បាត់ដំបង៖រថយន្តដឹកថ្មបានបើកបុករថយន្តខួងដីដាំបង្គោលភ្លើង ចំពីក្រោយពេញទំហឹងបណ្តាលឱ្យខ្ទាតជាច្រើនម៉ែត្រធ្លាក់ចូលប្រឡាយ តែមិនបង្កគ្រោះថ្នាក់ដល់មនុស្សទេ។គ្រោះថ្នាក់ចរាចរណ៍នេះបានកើតឡើងនៅផ្លូវហៃវ៉េ ស្ថិតក្នុងភូមិស្វាយធំ ឃុំអូរដំបង២ ស្រុកសង្កែ ខេត្តបាត់ដំបង កាលពីរំលងអធ្រាត្រចូលថ្ងៃទី២៩ ខែឧសភា។សាក្សីបានឱ្យដឹងថា មុន កើតហេតុគេឃើញរថយន្រខួងដីដាំបង្គោលអគ្គិសនីបានឈប់នៅចិញ្ចើមផ្លូវ។បន្តិចក្រោយមកស្រាប់តែមានរថយន្តដឹកថ្មម៉ាកហ៊ីយ៉ាន់ដាយ បើកក្នុងល្បឿនលឿនបានបុកពីក្រោយពេញទំហឹងបណ្តាលឱ្យរថយន្តខួងដីខ្ទាតជាច្រើនម៉ែត្រធ្លាក់ចូលប្រឡាយ។រងយន្តទាំង២រងការខូចខាតធ្ងន់ធ្ងរតែមិនបង្កគ្រោះថ្នាក់ដល់មនុស្សទេ។សមត្ថកិច្ចជំនាញបានចុះទៅពិនិត្យនិងបានស្ទូចយករថយន្តទាំង២គ្រឿងទៅទុកនៅការិយាល័យនគរបាលចរាចរណ៍ខេត្តដើម្បីរង់ចាំភាគីចូលខ្លួនដោះស្រាយពេលក្រោយ៕
Related Articles
កែច្នៃផាវយកបោកត្រីបណ្តាលឱ្យផ្ទុះរងរបួសធ្ងន់២នាក់
បាត់ដំបង៖បុរស២នាក់ពួកគេបានយកផាវមកកែច្នៃបំណងទៅបោកត្រីក្នុងស្ទឹងខុសបច្ចេកទេសបណ្តាលឱ្យផ្ទុះរបួសខ្លួនឯងយ៉ាងធ្ងន់ធ្ងរ។ លោកវរសេនីយ៍ទោ ម៉ែន រីម អធិការនគរបាលស្រុកសំឡូតបានឱ្យដឹងថា គ្រោះថ្នាក់យកផាវកែច្នៃនេះនៅត្រង់ម្តុំអូរតាតឹង ក្នុងភូមិសំឡូត ឃុំ/ស្រុកសំឡូតខេត្តបាត់ដំបងកាលពីល្ងាចថ្ងៃទី២៥ ខែឧសភា ឆ្នាំ២០២២។បុរសរងរបួស២នាក់ឈ្មោះមឿន ពិសិទ្ធ អាយុ២៨ឆ្នាំនៅភូមិ ឃុំខាងលើរបួសដាច់កដៃខាងឆ្វេង។ ឈ្មោះសុត សឿន អាយុ៦២ឆ្នាំ នៅភូមិឃុំជាមួយគ្នារបួសដៃជើងខាងស្តាំនិងភ្នែកខាងឆ្វេង។ពួកគេ២នាក់បានយកផាវមកកែច្នៃដើម្បីបោកត្រីក្នុងស្ទឹងដោយខុសបច្ចេកទេសបណ្តាលឱ្យផ្ទុះរងរបួសធ្ងន់តែម្តង។ករណីនេះលោកអធិការដ្ឋាននគរបាលស្រុកសំឡូតបានអំពាវនាវដល់ពលរដ្ឋសូមកុំកែច្នៃផាវបង្កជាគ្រឿងផ្ទុះចៀសវាងការកើតមានគ្រោះថ្នាក់ដល់អាយុជីវិតខ្លួនឯង៕
កំពុងស្វែងរកឃាតកសម្លាប់មន្ត្រីរដ្ឋបាលព្រៃឈើស្រុកវាលវែងម្នាក់
