឿងញៀនត្រូវបាននគរបាលជំនាញកំពុងកសាងសំណុំរឿងនិងវត្ថុតាងគ្រឿងញៀនបញ្ជូនទៅតុលាការចាត់ការតាមផ្លូវច្បាប់៕