ពោធិ៍សាត់៖បុរស២នាក់ជួបជុំផឹកស៊ី លុះយូរបន្តិចក៏ទាស់សម្តីកើតរឿងរ៉ាវ ឈានដល់ប្រើកាំបិតប៉័ងតោកាប់គ្នា ធ្វើឱ្យម្នាក់រងរបួសគេដឹកទៅដេកពេទ្យ។រីឯម្នាក់ទៀតសមត្ថកិច្ចចាប់យកទៅដេកគុក។ហេតុការណ៍នេះបានកើតឡើងនៅភូមិបត់ត្រាច ឃុំបឹងបត់កណ្ដោល ស្រុកបាកាន ខេត្តពោធិ៍សាត់ កាលពីរសៀលថ្ងៃទី១៧ ខែសីហាឆ្នាំ២០២២៣។លោកវរសេនីយ៍ឯក នាង វុធ អធិការនគរបាលស្រុកបាកានបានឱ្យដឹងថា កម្លាំងនគរបាលប៉ុស្តិ៍រដ្ឋបាលបឹងបត់កណ្ដោល បានឃាត់ខ្លួនជនសង្ស័យម្នាក់ ករណីប្រើហិង្សាដោយកាប់ភាគីដៃគូក្នុងវង់ផឹកស៊ីឱ្យរងរបួសធ្ងន់ ដោយសារទំនាស់សម្ដីគ្នាខណៈស្រវឹងរៀងៗខ្លួន។លោកអធិការបានឱ្យដឹងទៀតថា ជនដៃដល់ឈ្មោះ ផៃ ថៃណា ហៅខ្លា អាយុ២៣ឆ្នាំនៅភូមិ.ឃុំខាងលើ។ចំណែកជនរងរបួស ឈ្មោះ ឈង ហ៊ាង អាយុ៣០ឆ្នាំនៅភូមិ ឃុំជាមួយគ្នា។ ជនរងគ្រោះរបួសត្រង់ក្រោមស្មាផ្នែកខាងស្ដាំធ្ងន់ធ្ងរដែលគូទំនាស់កាប់មួយកាំបិតបុ័ងតោ។ប្រភពបានបន្តថា ករណីនេះផ្ដើមចេញពីការផឹកស្រវឹងរៀងៗខ្លួន ក៏កើតជាទំនាស់សម្ដីឈានដល់កាប់គ្នាតែម្តង។ក្រោយមកអ្នករងរបួសគេជួយដឹកទៅមន្ទីរពេទ្យស្រុកបាកាន ។ចំណែកជនសង្ស័យនិងកាំបិតបុ័ងតោ សមត្ថកិច្ចកំពុងបន្តនីតិវិធីដើម្បីយកទៅដេកគុក៕
Related Articles
បុរសម្នាក់ដេកមិនក្រោកហៅមិនភ្ញាក់ពេលទៅដាស់ទើបដឹងថាស្លាប់
ភ្នំពេញ៖បុរសម្នាក់ដេកមិនក្រោក ហៅមិនភ្ញាក់បងប្អូនដាស់ទៅធ្វើការទើបដឹងថាស្លាប់។ ហេតុការណ៍នេះបានកើតឡើងនៅបន្ទប់ជួលស្ថិតក្នុងភូមិព្រៃស្ពឺ សង្កាត់ចោមចៅទី២ ខណ្ឌពោធិ៍សែនជ័យ កាលពីព្រឹកថ្ងៃទី១ ខែសីហាឆ្នាំ២០២៣។មន្ត្រីមូលដ្ឋានបានឱ្យដឹងថា បុរសដែលស្លាប់ឈ្មោះ សិន ហ៊ុច អាយុ២៦ឆ្នាំជាកម្មកររោងចក្រផលិតប្រអប់បាយ ស្នាក់នៅបន្ទប់ជួលខាងលើជាមួយប្អូនស្រីបង្កើតនិងប្អូនថ្លៃ។ កន្លែងកំណើតភូមិពងទឹក ឃុំគោកពោធិ៍ ស្រុកបូរីជលសារ ខេត្តតាកែវ ។ក្រុមគ្រួសារបានឱ្យដឹងថា កាលពីយប់ថ្ងៃទី៣១ ខែកក្កដាក្រោយហូបបាយរួច ពួកគាត់នាំគ្នាជជែកគ្នាលេងសើច ហើយក៏ចូលដេករៀងៗខ្លួន។លុះព្រឹកថ្ងៃទី១ ខែសីហាឆ្នាំ២០២៣ អ្នកក្នុងបន្ទប់រៀបចំចេញទៅធ្វើការអស់ហើយ។តែបុរសរូបនោះនៅដេកមិនក្រោក ប្អូនស្រីហៅ ក៏មិនភ្ញាក់ ពេលទៅដាស់ស្រាប់តែឃើញស្លាប់បាត់ទៅហើយ។ បន្ទាប់មកសមត្ថកិច្ចជំនាញក៏បានចុះពិនិត្យនិងធ្វើកោសក្យវិច័យ ហើយបានបញ្ជាក់ថាបុរសរូបនេះស្លាប់ដោយខ្យល់គ រួចប្រគល់សពឱ្យក្រុមគ្រួសារយកទៅធ្វើបុណ្យ៕
