សៀមរាប៖ក្រោយពីមានការបង្ហោះឃ្លីបវីដេអូ តាមបណ្តាញហ្វសរប៊ុក និងប្រព័ន្ធផ្សព្វផ្សាយសារព័ត៌មាន ដោយបង្ហាញពីមន្ត្រីអាជ្ញាធរជាតិអប្សរា បានប្រើហិង្សាលើក្មេងប្រុសតូច ដែលលក់ទំនិញមុខអង្គរវត្ត កាលពីថ្ងៃទី១១ខែមករា។លុះថ្ងៃទី១២ខែមករាអាជ្ញាធរជាតិអប្សរាបានប្រកាសដាក់ពិន័យរដ្ឋបាល ធ្វើកិច្ចសន្យា និងឱ្យមន្ត្រី២រូបផសមត្ថកិច្ចឱ្យ សុំទោសដល់ឪពុកម្តាយ និងក្មេងរងគ្រោះជាសាធារណៈ។
ប៉ុន្តែការប្រកាសនេះ មហាជនលើសង្គមហ្វេសប៊ុកបានផ្ទុះកំហឹង និងបញ្ចេញមតិថា អាជ្ញាធរជាតិអប្សរាអនុវត្តបែបនេះ ជាការបញ្ឆេះឱ្យមនុស្សភាគច្រើនកាន់តែមានកំហឹងខ្លាំងឡើង។ដោយពួកគាត់អះអាងថា “ក្នុងនាមជាប្រជាពលរដ្ឋខ្មែរ ពួកគាត់មិនអាចទទួលយកនូវចំណាត់ការបស់ អាជ្ញាធរជាតិអប្សរា ដោយគ្រាន់ជាការព្រមានហើយ សុំទោសរួចខ្លួននោះទេ។ពីព្រោះការប្រើអំពើហិង្សាលើកុមារ ជាបទល្មើសព្រហ្មទណ្ឌ”។
គួរតែមានវិធានការធ្ងន់ជាងនេះ ព្រោះជនដែលប្រើហឹង្សាលើក្មេងតូច មិនសម្យជាអ្នកធ្វើការក្នុងវិស័យនេះទេ វានាំឱ្យអាម៉ាស់ដល់មន្ត្រីល្អជាច្រើនផ្សេងទៀត ដោយសុំឱ្យមានវិធានកាធ្ងន់ជាងនេះឬដកចេញពីក្របខណ្ឌតែម្តង ។មហាជនភាគច្រើនចង់ឃើញស្ថាប័នមានសមត្ថកិច្ច និងអង្គការសិទ្ធិកុមាររកយុត្តិធម៌ជូនក្មេងរងគ្រោះ។
តែទោះយ៉ាងណា ព្រឹកថ្ងៃទី១៣ ខែមករា ស្នងការដ្ឋាននគរបាលខេត្តសៀមរាប បានបង្ហោះសារតាមរផេកហ្វេសប៊ុកថា នាពេលកន្លងទៅថ្មីៗនេះ ពាក់ព័ន្ធនឹងការប្រើហិង្សារបស់បុគ្គលិកសណ្ដាប់ធ្នាប់នៃអាជ្ញាធរជាតិអប្សរា ទៅលើក្មេងប្រុសដើរលក់កូនសត្វអណ្ដើកចល័ត នៅបរិវេណកសិន្ធុមុខប្រាសាទអង្គរវត្ត។ ករណីនេះកម្លាំងនគរបាលខេត្តសៀមរាប បានឃាត់ខ្លួនជនសង្ស័យ២នាក់ ជាបណ្តោះអាសន្នដើម្បីបន្តនីតិវិធី៕
