ក្រចេះ៖ក្នុងឆ្នាំ២០២៣ ផ្សោតអន្លង់កាំពីបានកើតថ្មីចំនួន៦ក្បាល សម្រាប់ភ្ញៀវទស្សនាកម្សាន្ត និងមួយផ្នែកក្នុងការបង្កើនប្រាក់ចំណូល ដល់សហគមន៍ទេសចរណ៍ នៅខេត្តក្រចេះ។កាលពីថ្ងៃទី១៥ខែ មករាឆ្នាំ២០២៤ មន្ត្រីអាជ្ញាធរខេត្ដក្រចេះបានឱ្យដឹងថា ផ្សោតកើតថ្មីចំនួន ៦ក្បាល បន្ថែមទៀតក្នុងឆ្នាំ២០២៣ ដែលជាផ្នែកមួយក្នុងការបង្កើន ប្រាក់ចំណូលដល់ប្រជាសហគមន៍ និងភ្ញៀវទេសចរទស្សនាកម្សាន្តសម្រាប់ឆ្នាំថ្មីបន្តទៀត ។មន្ត្រីដដែលបានបន្តថា ខេត្ដក្រចេះស្ថិតនៅតំបន់ខ្ពង់រាបភូមិភាគឦសាន្ដ ដែលមានទន្លេមេគង្គហូរកាត់ប្រវែងប្រមាណ១៤០គីឡូម៉ែត្រ។ទន្លេមេគង្គក្នុងខេត្តក្រចេះ សំបូរអន្លង់ជំរកត្រីមេពូជ ទឹកជួរព្រៃលិចទឹក ថ្មកាំង និងមានអន្លង់ចំនួន៦២អន្លង់។ ក្នុងនោះមានជម្រកត្រី និងជម្រកសត្វផ្សោតចំនួន៥កន្លែង ដែលត្រូវបានរៀបចំ ជាចំណាត់ថ្នាក់ ជាកន្លែងការពារអភិរ័ក្ស ធនធានជលផលនិងជីវចម្រុះ តំបន់គ្រប់គ្រងនិងការពារសត្វផ្សោតទន្លេមេគង្គ។ ខេត្តក្រចេះលាតសន្ធឹងចាប់ពីក្បាលកោះទ្រង់ ក្នុងក្រុងក្រចេះរហូតដល់ព្រំប្រទល់ខេត្ដស្ទឹងត្រែង មានប្រវែង៨៥គីឡូម៉ែត្រ ត្រូវបានបែងចែកជាតំបន់ស្នូល និងតំបន់ទ្រនាប់៕
Related Articles
អភិបាលខេត្តនាំយកអំណោយរាជរដ្ឋាភិបាលចែកជូនពលរដ្ឋជាង១.០០០គ្រួសារក្នុងស្រុកចំនួន៣
ព្រះវិហារ៖អភិបាលខេត្តព្រះវិហារនៅព្រឹកថ្ងៃទី៤ខែឧសភា ឆ្នាំ២០២១បាននាំយកអំណោយជាស្បៀងអាហាររបស់រាជរដ្ឋាភិបាលកម្ពុជា ផ្ដល់ជូនសមាគមអតីតយុទ្ធជននិងស្រុកចំនួន៣ សម្រាប់បន្ដទៅចែកជូនពលរដ្ឋដែលខ្វះខាតចាំបាច់ ក្នុងបរិបទនៃការរីករាលដាលនៃជំងឺកូវីដ១៩។ អំណោយនេះត្រូវបាននាំយកមកប្រគល់ជូនរដ្ឋបាលស្រុកសង្គមថ្មី,ស្រុកគូលែន,ស្រុកត្បែងមានជ័យនិងសមាគមអតីតយុទ្ធជនដើម្បីបន្ដទៅចែកជូនដល់ជនងាយរងគ្រោះតាមសហគមន៍ ជាគ្រួសារអតីយុទ្ធជន និងជនរងគ្រោះដោយធម្មជាតិ ក្នុងកំឡុងពេលនៃការរីករាលដាលនៃជំងឺកូវីដ១៩ សរុបចំនួន ១.