ពោធិ៍សាត់៖សមត្ថកិច្ចកំពុងស្វែងរកចាប់ឃាតកដែលកាប់៧កាំបិតសម្លាប់មន្ត្រីរដ្ឋបាលព្រៃឈើស្រុកវាលវែងម្នាក់ឱ្យស្លាប់ក្នុងថ្លុកឈាមហើយយកសម្ភារមានតម្លៃមួយចំនួនធំរួចគេចខ្លួនបាត់។ករណីឃាតកម្មនេះបង្កឱ្យមានការភ្ញាក់ផ្អើល នៅក្នុងទីស្នាក់ការរដ្ឋបាលព្រៃឈើស្រុកវាលវែង នៅត្រង់ទួលគ្រួស ស្ថិតក្នុងភូមិស្ទឹងថ្មី ឃុំប្រម៉ោយ ស្រុកវាលវែង ខេត្តពោធិ៍សាត់កាលពី យប់ថ្ងៃទី១០ ខែវិច្ឆិកា ឆ្នាំ២០២១ ។ សមត្ថកិច្ចបានឱ្យដឹងថា ជនរងគ្រោះឈ្មោះ សេង វិសាល អាយុ៥២ឆ្នាំជាមន្ត្រីរដ្ឋបាលព្រៃឈើស្រុកវាលវែង ទីលំនៅភូមិពាលញែក១ សង្កាត់ផ្ទះព្រៃ ខេត្តពោធិ៍សាត់។ ជនសង្ស័យមិនស្គាល់អត្តសញ្ញាណ បានយកកាំបិតផ្គាក់កាប់ទៅលើជនរងគ្រោះ ចំនួន៧កាំបិត បណ្តាលឱ្យស្លាប់ក្នុងបន្ទប់លើគ្រែ។ បន្ទាប់ពីសម្លាប់រួច ជនសង្ស័យបានយកសម្ភារមានតម្លៃមួយចំនួនធំរួចគេចខ្លួនបាត់។ទ្រព្យសម្បត្តិដែលបាត់បង់រួមមាន ម៉ូតូឌ្រីម ស៊េរី២០១៩ ពាក់ផ្លាកលេខ ពោធិ៍សាត់ 1I.9761, ទូរសព្ទអាយហ្វូន ៣គ្រឿង និងចិញ្ចៀនពេជ្រ១វង់។បច្ចុប្បន្នសមត្ថកិច្ច កំពុងស្វែងរកមុខជនសង្ស័យដើម្បីយកមកចាត់ការតាមច្បាប់ ៕
ក្មេងស្ទាវ២នាក់នៅភ្នំពេញទៅឆក់កាបូបដល់ស្រុកកំពង់សីលា
ខេត្តព្រះសីហនុ៖ជនសង្ស័យ២នាក់ជិះម៉ូតូមួយគ្រឿងធ្វើសកម្មភាពឆក់យកកាបូបលុយពីក្មេងសិស្សសាលាម្នាក់នៅតាមបណ្តោយផ្លូវជាតិលេខ៤ក្នុងភូមិបឹងត្រាចឃុំចំការហ្លួងស្រុកកំពង់សីលាខេត្ដព្រះសីហនុ។ពួកនេះត្រូវនគរបាលស្រុកសហការជាមួយនគរបាលផ្នែកត្រួតពិនិត្យសណ្តាប់ធ្នាប់ចរាចរណ៍តាមដងផ្លូវស្ទាក់ឃាត់ខ្លួន បានកាលពីព្រលប់ថ្ងៃទី១៨ខែមេសាឆ្នាំ២០២០ ។ មន្ត្រីនគរបាលបានប្រាប់ថា ម្ចាស់កាបូបឈ្មោះ សំ ស្រីពៅភេទស្រីអាយុ១៥ឆ្នាំជនជាតិខ្មែរមុខរបរសិស្ស ជិះម៉ូតូម្នាក់ឯងក្រោយចោរឆក់កាបូបជនរងគ្រោះដួលម៉ូតូដាច់រលាត់ជើង(រងរបួសស្រាល)។សម្ភារបាត់បង់រួមមាន៖កាបូប១,ប្រាក់ចំនួន១៣ម៉ឺនរៀល,ប័ណ្ណដកប្រាក់វីង១សន្លឹកមានទឹកប្រាក់ចំនួន៨០ម៉ឺនរៀលនិងសម្ភារសិក្សា។ ជនសង្ស័យទាំង២នាក់១ឈ្មោះកងរីវីរោទ័អាយុ១៥ឆ្នាំជនជាតិខ្មែរមុខរបរសិស្សមានទីលំនៅភូមិខ១សង្កាត់ច្រាំងចំរេះ ខណ្ឌឫស្សីកែវ រាជធានីភ្នំពេញ។២-ឈ្មោះ លឹម ផាន់អួនសា ភេទប្រុស អាយុ១៥ឆ្នាំ ជនជាតិខ្មែរ មុខរបរសិស្ស មានទីលំនៅភូមិ១២ សង្កាត់ វាលវង់ ខណ្ឌ៧មករា រាជធានីភ្នំពេញ ។ ក្រោយឃាត់ខ្លួនជនសង្ស័យទាំង២នាក់បានសារភាពថាខ្លួនពិតជាបានធើ្វសកម្មភាពជិះម៉ូតូឆក់កាបូបលុយជនរងគ្រោះពិតប្រាកដមែន។ជនសង្ស័យទាំង២នាក់និងវត្ថុតាងបានបញ្ជូនមកកាន់ការិយាល័យនគរបាលព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្ដ ដើម្បីបន្តតាមនីតិវិធី៕