សមត្ថកិច្ចក្រុងបាត់ដំបងបញ្ជូនជនសង្ស័យម្នាក់ទៅតុលាការ
បាត់ដំបងៈកម្លាំងនគរបាលប្រឆាំងគ្រឿងញៀនខេត្តកាលពីរសៀលថ្ងៃទី២០ខែធ្នូឆ្នាំ២០១៩បានបញ្ជូនជនសង្ស័យម្នាក់ទៅតុលាការពាក់ព័ន្ធនឹងគ្រឿងញៀន។បន្ទាប់ពីសមត្ថកិច្ចក្រុងបាត់ដំបងឃាត់ខ្លួនបាននៅ ចំណុច ក្រុមទី៤ស្ថិត នៅ ភូមិ ព្រៃដាច់សង្កាត់អូរម៉ាល់ក្រុងបាត់ដំបងកាលពីរសៀលថ្ងៃ ទី ១៩ខែធ្នូ ឆ្នាំ ២០១៩ ។ មន្ត្រីនគរបាលប្រឆាំងគ្រឿងញៀនខេត្តបានឱ្យដឹងថាជនសង្ស័យមានឈ្មោះលីរ៉ាឌីភេទប្រុសអាយុ៣២ឆ្នាំរស់នៅភូមិសង្កាត់ខាងលើ។ចំណែកវត្ថុតាងដែលដកហូតបានរួមមាន÷ថ្នាំញៀនប្រភេទមេតំហ្វេតាមីន(ម៉ាទឹកកកICE)ចំនួន២ថង់ទម្ងន់៦,៨៤ក្រាមទូរស័ព្ទដៃ១គ្រឿងកូនជញ្ជីងសម្រាប់ថ្លឹងថ្នាំញៀនចំនួន១ថង់សម្រាប់ច្រកថ្នាំញៀនមួយចំនួននិងសម្ភារៈសម្រាប់ប្រើប្រាស់ថ្នាំញៀនមួយចំនួន៕
អាវុធហត្ថខេត្តស្ទឹងត្រែងបំពាក់ឋានន្តរសក្កិយោធិន៣៩នាក់
ស្ទឹងត្រែង៖កាលពីព្រឹកថ្ងៃទី១៨ខែមិថុនាឆ្នាំ២០២០ទីបញ្ជាការកងរាជអាវុធហត្ថខេត្តស្ទឹងត្រែងមានបំពាក់ឋានន្តរស័ក្កដល់យោធិននៃកងរាជអាវុធហត្ថសរុបចំនួន៣៩នាក់។ពិធីនេះក្រោមការចូលរួមពីលោកឧត្តមសេនីយ៍ត្រីអៀងវ៉ានឌីមេបញ្ជាការកងរាជអាវុធហត្ថខេត្តស្ទឹងត្រែង។នៅក្នុងនោះថ្នាក់វរៈសេនីយ៍ទោ២នាក់ថ្នាក់វរៈសេនីយ៍ត្រី៩នាក់ថ្នាក់អនុសេនីយ៍ឯក៥នាក់អនុសេនីយ៍ត្រី១០នាក់នាយចំណង់១នាក់និងព្រិនបាលឯកចំនួន១២នាក់។ លោកអៀងវ៉ាន់ឌីមេបញ្ជាការកងរាជអាវុធហត្ថខេត្តស្ទឹងត្រែងបាននិយាយថានៅទីបញ្ជាការកងរាជអាវុធហត្ថខេត្តសោកស្តាយផងដែរដោយយោធិននៅមូលដ្ឋានខេត្តស្ទឹងត្រែងខ្លះមានជំងឺនិងខ្លះត្រូវបាត់បងជីវិត។ បើទោះបីជាបែបនេះសកម្មភាពរក្សាសន្តិសុខសណ្តាប់ធ្នាប់ជូនពលរដ្ឋក្នុងខេត្តស្ទឹងត្រែងកងរាជអាវុធហត្ថយើងដែលបានបំបែកសំណុំរឿងធំៗបង្ក្រាបគ្រឿងញៀនប្រតិបត្តិការបង្ក្រាប។បទល្មើសចោរលួចឆ្លងខេត្តបង្ក្រាបបទល្មើសព្រៃឈើនិងជួយអន្តរាគមន៍ដល់ប្រជាពលរដ្ឋទៅកាន់មន្ទីរពេទ្យ។ លោកមេបញ្ជាការបានផ្តាំផ្ញើទៅយោធិននៃកងរាជអាវុធហត្ថខេត្តស្ទឹងត្រែងត្រូវបន្តយកចិត្តទុកដាក់បំពេញភារៈកិច្ចទួនាទីរបស់ខ្លួនអោយកាន់តែប្រសើរជាងនេះបន្តទៀតដើម្បីធានារការពារសន្តិសុខសណ្តាប់ធ្នាប់ជូនប្រជាពលរដ្ឋក្នុងខេត្តបន្ថែមទៀត៕ខុម