២៣០គ្រួសារ។ លោកប្រាក់ សុវណ្ណអភិបាលខេត្តព្រះវិហារ បានជម្រុញណែនាំដល់អ្នកពាក់ព័ន្ធក្នុងការ បន្ដចែកជូនអំណោយដល់ប្រជាពលរដ្ឋក្នុងមូលដ្ឋានស្រុករបស់ខ្លួន។ធ្វើយ៉ាងណាត្រូវជ្រើសរើស ឱ្យចំគោលដៅពិតប្រាកដ និងចុះចែកដោយផ្ទាល់តាមខ្នងផ្ទះ ឬប្រមូលផ្ដុំជាក្រុម តូចៗ ដោយគោរពទៅតាមវិធានការរបស់ក្រសួងសុខាភិបាល។ គួរបញ្ជាក់ថា៖ ក្នុងឆ្នាំ២០២០កន្លងមក រាជរដ្ឋាភិបាលកម្ពុជា ក៏បានផ្ដល់អំណោយជាគ្រឿងឧបភោគបរិភោគមករដ្ឋបាលខេត្តព្រះវិហារសរុបចំនួន ១.៣៨១គ្រួសារ។ ដោយឡែកឆ្នាំ២០២១នេះ រាជរដ្ឋាភិបាលក៏បានបន្ដផ្ដល់អំណោយជាស្បៀងអាហារមករដ្ឋបាលខេត្តព្រះវិហារ ចំនួន ១.២៣០គ្រួសារទៀត។ សម្រាប់ចែកជូនគ្រួសារអតីតយុទ្ធជន និងប្រជាពលរដ្ឋខ្វះខាតចាំបាច់ក្នុងកំឡុងពេលនៃការរីករាលដាលនៃជំងឺកូវីដ១៩.អំណោយទាំងនេះ រួមមានៈ អង្ករ, ត្រីខកំប៉ុង, មីខ្លាឃ្មុំ, ទឹកស៊ីអ៊ីវ, ទឹកត្រី, កន្ទេល និងក្រម៉ាជាដើម៕ដោយ៖សៅវ៉ាន់ឌី
បង្ក្រាបគ្រឿងញៀនឃាត់ខ្លួនជនជាតិឡាវ២នាក់នៅខេត្តស្ទឹងត្រែង
ស្ទឹងត្រែង៖ជនជាតិឡាវ២នាក់ត្រូវបានកម្លាំងមន្ទីរប្រឆាំងគ្រឿងញៀនដឹកនាំដោយឧត្តមសេនីយ៍ឯកឡឹកវណ្ណៈនាយកមន្ទីរប្រឆាំងគ្រឿងញៀន។ឧត្តមសេនីយ៍ត្រីយិនបញ្ញារិទ្ធនាយករងមន្ទីរប្រឆាំងគ្រឿងញៀននិងឧត្តមសេនីយ៍ទោដុសវណ្ណាសុវឌ្ឃនៈនាយការិយាល័យក៩សហការជាមួយកម្លាំងBLOប្រចាំព្រំដែន។ប្រតិបត្តិការនេះធ្វើឡើងនៅភូមិសាស្ត្រស្រុកបុរីអូរស្វាយសែនជ័យខេត្តស្ទឹងត្រែងកាលពីល្ងាចថ្ងៃទី១១ខែកក្កដាឆ្នាំ២០២០។ សមត្ថកិច្ចចុះបង្ក្រាបបានបញ្ជាក់ថាជនសង្ស័យជនជាតិឡាវដែលសមត្ថកិច្ចចាប់ខ្លួនមានទី១ឈ្មោះស៊ូបាន់ភេទប្រុសអាយុ៣២ឆ្នាំមានស្រុកកំណើតភូមិណាសែងខាំស្រុកសៃខេត្តឧត្តមសៃ។ទី២ឈ្មោះចាន់ឌីភេទប្រុសអាយុ ៣១ឆ្នាំរស់នៅភូមិភៀងញ៉ស្រុកសៃខេត្តឧត្តមសៃ។ នៅក្នុងប្រតិបត្តិការចុះបង្ក្រាបករណីជូញដូរគ្រឿងញៀនឆ្លងដែនសមត្ថកិច្ចដកហូតបានថ្នាំញៀនចំនួន៦កញ្ចប់ដែលភស្តុតាងដាក់នៅក្នុងវ៉ាលីសមួយ។ បន្ទាប់ពីឃាត់ខ្លួនជនជាតិឡាវទាំងពីរនាក់រួមជាមួយគ្រឿងញៀនមួយវ៉ាលីកម្លាំងសមត្ថកិច្ចបានបញ្ជូនជនសង្ស័យពីព្រំដែនកម្ពុជាឡាវមកកាន់ស្នងការដ្ឋាននគរបាលខេត្តស្ទឹងត្រែងទាំងយប់។ដោយមានការចូលរួមពីស្ថាប័នអយ្យការអមសាលាដំបូងខេត្តស្ទឹងត្រែង។ នេះគឺជាករណីថ្មីមួយទៀតបន្ទាប់ពីបង្ក្រាបបានសារធាតុមេតំតាមហ្វេតាមីនក្រាមពណ៌សចំនួន៧គីឡូក្រាមកាលកន្លងទៅថ្មីៗនេះ៕សុខុម
