ភ្នំពេញ៖សមត្ថកិច្ចបានចាប់ក្រុមទំនើងម្នាក់ ចំណោមបក្ខពួក៥នាក់កំពុងរត់គេចខ្លួន។បន្ទាប់ពួកគេនាំគ្នាដេញកាប់ មនុស្សមួយក្រុមទៀតបង្កខូចខាតម៉ូតូ៣គ្រឿង នឹងត្រៀមបញ្ជូនទៅតុលាការ។ហេតុការណ៍នេះបានកើតឡើងនៅម្តុំផ្លូវ១០០៣ សង្កាត់ច្រាំចំរេះ១ ខណ្ឌឬស្សីកែវ កាលពីយប់ថ្ងៃទី២៩ ខែសីហាកន្លងទៅ។
លោកវរសេនីយ៍ឯក ហ៊ាង ថារ៉េត អធិការខណ្ឌឬស្សីកែវបានឱ្យដឹងថា ជនសង្ស័យដែលឃាត់ខ្លួនឈ្មោះ ចិត្រប្រុសម៉ិញ អាយុ១៧ឆ្នាំជាងធ្វើម៉ូតូនៅភូមិសំរោង សង្កាត់សំរោង ខណ្ឌព្រែកព្នៅ។ពេលចាប់ខ្លួនសមត្ថកិច្ចដកហូតទូរសព្ទ១គ្រឿង-ដាវកែច្នៃចំនួន២ជារបស់ក្រុមទំនើង។
ចំណែកជនរងគ្រោះ៣នាក់ ឈ្មោះ ទី វ៉ាន់ដាអាយុ១៨ឆ្នាំ ត្រូវគេកាប់កម្ទេចម៉ូតូបែកកុងទ័រ-បែកក្បាំងនិងដាច់ផ្លាកលេខ។ឈ្មោះ មឿន សុវណ្ណារិទ្ទ អាយុ១៧ឆ្នាំ-ឈ្មោះ ជៀន ម៉េងលី អាយុ២២ឆ្នាំម៉ូតូខូចខាតច្រើនកន្លែង។ពួកគេនៅភូមិព្រះប្រសប់ ឃុំខ្សាច់កណ្តាល ស្រុកខ្សាចកណ្តាល។ ក្រោយឃាត់ខ្លួននិងសាកសួររួចកម្លាំងនគរបាលខណ្ឌឬស្សីកែវ បានកសាងសំណុំរឿងត្រៀមបញ្ជូនទៅតុលាការភ្នំពេញដើម្បីចាត់ការតាមនីតិវិធី៕
