ភ្នំពេញ៖កម្លាំងមន្ទីរប្រឆាំងគ្រឿងញៀនបានចាប់បុរសចិន២នាក់ និងរឹបអូសគ្រឿងញៀនជិត៣គីឡូក្រាម ហើយកសាងសំណុំរឿងបញ្ជូនទៅតុលាការ ដើម្បីចាត់ការតាមច្បាប់។
មន្រ្តីនៃមន្ទីរប្រឆាំងបទល្មើសគ្រឿងញៀនបានឱ្យដឹងកាលពីរសៀលថ្ងៃទី៣០ ខែមិថុនាថា ជនជាតិចិន២នាក់ជាមួយគ្រឿងញៀនជិត៣គីឡូក្រាម ត្រូវបានកម្លាំងជំនាញមន្ទីរប្រឆាំងគ្រឿងញៀន បានបង្ក្រាបក្នុងរាជធានីភ្នំពេញកាលពីថ្ងៃទី២៦ ខែមិថុនាឆ្នាំ២០២៣។
ការបង្ក្រាបនោះប្រព្រឹត្ដនៅផ្លូវបេតុង ក្នុងភូមិបន្លាស្អិត សង្កាត់ឃ្មួញ ខណ្ឌសែនសុខ ដោយឃាត់ខ្លួនបានជនជាតិចិន២នាក់ឈ្មោះ ហ៊ូ ស៊ាវវិននិងឈ្មោះ ចាង ឃុនហុង។ជាមួយនោះសមត្ថកិច្ចដកហូតវត្ថុតាងគ្រឿងញៀនប្រភេទ MDMA ទម្ងន់២គីឡូ៨៣ក្រាម។បច្ចុប្បន្នជនសង្ស័យទាំង២នាក់និងវត្ថុតាងត្រូវបានកម្លាំងជំនាញកសាងសំណុំរឿង បញ្ជូនទៅតុលាការរាជធានីភំ្នពេញដើម្បីបន្តនីតិវិធី៕
