ភ្នំពេញ៖គ្រោះថ្នាក់ចរាចរណ៍ដោយរថយន្តបានបុកម៉ូតូ បណ្តាលឱ្យមន្ត្រីយោធាម្នាក់ស្លាប់មួយរំពេច ហើយក៏បើករត់បាត់ត្រូវសមត្ថកិច្ចតាមរកចាប់យកមកចាត់ការតាមច្បាប់។ហេតុការណ៍នេះបានកើតឡើងនៅតាមផ្លូវជាតិលេខ១ ក្នុងសង្កាត់ក្បាលកោះ ខណ្ឌច្បារអំពៅ កាលពីរំលងអធ្រាត្រចូលថ្ងៃទី១០ ខែវិច្ឆិកា។សាក្សីបានដឹងថា មុនកើតហេតុឃើញបុរសម្នាក់ជិះម៉ូតូម៉ាក Today ផ្លាកលេខភ្នំពេញ 1GY-6372 បើកតាមផ្លូវជាតិលេខ១ពីលិចទៅកើត។ មកដល់កន្លែងខាងលើស្រាប់តែមានរថយន្តមិនស្គាល់ម៉ាកបុកពេញមួយទំហឹង បណ្ដាលឱ្យជនរងគ្រោះស្លាប់ភ្លាម។ រថយន្តបង្កក៏បានបន្ថែមល្បឿនបើករត់បាត់។ ចំណែកសពជនរងគ្រោះមានកាតមួយសន្លឹកនៅក្បែរខ្លួនបញ្ជាក់ថាជាមន្ត្រីយោធា។បន្ទាប់ពីកើតហេតុកម្លាំងនគរបាលខណ្ឌច្បារអំពៅ បានចុះពិនិត្យវាស់វែងហើយយកម៉ូតូទៅទុក និងបន្តស្រាវជ្រាវតាមចាប់រថយន្តបង្ក ដើម្បីឱ្យម្ចាស់មកទទួលខុសត្រូវក្នុងករណីនេះតាមច្បាប់។ចំណែកសពប្រគល់ឱ្យក្រុមគ្រួសារយកទៅធ្វើបុណ្យ៕
Related Articles
គ្រាប់បែកដៃជាង៣០០គ្រាប់អាចបង្កគ្រោះថ្នាក់ដល់មនុស្សបាន
សៀមរាប៖ ប្រធានកងឯកភាពកំចាត់មីនស៊ីម៉ាក់(CMAC)បានថ្លែងថា គ្រាប់បែកដៃប្រមាណ ៣២៥គ្រាប់ ពិតជាមហាគ្រោះថ្នាក់បើសិនមានការប៉ះពាល់ឬជ្រុះធ្លាក់លើដី។ លោកអ៊ាន សុធា ប្រធានកងកំចាត់មីនទី៤ ប្រចាំខេត្តសៀមរាបនិងកំពង់ធំ ថ្លែងថាគ្រាប់បែកចំនួន៣២៥គ្រាប់នេះ ផលិតនៅប្រទេសអង់គ្លេស ម៉ាក(36 UK ) វាអាចប្រឈមគ្រោះថ្នាក់ដល់មនុស្សប្រសិនបើមានការប៉ះពាល់ឬធ្វើជ្រុះធ្លាក់ទៅដី។ លោកបន្ដថា គ្រប់បែកដៃនោះត្រូវគេបានកប់ចោល ជាច្រើនឆ្នាំមកហើយ នៅម្តុំឃ្លាំងគ្រាប់មូយ កន្លែងក្នុងក្រុងសៀមរាប។ តែមិនអាចសន្និដ្ឋានថា បានកប់ទុកចោលនៅក្នុងឆ្នាំណានោះទេ។ គ្រាប់បែកនេះប្រទះឃើញ ដោយក្រុមការងាររបស់មន្ទីរប្រៃសណីយ៍និងទូរគមនាគមន៍ពេលជីកដី រៀបចំបណ្តាញខ្សែកាប កាលពីថ្ងៃទី១០ ខែកក្កដា។ តែវាសំណាងណាស់ ដែលកាយចំហើយវាមិនផ្ទុះនោះ។ ទីតាំងដែលប្រទះឃើញគ្រាប់នោះ ស្ថិតនៅជាប់របងរបងវិទ្យា ល័យ ១០មករា ១៩៧៩ ក្នុងភូមិមណ្ឌល២ សង្កាត់ស្វាយដង្គំ ក្រុងសៀមរាប។លោកបានបន្ថែមថា ក្រុមដោះមីនCMAC ប៉ាន់ ស្មាននៅសល់ប្រហែល២០ភាគរយទៀត។ ក្នុងពេលនេះ ជំនាញ CMAC កំពុងបន្តរកគ្រាប់ទាំងនោះដើម្បីយកទៅកម្ទេចចោល៕ដោយ៖ស.សែត