លទ្ធភាពស្រោចស្រពដោយប្រព័ន្ធធារាសាស្ត្របានដល់៦២ភាគរយហើយ
ភ្នំពេញ៖ប្រព័ន្ធធារាសាស្ត្រដែលបានកសាងឡើងរួចជាបន្តបន្ទាប់ដោយរាជរដ្ឋាភិបាលកម្ពុជាតាមរយៈក្រសួងធនធានទឹកនិងឧតុនិយមគិតមកទល់នឹងពាក់កណ្តាលឆ្នាំ២០២០នេះមានលទ្ធភាពស្រោចស្រពផ្ទៃដីកសិកម្មបាន៦២,០៦ភាគរយនៃផ្ទៃដីដាំដុះចំនួន២.៩៥៧.៤០០ហិកតាហើយ។ គេរំពឹងថានឹងកើនឡើងច្រើនជាងនេះទៀតនៅឆ្នាំ២០២៣បន្ទាប់ពីគម្រោងអភិវឌ្ឍន៍ប្រព័ន្ធធារាសាស្ត្រធំៗចំនួន១២គម្រោងបានបញ្ចប់នៅមុនឆ្នាំ២០២៣នោះ។នេះបើតាមលោករដ្ឋមន្ត្រីក្រសួងធនធាន ទឹកនិង ឧតុនិយមបានឱ្យដឹង កាលពីថ្ងៃទី ២៦ ខែមិថុនាឆ្នាំ២០២០។ កាលពីថ្ងៃទី២៦ខែមិថុនាឆ្នាំ២០២០អ្នកយកព័ត៌មានបានជម្រាបសួរលោកលឹមគានហោរដ្ឋមន្ត្រីក្រសួងធនធានទឹកនិងឧតុនិយមតាមរយៈសំណួរថាប្រព័ន្ធធារាសាស្ត្រដែលបានសាងសង់រួចជាបន្ទាប់មកដល់ពេលនេះតើមានលទ្ធភាពស្រោចស្រពលើផ្ទៃដីកសិកម្មបានចំនួនប៉ុន្មានភាគរយនៃផ្ទៃដីដែលគ្រោងដាំដុះប្រមាណជា២,៥លានហិកតាក្នុងរដូវវស្សានិងនៅរដូវប្រាំងបានចំនួនប៉ុន្មានសែនហិកតា? លោកលឹមគានហោរដ្ឋមន្ត្រីក្រសួងធនធានទឹកនិងឧតុនិយមបានមានប្រសាសន៍ដូច្នេះថា៖លទ្ធភាពស្រោចស្រពដោយប្រព័ន្ធធារាសាស្ត្ររួមនៅក្នុងឆ្នាំ២០១៩បានលើផ្ទៃដីដាំដុះចំនួន១.៨៣៥.៤២២ហិកតា។ក្នុងនោះស្រូវប្រាំង មាន ចំនួន៥៣៧.០៧៧ហិកតានិងវស្សាចំនួន ១.២៩៨.៣៤៥ ហិកតា។ បើប្រៀបធៀប នឹងផ្ទៃដីបង្កបង្កើនផលសរុបក្នុងឆ្នាំ២០១៩ ដែលមានចំនួន២.៩៥៧.៤០០ហិក តា នោះ គឺស្មើ៦២,០៦ភាគរយនៃផ្ទៃដីដែលបានដាំដុះ ។ លោករដ្ឋមន្ត្រីបានឱ្យដឹងទៀតថាបើធ្វើការប្រៀបផ្ទៃដីបង្កបង្កើនផលស្រូវរវាងឆ្នាំ២០១៩ទៅនឹងឆ្នាំ១៩៦៧ដែលចាត់ទុកថាជាសម័យកាលរុងរឿងពីអតីតកាលលើវិស័យកសិកម្មនោះ។កាលនោះផ្ទៃដីបង្កបង្កើនផលស្រូវមានត្រឹមកម្រិត២.២៥៣.