ជិះម៉ូតូលឿនទៅបុកគោយន្តពីក្រោយបណ្តាលឱ្យស្លាប់
បាត់ដំបង៖បុរសម្នាក់ជិះម៉ូតូលឿនទៅបុកគោយន្តកន្ត្រៃពីក្រោយបណ្តាលឱ្យស្លាប់ភ្លាមនៅ ភូមិបឹងសង្កែ ស្រុកបវេល ខេត្តបាត់ដំបងកាលពីរសៀលថ្ងៃទី ២៤ ខែវិច្ឆិកា។លោក សុខ សារិន អធិការនគរបាលស្រុកបវេលបានឱ្យដឹងថា គ្រោះថ្នាក់ចរាចរណ៍នេះបានកើតឡើង ពេលម្ចាស់គោយន្តកន្ត្រៃមានសណ្ដោងរឺម៉កឈ្មោះរើន រ៉ាត់ អាយុ ៣៧ ឆ្នាំនៅភូមិតាខៀវ ស្រុកបវេល បានឈប់ចតលើចិញ្ចើមផ្លូវខាងស្ដាំ។ ក្រោយមកក៏ស្រាប់តែមានម៉ូតូម៉ាកហុងដាឌ្រីម ផ្លាកលេខបន្ទាយមានជ័យ ១C-០០១៣បើកយ៉ាងលឿនមកបុកចំពីក្រោយពេញទំហឹងបណ្ដាលឱ្យដួលស្លាប់តែម្តង។អ្នកដែលស្លាប់ឈ្មោះអ៊ឹម ណៃ ភេទប្រុស អាយុ ៥៧ ឆ្នាំនៅភូមិម៉ាក់ឃ្លឿ ឃុំព្រៃខ្ពស់ ស្រុកបវេល។បន្ទាប់ពីកើតហេតុសមត្ថកិច្ចបានចុះពិនិត្យ និងបានយកមធ្យោបាយទាំង២ទៅរក្សាទុកនៅអធិការដ្ឋានគរបាលស្រុកបវេលរង់ចាំការដោះស្រាយនាពេលក្រោយ៕
ប្រជុំពិភាក្សានិងត្រួតពិនិត្យលទ្ធផលស្តីពីការចុះវាស់វែងនិងផ្ទៀងផ្ទាត់ទិន្នន័យក្បាលដី
បាត់ដំបង៖នៅសាលាខេត្តបាត់ដំបងកាលពីរសៀលថ្ងៃទី២៩ខែមិថុនាឆ្នាំ២០២០មានរៀបចំកិច្ចប្រជុំពិភាក្សានិងត្រួតពិនិត្យលទ្ធផលស្តីពីការចុះវាស់វែងនិងផ្ទៀងផ្ទាត់ទិន្នន័យក្បាលដីករណីវិវាទដីធ្លីរវាងលោកសងថននិងប្រជាពលរដ្ឋ។ក្រោមវត្តមានលោកទេពធនរដ្ឋលេខាធិការក្រសួងរៀបចំដែនដី នគរូបនីយ៍កម្ម និងសំណង់និងលោកងួន រតនៈអភិបាលខេត្ត។ ចូលរួមក្មុងកិច្ចប្រជុំនេះរួមមានប្រតិភូក្រសួងលោកសឿមប៊ុនរិទ្ធអភិបាលរងខេត្តលោកអភិបាលស្តីទីស្រុកគាស់ក្រឡ,លោកអ៊ូដារីប្រធានមន្ទីរដែនដីនគរូបនីយ៍កម្មសំណង់និងសុរិយោដីខេត្តបាត់ដំបងនិងមន្ត្រីពាក់ព័ន្ធមួយចំនួន។ គួរបញ្ជាក់ថាទីតាំងវិវាទដីធ្លីរវាងលោកសងថននិងប្រជាពលរដ្ឋស្ថិតក្នុងភូមិសាស្ត្រឃុំឆ្នាល់មាន់(ភូមិតានួតចំណុចភ្នំស្នរ)និងឃុំព្រះផុស(ភូមិសំរោង ចំណុចដំណាក់អង្ក្រង )ស្រុកគាស់ក្រឡខេត្តបាត់ដំបង៕