០០០ហិកតានោះលទ្ធភាពស្រោចស្រពដោយប្រព័ន្ធធារាសាស្ត្រសព្វថ្ងៃបានរហូតទៅដល់៨១,៤៦ភាគរយ(សម្រាប់ផ្ទៃដីឆ្នាំ១៩៦៧)។ នៅពេលសួរថា ពេលនេះមានគម្រោងប្រព័ន្ធធារាសាស្ត្រថ្មីធំៗចំនួនប៉ុន្មាន ដែលបានកំពុងអនុវត្ត និង ពេលគម្រោងទាំងនោះសាងសង់រួចតើលទ្ធភាពផ្គត់ផ្គង់ទឹកសម្រាប់ស្រោចស្រពលើផ្ទៃដីកសិកម្មនឹងកើនឡើងដល់ ចំនួនប៉ុន្មានទៀត នៅ ក្នុងឆ្នាំខាងមុខ? លោកលឹមគានហោបានបញ្ជាក់ថាសម្រាប់គម្រោងថ្មីធំៗមានចំនួន១២គម្រោងដែលអាចមានលទ្ធភាពស្រោចស្រពលើផ្ទៃដីសរុបចំនួន៣៧៥.៤៣២ហិកតា(ទាំងប្រាំងនិងវស្សា)គម្រោងខ្លះនឹងបញ្ចប់នៅចុងឆ្នាំ២០២០,២០២១និងបញ្ចប់រួចរាល់ទាំងអស់នៅឆ្នាំ២០២៣។ប្រព័ន្ធធារាសាស្ត្រនៅក្នុងសម័យកាលរាជរដ្ឋាភិបាលដឹកនាំដោយសម្តេចអគ្គមហាសេនាបតីតេជោហ៊ុនសែននាយករដ្ឋមន្ត្រី។ លោកលឹម គានហោធ្វើជា រដ្ឋមន្ត្រីក្រសួងធនធានទឹកច្រើនជាងបួនអាណត្តិមកនេះ ត្រូវបានគេមើលឃើញ ថាមានការរីកចម្រើនគួរកត់សម្គាល់។ដោយចេញដំណើរពីការស្តារមកកសាងនិងអភិវឌ្ឍន៍ហើយឈានទៅធ្វើការពង្រីកនិងពង្រឹងសមត្ថភាពគ្រប់គ្រងទឹកសម្រាប់បម្រើដល់តម្រូវការដាំដុះនិងសម្រាប់ការប្រើប្រាស់ប្រចាំថ្ងៃ ក្នុងដំណាក់កាលអា កាសធាតុប្រែប្រួលខ្លាំង។ រំលឹកពីប្រព័ន្ធធារាសាស្ត្ររបស់ក្រសួងធនធានទឹកនិងឧតុនិយមកាលពីជាង៣០ឆ្នាំមុនមានត្រឹមជាទំនប់ប្រឡាយដីមានទំហំតូចៗនិងមធ្យមសាងសង់ឡើងដោយកម្លាំងពលកម្មគ្រាន់តែសម្រាប់នាំទឹកឬបញ្ជូនទឹកចេញពីប្រភព បឹង ព្រែក អូរ អាង ធម្មជាតិនៅពេលមានភ្លៀងមិនគ្រប់គ្រាន់ក្នុងរដូវវស្សា ។ ដែលខុស គ្នាដាច់នឹងពេលនេះនូវរាល់ ការសាង សង់ ប្រើគ្រឿងចក្រគ្រប់ធុនសម្រាប់ធ្វើការ សាង សង់ទំនប់អាងទឹកធំៗប្រឡាយមេប្រឡាយរងរហូតដល់ប្រឡាយជើងក្អែបសម្រាប់បញ្ចូលទឹកដល់ស្រែដោយនៅកន្លែងមួយចំនួនសាងសង់រួចពីបេតុងមានទឹកសម្រាប់ស្រោចស្រពគ្រប់រដូវកាលទៀតផង។ អាងទឹកធំៗនិងប្រព័ន្ធធារាសាស្ត្រតាមបែបទំនើបកម្មដែលរាជរដ្ឋាភិបាលបានកសាងរួចតាមរយៈក្រសួងធនធានទឹកនិងឧតុនិយមដោយមានកិច្ចសហការល្អពីដៃគូអភិវឌ្ឍន៍ជាច្រើននោះមាននៅក្នុងខេត្តពោធិសាត់ […]